大頭蝦南風海鮮酒家

營業中

休息中

香港嘅大排檔真係買少見少。一間好食服務又好既大排檔真係好難得～🍖燒味雙拼$138 好大碟下，色澤靚，個燒肉個皮超脆，燒鴨大大嚿，啖啖肉，鴨油好香。🥬豆豉鯪魚炒油麥菜$72 菜好新鮮好爽， 好有鑊氣。🐓啫啫雞煲$92 豬膶同雞肉好嫩，好香濃，夠惹味～🍧楊枝甘露$35 好唔錯，幾多料下，又夠凍～🍽️野食一d都唔馬虎，樣樣真材實料～🐷我見到佢有人即場炭燒乳豬，好正咁，下次一定要黎再試～💁‍♀️💁‍♂️服務好唔錯，又有熱水洗碗碟，我地揀左坐室外，又幫我地點蚊香。見到個疑似老闆既男士同熟客打成一片，又好友善，係間好有人情味既食肆。🚍位置唔難搵，響北大嶼山醫院旁邊。地鐵巴士總站搭到北大嶼山醫院/逸東邨居逸樓（幾分鐘車程就到）。

朋友聚會簡左呢間穩世東涌大排檔，位於北大嶼山醫院附近，設有冷氣卡位室內雅座，同時都有室外座位吹吹自然風。餐廳🍴主打雞煲同明爐燒味，有師傅坐鎮，非同凡響。🐖炭燒燒肉配叉燒：燒肉外皮燒至金黃香脆，表皮仲脆過薯片，肥瘦相間得宜，啖啖肉，油脂香口腔溢出，好驚喜，蘸上芥辣食好用膩。叉燒最緊要有焦脆位，帶點蜜汁香味，焦部分香脆可口美味，比較偏瘦但不柴口，每一舊都有光澤。🐟水煮魚：毫不吝嗇的豆卜，吸收曬湯底精華，條鱸魚好大條肥美，啖啖肉，肉質新鮮嫩滑，先煎香後再滾住食，雖然有好多辣椒，但又吾係食辣到食吾到，仲有一堆芫茜🌿吊味，吾錯，越滾越香。🥬腐乳通菜煲：用煲呈上一路炸炸聲，腐乳香氣撲鼻，加埋香菇、蝦干、肉碎，爆香蒜頭🧄 好惹味！通菜食落脆口，夠曬鑊氣又吾死咸。總結：東涌鑊氣小炒大排檔 聚會好地方

今日約左家人一齊去到東涌食大排檔，東涌站行10分鐘左右就到，去到就感覺到環境好有地道風味！我地4個人分別叫了5款小菜：第一款係燒味雙拼，燒鵝拼叉燒，燒鵝厚肉多汁，皮脆肉滑，再點甜酸醬就更加好味😋叉燒味道亦都唔錯！第二款蜜椒薯仔牛柳粒，牛柳粒質感唔錯，有口感，薯仔夠入味唔會太淋！第三款胡椒豬肚湯，好濃香既胡椒味，湯料份量足夠4人飲用，豬肚彈牙爽口味道不錯！第四款冬陰功浸蜆，蜆肉肉質鮮嫩，而冬陰公湯都不會太辣！第五款豆豉鯪魚油麥菜，菜好新鮮，爽口，夠晒入味！最後我地一家都吃到飽飽滿足，所以來東涌既朋友們都可以過來試一試地道既大排檔！

燒味雙拼($138)味道：⭐⭐⭐⭐回頭：⭐⭐⭐⭐燒鵝同乳豬嘅皮都超級脆！咬落去仲脆過啲餅乾~而且啲肉嘅比例都算多，基本上啖啖都係肉~係有啲驚喜😳，無諗過除左海鮮新鮮，啲燒味都做得咁好~🥰清炒時菜($72)味道：⭐⭐⭐⭐回頭：⭐⭐⭐啲菜好鮮甜~加左蘿蔔絲同雞脾菇~好啱食燒味或者濃味嘅煲嗰陣嗌，有種清腸胃嘅感覺~💕水煮魚($148)味道：⭐⭐⭐⭐回頭：⭐⭐⭐⭐成個煲都好足料~🙈條魚本身就已經好大條~肉質又滑又新鮮，而且睇得出煎過，更加昇華左啲魚味~啲辣椒同芫茜都俾得幾足下，但個湯底又無話辣到食唔到，比起重辣椒嘅味覺，更多嘅係辣椒嘅香味~💓服務態度：⭐⭐⭐⭐⭐每次黎都要讚一讚佢嘅服務態度，真係起級nice同有禮貌~甚至比茶記更加好~環境：⭐⭐⭐⭐可以簡坐室內定室外~以大排檔黎講，佢提供曬紙巾、牙籤、搓手液等~算係幾唔錯~大頭蝦南風海鮮酒家(東涌)📍東涌黃泥屋邨2號地下

💬豉椒炒蜆✨一道我好喜歡的中式海鮮菜，用新鮮的蜆和豆豉、辣椒等調料烹製而成。蜆味道鮮美，口感鮮嫩，而且無沙! 豆豉的味道很香，辣椒的辣度剛剛好，非常開胃💬柚子骨🍗聽個名都覺得好特別，係由豬骨、柚子皮、大蔥、薑等食材炸炒，味道鮮美，口感豐富。配上白飯真的非常不錯，柚子皮的香也非常獨特，好夾! 讓人回味無窮💬燒味雙拼🥓一道香港特色的美食，有油雞、叉燒。一般搭配白飯已經可以食好多碗。燒味的肉質新鮮、多汁，而且燒味雙拼還有豐富的蛋白質和其他營養素，你一定要試試!🦐大頭蝦餐廳係一間可以同朋友開懷暢飲, 食盡地道小菜既平民餐廳!❤️大頭蝦南風海鮮酒家❤️東涌黃泥屋村2號地下❤️2988 1770▂﹍▂﹍▂﹍▂﹍▂﹍▂﹍▂﹍▂ʕ⁠っ⁠•⁠ᴥ⁠•⁠ʔ⁠っ

天氣幾好，去左東涌行山。落山之後係附近揾野食，見網評呢間大頭蝦南風海鮮酒家幾好，就去試下，真係估唔到離島區都有咁地道同大排檔風味嘅餐廳。出面天未黑已經坐滿左人，就坐入面。🐟巴蜀川味烤鉗魚$288勁大鍋，有好多豆卜、芽菜、洋蔥等配菜，仲可以自己額外加其他配菜😋成條新鮮魚慢慢煮，好入味，而且仲好嫩、好鮮甜 😋😋重點無細骨！完全唔使擔心會啃骨🤣🦪泰式辣椒膏炒青口$88估唔到大排檔都食到泰菜🤣青口好大隻，好新鮮，配埋香濃嘅泰式辣椒膏，超正👍🏻👍🏻👍🏻🍤 蝦乾蒸勝瓜$88叫左兩款重口味嘅餸，叫返道清淡啲嘅，啲勝瓜蒸得啱啱好，唔會太腍，仲有啲粉絲托底，吸晒啲蝦乾味，好好味😋😋😋見隔枱叫左燒鵝，都好似好吸引🤣糖水無開，下次再嚟試下其他野😋😋😋

🐟🐓【 大頭蝦南風海鮮酒家 】🐖🐂⋄ —————⧫♟⧫————— ⋄東涌隱世鑊氣大排檔🔥明爐燒味➕即席炭火燒乳豬🐖風味十足😍⋄ ┄ ┄ ┄ ┄ ❖ ┄ ┄ ┄ ┄ ⋄🦆燒味拼盤🐓（明爐燒鵝、豉油雞、燒腩仔、紅腸）呢度嘅燒味好多選擇，樣樣都想試，所以揀咗燒味拼盤。色澤好靚，油脂豐富，令人流晒口水，簡直係人間美味。🍍菠蘿生炒骨🐷（$88）生炒骨炸到金黃色，蜜汁亦煮得濃稠，酸酸甜甜，配飯食一流。🦐蝦仁炒蛋🍳（$88）簡單嘅蝦仁炒蛋都鑊氣十足，雞蛋仍然滑溜，廚師功架唔錯。🐙香煎墨魚餅（$98）非常厚實嘅墨魚餅，夠彈牙，點泰式甜辣醬好惹味。🥬椒絲腐乳炒生菜（$72）仲可以叫甜品食！⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：東涌黃泥屋村2號地下⋄⋄#hkig #hkfoodie #hongkongfood #hkfood #hongkongfoodie #foodblogger #hkfoodbloggers #hkfoodies #相機食先 #openrice #香港美食 #hkinfluencer #foodiehk #香港 #香港生活 #香港旅遊 #香港探店 #香港美食 #香港打卡

大頭蝦南風海鮮酒家🦞🦀🦐🦑重慶香辣雞煲🐔（半隻） $218睇落明明冇咩辣椒🌶️但又唔知點解又會辣辣地😂，大量洋蔥煮熟之後既甜，會中和返辣椒味，個汁送飯一流，半隻嘅份量就已經非常之多，夠兩三個人食！會再Encore!💓💓燒味雙拼🐷🦆（例）$138呢個燒味雙拼，我哋就揀咗燒肉同埋燒鴨，燒肉皮件件都皮脆肉香，肥瘦適中，有少少油香，但係又唔會過肥👍🏻燒鴨非常香，油脂部份唔多，所以就咁連皮食都可以！呢一個例牌燒味雙拼份量都幾多，非常抵食❤️✅面醬肉碎唐生菜 🥬 $78 呢個肉碎唐生菜非常惹味，肉碎份量非常多，每一啖菜都可以夾住大量的肉，勁適合送飯！😍😍藍妹 🍻 每支$36有雞煲有小菜，又點少得啤酒呢！🍻無論係一家大細，定係多人聚餐呢一間餐廳都容納到！唔鍾意食雞煲嘅話，都仲有烤魚、打邊爐、小菜等等嘅選擇，總有一款啱你！

係北區醫院附近，門面位置都幾隱蔽，唔係住喺附近都唔會識得過嚟呢度先叫一個油雞燒鵝雙拼 賀一賀友人新居入伙，燒鵝口感外皮酥脆和肉質嫩滑多汁真係幾唔錯，而油雞則凍上 雞肉肉質好軟，有濃郁的雞油香味，如果係熱上會仲好。三個人食嘅份量，剛剛好。三個人都會想食啲熱辣辣嘅嘢，於是叫咗一條酸菜烤魚，條魚唔算好大勝在肉質滑身冇咩骨。配菜有酸菜、豆腐皮、姜、蒜、辣椒等食材，酸菜烤魚的特點在於酸菜的酸味和魚的鮮味相互融合，豆腐皮的口感和口感豐富，湯底鮮甜令人食慾大開。叫咗一個金銀蛋炒莧菜，份量好足好大碟，三個人都食唔晒。期待已久的金沙大頭蝦，大頭蝦肉質鮮嫩、口感爽脆，鹹蛋黃帶來了濃郁的鹹蛋味食落口感沙沙地唔乾，大頭蝦外殼脆卜卜連殼都可以食埋，蝦肉質偏爽甜，啜下蝦頭好多膏好 creamy 。通常都會check 下中間蝦線有無挑走，呢間係有既證明餐廳都細心。最後無意中見到有甜品，仲要超級平，叫2碗廿幾蚊有一碗桃膠甜品，好食不會太甜，係呢餐飯錦上添花。整體來講真係好唔錯，終於唔使去東薈城食連鎖餐廳，喺呢啲人細小店度都可以食到性價比高既大排檔，服務都唔錯。

同朋友去完迪士尼樂園暢玩一番😬跟着我地計劃食呢間餐廳🤪我朋友住逸東邨😎真係好😆食完仲可以快快返屋企😄餐廳設有室內同室外座位☺️而我哋就揀左室內座位😁因為有得涼冷氣🥰食物方面都包羅萬有😝精美小菜、雞煲、烤魚、烤鴨😋兩個人食揀什麼好😉巴蜀川味烤魚（原條鉗魚） $288主角鉗魚大條🐟 厚肉豐富😋啖啖魚肉而且無乜骨😛而且配料亦有豐富又入味😙有芽菜、野菌、洋蔥、青椒同豆卜等等配料😘食物沾上惹味辣汁🙂燒味雙拼 $138我哋揀左燒肉同燒鴨🙂兩款食物份量同質素都好高質😜我朋友都讚不絕口🥳燒肉食落去好脆皮同嫩肉😝燒鴨亦能做的脆皮的效果🤩以上食物配埋芥辣醬同酸梅醬好夾好正😬金銀蛋菠菜 $72食左魚同肉之後🤫硬係叫埋菜食啦😲 呢款菜式都好抵食🤤除咗食到嫩綠的菠菜之外🤢一個價錢有不同蛋的味道款式🥴分別係雞蛋、鹹蛋同皮蛋😬多重享受😎📍 大頭蝦南風海鮮酒家 (東涌)🔍 東涌黃泥屋村2號地下

同朋友搭巴士去到北大嶼山醫院，肚仔作怪，就去對面搵左野食先😋呢間酒家好有度假氣氛，食咗三款小炒，包括：胡椒豬肚雞煲、椒鹽鮮鱿及小炒王。最好味係椒鹽鮮魷嘅鮮魷香脆彈牙，正正正。其次係胡椒豬肚雞煲，雞肉鮮甜而豬肚好有口感，爽爽爽。最後小炒王啲九菜炒得香口，略嫌油份多咗少少。整體而言，食物及環境都唔錯，值得推介。👍👍

我朋友喺東涌住咗好多年， 夜晚佢揸車帶咗我去食一間非常地道嘅大排檔，呢間餐廳非常隱蔽，相信應該要本土居民或者附近工作嘅人先會知道。門外可以泊車非常方便，餐廳好像在叢林中，有室外同室內用餐區，而家天氣涼涼地坐戶外非常舒適，氣氛相當唔錯。現場有餐廳職員燒緊乳豬，聽聞呢度嘅乳豬非常有名氣，炭火燒，夠睇頭。今晚我哋叫咗幾個家常小菜，蝦仁炒蛋 蝦仁炒蛋都可以炒到咁有鑊氣真係勁，炒蛋唔老好滑身，蝦仁好大隻好爽口。咕嚕肉 醬汁酸甜開胃？外層香脆可口，內裏肉汁豐富，仲有菠蘿/洋蔥/青椒等配料拌飯吃一流。腐乳炒生菜 腐乳爆到好香，夠鑊氣，唔會成碟水，最重要係生菜好清甜好新鮮。燒味拼盤 包括紅腸/油雞/燒鵝/燒腩仔，整體都好出色，燒腩仔印象最深刻，個皮脆到好似食緊薯片咁。燒味值得一吃！！！墨魚餅 真材實料，加入粟米粒有咬口，口感爽又彈，有墨魚鮮味。

次次去大澳返豆會經過嘅大排檔 今次終於忍唔住試試味 鋪頭門面好醒目 『大頭蝦南風海鮮酒家』鋪面有分室內同戶外 椒鹽鮮魷🦑每次食大排檔都必叫嘅菜式 椒鹽鮮魷一上檯熱辣辣 炸粉唔算厚 食落去好有咬口 味道都好鮮甜 配埋汁食味道一流🤪🤓豆鼓釀魚炒油麥菜呢個菜好耐冇食啦 難得見到呢度有 梗系要試下啦 炒出黎好夠味 用黎送飯啱啱好 份量都唔少 食極都仲有剩😂😂胡椒豬肚雞煲🐔等個餸差唔多整好 夥計哥哥就會拎個gas爐過黎 方便陣間加熱食 上檯嘅時候個煲已經微熱  聞到好香嘅胡椒味 豬肚同雞都已經食得 不過我地都系覺得滾啲好食啲 點左半隻雞嘅份量 諗住兩個人食啱啱好 最後結果都系食唔嗮 大胃王可以挑戰下🤪🤪仲有仲有 有機會一定要試下燒乳豬 最少有一例叫 簡單真系真材實料用人手炭火燒 好傳統嘅燒法 嗰日好想食 但和胃已經冇嗮quote 😢😢

天氣乍暖還寒，急需熱辣辣嘅美食撫慰心靈！於是再訪東涌隱世人氣大排檔 - 大頭蝦南風海鮮酒家！大排檔沒酒樓般乾淨企理，但憑藉出色的味道和大排檔獨有的風味，還是值得一去再去。小炒皇韭菜花入口爽嫩，加上蝦仁、魷魚鬚、蝦乾及等，混合香脆的腰果，口感豐富，鑊氣十足。開胃菜可謂一流。黃金墨魚餅肉質結實彈牙，粟米清甜，同時中和油膩的感覺，老少皆宜。豆豉鯪魚炒時蔬豆豉鯪魚帶有鹹香，時菜新鮮爽嫩，入口不算油膩，配飯是最受歡迎的下飯菜。京蔥芥末牛柳粒牛柳粒特別嫩，放進嘴裡，立即散發濃郁的芥末香氣，拼上京蔥特別好吃。燒鵝拼油雞燒鵝皮脆肉嫩，咬下去油香四溢，滿口餘香；油雞充滿光澤，雞肉幼嫩香甜，肥瘦適中。巴蜀風烤魚以烤魚為主角，輔以大量蔥、蒜、芫、辣椒等調味，一直煮至沸騰，但魚肉依然滑嫩。湯底既酸又濃，配魚肉相得益彰。

今晚同朋友四個人行完街，朋友話想去食下小菜飲下啤酒，咁就去試下東涌既大頭蝦南風海鮮酒家，去到門口見到佢有戶外位置可以坐，但係戶外比較多人，所以我地揀左戶內比較清靜傾計方便d。首先我地叫左個燒鵝拼叉燒拼盤，質素都不錯，好好彩有燒鵝脾可以食，惹味！叉燒都唔馬虎，入口軟嫩，送下啤酒一流！跟住叫左個冬蔭公辣蜆，味道都ok, 不過可以再辣少少就更加好味。之後再叫多左味蜜汁牛柳粒，牛柳鮮嫩多汁，肥瘦適中，呢味菜是好食的。最後叫多左個鯪魚油麥菜同埋胡椒豬肚湯，呢一餐就作結了，總括質素都不錯，性價比絕對可以一試！