大頭蝦餐廳

營業中

休息中

筆者今次繼續係西營盆度覓食，偶爾發現有一間越式餐廳，店員企左出黎門口好踴躍招呼客人，於是筆者就同朋友一齊試下。一入到鋪頭，發現人頭湧湧，正當筆者以為無位嘅時候，店員就招呼左我地上去餐廳嘅第二層，所以其實位置都幾充裕，唔洗擔心無位嘅情況發生。筆者係lunch set入面選擇左碳燒豬頸肉金邊粉（金邊粉需要加錢轉）。整體味道唔錯，湯底清清淡淡，配埋重口味嘅燒豬頸肉就岩岩好，再加埋煮左無耐所以仲係爽口嘅芽菜，平衡翻得肉類嘅呢碗粉。唯一比較令筆者感到可惜嘅係佢嘅碳燒豬頸肉並無分開另外端上，令到d豬頸肉浸左係湯到，搞到霖左少少，而豬頸肉嘅油分都會滲入到湯底，令到每啖金邊粉都有少少油膩，食得多會覺得有d濟。

1330在大頭蝦泰國餐廳外面MENU看到素菜米紙卷，覺得很吸引便入內用餐。但原來素菜米紙卷只在2點開始的下午茶時間有賣，而午餐時間是全葷菜菜式，我立即很尷尬。幸好店員非常好心，叫我稍等一下，廚房便準備了素菜米紙卷～米紙卷一共八件，由彈牙煙韌的米紙包住生菜、米粉、紅蘿蔔、白蘿蔔和青瓜，口感非常豐富！配著泰式酸甜汁來吃，更加清新。看上去份量很多，但可能全都是生蔬菜，口感清爽不膩，感覺剛剛好。

平價之選👍👍 一個二人套餐～每人＄120 左右. 就可以嘆到四個餸： 包括有鹽燒烏頭～ 菠蘿炒海鮮飯～～ 炒通菜～和豬頸肉❤️💕 真係超級平～ 超級抵～而且味道不差😍 豬頸肉燒得很脆～外脆內有肉汁～好味到👍魚又夠滑～ 海鮮炒飯又夠大份💕夠晒飽肚👍我覺得平時晚餐諗唔到去食咩嘅時候～一定會瘋狂幫襯呢一間😂😂😂因為好近我屋企哈哈唯一小小挑剔係略嫌個鹽燒魚來得有點慢～大概要20分鐘才到🤦‍♀️ 其他的一切都感到滿意👍❤️

早前放假，專登走來西環諗住做gym ,想食個好嘅lunch先再去健身室，見到呢大頭蝦餐廳好似好特別，所以就入咗去叫咗碗雞絲撈檬。檸檬汁非常醒胃，雞絲肉質柔嫩，麵質軟硬適中。值得推介

因為住在附近，有很多好吃的選擇，東南亞就是我經常會想食的選擇。而今天我去大頭蝦食那個越南河粉。這家店有很多種類，你看餐牌的話，他有豬頸肉、豬扒、春卷啊，應有盡有。這次我都看中他外賣有九折這個優惠，特意跑到家裡吃。我點了一個火車頭河粉，他們很好的幫我將那個麵跟湯分開，回到家那個湯依然是熱的，足夠弄熟生牛肉。這個火車頭材料有很多，然後價錢也不超過＄60，是比較好的一個選擇。另外他還有一個咖喱大頭蝦味道也是不錯，在這裡也推薦一下。

今天是星期日要在西營盤上堂。中午放學後，又是時候尋找美食。那裡食店林立，很多菜式供食店。由於天氣炎熱，總覺得滯滯地胃口自然不好。今次要選擇吃"醒神"又開胃的。見「大蝦頭」是以越南菜作為買點，正合我心意。決定試一試。我點了春卷撈檬及熱奶茶。春卷撈檬有五條春卷，青瓜絲，椰菜絲，酸紅白蘿蔔絲及檬粉。賣相都不錯，份量只是剛剛好。春卷是新鮮炸起，有豬肉，木耳，紅蘿蔔及粉絲等饀料。咬起來好爽好脆囗，肉味香之餘，又惹味，又有嚼勁。口感一流，簡直是味覺享受。酸紅蘿蔔，一入口的第一個感覺是非常酸。然後再食落去之後就不再覺得好酸。青瓜絲和椰菜絲鮮甜爽脆。檬粉煮得不太腍，撈了不太甜也不太酸的甜酸汁，把沒有味道的檬粉變得酸酸味味，頓時胃口大增。熱奶茶，紅茶和淡奶比例適中，奶味不重也不苦澀。總括而言，以這個價錢享受這個質素的食物算是物有所值。

四月好忙，一開著左引擎可以做唔停。個肚開始餓，一望已經兩點。西營盤雖然好多餐廳，但次次諗食咩都選擇困難。見悶悶地走去大頭蝦食個檬先。雖則過左放飯時間，但餐廳都仲有唔少人。下午茶餐都有唔少選擇，我叫左炭燒豬頸肉撈檬。檬粉丶紅蘿蔔絲丶椰菜絲同青瓜絲份量都唔少。酸辣汁調得味錯，唔會太辣又有蒜香味，撈埋食特別開胃。豬頸肉醃得入味，但唯獨是有幾片比較韌。唔知係我肚餓定酸辣汁比較惹味，成碗檬粉比我KO左，好飽。

由於我在大頭蝦餐廳附近的大學就讀所以大頭蝦餐廳便成為了我平時吃飯的不二之選到訪當天所點的是泰式豬頸肉撈檬、以及海鮮喇沙。首先說說豬頸肉撈檬，豬頸肉烤得不錯，有咬口，而且分量很大，豬頸肉和撈檬分開上。另外海鮮喇沙方面，材料非常之多，包括有大蝦、豆卜等等，而且喇沙的湯底有椰奶味，而且辣度適中。位於西環的大頭蝦餐廳有兩間，一間在電車路旁邊，一間在水街。而電車路那邊的那間人較少，通常不需要排隊，所以建議去電車路那一間。

撈檬質數都ok 但海南雞飯啲雞係冰鮮雞嚟嘅食落去一陣雪味 咖哩雞飯似係大家樂嗰隻味 而且價錢唔平尤其係小食 同埋份量都真係幾小男仔去食未必夠食仲要已經顧客唔係好多但係等親時間都ok 長 

講起Viet food，第一樣梗係試湯河！呢到既湯河唔係好貴，但一啲都唔馬虎！上次叫佐一個生牛湯河。多佐一份牛肉既鮮味，令佢個湯更加好食！ 河粉幼幼地同好夠林，易入口！抵食之選～

8/11/17, 今日想食越南野，所以簡左大頭蝦越式野，試下佢掂唔掂。我一個人揾食，比較容易，所以去到都有位坐。聽聞呢間野係出名大頭蝦喇沙湯粉，但可惜我係唔鐘意食蝦架，所以無試到，只係叫左午餐： 香茅豬扒湯檬，熱檸茶 $45, 其實價錢都ok, 都低食。一黎到，賣相都可以，但係無我平時食開其他食店有的辣椒/洋葱/九層塔爭左d, 呢碗係好清，得豬扒同芽菜+葱，清湯但要讚一讚，佢嘅豬扒醃得好鬆，應該落左好多生粉黎醃，口感同其他嘅豬扒唔同，有一定嘅厚度，味道都好味，好好食，可惜就係檬粉唔多，男士應該係唔夠食囉。

又係食喇沙嘅時候！不過今次係試大頭蝦餐廳嘅喇沙湯粉🍜叫咗朋友推介嘅豬頸肉，粉有得揀河粉、米線或檬粉，我自己就中意食辣野揀檬粉，好似有feel d午餐56蚊包杯飲品，係中西環地區算係咁上下，黎到碗麵就知抵，超多豬頸肉啊望下張相就知🐖🐖🐖🐖🐖🐖！係好味嘅燒豬頸肉👍🏻食極都仲有女仔可能食唔晒😝不過重點都係個湯底，好香椰奶味又鮮甜，爭啲想飲哂啲湯😋😋😋😈邪惡度💯 喇沙愛好者必試👨🏻‍🍳

好耐冇食越南菜了，四人行唔知食咩好？最岩食大頭蝦，因為唔洗等位又唔貴！今次叫左個二人餐再加其他小食！散叫蒜蓉包 - 切片法包只塗上牛油加少許蒜蓉醬，好似冇烘過，完全唔脆，林晒！散叫咖哩牛腩煲 - 牛腩好入味，又夠晒火候！咖哩微辣偏香甜，薯仔好林好入味，呢煲最岩送飯食，即叫個白飯黎送！二人餐主菜 - 大頭蝦咖哩煲，咖哩底同上，但加左大頭蝦一齊煮，多一陣蝦膏味，好香啊！大頭蝦兩雙，原本呢款蝦已經係頭大身細冇咩肉食，所以精髓在於薯仔，吸左咖哩及蝦膏味！招牌海鮮喇沙 - 係我每次食大頭蝦必食之選，不要問，只要去試！呢個價食到湯底好濃，海鮮材料多，又好大碗！辣度、甜度、面的軟硬度都適中，湯料足，冇得輸！馬搵盞炒介蘭 - 本身我不太鐘意食介蘭，但呢碟可以接受，因為馬拉盞味道重，遮蓋了介蘭原有的味道，但食到介蘭的爽脆！個人覺得偏油，如果少油就更好！炭燒豬頸肉 - 剛燒出黎好脆口，配上酸辣醬，，Good Fit!

今天到西環探望朋友，到了中午的時候，當然要在左近找野食啦。自從地鐵通車之後我還是第一次過來西環，行行下終於選了這間位於皇后大道西的「大頭蝦餐廳」午市套餐選擇多樣有湯粉、撈檬、喇沙和各式飯可選擇值得一讚咖喱牛腩飯 - 咖喱牛腩飯份量不少，可是食落味道卻一般咖喱味道略為淡口，牛腩也十分韌很難咬得開而且是全瘦很嚡十分黐牙如果沒有牙線都搞唔掂熱檸蜜 - 熱檸蜜調校得非常好檸檬和蜜糖的比例剛好不太甜，檸味突出實在加分(可能未能嚐到餐廳的強項，有機會一定要來再試試其他的食品)

Today I felt like to eat Vietnamese food, walked past this king prawn restaurant and saw quite a lot of people  inside. Ordered curry beef rice, the curry is a bit spicy but it’s tolerable. Beef is tender and the potato match with the curry taste. $45 comes with a drink, not a bad choice. My friend ordered porkneck rice , he said it was so-so. More sauce would be better.