大頭蝦餐廳

營業中

休息中

大頭蝦好威，攞咗我第一個喺openrice 嘅食評。星期日，涼涼地，晚市，餐廳得三四枱客，我推住BB車帶住兩個女（一個初生，一個四歲）買外賣香茅雞扒飯。女樓面話10分鐘就有，收完錢叫我出去門口等。等呀等，等呀等，唔對路喎，原來等左差唔多20分鐘。我係咁望入去，見到遲過我嚟嘅食客已經開緊餐。原本個女樓面唔見左，轉左位男伙記。佢見我係咁望入去，但無過嚟，繼續做嘢。再過多陣佢喺門口「裝」出嚟，見我推住BB車，然後喺門口旁嘅枱拎左我盒外賣，開條門La隊俾我，乜都無講就入返去。度門閂得好快，我嗰句「有冇搞錯呀」都唔知佢聽唔聽到。原來我個飯盒一早整好，而我一直企喺門口等，但無人拎出嚟。好想即時入去同佢哋理論，但推住架BB車，大女係咁話肚餓，細女係咁喊，我要搞掂我兩個女先。

豬頸肉喇沙湯河 47喇沙湯底味道可以再濃郁會更正河粉不淋身不碎依個要讚豬頸肉米紙卷 $50表面米紙較為煙靭，咬起來有點攰但材料豐富足料下午放飯時間人不算太多坐位算寬敞坐落舒服

香茅雞扒喇沙湯濛 $58 喇沙湯幾香，大眾化口味，好大碗，雞扒好嫩滑。泰式肉碎生菜包（牛）$45雖然我很少吃正宗泰國菜，但我覺得這個很好吃牛肉碎好有咬口，帶點筋的部位，調味很好，青檸汁的味道好香不會太辣，生菜也很新鮮不過我只吃了牛，不知道雞或豬的味道如何。越式鹽燒烏頭 $98好大條烏頭，都燒得幾香我覺得可以再乾身和鹹香一點，醬汁酸甜帶辣幾開胃。

食物一般服務態度非常差，落單叫野食個呀姐，好似前世欠咗佢咁，都唔知佢聽唔聽到我講嘢，又唔睬人，比錢受罪的感覺中午想出來透氣變成受氣😫建議星期一心情差千祈唔好嚟呢度

奉命到西環買海味，未食野經過隨便選了這間越南餐廳。下午茶時段唔多人，餐廳環境幾清靜，坐得幾舒服。下午茶套餐選擇都幾多，各式湯粉、撈檬、飯、炒粉、法包都有，由於唔想食太飽，揀左生牛肉湯粉。生牛肉湯粉($38 下午茶)湯粉賣相不錯，睇錯湯底算濃，可惜飲落太鹹，不知是否鹹味已蓋過其他味道，基本上只飲到鹹味試唔到有牛骨湯的牛味。牛肉正常，河粉是滑溜的。下午茶套餐價錢是抵食，但湯底真的太鹹，食完要飲番好多水。

今晚同朋友嚟試吓，估唔到味道出奇地覺得好味賣相好吸引，在減肥嘅我都忍唔住再叫多碟春卷，下次再叫朋友嚟試！椰汁涼粉口感新鮮，甜道很適中，唯一遺憾就係唔記得叫冬陰公，下一次再嚟一定要叫上。

很多年前曾於朋友吃過這家餐廳，當時對蝦印象還唔錯，不過好吃的飯店太多了，沒有再踏足，直到最近，和先生吃個工作便飯，不過我覺得味道也就是麻麻哋，說得過去罷了，不算太好吃

超鐘意食喇沙, 呢間位於西營盤大頭蝦餐廳就滿足到我🥰下午茶價錢就仲抵🤭 呢度既喇沙超香濃, 濃濃既椰香湯底, 加上幾多既海鮮 - 大蝦🦐 魷魚🦑 青口🦪 魚柳🐟 好足料, 一啲都唔馬虎, 仲有兩舊入哂味既豆卜, 超級正!🙌🏻 再加上份量好多既河粉, 真係超飽肚😋另外叫左脆卜卜越南春卷同烤牛肉米紙卷, 同樣出色好味🤭 春卷夠脆, 米紙卷份量足, 超抵食!!!!野食呢間真係好味, 但服務態度就一般, 抱住食完就算就好了😅

SORRY繼續都係食麵。。😂呢間越南野餐廳其實我食左多次架啦因為就係正NANA返工附近😗越南野來講佢份量都算好多 不單止河粉多 香茅雞翼都有五隻 包埋杯飲品都只係$47！外賣自取仲有9折 CP值極高✨✨✨-香茅雞翼湯河 $47首先講吓佢個河粉先 非常滑再配上佢個清湯 真係好夾😻食開辣嘅朋友係咪擔心清湯會好淡？唔會！因為店員會問你要唔要辣椒青檸 加左之後成碗湯河昇華了不少（都係我經常食嘅原因之一！）-然後講吓香茅雞翼 之前好似講過NANA唔太鍾意食煎炸野（但好似成日都食🙂）可能係佢香茅嘅關係 雞翼好香好脆 絕對唔係一大塊炸粉係上面 而且佢每隻雞翼都好大隻 雞肉亦夠嫩！係我不斷回頭的原因呢😽-而佢杯咖啡我都覺得有特別 應該係佢用隻奶既分別 咖啡飲落有果香（NANA仲覺得有啲似shisha會食到既味😂😂😂）絕對值得一試哈哈-整體來講係一個唔錯嘅午餐選擇 服務態度正常 食物CP值非常高 推薦喺附近返工可以試試佢✨

一坐低已經覺得啲餐具有少少油淋淋，整體感覺也不是太舒服，服務質素就普通啦，普通茶記咁樣囉~嗌咗個海鮮喇沙，個賣相唔錯，但睇落都幾油，味道就偏重偏鹹，頭幾啖就好惹味，但愈食就越口乾，可能落咗唔少味精啦，哈哈😅 杯奶茶就都ok啦，但可怕嘅係食完唔夠幾個鐘，個肚有少少唔舒服，未去到話要屙，但有少少絞住絞住，問身邊啲朋友原來佢哋之前食都有試過類似情況😨😨但選擇係幾多同賣相都幾吸引，味道都唔錯係幾重口味，但下次未必會再食了🙁

都ok, 牛丸好掂，有料到，但份量不大，其他正常，環境舒適，坐位闊落，lunch時候尤其是夏天，行落條街度度坐到勁逼又熱，行到都吾想行，旁邊果d又勁多人勁出名，坐到郁都郁吾到，呢間環境ok

第一次幫襯，老實說整體頗差，相信不會再幫襯。首先衛生不佳，桌面微微一層油，需要我自己用消毒濕紙巾再抹。邊食邊有烏蠅飛來飛去，揚手趕極唔走，衛生不佳。豬扒法包：法包須然有烤，但不熱；加上內夾一堆微冷的酸蘿蔔絲，搞到個包有d濕漉漉；再夾埋一件切成長條型的的式式室溫豬扒；整體加起來一起食，溫度不熱不溫不冷，感覺真係好難受。豬扒雖小但食得出好鞋。唯一加分：豬扒係全熟，安全食用。海南雞飯：份量足，雞算軟熟，但冇味，比較生（我本人已經算接受到生d嘅雞，但我都覺佢比較生）；我選配白飯，沒飯香都算，飯很淋軟之餘，間中會食到少許硬飯。素菜米紙卷：內𥚃包嘅生菜都新鮮，但整個卷無咩味道，又沒有配汁醬比客人沾；整個碟碟底水汪汪濕漉漉，估計係米紙卷內包了堆酸蘿蔔絲流出的水造成。仲有幾個小問題就不再多説了。說到這𥚃，我相信自己應該不會再幫襯🙏🏻

Spring rolls were cooked so nicely and were still boiling hot throughout the meal. Would have liked a few more veggies in the bowl. But all in all was very full by the end of it. Good fish sauce to add to it. Local style cha chaan teng but for Vietnamese food. Cheap and quick, I always do takeaway here for dinner. Worth a visit for authentic vietnamese food

係附近探朋友，諗住叫外賣，佢未聽完我講哂條街幾多號（其實都係東邊街，只不過係前少少），佢就已經吋話唔送，唔緊要，我話自己黎攞。叫野食既時候，我問佢香茅豬肉飯 既豬肉即點，佢好吋話「姐姐仔，你好少買餸呀？」我聽到火到黎，我話「我既意思係豬扒、豬肉片定肉碎呀？豬肉好大範疇」，佢又未聽哂已經係度講「我就唔知豬肉有好多種啦，我只係知條街有好多豬扒」。嬲到我呢，由於我趕時間，所以都叫左。去攞外賣既時候，佢見到我原本仲想串我，但係佢見我塊面應該黑下，佢叫佢其他同事比外賣我。我叫左生牛肉河，但係佢既湯底好淡、冇咩味。其實佢地岩岩開既時候，我成日叫lunch，之後轉左公司之後先無食。之後同住附近朋友傾開，原來個老闆一向都係態度差。依家好多食肆都生意唔好，似乎佢唔想做生意

西營盤冇乜 連鎖餐廳，得茶餐廳,是但入左一間就腳既.叫左個香茅雞扒飯食.佢個雞扒正,層皮係脆.肉嫩，唔鞋口.夾埋醃蘿蔔一齊食,好味.個擺盤又有心機加汁加到人地酒店甜品咁.都叫有心機.係覺得個飯份量唔夠,多返小小就夠飽.