大頭蝦餐廳 (已結業)

經過炮台山這間大頭蝦餐廳，門外貼了青咖哩被吸引入去！但最後再睇睇 menu, 叫了無骨海南雞飯，再轉雞脾位。一set有湯，飯，雞，醬汁。雞脾肉厚鮮嫩！只加$5就可轉做脾位，雞脾有質數，鮮味嫩滑，皮爽肉滑！皮與肉之間既 jelly幾正，唔會食到成口油淋淋！再配上醬汁，鼓油，薑蓉，酸辣汁！味道更有層次，份量都好大份！相當滿意。油飯偏硬，椰香味都幾濃香！配埋雞啖啖肉好好食。, 之後再叫左份泰式酸辣鳳爪，味道幾夠酸香，蒜味濃郁又入味！質感爽爽脆脆幾開胃！鐘意食呢款小食既你必叫呢！整體相當不錯有質數呢。

食物真的很唔得 個餐牌寫外賣100九折（下午茶除外）原來套餐也是無9折的😌 可以寫清楚d 😌😌😌😌😌😌😌😌😌😌😌😌😌😌😌😌😌😌😌

之前喺附近返工，好多時都會去呢度食，價錢唔貴，份量足夠，味道亦唔錯。呢度我最鍾意係佢既三寳飯（唔係燒味三寶），係燒雞中翼丶燒豬頸肉同埋扎肉，佢既雞中翼同豬頸肉都入味，扎肉係越南扎肉（有啲彈牙果種）。另外重有海南雞喇沙都係不二之選。大家如果經過可以一試👍

午餐包熱飲，50至60性價比ok。呢度喇沙湯較清同甜，重蝦味，就唔太濃，海鮮算叫多，但就唔係好新鮮，蝦頭蝦尾都甩晒。春卷撈檬就反而唔錯，撈汁雪左放枱面所以夠凍，春卷都幾脆。Lunch hour 都唔算太多人，但要搭枱。

馬來西亞的美食眾多，隨口也up得出幾個，炒貴刁、肉骨茶、海南雞飯等，而喇沙亦是很多人喜愛的馬來西亞美食之一。名為大頭蝦的餐廳常受到不少食客及學生支持，原因有三 : (i) 以喇沙出名，而且湯底是超級非常濃郁；(ii) 美食大眾化如馬來西亞、越南和泰國；(iii) 店鋪雖小但在繁忙時間時，入座時間僅約等10分鐘。嘗過不下數十次，便一次性出post。由於喇沙湯底十分出色，點餐只點喇沙是必定的例行公事。扎肉雞絲喇沙湯河．HK$56湯底濃郁出色是既定事實，亦不必多說；配料才是重要的一環，除了必定有的芽菜、洋蔥、豆卜和香蔥，這豌的主食有兩塊扎肉與大量雞絲。雞絲猶如豆卜一樣超吸湯，而且雞絲很幼細，令人可嚐真其雞絲味道。炭燒豬頸肉喇沙湯河．HK$58豬頸肉是厚切的，應改名炭燒厚切豬頸肉喇沙湯河更為適合。炭燒味道雖然不太濃及帶點甜甜的蜜汁味，但勝在有湯底搭救。比起豬頸肉喇沙湯河，我更愛扎肉雞絲。香茅雞翼喇沙湯河．HK$58不要以為只得三隻雞翼，事實是這豌雞翼喇沙湯河總共有六雞翼，性價比是超高。香茅味道不太突出，否則便搶去了喇沙的湯味。另外，餐廳使用幼身湯河的，容易夾又易入口。環顧四週，食客多點喇沙，只

沿住英皇道行，見到呢間食東南亞野既餐廳，set lunch又唔算貴喎，大約$50幾蚊一個人。叫咗個豬頸肉喇沙，麵底揀咗檬粉。碗粉一嚟到已經聞到超香，湯底落咗好多椰奶去煮，超香濃。最難得既係啲豬頸肉多到好誇張😂😂😂，平時最多都係5-6片，但呢度係食極都有，我諗起碼有10幾片，以$50幾蚊一碗粉嚟講，足料到難以置信。除咗份量足之外，啲豬頸肉好有炭燒既香味，每條肉質都好爽，超好食🤤🤤🤤🤤野飲方面就係平時茶餐廳見開嗰啲，冇咩特別，但呢個價錢仲要包野飲就已經好好啦備註：餐廳入面有貼洗手間指示牌，但其實係fake既😂😂😂佢只係指示你去出面既公廁，餐廳入面係冇既🙈

I like the Thai and Vietnam food . Their food is tasty especially the 喇沙同泰式撈金邊粉。The price is so reasonable too.佢嘅撈金邊粉真係正中嘅泰式撈金邊粉有我至愛嘅化身粒而且佢旁邊會有好多唔同嘅菜跟住配合自製的醬汁撈在一起真係好好味

來到天后的大頭蝦東南亞餐廳，道路不算寬敞，可是座位大得令人舒服。不用覺餐牌，決定了我最想吃的無骨海南雞飯。海南雞，油飯，有湯連凍飲，也是68大元。主打海南雞，無骨易入口，雞皮有啫喱狀汁，所以果斷連皮吃，滑滑嫩嫩，連油飯吃的話十分香口。油飯充滿香氣，不同一般白飯，每一口都熱辣辣充滿雞香味。個人認為油飯配海南雞一絕。湯也意外好喝，鮮鮮甜甜，材料也十分充足。每一口都十分滿足。配合凍檸茶冰火甜酸交際，加上海南雞油飯的滿足。這餐68元極為滿足。

入去a店員叫我地坐入去某張檯，我地入去坐，點知另一個短髮店員超無禮貌叫我地:「要坐就坐出面」，之後仲專登走黎將個冷氣較到17度又不停嚮度話我地坐到噤入（只是門口格黎個柱位），我地覺得個冷氣好凍，叫另一個店員較返20度。點知短髮店員走黎又嘈我地話20度令佢地個門口濕晒，好老實，我地係客人黎食個lunch,仲要比呢位店員呼喝，真係會好反感，更加會呼籲其他同事唔好再幫襯佢地，期間第一位店員黎解釋個麵唔包野飲，要收半價，我答得啦冇問題照收錢，講左3-4次，我地講話得得得你照收啦，點知短髮店員又走黎超無禮貌話我地：「佢地呀唔鍾意人地講野架，得得得得得得得得」。噤既服務態度，唔會再黎幫襯

點餐要受氣。覆單時，聽到個女職員，落錯了。想更正，反而俾說話客人聽。如果自己錯，會認。得兩個人做野，落單叫客等陣無咗回事。裝熱飲果杯有黑色浮遊物。幫趁咗1年多，下午茶碟飯越來越少份量，越做越差

晚飯時間，$254 二人餐價錢合理的！兩個女仔食完全夠，和會很飽 🤰第一道咖喱大頭蝦、朋友説用蒜茸燒坦白說味道不錯，但蝦肉有點過火、D肉好實 🥺招牌海鮮喇沙海鮮都足料，兩人分都有好多，唔孤寒！但喇沙有少少燶味，好像煲燶左，但不嚴重！最好食是馬拉盞通菜，菜都幾新鮮！味道少少辣可以接受，份量都大份飲品是涼粉椰汁冰，椰奶味重，涼粉亦好爽滑，都係好飲呢間餐廳食品如果控制一下，可能偶有失手，如果唔係其實味道唔錯的

今日星期六收工就嚟到呢間位於砲台山地鐵站對面嘅大頭蝦餐廳 唔入到去 環境幾好 但係感覺到處都油粒粒， 唔係太舒服 我就自己點咗一個沙嗲麵 味道好好好有馬西亞嘅風味 當喺馬來西亞食嘅有得一比

係附近睇完中醫，就行下附近有咩食。見到依間餐廳入面都幾附人食所以就入左黎。佢既下午茶好抵食，$30-$40幾蚊。我就叫左碗生牛肉湯濛粉，以為佢下午茶唔會好大碗。點知上枱好大碗，仲有埋配料自己加落去。佢個湯味道有牛骨味又唔會好甜。

一個月內去左2次旅行，個人好攰好似病病哋咁，琴日夜晚先落機，知道朋友今日會去中醫館度複診，就決定跟埋佢哋一齊出黎睇下中醫調理下身體😉睇完中醫餓餓地，就黎左附近嘅大頭蝦餐廳食lunch☺黎都餐廳都差唔多兩點鐘，見佢有下午茶餐就等多幾分鐘先叫嘢食😆生牛肉湯粉($36):粉多但牛肉少😆香茅牛肉撈檬($37):啲牛肉好靭，好難先咬得開😂越式牛肉炒河($42):好油😥全部都好大份，價錢係好抵，但味道麻麻😅

聽聞話加拿大情人節有假放（如果講錯請指正），但今日中國情人節（元宵）香港人就要繼續開工！香港果然係難撈，同樣難撈嘅仲有呢碗豬頸肉撈檬，猴子撈撈吓都唔想撈！這個豬頸肉撈檬其實賣相同用料都唔差，下午茶時段兩點鐘就開始，HK$ 42連餐飲冇加一亦算係抵食之選。豬頸肉夠味又有咬勁，問題只在於那些乾到結焦的米粉，個餐亦冇提供其他醬汁，無論猴子點撈都撈唔勻，撈撈吓都舉手投降。雖然實際食落唔算太差，不過口感就「乾憎憎」。以醫肚的角度來說，這裡合格有餘，猴子用餐當日都坐滿人。但正因為客人太多又嘈雜，所以實在講唔上係一個舒適的用膳環境。