大餃子 (已結業)

我無帶電話，點知比裡面個阿姐話我麻煩，話點解啲人唔鍾意裝政府個安心出行 😡，又要麻煩佢攞紙仔比我填資料⋯⋯坐低左，心諗，算，如果唔好食頂多下次唔黎！講返食物，是日我食左個酸辣湯京芹豬肉餃子。 餃子有6粒，size都算大嘅，諗住會好好味，點知 ⋯⋯個酸辣湯淨係食到豆瓣醬嘅味，啲餃子皮又太軟，有啲係爛左，最仲要裡面個餡係唔熱！你咁串，一係你啲嘢要好好食，如果唔係，今時今日個環境咁差，你都唔做好你啲服務同提高食物質素，啲人係唔會再比機會你囉！一路好走！

🥟🥟🥟路過見到銅鑼灣渣甸坊呢邊，新開左一間叫大餃子，我呢個餃迷梗係唔會放過。呢度採用Open kitchen，燈光光猛，睇到夠哂乾淨👍✨現磨濃豆漿～可選擇甜味原味，真係冇改錯名，豆漿夠晒濃郁，好香豆味，飲得出係細心之作，無豆渣👍✨蒜泥白肉✨口水雞~係微辣+微麻口味，前者好特別，係由青瓜捲着五花豬肉制成，食落更添清爽後者爽滑，食落凍冰冰，仲有啲花生碎粒，好香口！白菜豬肉餃子🥟～黎大餃子，梗係要食餃子😆，即叫即整，食得出係冇落味精👍新鮮製作👍

圖書館終於開返✌🏻，今日帶兩個小朋友去中央圖書館溫書，到夜晚六點幾，兩個梗係唔肯返屋企食飯啦😆難得有街去！我就近近地帶咗佢哋去，有食街之稱嘅渣甸坊覓食，見到呢間大餃子門面光鮮，一於就選擇佢。兩個興奮到不得了，終於有得去街街，唔使日日食媽媽煮嘅餸菜了！✨煎韭菜豬肉餃子 10隻～食材最緊要就係新鮮，睇到師傅喺隔離一路包，就知道佢哋嘅食材係每日新鮮製造👍，連餃子皮都好彈牙，特別好食😋✨餃子加酸辣湯～太好食～又係韭菜餃子😆～酸辣湯材料有葱花、豬紅、冬菇絲、筍絲、木耳絲、蛋絲，非常豐富，啖啖都食到真材實料，而且唔會整得太杰，加埋新鮮嘅餃子，非常合拍。原條油條+白粥～簡簡單單嘅白粥都不一樣，粥底綿滑，配上香脆嘅油條，好有兒時嘅味道❤️店家好nice，仲同我兩個合照添😄一定係本身都好愛錫小朋友👍

得30分鐘要快食lumch，見到有間新嘢，就決定去食餃子。入門口已經見到有店員喺隻密密手包餃子，原來店子標榜「不做隔夜餡」，希望可以保持到味道同質素。叫得大餃子，當然有餃子，可以淨食餃子或者配湯麵，唔夠食仲有小食。餃子(8隻)配酸辣湯 $55同行揀咗韭菜餃子配芹菜餃子，以為餃子會另上，點知放埋入酸辣湯。餃子都係有豬肉好鬆散的問題，酸辣湯就酸辣度剛剛好，唔會太辣。餃子(10隻) $60可以叫兩款唔同味，所以揀牛肉大蔥餃子同白菜豬肉餃子。牛肉大蔥餃子好味啲，牛肉味濃令大蔥味無咁出，不過整體都尚可。白菜豬肉餃子比想像中失色，因為豬肉好散，而且唔夠味，有進度空間。現磨濃豆漿 $10入口有豆味，可能寫濃豆腐我以為個口感會濃郁啲，甜品稍稍不足但健康。

銅鑼灣鬧市中美味的餃子店，店舖位於繁華的銅鑼灣市中心，店內環境光猛整潔、舒適，衛生環境都令人滿意。小店提供多款現場製作食新鮮餃子，餐牌選擇多，除了餃子，也有酸辣湯、擔擔麵、炸醬麵、及其他常見小食。白菜豬肉餃子分量可選大碟有10隻，每隻餃子都非常飽滿，餃子皮好薄，而且每隻包得好靚，晚上脹卜卜。餃子材料好多，中間見到滿滿的肉及白菜，有口感，味道也很好。韭菜豬肉餃子配四川擔擔麵套餐配搭餃子有四隻，配上大大碗嘅四川擔擔麵，非常美味，令人食到停唔到口。四川擔擔麵嘅花生醬好香，而且滿滿的花生粒，另外呢碗麵好有咬口，真係好味呀。最重要嘅係份量好多，食到又飽又滿足。鍾餃子中餃子一份有六隻，係用店家特製醬料配搭的餃子，漿料有好多蒜蓉、些少麻辣醬及豉油配食，味道特別好味

💇在附近剪完頭髮有少少肚餓，又未到正餐時間，路經呢間餃子舖就試吓。店面小小只有幾張枱仔，一入到去見到店員包緊餃🥟，新鮮製造呢！望吓Menu：「6隻啱啱好」正好適合餓餓地想醫吓肚的我，叫咗《白菜豬肉餃子》($33)食物質素 (7/10)：一碗放滿六隻大餃，清湯微熱，餡皮厚身，豬肉新鮮，白菜混合得剛好，口感實在。環境設施 (6/10)：位置方便，但店內只容納到幾枱客人。回頭率 (7/10)：餃子足料，如多人排隊時外賣較好。

銅鑼灣渣甸街開咗唔少新嘅餐廳 呢間大餃子🥟主打自家製餃子大餃子🥟每件都大大件！有白菜豬肉餃子、京芹豬肉餃子、牛肉大蔥餃子、北京餃子同朋友叫咗兩款套餐分別係餃子配酸辣湯 餃子🥟放入酸辣湯入面味道更加入味！ 餃子皮唔算太口 一啖咬落去尚算多汁而且配酸辣湯幾開胃！另外餃子配四川擔擔麵擔擔面湯底有少少花生醬 味道濃郁而且麵條口感不錯 爽口煙韌 配白菜豬肉餃子🥟特別開胃另外叫咗小食 蒜泥白肉用青瓜片包住豬肉片 食落冇咁多油膩感🥰青瓜吸晒啲油 但食落都有蒜味 感覺健康少少

銅鑼灣渣甸街一向多嘢食，今日經過見到有大餃子，見自己亦都 一段時間冇食餃子就入咗去試。今次係食lunch就order咗滋味配搭B餐，有四粒餃子可以選擇，我就揀咗牛肉大蔥餃子，另外有一碗四川擔擔麵，因為比較肚餓及聽咗員工嘅推介叫咗一份口水雞。牛肉大蔥餃子超新鮮牛肉味，配埋大蔥係一個好好嘅配搭，因為大蔥可以解膩同埋好有東北嘅風味，擔擔麵湯底少少辣但係花生醬味濃郁，配埋煙韌嘅麵條絕對係回味無窮。而最值得推介係口水雞，有少少麻辣配埋特製嘅醬汁，最緊要口水雞係無骨而且雞肉特別滑嫩，我一定會再嚟食大餃子！

顧名思義，這是一家主打水餃的小店，在銅鑼灣鬧市中新開張，路過行人多，不時也有外賣單，也有很多來購買生餃回去自己弄來吃。店面積較細小，座位不多，很快也就滿座了。見到店員在旁邊一直密密地包餃。餃子款式有四款，除了常吃到的菜及豬肉餡料外，還有牛肉作餡料的。另外還供應麵食及粥品等。既然是主打餃子，那就要一試這家的餃子。每隻都大大粒又飽滿。餃子可以每款自選搭配，自由度高，讓客人可每款都點來一試。豬肉餡料也很多。惟夾起時，餃子皮很易就爛掉。另點了一杯凍的甜豆漿解解渴及一份小食-海帶絲。海帶絲浸在甜酸醋中，如果加點麻辣更惹味。

綿滑粥底 爽口又不油膩的白菜豬肉餃～～～去了sogo逛街一整天 到了晚上5時左右 便到附近找地方吃晚餐 由於在sogo血拼花了不少錢 所以我和大舊👦🏻就決定吃點實惠的東西～～～在渣甸街上看來看去 最後我們便選了這家之前沒有吃過 而且價錢又夠實惠的餃子店🥟 店鋪看著很新淨 應該是最近新裝修的 店員非常有禮貌 而且彼此之間有講有笑（但聲音又不會過大）感覺好溫馨～～～我們最後叫了白菜豬肉餃 紅油炒手 自家製豆漿 和一碗新鮮魚腩粥🐟～～～白菜豬肉餃皮非常有韌勁 白菜好爽口 豬肉也不油膩 吃著感覺很清新舒服 很健康 而且一路食 一路看著隔離的店員在包餃子🥟 感覺特別新鮮～～～而紅油炒手的餃子其實也白菜豬肉餃 但加上辣油和蒜蓉後 整個味道就變得截然不同 辣油香又不嗆喉嚨 蒜蓉就係自家切碎嘅 帶好新鮮嘅蒜味 很不錯 一口紅油炒手 一口濃濃的自家豆漿 這個配搭解辣又美味～～～最後 他們的粥也很出色 魚就正常的魚 夠新鮮 質感ok嫩 但重點係個粥底 真係非常綿滑 而且仲加咗生菜底 好暖胃 食完成個人有種想即刻跳落床瞓覺嘅舒適感～～～推薦度：🔥🔥🔥🔥🔥🔥🔥🔥🔥

銅鑼灣渣甸街新開的餃子小店🥟，平日下午去到見有大堆人圍係門口等外賣。新開無耐竟然吸引到咁多人外賣😳真係唔簡單。堂食空間唔算多，眼見大概6張二人枱，望一望餐牌先-白菜餃子4隻+四川擔擔麵$53小店標明餃子不隔夜，咬開果然夠鮮味。每隻都大大粒好多餡。餃子剛煮起食落熱辣辣，但擔擔麵湯底個溫度就遜色左d。因為唔夠熱的關係，食食下好快就偏油。湯底味道黎講我飲落就唔辣，仲覺得唔夠濃味。-牛肉大蔥餃子6隻$40呢隻餡味道超濃，重口味人士必叫。普遍湯餃子食落都會清清地感覺好健康，但牛肉大蔥係好惹味嘅選擇🙌🏼可惜佢餃子湯底只係完全清湯無味，如果唔係我會鍾意一路飲湯一路食餃🙈-店員加老闆睇落感情好好🤣服務態度都唔錯👍🏼係附近住或者番工都可以偶爾黎食下，多個選擇，但就不必特意跨區黎食。

見到銅鑼灣開咗間新嘅餐廳，入面就算四五點都好多人。見到佢主要都係食餃子同埋食麵，啲餃子都有好多款可以選擇，亦都可以選擇煎或炸，而且佢嘅價錢都唔係好貴，入面嘅餡料都好足。仲要食完之後入邊啲汁流哂出黎🤩而佢嘅擔擔面比較偏向香港人嘅口味，食得出佢入面有好多唔同嘅配料，亦都可以選擇唔同嘅辣度， 就算我唔係好食得辣， 我都覺得幾好食！以佢嘅蒜泥白肉真係超好食，睇得出佢好用心去烹調呢個菜式，啲青瓜同肉嘅比例啱啱好，又唔會過鹹或者過辣。最後最後一定要講吓佢嘅即磨豆漿！！香港而家好多餐廳都飲唔到呢啲真係即磨嘅豆漿，飲完之後杯底係飲得出佢啲黃豆蓉！

今日早收工就出銅鑼灣行吓，順便食啲嘢醫下個肚，經過見到哩間大餃子都幾多人等緊外賣，加上我本身都幾鍾意食餃子，所以就決定入去試吓。店舖環境企理乾淨，廚房係半開放式，只係上半部份有塊透明膠板隔住，方便顧客睇到食物嘅製作過程，旁邊仲有個姨姨喺度包緊餃子🥟而枱面上面就已經放咗豆瓣醬同埋醋。佢餐牌上面嘅滋味配搭比較划算，所以我就揀咗A.八隻餃子加酸辣湯嘅套餐，另外再要多兩個小食同一杯豆漿。🎈蒜泥白肉呢度嘅蒜泥白肉同其他餐廳嘅好唔同，係用青瓜包住白肉，我真係未見過哩一種做法，非常特別！味道方面，因為有青瓜夾埋一齊食，所以食落去唔會太膩，青瓜好爽脆，同時亦能夠中和辣味，加埋滿滿既蒜泥，味道真係唔錯！我本身麻麻哋蒜泥白肉既人，都覺得呢個真係幾好食。🎈口水雞哩到嘅口水雞第一個抵讚嘅位就係已經去左骨，唔使你拆骨，好方便食，而且雞肉好嫩滑，亦唔會太辣，辣度啱啱好。出面嘅口水雞好少放蒜泥，但哩到有放，而且份量好多，本身鍾意食蒜蓉嘅人應該會好鍾意。🎈韮菜餃子4只+白菜餃子4只+ 酸辣湯先講餃子，呢度d餃子全部都好大隻，而且每隻都好足料。韮菜餃味道好濃，菜同肉嘅比例啱啱好，而白菜餃入面啲白菜仲係爽脆既，食得出好新

這間大餃子地方細細，餐牌選擇不多，主打食餃子，酸辣湯，擔擔麵等，但都有粥同炒麵提供，價錢在銅鑼灣區算是平民吧。他們的餃子有四款，九菜豬肉，白菜豬肉，京芹豬肉同牛肉大蔥。餃子是人手即場包製，眼見乾淨企理。我點了八隻京芹豬肉餃配酸辣湯，大大碗都是$55, 餃子大大隻十分飽滿，芹菜同豬肉比例一半半，食落有很香的芹菜味， 又食到芹菜的爽脆。酸辣湯辣度剛好，有齊筍、冬菇、肉絲、蛋花、木耳、豬紅、豆腐，好味。一客六隻的鍾餃子賣($42)相跟紅油抄手很似，只是調味上略有不同，他們一樣配上紅油蒜泥，但鐘餃子是蒜泥味比較重，而紅油抄手則是紅油比較重。所以食完鐘餃子係會有頗勁的蒜蓉口氣，餃子餡沒有得選擇，是白菜豬肉，菜肉比較都是一半半的。口水雞($45)就相對比較普通，雞皮略為厚身，但雞肉是嫩滑的，而且是無骨的，$45有這個份量都不錯啊。

有時LUNCH唔想食粉麵飯, 餃子就會係下一個選擇, 近排試左間渣甸街新開餃子小店, 覺得CP值幾高!個名叫得大餃子, 餃子一定係招牌啦, 有多款口味, 有幾隻都想試!  酸辣湯餃子8隻 (香蔥牛肉餃) $63 酸辣湯超足料, 好似未食過咁多款材料既酸辣湯.. 有蘿蔔絲, 黑木耳, 豬肉, 冬筍, 豬肚, 豆腐, 豬紅, 鷄絲等等, 所以每一啖好有咬口! 味道方面酸辣度唔算太強, 算係適中, 可能自己食開辣, 我覺得可以再勁D, 但係酸酸辣辣既味道都令我好開胃~~香蔥牛肉餃大大隻好飽滿!! 餃子皮好滑, 咬開係滿滿既牛肉餡, 口感唔會好粉, 加上大蔥味道好香,  餃子果然不錯!因為佢D餃都有D份量, 所以食哂8隻餃食埋個 酸辣湯都已經好飽, 飲埋杯豆漿, 同食左個飯落肚一樣咁飽呀~~~