大頭蝦東南亞料理

營業中

休息中

今日同男人搵食，搵到上環，近近地又見老闆好熱心介紹野，就一於入去試下叫左海鮮喇沙，湯底還可以，不過仍有進步空間，蝦好新鮮，扎肉普通，豆卜索晒啲湯好好味。仲有炸過嘅魚柳，呢個好食，外脆脆地，內滑的。男人必點雞腳，偏甜，但好入味嘅，食到甜嘅人應該幾中意食生牛河，湯清甜嘅，但牛肉唔得，太煙um啦，生牛肉熟得濟唔好食，可能出餐太慢，被滾湯滾熟晒⋯⋯豬頸肉米紙卷，幾好啲米紙，但檬粉太多，完全遮晒豬頸肉香味。

經常看到這間餐廳，卻第一次進去嚐嚐。在店前看了一會餐單，已有一個有點像「呂珊」的店員向我走近。她稱學生有飲品贈送，我覺得價錢尚可接受，便進去嘗嘗。起初打算嚐一嚐此店的咖哩羊腩飯，因為羊肉是很能考驗廚師功力的一味食材。煮羊肉不但要消除羊肉的羊膻味，更要帶出當中鮮味，殊不簡單。但當我一坐下，隨即被另一道菜吸引了，就是泰式芒果蟹肉炒飯。椰汁芒果糯米飯吃過不少，但泰式芒果蟹肉炒飯卻真的頗少嚐過。我二話不說就點了這個，配以港式奶茶。炒飯一到，香氣撲鼻。嚐一嚐，芒果肉和蟹肉的搭配相當不錯，炒飯亦見「鑊氣」，美中不足的是份量不夠。奶茶方面，茶味香濃，也算是地道的港式奶茶。臨走之前，像「呂珊」的店員還跟我透露這個炒飯是老闆親自下廚。整體來說，食品頗有水準，店員亦親切友善，不妨一嚐。

同朋友食晏晝，叫左個碳燒豬頸肉河粉啲豬頸肉好靚，唔會太“窿”而且一啲都唔生豬頸肉個味好好，仲有啲香茅味係到個河粉同埋個湯底都幾正，而且份量都唔細，都食得幾飽架價錢上都可以接受大概四十幾蚊有埋杯熱檸蜜

話說同同學時呢個完sem飯水街大頭蝦夜晚行入去唔使等食左乜唔係好記得好似叫了兩個兩人餐飽到死其中印象最深刻既係鹽燒烏頭真係大到唔係路d汁酸酸的辣辣的燒得有d濃魚肚位置d生粉有d多不過的確唔差另外印象深刻既係呢個蘇打水真係好鬼得意本身以為佢攞七喜同我沖真係好飲到一個極點HKU同西區既朋友們快點黎食啦！！！！

早前跟同學去水街的大頭蝦餐廳吃 沒想到一到了餐廳 便可以入座 我們點了一個蝦餅作前菜 蝦餅的大小約等於一個打開的手掌 蝦餅炸得金黃色 吃下去的時做十分香脆 而且蝦餅旁有一些蘿蔔絲 和著蝦餅吃的時候令人不會覺的太熱氣 大致上來說對蝦餅十分滿意 但單點的話要$48 略貴，所以建議大家跟套餐點

春卷豬肉係凍嘅，啲肉係粉紅色，食落去係唔實，好明顯一睇就知，係唔熟，同個男待應講，佢話佢啲豬肉係咁，佢自己食都係，我哋只係要求再炸多陣，佢就好次機關槍咁死撐，仲講到好似係我哋有問題咁，其實你攞返去再炸多陣咪得，我哋無勞氣，無嘈，仲好有禮貌同佢講唔該，但佢好似比我哋仲不滿，真係奇怪，但都唔係咁迫人食生豬肉，最過份係佢嗰句，再炸都係咁，之後嚟嗰份係炸到燶到黑色，咁你真係叫我唔好食姐。太過分了。

兩個人點了三個菜,香茅豬扒檬,咖喱雞飯和牛肉生菜包!先說香茅豬扒檬,檬粉竟然要另加$5,來到的檬粉還要係未散開,黏著一舊舊的!至於牛肉生菜包,牛肉不是肉碎,是一小粒上的,份量生菜多牛肉少,每塊生菜大約只可分配$1銀大小的牛肉,味道亦有點怪!根本不同平時食開的生菜包!最差是咖哩雞飯,咖哩雞炸完加咖哩汁,雞亦炸得很乾,一客有5隻雞翼尖加一舊雞轉彎,肉也只得兩三舊雞中翼碎上,這算是咖哩雞飯嗎?本身我們也不打算投訴,只是差不多吃完店員來執拾時我們對她表達意見,她再轉述給另一位阿叔(應該是較高職位的),那位阿叔竟然說"唔使理佢",再過一陣子那位阿叔走來說"一係我入廚房加番兩舊肉比你哋囉",我們當然不用了!一間食店食物差不特止,服務還這樣差,根本不值一去! 

和家人外出食飯, 決定來到這裡一試。兩個人沒有叫太多, 只叫了海南雞飯和無骨鳳爪。海南雞飯我經常食, 這家的水準不錯, 雞肉嫩滑, 味道很好!油飯是正常的味道, 沒有特別。隨飯的例湯也不錯, 美足不中是湯渣多了點。鳳爪就失色了, 味道較淡。我會再去這裡海南雞飯, 確是回味~