大頭蝦餐廳

營業中

休息中

去天空之鏡影相，影完天都黑曬行去附近搵食，見呢間好光猛，食物價錢又平，入來試吓。兩個人叫左個生牛肉河粉加越南春卷套裝，包埋杯飲品都係60幾元。再叫左個咖哩牛腩飯，如果加飲品都係半價。兩個餐都好好味，呢個價錢真係好超值。生牛河好大碗，牛肉又多。牛腩飯老闆又應我哋要求加飯俾我哋，牛腩炆得好林，下次過來西環一定再幫襯。

來到西營盤 食午餐 仲要帶埋妹妹 都唔知可以食啲乜😅大家都知 西營盤冇乜 連鎖餐廳， 但係就有好多茶餐廳😘自己又唔熟路喺條街漫無目的 周圍搵食🥩🍗🌮🥘🍝都幾辛苦:😣咁啱妹妹見到，英文字母啡色袋想食薯條🍟咁熱氣媽媽點會應承佢。就係因為呢個袋 ,俾媽媽搵到大頭蝦呢間餐廳，本身自己好鍾意食東南亞美食，可能因為咁小朋友都會鍾意食。入到去其實已經係午餐時間，入面都幾多人， 好彩有個角落 ，唔駛等位。見到餐牌樣樣都好似好好食，可惜妹妹話要食飯🍚只可以同我鍾意食嘅撈檬講再見👋🏻今次揀咗香茅雞扒，佢個雞扒做到好出色，雞扒邊完全係脆身嘅😲唔講仲以為自己食緊炸雞添🤭，咬落去肉岩岩好， 夠嫩滑，一d都唔（鞋）。飯加左汁，賣相好靚，咁放汁唔會一邊太多汁，令到個飯鹹咗， 而家咁樣啱啱好，唔使自己撈埋啲飯好方便。平時我唔會食配菜架，今次我有試一試佢既配菜，本來以為係普通醃蘿蔔點，知食落有驚喜，辣辣地幾開胃，一句講曬正！最重要係佢哋服務非常之好👍🏻係午餐呢個繁忙時段，妹妹食飯比較慢。我哋霸咗半張枱，媽媽非常心急係咁催妹妹食快啲， 反而係老闆同埋姨姨叫我唔好吹佢畀佢慢慢食。 食飯期間又聽到老細教人哋點樣正確咁食東南菜

最近想食東南亞風味的菜，被大頭蝦個店名吸引過來的，就試咗個香茅雞扒牛骨湯粉，湯底甜甜辣辣咁，好好味，雞扒出乎意料的好吃，搭配個湯底有意想不到的味道，加上價錢好實惠，下次可以再試下其他菜式。

喱度唔只泰菜 仲有越式菜 等你可以一次過試兩個味道.🍴生牛肉湯河跟飲品（下午茶餐價） HKD$36一上枱見到紅卜卜真係生嘅牛肉片 而唔係平時常見嘅半生熟已經好開心 湯頭夠熱可以令牛肉淥熟之外 用鮮牛骨嚟煲 唔會太咸 加少少辣椒吊下味仲正牛肉片有牛味！聽落好似廢話 但真係唔係間間做到咖 有咬口得嚟仲要唔鞋唔韌唔痴牙 比個like佢河粉就普普通通 雖然都滑身但有啲就痴埋咗做一疊 扣咗分份量一般 男仔食未必夠 但以喱個價有碗特色粉 配埋嘢飲都算抵食另外值得一讚嘅係食物嚟得非常快 落單到有得食都係五分鐘左右 即使趕時間嚟食都無問題！ps. 其實我更喜歡喱間嘅喇沙湯底.推薦度：7/10

今次又經開西環，又黎到我最愛的平價越南飯堂大頭蝦食🥰🥰今次一於試下佢個湯河，叫左香茅豬扒湯河，$44 湯底夠清甜，加埋辣椒，甜甜辣辣咁，十分出色🤤🤤湯底本身都有少量香草，令到整體再昇華左好多而河粉佢係比較幼身，好滑❗️❗️而香茅豬扒都好出色，香茅味好出，煮得岩岩好，一如以往地咁出色💪🏻💪🏻💪🏻而佢跟餐會包熱飲，$2 變凍飲，同區黎講都算係平，經過開西環唔知食咩可以黎一試💪🏻💪🏻💪🏻

1、入去之後坐佐五六分鐘沒人招呼，之後先卑餐牌，問有無野飲，店員說我地噶係有跟餐噶就離開，問都沒問我地要飲乜。2、之後問第二個店員要野飲，一會又同我地話係沒跟餐沒野飲，明明頭先個店員話有噶窩！有乜搞錯啊，問改一樣的套餐，又話唔得，一樣價錢一樣餸，點解唔得？我問番第一個店員，又話可以。3、上錯菜。上菜時我話沒點個蝦餅，店員先攞返去⋯仲問我地要不要加個蝦餅試下，跟餐都黑面唔得，我當然唔會加餸啦4、味道算OK，鳳爪好吃

附近做野，平時有食開，野食係ok既而且價錢平，但皇后大道個間服務態度認真麻麻(水街個間好好多)，今日太過分，要寫下佢。星期日午飯時間入到去得1，2成枱坐左人，好啦，唔駛等位坐入去。坐左2，3分鐘個眼神冷漠既呀姐(眼神真係高傲到我唔知係唔係老闆)眼尾都唔望我，慢條施理抹枱。我話"寫野，唔該"，無反應。坐多兩分鐘，我直接望住佢講話"香芧豬扒飯，凍啡，唔該"，呀姐都係眼尾唔望行左去。嬲到我咩都無講，即刻直接起身出去。寧願行多兩分鐘去水街間分店。照計水街個間無咁就腳應該少D人，入到去8成枱坐左人。我就唔知點解水街分店多咁多客，你話點解呢?

雞翼撈檬 & 豬頸肉撈檬- 每次去食，食物都係即炸，好脆記得食嘅時候將啲肉類拎開，先在加野去撈，如果唔係啲肉就會冇咁脆椰青- 當日好熱所以叫咗個椰青飲，好夠凍夠甜當日老闆仲教我點樣產啲肉，佢見我產得好辛苦就俾咗個大匙羹我，好有人情味！而且座位好好，當日去食有兩個人，但都照比四人枱我哋，見到好多人入嚟都冇叫我地搬枱比人搭枱。人均消費都係$100以內，係呢個地方來講都叫平，而且食物質素都高，唔係求其做比你，最緊要係每次去食都好有人情味！

今日返工，天口好熱所以想食野味啲嘅午餐，結果行行吓嚟到呢間西營盤嘅大頭蝦東南亞料理，諗左一陣彈左去買香茅雞扒飯。本來冇乜寄望，因為都係一個午餐飯盒姐。但係一翻公司打開個飯盒就好好香嘅香茅味同埋好靚嘅外相吸引左我，食落真係好開胃好好食。呢個飯如果去其他泰國或者東南亞鋪頭食，最少$5，60買單，呢度包埋嘢飲只係$43，超值！唔知仲有九折添，大家記得快啲嚟食呀

食食下碗河粉裏面有條膠，問啲店員咩黎，個店員仲要扮傻，話(係囉點解有條膠既)，跟住攞住走想毀屍滅跡，我都係問下係咩黎啫，我走到去樓下問，仲要話唔知咩黎，仲同我講無辦法，一句道歉都冇，仲同我講你未埋單，我火都嚟， 同佢講話我都係想你解釋下係咩嚟，我又冇話唔比錢，淨係識同我講老細唔喺度，咁唔通係佢老細擺落去既咩？跟住一味話你埋單先啦，又問我你想點，我同佢講我都係想有個解釋啫 ，淨係識同我講唔知，以後都係唔好去。

下午茶時段，叫了雞絲扎肉河、串燒、牛河，味道一般，串燒咸得過份，真的不能入口，河粉湯底亦屬一般，沒什麼特別，唯一值得讚的是加錢要的紅豆冰，紅豆沒渣及充滿椰汁，確實很好飲。

中女獨食難肥日誌 難得過海，又問問地膽附近有什麼好吃？介紹道大頭蝦不錯，有粉面飯剛剛過了午膳時間，見大頭蝦有做下午茶就一試吧話說又發現附近好多特色coffee shop不少外國人坐著喝咖啡，唉..打工仔個個要工作，那有閒情閒日有這奢侈享受如果放假再來一試！炭燒豬頸肉撈檬 $42(下午茶餐包熱飲)豬頸肉大大塊，雖然是下午茶但好足料呢！而且又香又肥美配上酸微微的醋，撈均底下的菜及檬粉一起吃，簡單便宜的美味

不嬲都好鍾意食海南雞飯，所以今次去咗大頭蝦餐廳試食海南雞飯（$55）當晚餐！我大概下晝六點幾去食， 都唔算多人，唔使等位即刻就可以入去食，而且服務員都好快同我落order,服務態度唔錯！佢個餐包括一碟雞、三款醬料、一碗是日餐湯、一碗白飯。先講碟雞，雞肉份量頗多，而且都幾嫩滑，同其他餐廳唔同嘅係， 佢比左三款醬料我點，可以根據自己喜好選擇點邊款～另外我都幾喜歡佢嘅餐湯，我食嗰日係青紅蘿蔔豬骨湯，個湯都幾好飲，唔會話好重味精味～推介大家去試吓～

筆者今次繼續係西營盆度覓食，偶爾發現有一間越式餐廳，店員企左出黎門口好踴躍招呼客人，於是筆者就同朋友一齊試下。一入到鋪頭，發現人頭湧湧，正當筆者以為無位嘅時候，店員就招呼左我地上去餐廳嘅第二層，所以其實位置都幾充裕，唔洗擔心無位嘅情況發生。筆者係lunch set入面選擇左碳燒豬頸肉金邊粉（金邊粉需要加錢轉）。整體味道唔錯，湯底清清淡淡，配埋重口味嘅燒豬頸肉就岩岩好，再加埋煮左無耐所以仲係爽口嘅芽菜，平衡翻得肉類嘅呢碗粉。唯一比較令筆者感到可惜嘅係佢嘅碳燒豬頸肉並無分開另外端上，令到d豬頸肉浸左係湯到，搞到霖左少少，而豬頸肉嘅油分都會滲入到湯底，令到每啖金邊粉都有少少油膩，食得多會覺得有d濟。

1330在大頭蝦泰國餐廳外面MENU看到素菜米紙卷，覺得很吸引便入內用餐。但原來素菜米紙卷只在2點開始的下午茶時間有賣，而午餐時間是全葷菜菜式，我立即很尷尬。幸好店員非常好心，叫我稍等一下，廚房便準備了素菜米紙卷～米紙卷一共八件，由彈牙煙韌的米紙包住生菜、米粉、紅蘿蔔、白蘿蔔和青瓜，口感非常豐富！配著泰式酸甜汁來吃，更加清新。看上去份量很多，但可能全都是生蔬菜，口感清爽不膩，感覺剛剛好。