大飯糖甜品小食屋

營業中

休息中

極喜愛甜品的我，甜品係每日第四餐天氣咁熱，最啱食雪糕。朋友仔未食飯，又唔想食太多，就係大飯糖叫埋小食。士多啤梨+3.6軟雪糕+原隻鮮椰皇果凍$65雪糕奶味好濃，而且雪得夠耐，唔會擺出黎弓陣就變左液體，士多啤梨有少少酸，同椰皇果凍既甜味好match蜜脆雞翼（4隻）$35雞翼好入味，又唔會好油膩，加埋蜜糖少少甜味，好野味腸粉（5條）+咖哩陳皮魚蛋（12粒）$10腸粉本身order左多醬，再加埋個咖喱汁最正係煙韌既陳皮魚蛋，因為而家都好少地方食到陳皮魚蛋啦，一般都好係普通魚蛋酥炸燒賣（12粒）$24好少少乾身，唔會太油而又超脆口

👨🏻‍🎓呢間喺P仔屋企附近嘅黃色甜品店開咗都好幾年，喺佢未搬大舖之前P仔就已經開始幫襯，一開始就淨係賣啲甜品同小食咁，而加就連台式嘅飯麵正餐都有得食！🍛肉燥鹽酥雞扒飯 HKD 49佢哋嘅甜品P仔就食過好多次，正餐就淨係食過一次，就叫咗佢哋嘅肉燥鹽酥雞扒飯。呢個飯嘅份量都幾多幾大兜，一大塊嘅雞扒切開咗6-7舊，肉燥都幾多，啱啱好夠哂嚟撈飯！🍗味道方面佢哋嘅肉燥就普普通通咁，唔會過咸，用嚟撈飯啱啱好；至於雞扒都仲幾脆好好食，調味都啱啱好，不過都係普普通通嘅好食！🥣至於佢哋嘅糖水方面P仔今次就叫咗個薑汁湯丸同波波池。🍡黑糖薑汁湯丸 HKD 28佢哋嘅薑汁湯丸size比出面買到嘅細粒少少，入面都係芝蔴饀，每碗就入9粒咁多，咬落都幾煙韌，配埋薑味十足嘅薑湯真係好唔錯！🍧波波池 HKD 48另外一款P仔叫咗嘅就係波波池，顧名思義入面嘅都係圓形好似個波咁嘅食材，好似有芋圓、紅豆粒、西瓜、小太子同雪糕球咁。🍡入面嘅芋圓口感好煙韌，不過芋頭蕃薯味就唔算話好出，要咬一陣先會有淡淡嘅味；而西瓜都甜甜哋咁幾唔錯。其他幾樣材料就係普通出面食到嘅無話太特別咁，不過配埋哂嚟食又幾唔錯幾好

之前經常都去大飯堂，但搬左後都係第一次，叫番佢個心太軟，真係好好食，拍得住酒店水準，佢有好多種口味雪糕，個人就最推薦佢嘅扭紋軟雪糕，係雲呢拿拼朱古力，配埋心太軟真係一絕

今日OT做到9點幾，個正苦又玩溫疫政治要10點前先有堂食，咁有咩好揀？緊係近地食個頹飯la點解揀佢？無他ge....近+味道正常，最重要係門口有大空地泊車。黃藍是政見，好食係良知講番正題，今日叫咗個咖哩雞扒飯，啲咖哩畀上次淡，分量又細咗，啲飯仲要黏嘅，搞咩呀…………之之前叫錯咖哩豬扒飯都好正常。唉，早知食老麥都冇咁嬲，一陣要去天水圍買啲街邊宵夜平衡下心理先得。不過，我諗下次都會繼續幫襯， 只係唔會再叫咖哩飯，898。有樣嘢值得讚嘅，芋圓薑茶係好飲👍🏿👍🏿👍🏿天氣凍又夠暖身。之前係呢度食麵都好正常！當然糖水都正常，只係今日餓到hi hi所以過嚟食飯，點知就中咗伏。btw, 地方大又夠光猛，同朋友打完波傾下偈一流law......

夜晚突然好想食甜野，就揸車走咗去洪水橋大飯糖以前係舊舖都幫襯開，依家搬咗黎附近重大咗好多 ，坐位又舒服甜品既種類太多，所以想睇既就自己落去食，一定有一款啱您心水今次咗個 1.香黑芝麻軟雪糕配心太軟 $61好食分數 8/10雪糕非常濃郁既芝麻味，心太軟就有流心效果，價錢就比較貴小小 2.咖哩腸仔好食分數8/10咖哩汁做得好好，每次黎都會食既野3.木糠布甸配3.6軟雪糕好食分數8/10雪糕非常香牛奶味 好好食 布甸每層都做得好👍🏻整體食物質素都滿意👍🏻👍🏻價錢就高啲🤪一分錢一分貨

«1019»元朗自設嘅大飯糖！（有聲）﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣之前去親舊鋪都食甜品，鍾意食榴槤可以試下D24榴槤嘅所有野，好正～ 第一次去新鋪真係變咗大飯堂😂麵飯小食甜品飲品乜都有，選擇多咗好多～ 同埋開到凌晨一點，宵夜唔驚冇著落🤪▷肉燥東坡肉飯 $50▶咖哩魷魚排盤 $46▷焦糖燉蛋白配扭紋雪糕 $28🍮🍦呢款甜品不錯，跟飯麵套餐嗌只係$28，焦糖燉蛋白食唔出同普通燉蛋嘅分別，蛋味都仲係濃，唔覺有走咗蛋黃添🤨 anyway la 當食緊燉蛋就ok😂 入面口感100分，又滑又綿！扭紋雪糕隻朱古力味好好味道，兩樣一齊食都好夾😗熟食來講，可以話係冇乜特別，正正常常大大份食得飽人，飯嘅肉燥同東坡肉好多，如果轉過個碗同拎走兩舊煲湯蘿蔔，賣相會吸引好多🤡咖哩係非常中規中規嘅例牌咖哩汁味道，唔夠傑身，而且就咁淋汁落去唔係煮出黎，所以唔係好夠入味。總結味道係ok嘅，想醫肚的人可嗌，係個樣頹咗啲姐～🤣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣大飯糖甜品小食屋元朗洪水橋洪堤路8號雅珊商場地下8號舖大圍美田路30號美林邨熟食亭5-8號舖

雖然我都係啱啱呢一兩年先接受到杏仁茶嗰隻臭味，但真係未必間間我都食到我都接受到。自從好朋友外帶一碗蛋白杏仁茶俾我之後，我就念念不忘。每一口杏仁茶都夾住蛋白，好似食燉奶咁滑真係好好味。今次試下堂食，餐廳地方都好大噃。而且外面門口有位，可以知暫泊車好方便！呢個位又做得幾好，有時食糖水食得太甜，個嘴覺得好膩嘅時候，都可以自己倒杯水飲下喎。真係細心！呢間餐廳除咗到糖水之外，其實佢都有熱食，即係有賣飯，湯麵，小食嘅。跟住當你望到飲品及甜品嗰到，選擇困難症就會發作，你慢慢睇下就知咩事無可否認，成吋厚嘅餐牌，多達70+嘅糖水甜品裡面，白松露雪糕配焦糖燉蛋 及 木瓜芋圓小丸子真係好吸引。唯有下次再食！今晚媽咪同我都好悶咁食返同上次一樣嘅『芒果小丸子撈配』及『蛋白杏仁茶』柴可夫麻甩佬就食『幪面超人』即扭紋雪糕+芋圓+咋喳+西米露。

平時好少入元朗洪水橋就更少去過今日同朋友一齊去狩獵食店見到大飯糖個名咁得意就入咗去試試正喎，免費轉特飲。原來得星期一至四先有😢鹽酥雞排麵雞排夠酥脆而又會太咸配上麵食，雞排再多都可以食哂🤤冬菇鮮肉水餃麵完全估唔到有原隻冬菇仲有好大片的蘿蔔起初都好驚食唔晒但一食就停唔到，蘿蔔無根無沙，又𣺉又甜，肯定煮左好耐先好咁好食。再加上原隻冬菇，今餐纖維一定夠哂。反而水餃中規中矩，豬骨湯底都飲嘅下次入元朗應該會再黎食多次👍

呢日一家四口踏完單車，諗住係洪水橋搵間餐廳食晚飯🥣夜晚8點幾，附近餐廳已經差不多關門。去到大飯糖門口，本以為只有甜品食，無諗到有咸點食。點知比我地見到有粉麵和飯的餐牌，覺得好吸引！叫左豬扒米線和雞扒米線，加少少錢有例牌甜品選擇！不過最後都無叫到例牌甜點，叫左賣相吸引的士多啤梨木糠布甸，出乎意料甘好味！士多啤梨味十足。另外仲叫左朱古力雪糕，小朋友好喜歡所以我推薦大家來食午飯或晚飯，一次食埋甜品！好方便啊！

食完晚飯，竟然有人遠方外賣送上呢d🤤令人流曬口水嘅甜品🍮🍫魔鬼三兄弟：朱古力心太軟外脆內軟朱古力奶凍嘅朱古力味夠濃郁、又夠滑朱古力雪糕球竟然經過重重嘅難關（炎熱嘅夏天）都仲未溶，實在厲害👍🏻呢個朱古力系列，真係好邪惡😈簡直就係冰火樂園，又熱又冬嘅感覺真係好特別🤤🍮楊枝甘露配朱古力奶凍次次食都係配牛奶奶凍，第一次試呢個朱古力🍫奶凍，以為會唔夾，點知出奇地好味😋🥘咖喱拼盤：豬皮、腸仔、魚蛋、蘿蔔咖喱夠濃味，魚蛋又夠彈牙，d豬皮蘿蔔索晒啲咖喱汁，冇得彈👍🏻🦑咖喱魷魚拼盤魷魚夠彈牙、蘿蔔夠甜，配上咖喱汁，味道一流🤩正👍🏻

叫咗二個外賣，所以個賣相即刻冇咁好睇🙈😂第一次食呢一間野都覺得幾好食。叫咗個椰皇果凍配D24榴槤果肉，椰皇果凍真係食得出佢椰肉味🥥，果凍好實淨，拎完外賣返去都仲係好堅實。榴槤果蓉真係覺得好似原隻榴槤擺咗喺度咁😍超香，鍾意食榴槤一定要試吓。鍾意食榴槤一定要試吓。然後仲有少少早餐穀物配，多咗一啲脆身口感因為太鍾意食芋圓所以叫咗兩個三色芋圓，係Aset配b set個到簡。好似三十幾蚊。芋圓入面好似有芋頭粒咁，其餘紫薯同番薯味，味道唔出，但係口感煙銀👍🏻👍🏻😋😋。正常應該會配埋椰奶但係因為我哋唔鍾意，所以冇要到。點知連糖水都無左🤯？變左有d乾。不過整體來講其實都幾好食，下次會再去🥳🥳🥳

早前係電視一個講宵夜的節目見到有介紹呢間ge 甜品，接住個星期六立即去試，去到以為只有甜品，但原來係一間有做埋飯，麵既甜品店，不過我一心都係想食芒果爺爺， 個雪糕已奶，配埋d 芒果同jelly, 好好食，同埋好抵，食極都仲食完，另外仲叫左杯西瓜汁，消暑一流

😋其實已經食咗好多次，影咗好多相😅今次的起心肝擺相～分享下吧🤭🤗平時最常吃的糖水🤗排名不分先後💪🏼🍧手芋家園🍧紫霞仙子🍧蒙面超人🍧夢遊仙境🍧流心蛋腐竹薏米糖水＊特別推介👍🏻👏🏻讚賞👏🏻～芋圓~煙韌～西米~大粒～白涼粉~清心～紫米露~綿～喳喳粒~份量☆流心蛋～驚喜🤣食過就知我讚咩💪🏼👍🏻真心推介，可以試試😋

食完晚飯，想食個甜品，10：00左右到都仲要等位。椰皇果凍+西瓜+雪糕出奇地夾，超級好食，軟雪糕又唔會就溶咁 心太軟芝麻雪糕，個芝麻雪糕都係好實心，又唔會就溶咁，心太軟仲係熱辣辣，切開係流心朱古力，一冷一熱，超夾

✦芒果小丸子撈配河粉 -芒果唔酸-芒果汁底糖水比例太高-小丸子同河粉都係正常質素聽同事推薦呢間既糖品聽左好耐，終於有機會入元朗會一會佢👏🏻但可能事前聽得太多好評，所以一入口就好失望😣呢碗芒果小丸子撈河粉好明顯係溝左好多糖水做芒果汁底，因為入口冇芒果香，但係就好甜，係糖水既甜味...咁既價錢我會選擇去買個芒果食🤪