大頭蝦南風海鮮酒家

營業中

休息中

我朋友喺東涌住咗好多年， 夜晚佢揸車帶咗我去食一間非常地道嘅大排檔，呢間餐廳非常隱蔽，相信應該要本土居民或者附近工作嘅人先會知道。門外可以泊車非常方便，餐廳好像在叢林中，有室外同室內用餐區，而家天氣涼涼地坐戶外非常舒適，氣氛相當唔錯。現場有餐廳職員燒緊乳豬，聽聞呢度嘅乳豬非常有名氣，炭火燒，夠睇頭。今晚我哋叫咗幾個家常小菜，蝦仁炒蛋 蝦仁炒蛋都可以炒到咁有鑊氣真係勁，炒蛋唔老好滑身，蝦仁好大隻好爽口。咕嚕肉 醬汁酸甜開胃？外層香脆可口，內裏肉汁豐富，仲有菠蘿/洋蔥/青椒等配料拌飯吃一流。腐乳炒生菜 腐乳爆到好香，夠鑊氣，唔會成碟水，最重要係生菜好清甜好新鮮。燒味拼盤 包括紅腸/油雞/燒鵝/燒腩仔，整體都好出色，燒腩仔印象最深刻，個皮脆到好似食緊薯片咁。燒味值得一吃！！！墨魚餅 真材實料，加入粟米粒有咬口，口感爽又彈，有墨魚鮮味。