大阪李朝園 (已結業)

【一口芝士蛋包飯】$128 挑戰難度之選 睇到人地咁輕鬆玩小丸子⚽當然要挑戰下蛋包飯一次過整足一打 成功率有 ... 3粒🙆‍️ 最重要係飯同蛋醬粘在一起️😋唔得就係咁加蛋醬啦👨🍳普通小丸子易整好多囉🌚我下次要玩果個！係好玩嘅，食就係普通芝士蛋炒飯咁囉【韓式五花腩】$88 肉質比較乾身 有肉有生菜🍀感覺健康D所以普通啦【滿腹套餐】$88 有韓國冷麵 有泡菜又涼涼地好舒服加埋一個石鍋飯 絕對係維生餐🤗都ok ge

去銅鑼灣成日都會經過駱克道比門口既小丸子公仔吸引住...琴日就叫左朋友同我一齊去試下因為OT... 我地去到都8:30..場內唔係好大.. 全場爆滿我地等左10MINS 就安排到位置比我地黎到..當然必要叫佢既主打 小丸子啦餐廳細心地將燒丸子既過程印出黎比客人睇ORDER 左一陣...好快就黎左燒丸子既配料有蛋漿、章魚、紅蘿蔔、泡菜、洋蔥待應好好... 會過黎教我地點做第一步, 先落油第二步, 落蛋漿第三步, 落配料第四步, 轉一半再落蛋漿之後可以不停轉下, 見到2邊變脆..咁OK LA~~放上碟... 加D 木魚、燒汁及沙律醬..即OK~~呢個小丸子~粒粒都好足料當然無係出面師父整得咁好食~但自己整.. 味道都唔差~~泡菜炒豬肉泡菜味道唔係好辣, 我自己覺我辣D就會更好喇~~雞軟骨炸得好脆~~ 送酒佳品新推出既酒柚子味重, 酒味唔係好濃好岩女仔飲叫左咁多野食埋單都係320 左右有得食.. 有得玩~ 一個唔錯既經驗

朋友話見過人自製小丸子，我地心思思又想試下，發現原來就係銅鑼灣呢間大阪李朝園，見MENU有泡菜等韓式食物，初頭有少少混淆呢間係咩菜，原來係一間日韓餐廳呢！係門外等左一陣，見到入面迫迫地有D驚，不過我地就好彩坐左高台自製小丸子有幾款，我地就揀左最經典既章魚小魚子雖然MENU有寫步驟，但店員仍然會逐個步驟教我地，之後就自己黎啦，我同朋友都話：好似好忙咁既倒完奶漿就要接住落4種配料(章魚、紅蘿蔔粒、菜、泡菜)，咁上下就轉90度再fill滿奶漿，再轉至兩邊都脆卜卜，再狂落漿同木魚，就上台啦！平時係街食得多見人咁熟手，原來自己嚟都幾「呢hea」，不過係難失手既！味道方面.. 自家制就當然好味啦！一路整既時候其他野都陸逐黎齊，唔，有少少失望，見佢咁多配料同色水咁靚，入口竟然無味豬肉炒泡菜，微暖幾易入口，但略嫌唔夠辣仲叫左個雞軟骨，不過不失，炸得幾爽口

✿╮❤╭✿ ✿雜感女生 好味日記✿ ˚*•✰。李朝園．好吃小丸子。✰•*˚ ✿✿舌尖上的銅鑼灣✿✿ ❤餓底飯聚．食勻全世界❤ ❤ 作為小丸子的愛好者，又點會唔鍾意食章魚小丸子？ 最近發現銅鑼灣有一間食店 可以自己製作小丸子呀 二話不說梗係帶埋好朋友一齊去試下啦 我們先點了2人份量的「小丸子」 這個小丸子的專屬一個鐵鑊好多個窿窿呀 首先加啲油，熱一培，再加入粉漿 然後隨心情，加入章魚粒、蘿蔔粒、洋蔥粒 以及泡菜絲都得 燒得差不多成熟時，翻一番，再加粉漿 可是，這是本小姐第1次，做得不太圓 幸好有細心的店員即時跑過來搶救 效果都還算可以！ 當一粒粒的小丸子完成之後 店員就準備咗沙律醬，燒汁，木魚絲隨意由我們加上去 真係好好味！！！！(=^･^=) 親手製作的小丸子雖然外貌唔及出面買的咁靚 但係食入口都好好味，因為是自己整㗎嘛 *^O^* 呢間店呢最近呢有一款好啱我食的炒飯 叫做「泡菜海鮮炒飯」 當中包括了泡菜和好多蝦肉粒、章魚粒 入口好香好開胃，小小辣多多惹味 份量都以2人一齊share就最好啦 朋友好鍾意食軟殼蟹，於是點了軟殼蟹沙律 新鮮的蔬菜加上很多的蟹子，

小時候買章魚丸子，喜歡隔着玻璃看店員的製作過程。今次，終於有機會試下大展身手啦！章魚小丸子 ($98)首先加入油、麵粉漿，半熟之後加入配料，包括泡菜、章魚、洋蔥、紅蘿蔔。整個過程相當忙碌，但亦非常有趣。最後加上醬汁、紫菜、魚干就可以食啦！章魚丸子外脆內軟，由於即燒即食，熱辣辣，味道不錯。海鮮豆乳火鍋 ($138)食材大多已經煮熟，只要等豆乳湯底一滾，就可以食得。食完海鮮蔬菜之後可以加入烏冬，吸收豆乳火鍋的精華。銅鑼燒小丸子 ($108)做法和章魚小丸子差不多，不過銅鑼燒小丸子比較快熟，很快便要反轉。由於銅鑼燒中間沒有配料，將剛燒好的銅鑼燒點上朱古力醬，味道非常合拍。

公司在假期前都會好忙，襯無咁忙就當然把握時間去發掘下美食，哈哈。今次就過對面海接男友放工（好難得，哈哈），之前見到朋友自製小丸子已經好想試，所以特登去排隊自製一番。朋友就係嚟咗呢間大阪李朝園，去到見到已經有人等緊，好好彩等咗5分鐘左右有兩枱客人走，所以好快可以入去坐，入座前職員會問我哋整唔整小丸子，再帶我哋入去坐。章魚小丸子（$128）開始前，店員好詳細解釋流程及各配料。店員會先塗上一層油，再做一個sample俾我地睇。先把漿液倒至七分滿，再把各配料一一放入漿液中。把所有配料放入後，略燒一會，店員便會再解釋其餘步驟。原來是再把漿液倒到滿，略再燒一燒，便可反至令一面再燒便完成了。登、登，我們的小丸子誕生了，哈哈，都好有滿足感。卡邦尼烏冬（$88）呢個係冬日暖笠笠新創作餐單的其中一款，平時食卡邦尼意粉多，今次試個烏冬，烏冬彈牙爽口，卡邦尼汁剛好，都唔錯。海蜇紫菜卷（$58）海蜇爽口配上軟棉飯卷，口感不錯。韓式炸雞沙律（$58）雞肉嫩滑不油膩，配上新鮮沙律菜及麻醬，啱我口味，可以食多碗，哈哈。泡菜煎餃（$48）皮薄香脆、肉質鮮嫩多汁，突出其質感，而且泡菜開胃醒神，停唔到口。

趁著新年長假的第一天，我這個愛吃鬼當然把握時間到處吃過不停~ 朋友提議去大阪李朝園 吃下午茶，她說這裡可自製章魚小丸子，蠻特別的體驗，聽起來真的吸引，所以放假第一激就決定當一會章魚小丸子的師傅😂至於賣相就給大家評分吧~ 小丸子的工具與食材齊備，開始製作~製作前當然要看教學學習一番~我們先塗上一層油，再倒上8成的粉漿，放入八爪魚塊~然後把其他材料鋪上粉漿上 (我們好像鋪太多了，昏倒)最重要的過程就是把小丸「翻身」，我們有少許控制不太好，燒焦了😣完成後可以加上醬料~不說小丸子的外層燒成如何吧😂都是我們個人的技術呢🙈這其實(看似)燒得蠻不錯吧🙄就材料方面來說，大阪李朝園所給的小丸子材料十分豐富，除必定會有的彈牙八爪魚外，還有爽脆的洋蔥，酸微微的泡菜與鮮甜的蘿蔔絲，令小丸子有更多口感層次與味道~ 另外一讚小丸子的粉漿打得滑身，內餡吃起來相當綿密~最近對海鮮豆乳火鍋情有獨鍾，我們也點了一個試試看~ 豆乳海底帶點甘甜味蠻好喝的，加上大量娃娃菜，金菇，草菇及蘿蔔熬煮，湯底更是鮮甜極了，沒有油膩的感覺。想不到獅子狗原來包覆著芝士，我也是輕咬一口，突被如熔岩般燙熱的芝士滾燙嘴巴才發現😲蝦肉，墨魚均飽滿彈

不講不知，蝴蝶結姐姐其實是個章魚丸子控平時在街舖買的多，沒有想到有得可以自己親手燒受朋友的指點迷津，來到銅鑼灣的大阪李朝園大大隻章魚屹立在門口做招牌，好可愛噃餐廳果然不少客人是冒名來燒章魚小丸子我們亦不甘視弱，點了個章魚燒小丸子在職員的專業指導下，先落油，然後就倒入粉漿約八成的份量，再加入章魚粒及其它配料有紅蘿蔔粒、洋蔥粒及泡菜粒為了令每粒丸子圓圓的，就要在成形前再加入粉漿直至每粒太子均是飽滿、圓圓的原來燒章魚丸子都不是好難呀，自己燒的味道特別好吃韓式炸雞沙律，外皮鬆脆，雞肉嫩滑沙律的配料亦很豐富，沙律菜、秋葵、蕃茄子好一味清新又均衝的食品還有海鮮豆乳鍋，之前吃過的豆乳湯是清而無味，感到失望這次吃的豆乳湯終於重回希望湯底不稀不黏，是濃郁的豆乳香味而且鮮蝦、八爪魚等海鮮亦頗鮮甜的有得親身自己嘗試燒章魚丸子令這個晚餐變得份外有趣呢！

大阪最有名的就是章魚小丸子，今天經過大阪李朝園，被可以自己燒小丸子的卓頭吸引了！自己燒之前，當然還是點幾道不用自己煮的菜，先安撫下個肚先！*香蒜牛肉粒($68)炒過的牛肉粒，加上燒肉汁，咸中又帶少少甜，味道適中；牛肉粒份量不算多，但是肉質很淋。*醬油湯烏冬($68)烏冬是扁身的，而且帶點煙UN；叉燒半肥瘦，肉質淋又不會乾；醬油湯味道不會太咸，是冬日最light之選。*韓式炸雞沙律($58)炸雞約有四至五舊，淋上了太量的麻醬；不過炸粉比較厚，肉質又乾身。*北海道牛奶玉子燒小丸子($108) 芝士+鰻魚($20)這是這餐飯的重頭戲。$108只有芝士、泡菜、紅薑和青蔥，四選一。先選了芝士。多加入$20可以在明太子、蝦、鰻魚和吞拿魚四選一。第二樣就選了鰻魚。首先店員會幫你倒滿蛋漿在小丸子模上。再自己平均地將配料加入每一粒，之後才開火。看到周邊的蛋漿有點熟就要轉，再加蛋漿，以便成小丸子形。完成之後，可以灑上木魚碎、紫菜碎和沙律醬。*忌廉鮮奶(草莓味)($18)第一次見草莓味的忌廉鮮奶。*西榴汁($18)如果是新鮮果汁就好了，不太愛罐裝的果汁，甜味太人工化。

大阪李朝園，究竟係食日式料理定韓式料理呢？呢間鋪頭既名相當有趣，而原來係日韓料理。一直都知道呢間餐廳有章魚燒可以比客人自己燒自己玩，之前去大阪都有類似既餐廳，而響香港相信只有呢間同尖沙咀韓國街既另一間韓國餐廳有得玩！是晚8時半入座，已經坐無虛席！章魚小丸子 二人份 $128有步驟比你一步一步跟住玩！當落完單，侍應哥哥就送上燒八爪魚既爐同配料：八爪魚、洋蔥、紅蘿蔔、泡菜同粉漿。期待左咁耐既我當然急不及待要開始玩！侍應哥哥會先響每個重要步驟開始前示範2-3粒章魚丸既製作過程，咁我地就可以萬無一失地跟到足咁做，再發揮自己既小創意（我放左啲飯入去）！自己燒既章魚丸好處係我可以控制丸既外層既軟硬度，我燒到佢外脆內軟非常有口感；另外我仲好鐘意加大量既紫菜同木魚絲，相信其他餐廳好難滿足到我！滿腹套餐 $88顧名思義，呢個套餐真係好飽肚，好啱怕食唔飽既你！《石鍋豬肉泡菜飯》泡菜飯賣相吸引，除左豬肉外仲有大豆芽、泡菜、菠菜同生雞蛋。比較鐘意食辣既我就叫店員額外附上辣醬，攪拌完更惹味。飯質感唔會太軟而有口感，呢個價錢確實抵食！《韓國冷麵 （小）》冷麵看似平平無奇，但口感非常煙軔！冷麵上附有半隻旦同適量泡菜

銅鑼灣行街都要食tea的~ 聽說有得自製小丸子 好有日本feel 所以就去一試兼醫肚 仲見到有其他汀野食都幾吸引~先點了個章魚小丸子 $128 下午2點半至5點半仲可以$98 平啲側邊仲有晒燒汁沙律醬等 自己調味自己唧先泥左啲topping 仲有油啊漿啊~落油先 要等個模熱熱地先落漿落左漿就可以落蘿蔔泡菜洋蔥等配料等等等 肚子更餓 所以要嗌其他menu既食物等左頗耐都未反得 所以就求救左店員 真係好大幫手 吾係成板都會焦了粒粒都圓碌碌 好期待~~之後就落醬啦 識食一定落到滿滿的 仲要係木魚絲~ 一食個感覺好似日本食個啲小丸子 口感係漿啲 外脆內軟 內餡既漿係有少少微辣 可能係泡菜既關係 食落好香口 一口接一口 勁熱辣辣仲有冬日menu 卡邦尼烏冬$88吾會好濃好稠 所以食落都幾順口 鳥冬偏淋身~ 如果卡邦尼味再濃啲就好了豬肉炒泡菜 $68我最愛既泡菜量好多 豬肉薄薄的 夾埋泡菜食幾正 但豬肉量可以平均啲韓式冷麵 $68最愛係依道 冷麵帶彈性 好滑 水冷麵好正 加上湯加左啲酸醋 更開胃有一塊雞肉 但較嚡口~整日式小丸子好正既經驗 但發現都幾難 而依間店有日同韓既食物 都幾多樣化

要數我屋企買過最無聊的家品，應該都是章魚小丸子鐵模名列第一了，因為好似只用過一次，之後便長期收藏於廚櫃的深深深處。銅鑼灣的大阪李朝園最出名就是可以讓客人自製章魚燒，有得食又有得玩，合乎經濟效益!這頁冬日餐牌是冬季限定的，既然機會不常有就要試一試了。章魚小丸子 $128製作小丸子的材料及用具一應俱全，先在鐵模上噴上油當油開始沸騰時就可以加入麵糊及各種材料 (蘿蔔、八爪魚、洋蔥、泡菜)。煎到開始成形後就可以將小丸子反轉，其實都幾易反，又好玩。完成之後就加D沙律醬呀，木魚碎呀等等，真正即整即食，口感自然熱辣辣脆卜卜。醬油湯烏冬 $68冬日menu期間限定之物，烏冬夠嫩滑，一啜就可以成條吸入口。面頭加入大荳牙、泡菜等，增加了爽脆口感，而叉燒亦醃得入味，咬落鬆軟。大阪青蔥燒 $48見到面頭鋪滿蔥碎已覺得很吸引，每一口都夾雜著無窮青蔥，香味更加為之撲鼻。下次有機會要再黎試整章魚小丸子，希望我到時的技術會更進一步。

與朋友放工後離不開到銅鑼灣或尖沙咀食飯，到李朝園食飯可以玩又有得食，已經第二次約朋友到李朝園晚餐。海鮮豆乳鍋 （$138）湯底清甜不油膩，配上烏冬一份，份量足夠之餘，海鮮材料(鮮蝦、蟹柳、小墨魚)及蔬菜亦多，獅子狗入面有濃郁芝士，最適合冬天與朋友share!每枱只有一個gas爐，要先吃火鍋才開始DIY小丸子。北海道牛奶玉子燒小丸子（$128）$128可選兩款配料，最後選了明太子及芝士。玉子燒小丸子是甜的，不同於另一款招牌菜章魚燒。蛋漿不可refill，份量剛足夠製成10粒小丸子。先倒八成滿，加入明太子及芝士，大致熟了之後反成70度角，再次加入蛋漿，並反轉熟的一面，便能製成「脹卜卜」的小丸子! 明太子的鹹味與蛋漿的淡淡甜香出奇地配合，加上少量芝士融合，是章魚燒以外另一必試菜式。泡菜煎餅（$58）煎餅的邊位薄身脆口，雖然是煎餅，但碟上亦沒有太油，沒有油溢味。中間位置稍為煎燶，但尚可接受。軟身的酸辣泡菜配上香脆餅邊，口感特別，一人一半的份量亦不過太膩。

來這間店最主要當然是為了可以親自整小丸子放工大概6點半到.. 座位已經得番一兩枱.枱與枱之間有點迫, 加上每一枱都會整小丸子.其實有點焗及熱!首先店員放低個爐給我們, 然後有蛋漿材料.講解一次給我們怎樣製作, 以為很簡單其實都不容易!要留意轉換小丸子的時間!除了放八爪魚還有KIMCHI, 想不到味道又夾!一份$128可以整到18粒!其實都幾好玩自己整的總是覺得特別好食! 除了整小丸子, 我們2人還有叫泡菜煎餅, 不過就不是很特別!

平時掃街都會食下章魚小丸子，每次見到D師傅係度整小丸子既過程都好吸引，不過街邊D小丸子的味道或者軟硬情度就唔到我地控制，好唔好食都要睇下個位街頭師傳的心情囉=.= 不過唔緊要原來銅鑼灣有間餐廳(大阪李朝園)，可以自己親手做小丸子，好玩之餘醬汁多少軟硬情度，全部自己話事，我最想食既外脆內軟小丸子真係只有自己整先可以食到，實在太開心啦 ^^ 平日去食 $128 (2人份), 如果下午茶時間去 $98 就食到。 呢部就係整小丸子專用的機，可以整到18粒小丸子，每人食9粒一定大滿足呢。唔講咁多~ 開始整啦~首先當然係要落油，仲要唔可以落得太少否則會好易燶。 有4款配料包括章魚粒、泡菜、洋蔥粒同紅蘿蔔粒。餐廳會提供一份有圖有字的章魚小丸子製作方法，當然好似我咁第一次整，餐廳待應都會出手幫忙 ^^ 落油後等大約3分鐘左右，見到油開始滾就可以倒入特製的小丸子粉醬 再加入埋配料，自己整梗係要放滿佢啦 hheehheeee ^^ 其實第一次整都有d手忙腳亂，好彩待應都有幫手，睇下我個章魚小丸子製成品賣相都幾ok架~ 完成後上碟，自己鐘意加咩醬都得，多多少少完全自己話事，我就鐘意狂落紫菜粉~哈, 正啊!!