大馬館 (已結業)

呢間野裝修唔錯，門面睇落都幾好，入左去叫左個去骨海南雞飯加馬來西亞肉骨茶，同埋試試佢個喇沙啦，之後再加左串燒牛同雞。首先啦海南雞飯既雞肉就不過不失啦，但係個肉骨茶就一d 都唔正宗，亦都唔係馬拉既味道，又冇藥材味。之後個喇沙仲衰，黎到完全同普通魚湯米線冇分別，個湯嘅顏色又唔對路，冇錯，係可以飽肚嘅，但係就唔可以扮馬拉又或者新加坡嘢囉，要俾返多少少心機去煮啦⋯⋯之後嗰兩個串燒仲衰，不論係牛定係雞，味道都係變左酸……食材唔新鮮，呢個已經係做飲食界嘅其中一個最大問題。唔好掛住賺錢啦，如果唔係你間舖頭都應該頂唔到幾耐。

凍冰冰 又夜 想食碗粉 暖下先返屋企豬頸肉喇沙米線好大碗 不過好油而且佢嘅豬頸肉好明顯係泡油嘅😞 成碗油淰淰最慘係成碗米線唔夠熱相信無人會想食你估食海南雞咩？唯有硬住頭皮揾店員 睇吓可唔可以再煮熱少少男店員有攞碗嘢入去叫人加熱只不過對住廚房講左句 : “咁都唔夠熱喎”😠好彩年長嘅老闆娘過嚟講聲 : “唔好意思！可能擺耐左先攞出嚟”唔係老闆娘體諒 可能我俾低錢走算啦再揾其他地方食加熱之後一樣油淰淰食落發覺豬頸肉無味 食豬無豬味可能就係豬肉味都無 所以要泡油😞 伏左！

身為太子區嘅居民，覺得大馬館呢間小店實在好難得，因為佢專注做大馬menu，而且冇請打手幫自己喺度賣廣告。所以一直係我心儀嘅list，得閒都會落街買下外賣，或者堂食。最鍾意就係食咖喱魚飯。但係呢排嘅水準真係好唔掂。幾日前嘅外賣我已經嚇親，沙嗲串燒冇沙嗲，外賣冇餐具。當日我係買外賣去野餐，好彩自己有帶餐具。我最鍾意食嘅咖喱魚，係用鯖魚做，條魚好似有加粉同埋蛋去炸，呢下已經好失望。個椰香咖喱，一啲椰香都冇，成個港式咖喱咁。今日我再俾多次機會佢，買咗咖喱魚。返到屋企打開，嚇死我，個咖喱稀成咁樣，以前嘅咖喱係非常之杰撻撻，好有椰香味。今日連港式咖喱都不如，成灘水咁。塊魚就唔使講啦，炸到乾爭爭，口感非常差。咖喱冇乜味，我係第一次食咁難食嘅咖喱。對比起一開頭啱啱開張嘅大馬館，呢一餐真係非常之失望。完全唔明，點解一開頭會咁好食，而家個質素下降咗咁多。如果一間小店做唔好嘢食美味呢個本分，好難搵到理由幫襯你。啲咖喱稀到阿媽都唔認得:幾日前外賣買嘅沙嗲串燒，冇沙嗲:

太子大馬館經過好幾次，但都未有入內試過，今日又再路過，決定俾個機會大家⋯叫咗肉骨茶，味道係馬來西亞口味，藥材味偏重，亦都係我喜歡果隻，個湯用嚟送飯一流，結果我要真潻多一碗白飯先夠喉，非常之唔錯，不過D用似乎有D over done，太實太硬，如果可以淋身D，效果一定會更加好⋯炸蝦餅喇沙米線，個湯我有小小覺得唔太夠味，不過都唔難食嘅，米線好掛湯，非常好！蝦餅好好味，但如果可以小D油就更加好⋯附上老闆娘成日鬧個員工，有D煩，哈哈⋯

每次到花墟，通常都會到大馬館吃個咖哩飯作午餐，皆因有馬來風味，雖然肉的份量不算多，但咖哩香料足，椰香四溢，很美味的。豈料上週日再試，已變成無香味，而且帶有生粉漿的咖哩汁，椰香沒有了，咖哩汁就像大家樂美心的貨色，而且非常鹹，我並沒有跟老闆暸解，今天再試，一模一樣的差，或許是換了廚師吧，無論如何，以這個質量，恐怕熟客都不會再回頭了。

中午去完花墟就在附近食個午餐，見食評不差，諗住填飽個肚就算，但估唔到咁就中咗伏⋯叫咗個㗎喱雞飯餐，另加25蚊飲品轉椰青。飯好快就上枱，外觀正正常常，㗎喱偏甜，共有四件雞，60蚊一個餐唔可以要求太多，OK嘅,開始食…到食嘅時候發現有兩件雞D骨係黑色，似炸過，仲好鞋，唔肯定炸燶咗定剩餘物資😪咁都冇得選擇，得四件鷄，勉強都要食餘下兩件雞仲騎呢，完全冇乜㗎喱色，猶如將兩塊海南雞加上㗎喱汁，唔似有煮過，咁樣都可以上檯比客食，算係幾離譜，生意嘅宗旨係長做長有，唔係諗住人哋幫襯一次過就算㗎😤⋯⋯失望

外賣叫左個1006 大馬椰汁辣飯配蒜香安格斯牛肉。超級咸！咸到離譜原本打算轉白飯，但阿姐話唔要椰汁飯呀？未試過就試下椰汁飯。本身以為椰香味會好濃，但椰汁飯椰汁唔多香味而且味唔濃，同普通白飯差唔多。個辣汁個人黎講唔算辣，但偏咸初時以為只係個辣汁咸個安格斯牛肉先最大問題！咸到七彩！每粒牛肉都灑滿鹽粒，食落似食緊一羹羹鹽，一d牛肉味都冇！牛肉好乾好硬因為太咸，食旁邊的伴菜，花生青瓜同蛋我食唔到其他味，只係得咸味飲完成罐馬蹄爽都解唔到渴如果可以俾負分，我一粒星都唔會俾

估唔到花墟附近，原來都幾多正野食今次去咗呢間「大馬館」見佢地主打係海南雞飯，喇沙，椰汁辣飯同大馬咖哩。睇個menu都算多選擇嘅1. 馬拉肉骨茶呢個肉骨茶個湯底真係好濃得黎但唔會係個d藥材味過重，同埋無過咸嘅情況，然後入面用咗豬軟骨，肉質鮮嫩，味道真心唔錯，呢個真心推介🤤2. 大馬去骨海南雞 （半隻）呢度嘅海南雞真係好出色，滑得黎，而且唔會係過度肥的雞肉，我覺得個雞唔錯。3. 大馬椰汁辣飯配脆香雞腿呢度的椰汁飯好地道，每粒飯都有微微椰漿味同埋好香，雞件炸得都幾外脆內軟，味道幾好。汁醬亦係唔算好辣，都係幾正。4. 香煎豬頸肉喇沙 配烏冬呢碗豬頸肉真係好多，個喇沙都係好正宗，真係唔錯，豬頸肉係岩岩好，唔係柴皮肉，都係好有咬口，唔錯。所有麵飯食都可以自由加少少錢配飲品我地就揀左好耐無飲嘅清涼爽同馬蹄爽真係爽重點在於個汽水蓋唔知大家留唔留意到？🤣

放工同朋友一齊搵嘢食😋比間小店嘅裝潢吸引咗🙆🏻‍♀️🙆🏻‍♀️睇一睇原來係間大馬餐廳嚟麻辣手撕雞喇沙米線🐥🍜手撕雞軟滑無筋🥓🥓麻辣醬味道調教得剛剛好唔會太辣而又有少少麻適合食辣小廢廢口味🙈仲有清甜青瓜絲🥒平衡辣味喇沙湯椰香味濃🏝雞蛋同豆腐卜索咗啲湯好惹味🤤大馬椰汁辣飯配脆香雞腿🍗🍚辣汁同白飯分開放好貼心🧡呢個辣汁係真係幾辣㗎🤣飯量適中好啱女仔炸雞腿好香脆🤩但就有少少乾🙊

午餐時間經過呢間好似新開的大馬餐廳，就入內一試。每人叫左份午餐，加份香葉包雞，試左口水雞飯，雞都算嫩滑，不過就無咩味道，係靠辣椒油吊味，碗油飯食落唔夠香，可能煮時香料落得不多。朋友叫左安格斯牛肉飯，牛既份量似乎少左 d, 試左覺得牛味不濃，整體一般。朋友覺得咖喱海鮮飯既材料太少，味道無驚喜，食完仍然覺得空虛。服務方面，我地食物黎哂，似係老闆娘既女士喺我地食緊野途中叫我地調枱，呢樣係好騷擾食客既行為。同埋小食未食哂問都唔問一聲就收走，呢類問題應該要注意一下。

今次叫咗外賣馬來肉骨茶～ 好足料！係香港未飲過個湯底係煲出黎既湯渣～ 排骨好冧，有軟骨，有咬口，夠入味！份量又岩岩好！推介！highlight recommended!

老闆娘好熱情 講野有d串串地😂 當日係年初四 除左打扮得紅通通 整間餐廳都播放緊新年歌非常有馬來西亞春節氣氛留意返 此餐廳⋯⋯⭐️冇加一⭐️唔跟野飲大馬椰汁飯 配 香脆雞腿 $55個飯好正！當日d椰漿飯全部冇魚仔幾樣飲品都係因為疫情 寄唔過來炸雞有兩隻 鬆脆好味個辣椒🌶唔辣～ bb友好豬扒喇沙 $52湯底比較淡 試過Baba Nyonya真係返唔到轉頭⋯⋯同埋呢 佢就冇得“兩溝” 豬扒都大塊 入面有半立蛋 + 豆腐卜

難得係太子見到有主打馬來西亞菜既餐廳再加上有老闆娘（貌似是）熱情既招呼下，就入左呢間試一試下，但點都諗唔到係間超伏既餐廳。🤬間餐廳有提供大家都熟悉既海南島雞飯、肉骨茶飯、喇沙、等等。我地嗌左豬扒喇沙同埋肉骨茶飯，諗住都係大路嘢，點都唔會差得既多。但菜一上，就深知不妙⋯⋯肉骨茶不在水準，但能勉強接受。個碗喇沙係我食過咁多喇沙之中最差既。豬扒好細粉，個份量對唔起個價錢。湯底係淡黃色既，飲落去同飲普通開水無咩分別，想可而知好鬼淡。個米線無煮熟，我食到一半既米線係硬既。連最基本既米線都煮唔好，我深感呢間餐廳應該都做唔到幾耐🙃。作為間主打馬來西亞菜既餐廳，最基本既菜都煮唔好，我大感失望，同極力建議大家千祈唔好去呢間不知所謂既［偽］馬來西亞菜既餐廳。

👀串燒好細粒，個醬偏咸🍴魚柳👀炸魚係日式鯖魚，幾脆，無咩骨，夠味，本身已落鹽🤟🏾蛋好凍，完全無味👎🏼🌝生青瓜同魚乾正常，魚乾都幾咸下👀有好多脆脆可以送飯食😂

今日餓到3點先食lunch🙈求其見到附近有咩食就衝入去先啦呢間餐廳係食馬拉菜 主打喇沙一於試下喇沙先👍🏻麻辣手撕雞喇沙米粉$48D雞唔會鞋颯颯又夠辣不過米粉極速索晒啲水越發越大碗最後我碗米粉好似冇食過咁食淨咗好多🙈👌🏻豬頸肉喇沙米粉$55啲豬頸肉唔夠香口而且有少少un👌🏻菜心油菜$25正常菜一點起碼冇渣先😂👍🏻金記奶茶$15幾好飲呀奶有奶味茶有茶味😂呢個價錢整體黎講都可以嘅～