大阪王將 (已結業)

天津乜唔係大6地方咩? 但點解响日本餐廳有得食天津飯? 我都唔明? 不過揚州都冇揚州炒飯啦~ 是旦啦~ 都係一個名啫~之前食過拉麵好似一般, 今次都係叫兩個飯算~ 元祖手製煎餃子超快上枱, 呢頭叫呢頭上, 都知道佢係整定, 不過佢仲係熱就由佢啦~ 雖然佢話係手製餃子, 但始終覺得佢同响超市買到果啲日本餃子一樣, 同埋呢啲餃子係皮同餡中間有好多空間, 就算食哂成碟, 都好似唔係好覺食咗嘢咁~ 天津飯(田園菜飯+元祖天津蛋+神戶燒烤汁+和風炸雞)仲諗住叫個菜飯有啲菜食下, 中和下, 但原來飯入面只係得少少椰菜絲囉~ 個天津蛋好鬼滑, 好鬼香, 應該用咗好多牛油去炒, 開頭食都覺得好正, 但越食越濟, 實在太漏, 最終都係食唔哂~個炸雞炸得好脆, 外脆內juicy, 而且大大舊, 但個汁就好差, 完全係豆粉芡, 仲要係超杰~  天津飯(五味海苔飯+元祖天津蛋+日式醬油汁+吉列豬扒)海苔飯都係得少少海苔, 蛋就一樣咁厚咁滑, 而且一樣漏到食唔哂~吉列豬扒個色唔夠金黃, 但都夠脆, 塊豬扒都算唔太薄, 不過個汁就一般, 有色冇乜味~

雖然年頭先去完大阪，但我已經很掛念日本蛋包飯的味道。我專程去左大阪王將，試試香港的蛋包飯有沒有日本的水準。我叫左個漢堡排蛋包飯. 其實我著重蛋包飯的味道的同時，賣相也佔了很重要的位置。至於呢個飯，上面塊蛋都能夠好好cover 啲飯，而且都算飽滿，已經幾高質。而且蛋的最外層乾身色澤金黃，裡面也能夠做到蛋漿於半熟的狀態。這一點值得一讚。漢堡扒厚度十足，食落去也唔太乾身。呢個價錢可以收貨吧。個汁都可以，不過略為淡左少少. 其實我都係鐘意加少少茄汁，酸酸地會更加開胃呀.仲有，佢原用番鐵板去上菜，保持番個溫度，抵讚.

平時聽呢間店餃子出名，原來拉麵都好味下午茶時段 主餐牌 拉麵 半價叫左 炸雞醬油拉麵，粟米牛油味噌拉麵 同 餃子餃子皮薄香脆，正！由於偏愛味噌湯底，拉麵一黎就忍唔住飲啖湯，熱度十足差啲辣到，好味拉麵有爽滑，唔會太淋，唔錯！叉燒淋身 有肉汁，啖啖肉 唔肥 好味跟麵個碟炸雞幾大份，一份三大件雞件外皮香脆，裡面又保留肉汁，同樣熱度十足 ！每碗都有半隻唐心蛋，筍塊，芽菜 。係足料既好抵啊拉麵餐牌🤤

晚上同友人係馬鞍山覓食，見呢間唔洗等位而我地都想食日本嘢就入咗嚟。蛋包飯。4個Step選擇適合自己口味嘅蛋包飯，我就揀咗五味海苔飯，元祖天津蛋，王將咖喱汁同漢堡扒。送到嚟啲熱氣已經令鐵板散發出誘人嘅嘶嘶聲，將咖喱汁淋落去啲聲仲厲害，仲可以聞到咖喱汁同飯嘅香味。漢堡扒幾厚身，但係好腍，好有份量，個蛋整得剛剛熟，夾埋咖喱汁同有少少飯焦嘅飯食真係停唔到口。叉燒拉麵。呢個就係我友人揀嘅，佢就覺得麻麻地，認為都要成七十幾蚊倒不如加幾十蚊去拉麵店食咁。

首次試大阪王將，估唔到比到我驚喜去到嘅時候係晚上六點幾，叫佢無咩人，以為味道一般。我地叫左蛋包飯（佢地叫天津飯），配埋咖喱汁，味道實到太夾啦叫左一客薯餅，入口即溶仲有食到佢吉列豬扒鍋，都非常好味！最impressive我嘅，係服務態度佢地好有禮貌，而且service好好！臨走都忍唔住比左tips佢地，值得一讚嘅餐廳

第二次黎哩度～無他～純碎係因為上次食完覺得唔錯好feel～今次試jor拉麵同炸雞鍋～滿足啊～不過可能係醬油拉麵所以鹹jor小小。其次就encore jor上次覺得好味既薯餅今次嗌jor薯條試下想睇下日本餐廳既味道薯餅依然好好味～薯條就okay啦～不過不失～炸雞鍋好足料而且好熱氣啊😂😂😂今次我地有額外俾小費～因為服務態度真心唔錯！尤其其中一個好瘦戴頭巾既男人～服務好好！一定會再黎！

差評閒置人多的客戶看見店內有數張四人枱我們人多可分開坐卻比哂幾單兩位入四人座讓人多的苦等 不考慮再來企業應該盡可能地瞭解相關顧客的情況，這樣你就可以提供最符合他們需求和消費習慣的產品和服務。和他們交談，傾聽他們的聲音，這樣你就不難找到使他們不滿的根源所在。當顧客對服務提供者相互瞭解後，如企業瞭解顧客的服務預期和接受服務的方式等，服務過程就會變得更加順利，時間也會縮短，而且服務失誤率也會下降。由此，為每個顧客提供服務的成本會減少，反過來企業的利潤就會增加。企業常陷在自己的世界裡，就會察覺不到顧客的實際感受。花些時間站在另一個角度上，或當一次競爭對手的顧客，對企業會有很大的幫助。很失望

夜晚放工係沙漠食乜好？今天行過大板王將，又見有不少好評，就試下佢質素同日本大板嗰間有咩分別啦今晚叫左佢招牌鐵板蛋包飯同餃子，又幾好咼首先講下個餃子，雖然唔太熱，但皮簿多汁，份量啱啱好，同大板食嘅差唔多，都可以個鐡板蛋包飯有驚喜！份量好大，女仔黎講多左啲，男仔應該啱啱好。呢個飯無論蛋，飯，汁同主菜都有得揀小妹㨂左蔥蛋，整得幾滑。海苔飯，個飯就麻麻地，一Pat咁，又冇乜海苔。不過個蛋包住又唔係好覺嘅～漢堡扒有驚喜！肉厚多汁，真係好大塊！而且唔係急凍漢堡扒，係有肉質的冬天食鐵板真係好暖同埋呢間舖靜靜地唔多人，幾好不過要$102，唔可以成日食沙漠又多一個選擇

收工同男友拍拖去食飯；周圍都好多人排隊；但係哩間好少人排隊，於是入jor去。嗌jor個吉列豬排滑蛋鍋同漢堡排蛋天津飯餐，出乎意料好好味！而且啲waiter服務態度都唔錯。周不時幫我地加茶水～啊～我地仲跟餐嗌jor碟煎餃～同埋炸芝士（超～～～～～～級好味）吉列豬排+滑蛋好好味，因為有火，所以全程都熱辣辣。而個漢堡排天津飯餐都唔錯，咖喱汁唔係咖哩磚。全程又唔多人，唔使同人逼；都係一個幾唔錯既食飯享受。打算下次再試下佢個拉麵！而且價錢合理，超推介！

點完了櫃台自取，兩個男生做飯。有東坡肉，叉燒，豬排等口味。可以加蛋。餃子醬在窗口自己加。吃完了有阿姨收拾。位置一共不到二十個吧。碗筷勺子都是一次性的。味道一般。

入到馬鞍山探大肚朋友，人生路不熟，當然要請佢帶路啦！佢二話不說帶我地去咗馬鞍山廣場內的大阪王將，門面都幾企理，最impress到我哋的是每一位員工都好熱情。相信店主下左唔少苦工，先能夠令到每一位員工都做得開心，面上都係真誠的笑容。食物整體價格都幾相宜，而且選擇多。當中最抵的絕對係二人餐，只係$200左右就食到好多款美食。店內的招牌菜，肉質都幾豐富，而且皮薄。小食當中我就比較鍾意章魚燒，一客有四件，分量十足。而且入口熱辣辣，又夠咬口。朋友仔點的玉子燒都幾好食，甜甜地有蛋香得來，蔥花的味道都幾突出。牛肉鍋有好多牛肉，整個鍋內都係鮮牛肉，冇其他野菜墊底。湯底味道偏甜，係我最鍾意的壽喜燒口味。至於烏冬就清清地，高湯無乜味精。豚肉生姜燒定食都幾有趣，唔係傳統日式生姜燒的味道，反而有少少似中式的蔥爆豬肉。但意外地，呢個口味都幾好食，夠晒惹味。至於店內主打，就係呢個天津飯，即係鐵板蛋包飯。漢堡扒分量亦唔少，有成2cm厚。淋上醬汁後嗞嗞聲，色香味俱全。最後多點一份海老天婦羅，令我哋滿足感更上一層樓。炸得香脆，蝦肉又結實。非常滿意的用餐體驗，除咗價廉物美外，最重要的是意想不到的貼心服務。冇諗過連鎖店當中

居於美食沙漠的馬鞍山，覓食向來不是一件易事，不過馬鞍山廣場內的大阪王將算是區內品質較穩定，價錢又合理，我自己都已經來過好幾次，前幾晚又來這裡吃晚餐。雖然是平日，不過晚飯時段還是要排隊等位，不過流量快，所以很快就可安排入座，其實在日本，大阪王將的分店也是隨處可見，不過日本的裝修通常都是走庶民平實風格，反而來到香港，卻是色彩繽紛的新式和風。就連menu 也印得很精美，圖文並茂，款式超多，足以令人選擇困難症發作！沖繩海葡萄冷豆腐伴芝麻汁 $24清涼軟綿的冷豆腐配上濃郁的日式芝麻醬汁，開胃透心涼，不過海葡萄比起以往在沖繩吃過的size收縮了，欠缺原有新鮮爽脆的口感。大阪餃子 $39/6隻餃子是大阪王將的招牌菜，又怎能不點呢？！不過元祖手製煎餃子已經吃過無數遍，所以今次就來點新意思，點了一客大阪餃子。煎餃上面灑滿了木魚碎、加上日式蛋黃醬和御好燒醬，外觀看起來的確有幾分像大阪燒，香濃惹味，想不到餃子與大阪燒的味道原來是這樣匹配，完全沒有違和感。餃子薄薄的外皮煎得金黃脆口，一咬開餡料美味多汁，豬肉內餡鮮嫩有咬勁。狐狸烏冬 $74據說腐皮是狐狸愛吃的食物，同時顏色正好如同狐狸毛皮的色澤，所以日文將腐皮

早前同女友入左馬鞍山做義工, 之後搵飯食, 佢話想食大阪王將, 於是入左去試下.一坐低睇個MENU 都幾多野食.佢要左個味噌湯粟米牛油叉燒拉麵, 湯底唔算好濃, 清清幾健康. 2塊大叉燒, 勁多粟米, 小牛油, overall 味道唔錯, 拉麵彈牙, 滑溜.而我就叫左個咖哩豬扒鍋, 咖哩味香濃, 外脆內軟, 豬扒夠大塊, 啖啖肉,正!我地仲叫左d 小食, 吉列蠔、炸雞, 炸得幾好,唔會話好熱氣, 食落香口.仲叫左杯青蘋果乳酸, 酸酸甜甜, 味道唔錯!

爸媽去左旅行, 得返我同細佬食飯~ 好明顯我地係唔會煮飯...所以我地去左屋企附近個商場食日本野. 餐廳叫大阪王將.我叫左個地獄脆脆海鮮拉麵$78, 湯底微辣, 但好飲~ 材料有菜、蝦、帶子, 拉麵份量都幾多~ 我仲加HK15 飲荔枝乳酸, 正!而細佬叫左個鰻魚定食$88, 定食跟飯跟湯.  鰻魚成條上, 好長, 而且燒得岩岩好, 唔會太乾身而又保持到原來既肉汁 =]我地仲點左薯條, 脆卜卜好食~

大阪名物，大阪王將相信大家由細食到大，都冇咩邊個冇試過。佢嘅餃子有幾皮簿餡靚我今次唔多講，只一句，多年來保持水準就算了~!今次想介紹係佢個牛柳粒定食，真係估佢唔到咁出色~!老實說，今次食係因為好耐冇食過，為了食餃子而食的，所以原本對其他野食是無任何期望的~由於好肚餓，好快手咁入去叫左兩份餐, 加兩份跟餐的餃子。上菜又出奇地快~~唔錯丫~睇個樣都~呢個就是我呢個POST要激讚的鐵板牛柳粒定食，跟麵鼓湯, 同一碗飯。其實是我在MENU睇相見佢多菜我先叫的，點知一試真的難忘，好耐冇食過咁好味嘅牛柳粒了，醬汁帶甜, 咸度適中的日本醬油~~一咬落去肉汁竟然鮮嫩無比，頃刻忘了自己到底身處何方，唔係好相信在大阪王將可以食到咁嘅質素~~!做到咁好食, 要幾樣野, 牛肉要靚同新鮮, 脂肪比例要剛剛好, 解凍時間要剛剛好，烹煮到剛剛熟，同埋調味要剛剛好。無記錯，呢個SET是一百蚊都唔洗，呢個質素，值得再再再ENCORE!跟餐加幾蚊可以加蘋果茶冇咩特別，好似蘋果汁咁。我喜歡佢有好多粒粒蘋果果肉~飲完呢杯就當食左甜品了~~另外我老公叫左碗日式叉燒拉麵，佢話塊叉燒肥瘦適中，略為醃過，至於個拉麵，麵質都算彈牙，都