大飯糖甜品小食屋

營業中

休息中

搬咗新舖之後第一次幫襯，係比以前差左少少，例如咖喱拼盤個豬皮好乾，睇得出佢應該係冇同咖喱汁一齊煮，而係就咁林啲咖喱汁上去，以前都唔係咁嘅😟咖喱汁都差左少少，唔係好夠味😗腐竹薏米糖水啲薏米有少少硬，不過我都鍾意有咬口所以都OK嘅！流心蛋就係流心蛋😂無特別睇得出運作上有少少混亂，因為我哋啱啱坐低睇Menu就有個侍應擺低咗張單俾我地，我哋都未叫野~ 可能新鋪關係，要少少時間適應，不過新鋪係大左闊落左，可以坐到多啲客人但係都係一樣迫😆

聖誕節去食完飯之後就去咗食甜水原本諗住買返屋企食但係又好似喺現場食開心啲佢搬咗舖位之後我都係第一次去以為搬咗舖冇咁多人點知去到爆曬場仲要等位添，等咗大概10分鐘到因為兩個人嘅關係好快就有位我哋一如以往叫咗一個心太軟同一個白馬王子（如果冇記錯個名）唔知係咪人太多嘅關係心太軟熟咗少少不過無損我對佢嘅喜愛！

平安夜，無地方去， 食飽飯又想食吓糖水，唸起有質素嘅~~大飯糖🍚🍬雖然減肥，但過節都可 獎勵自己，所以決定行路過去🚶🏻‍♂️🚶🏻‍♀️搬離左洪水橋，無去一排佢都搬左舖新舖大好多，位置比之前多2、3倍 ，所以等位都唔洗太耐時間雖然搬了大舖，位置多了，但都要排隊，等了20分鍾左右，人氣爆燈超級3兄弟，招牌之選多款小食，而且仲有飯同面，宵夜未食飯就可一站式🍽中西式款式都有，而且仲多到會有選擇困難症🤭夏天必選，一定係芒果小丸子撈河粉，唸起都流口水老人家之選，仲加左 芋圓，但 芋圓食得出唔係手作紫糯米中女之選，冬天必食腸粉$13/5條，燒賣$10/7粒，呢個價錢，出面食唔到🤭🤭，而且有調味架，隨意自己口味加料，岩晒重口味嘅我