大飯糖甜品小食屋

營業中

休息中

成十點幾來，坐🈵️人，要等十分鐘左右才可以入去芝麻軟雪糕加焦糖布丁，芝麻軟雪糕好食到不得了，凍冰冰，芝麻味濃郁，但係個軟雪糕食食吓，發覺雪糕中間是空心的唔滿足但好。焦糖布丁熱辣辣唔錯唔錯。黑糖三色竽丸，味道濃郁，保身，但食到好飽。咋喳，加花奶，老人家至愛。多豆豆，好🈵️足。濃郁朱古力杯，朱古力濃郁到不得了，中間一層是紅豆，爽YY，但居然這個朱古力軟雪糕，不是空心，🈵️是雪糕芝麻軟雪糕心太軟，這個芝麻軟雪糕，都是空心的不滿足，但係，我的摯愛心太軟 熱辣辣，他的朱古力流心整😂😅🤣

💛會撐 但唔希望退步💛舊地址開始一直幫襯 相對價錢唔平但貴都唔緊要嘅 但開始見啲料愈來愈少叫過一次肉燥雞扒飯 飯就好多嘅 但肉真係得兩啖肉 好似得兩隻委縮細雞槌咁加炸到好乾 可能撞手神啦⋯⋯糖水好鐘意食灰姑娘 西米比以前明顯少左一半其實加價就預左 但唔希望偷工減料 無理由好似d呃人又難食又自私嘅鋪頭咁嫁💙

還未搬遷之前，我已經是大飯糖的常客。搬遷之後，除了甜品和小食，大飯糖還真的有飯吃了😂。不過我今天是來吃甜品的，還是衝着牛奶軟雪糕拼心太軟而來的。即使搬遷了，牛奶軟雪糕仍然保持水準，入口充滿奶香，奶香在口中久久不散，吃光了仍然意猶未盡，令心太軟淪為配角。其實這個心太軟，味道都很好呢！除了基本的流心效果，朱古力味濃郁，既不太甜，亦不苦澀，香滑的牛奶軟雪糕，配上濃郁的朱古力心太軟，堪稱一絕。雖然這度甜品要$60，但坊間能吃軟雪糕的甜品店少之又少，而且水準又高，來到大飯糖必然要試牛奶軟雪糕拼朱古力心太軟。

今晚晚餐決定左食大飯堂，忽然之間好掛住佢地d糖水！甘我地叫左個2人套餐 k9 外賣，本身個餐有3個餸加個菜同跟兩個飯或者麵，相當多野食，而且仲有兩杯野飲或者糖水相當低食，甘我地要左肉操飯同陳醋酸辣拌麵加埋個腐竹糖水同埋一杯紅豆冰。野食好味而且個份量兩個人係足夠食，低食丫！👍🏾佢地仲有唔同款式ge糖水一樣好味，價錢唔算太貴，間中同朋友黎食係正！而且揸車嘅朋友仔有福喇，佢附近可以拍街拍到車，遊完車河再黎食小小野又得！總括間餐廳不論食物定糖水都唔錯！私心推介俾大家😂

今日咁啱入咗洪水橋探朋友，見到呢間大飯糕，有飯食有糖水飲，就入去試下啦😄叫咗鳳梨黑醋骨飯，排骨好入味，燘得夠淋，黑醋亦香口，估唔到個菠蘿好甜，因為見到好鮮黃色，以為好酸😅係新鮮菠蘿，唔係罐頭貨色👍🏼👍🏼👍🏼👍🏼👍🏼甜品係芋頭雪糕芋圓，有紅豆同涼粉，出面食好貴，今日剛巧做特價，27蚊，好食又超抵👍🏼👍🏼👍🏼👍🏼👍🏼跟餐加12蚊叫左個酥炸豬扒，係即炸嘅，熱辣辣好脆，好好味👍🏼👍🏼👍🏼👍🏼👍🏼

睇完亞祖節目，介紹洪水穚內都幾偏僻的甜品店，趁住天氣好，同埋昨日氣溫29度，即刻靈感到，同細佬去食，首先叫：鮮雜果爺爺，用北海道3.6牛乳雪糕配鮮雜果，廚師好有心思，變椰水旦菜糕，未食都口水流，食落去好清涼潤喉，另外心太軟三兄弟也不錯，超重朱古力味，冰火兩重奏，爽呀🥰

食完晚餐覺得唔夠飽，就走去隔離食甜品，雖然係星期五，但由於時間尚早（大概9點）所以唔駛等位。叫咗熱焦糖燉蛋配扭紋雪糕，店員話要等8分鐘，上枱試食燉蛋香滑，焦糖份量唔多，清楚見到有雲呢拿籽，但溫度唔平均，一啖凍、一啖熱，好奇怪。大小團圓好香，一上枱未食已經聞到好濃嘅薑味，係黑糖薑汁配湯丸、小丸子、芋圓，每樣三幾粒，飲埋個薑汁好滿足。（女士們於每月某幾日會愛上）炸燒賣脆口彈牙，配上辣醬更惹味，幾個人邊傾邊食最啱。

洪水橋比較少糖水店，所以就黎左呢度食下糖水。但係坐位好擠迫 ，食物質素麻麻得黎又貴。同埋出面有好多改裝死氣喉車，成日逢逢聲，有啲擾民囉。環境唔算好舒服。我就係食左個咖哩魷魚拼盤（$46）＆芒果山（$67）。真係唔太抵，係舊店都無咁貴另外亦有試過外賣熱紅豆沙，味道正常，但價錢偏貴（$23），有啲坐地起價feel，所以唔推薦食呢間野。不過唯一可以讚既係，新店比以前多左飯餐可以揀，唔係單一糖水，糖水款式亦多，有時懶煮飯就可以走去買外賣。

必定會點既心太軟，食過甘多間，最好食既心太軟係到。搬左之後地方大左坐得舒服左 又唔洗排隊，啲小食都好好食，多左好多選擇，又有飯又有面甘，裝修又靚，我終於打夠80字

9點黎到甜品店，好彩店舖夠大，唔洗等位就入得，大家仲可以保持距離！朋友推介話呢間甜品好好味價錢就有少少貴，睇下係咪物超所值！點左芒果爺爺，上面有好高既牛奶軟雪糕，好香好滑，出面一杯都30幾蚊！下一層係芒果，唔會好飲浸過糖水甘，有少少酸酸甜甜，份量好多，起碼有半個芒果甘多！最低層係椰皇果凍，好清甜，好香雖然68蚊可以食到一個午餐，但我都推薦大家試下！另一個甜品是榴槤球配紫米露，呢個就較為遜色，紫米露好水，無咩椰奶的香同甜，榴槤球都幾特別，整到好似雪糕甘，但唔夠香，又無果肉

搬左去新店，新店地方更舒服，裝修靚～ 嘢食保持一貫水準～咁耐以來佢哋d 嘢食都唔會偷工減料，唔怪得生意越做越好成日叫嘅心太軟，上檯夠熱，做到外脆內軟，朱古力好香，慢慢流出來 🤤我通常都配3.6雪糕。佢哋嘅心太軟好正，一d 都唔求其！傳統嘅甜品都有，佢哋嘅杏仁糊有好香嘅杏仁味，唔會好甜，味道剛剛好，呢d 功夫嘢佢哋一樣好耍家！有時都想食吓鹹嘢，尤其是鹽酥類嘅食品 😋 試過鹽酥雞扒、鹽酥三寶丸，都係咁正，新鮮做起嘅，入面唔好炸到乾曬，咁樣食法真係正餐都唔使食，哈哈....

估唔到甜品鋪都有做晚市唔單止做糖水同小食，仲有台式粉麵同肉燥飯-椰香咖哩鹽酥雞飯既咖哩唔算太辣，屬於甜咖哩椰奶味好濃郁，送飯一流，羅白都好入味鹽酥雞粒都幾大粒，炸得夠香脆-肉燥豬頸肉飯既豬頸肉有4大塊輕輕煎香後都能夠鎖住肉汁，唔會話好乾身肉燥主要係用瘦肉同細細粒既蘑菇，個汁都比較濃稠-小編所點既熱黑糖薑茶既薑味好重，配番黑糖就更加容易入口

今晚突然想食芝麻糊，才想起原來從未食過大飯糖既芝麻糊加湯丸，每次去食都係食其他款，因為太多不能盡錄，今晚首次嘗試，估唔到有驚喜喎，芝麻糊好濃香既黑芝麻味，而最難得係佢食落好綿但唔粘口，入口係極之滑順，但唔會係水，係真係糊黎既只係好滑既糊姐，唔似好多地方攪到一patpat咁(杰)，係我食過最好既芝麻糊之一，所以都打個食評推介下，而太太就叫左個薑汁芋圓加湯丸，湯丸同芋圓大路樣樣正常以上表現，絕無投訴，再加個小食咖哩豬皮魚蛋做宵夜冇得輸，讚好另外佢地原來有埋粉麵飯正餐食，聽聞都幾多人食，可惜今晚只係宵夜，下次一定要試下先

大飯糖可以講係我最愛嘅糖水舖，雖然佢好遠，但有時想食都忍唔住專登入去食佢搬咗新店大好多阿，不過佢啲枱都係排得好密，所以都會有啲擠逼感，但一班朋友志在吹下水，都唔會好介意啦新店仲多咗好多野食，有飯麵類、仲有好多酥炸小食，望落都幾正，直接嚟呢到開飯加糖水直落都得小食今次試咗酥炸燒賣，嘩好正，熱辣辣即炸嘅外皮，加上軟淋淋嘅魚肉粉團，雖然唔係咩貴野，但都好好味好溫暖人心甜品方面，我同朋友已經發展到有個共識，有幾樣係必嗌：Bailey綿綿冰、楊枝甘露加河粉、法式燉蛋、西瓜爺爺，次次都食呢幾樣，每樣都咁好味，次次都覺得好滿足，唔會厭

同朋友食完生日🎂飯，雖然超飽，但都想食吓甜品，因為女人都有2個胃🤭🤭誠意推介下午茶，套餐都有，一站式，正下次一定要試吓飯先我的最愛~芒果小丸子配河粉，芒果底勁濃味，唔係溝糖水咁幪面超人~店長推介~又想食雪糕又想食芋圓，一舉兩得🤗🤗超級3兄弟~不過轉左3.6牛乳軟雪糕🍦心太軟配 扭紋完雪糕焦糖燉蛋配軟雪糕🍦心太軟配軟雪糕🍦~心太軟外脆，入面好似熔岩咁流出嚟，入面唔會太乾，好巧功夫雖然附近都有其他甜品，但呢間係我一食再食，有質素嘅 所以元朗食完飯，都 兜路過嚟🤗🤗