大馬館 (已結業)

座位不多，lunch menu有海南雞飯、喇沙、咖哩飯作選擇，價錢大約$50-$70。食了咖喱豬扒飯，等左大約10分鐘。豬扒又乾又咸，咖哩汁反而比較淡，飯粒過硬，唔啱我食。

因為之前（2023年）食過呢間嘅肉骨茶，味道非常之合我口味，濃濃熱熱嘅湯，令我大飽口福。2023年尾12月再去，原來轉左手，果次淨係叫海南雞飯加錢換一小碗肉骨茶，味道還可以，沒有太大分別。今日深深念念再去食肉骨茶，店員攞到黎嚇一跳，成碗湯渣咁，碗湯仲厚厚一層油，一大碗急凍排骨，個湯完全唔係肉骨茶嘅味道，肉呢份量多左，變相湯就少咗，我去食肉骨茶主要係為左個湯。。。今日食嘅肉骨茶，冇左以前跟一碟黑醬油同一碟油炸鬼兒子點一份咖哩雞飯，只有三四件雞，當中一件仲要係雞翼尖，味道一般，還可以接受。。。雞份量少，薯仔多多。。。食完今次，唔會再有下一次，真係好懷念之前個肉骨茶

星期日同老公行花墟，向附近行過見到入黎食午餐。試左肉骨茶同椰香豬扒飯，肉骨茶足料味道新加坡個d, 椰香飯好味好有椰香味，豬扒都好味，係個辣醬好辣。跟餐可以加5蚊有野飲，不過少款選擇，得清涼爽，馬蹄爽，可樂同7喜，椰青要加28蚊。鋪頭太細，但全部放4人枱，同要人搭枱呢樣麻麻地，但50幾蚊一個午餐向呢區其實係抵食既。用餐途中都見到好多外賣單同外賣平台單，但係部機好嘈lor。

未食過咁難食嘅海南雞，肉骨茶，laksa. 二年前食還可以。今次真係難食到極點。冇下次。基本上仲衰過食茶餐廳。未試過咁難食，大家唔好浪費時間，去食其他都好過食呢間。

以前星加坡婆經營，有一定水準！現在真係今非昔比，上一次12月還可以，今天再去，真係拍心口肚餓都唔會有下一次。無骨海南雞，未試過食擦子膠的感覺，肉骨茶走晒樣。無客都唔明點解要人搭枱？不過水準真係要檢討，完全入唔到口，真是非常失望的一餐。

今日見有空位入到去，個店員唔單止冇比餐牌，冇比任何野。個店員連sell餸都識，問佢有冇得少辣又一野話無。 咁問佢辣飯有幾辣，佢話唔知因為自己都冇食過，好野！空間其細 ，個人坐低個背囊都放唔到，啲客一多到佢想搭枱，咁問佢有冇櫈放袋又話無，直接叫個新客出去等，又係勁既！大佬呀，間鋪已經唔大，廿個位都無。都管理唔到。落單仲要落錯多杯野飲，叫佢改返岩，一野取消左張單，跟住我地就坐係度等左25分鐘直到我另轉頭見到遲入過我地既客都上埋菜，佢先走黎話張單食左，話仲要等多10分鐘。冇啦，嬲嬲地即刻起身走人！

將年近晚，大街小巷都充滿內地旅客，想搵間靜少少既店舖都唔係咁易剛剛到花墟買肥料，肚內蛔蟲急call，路過呢間外表恬靜既大馬館，食評顯示清一色負評，但反正open rice評價自覺可信性有限，眼不見不為實，先試為快一直以來既原則都係有海鮮就唔食肉，有菇類就差包剪揼決定。所以毫無懸念地試下個馬來西亞海鮮飯，由於中英文都冇寫咖喱喺個菜名度，所以一度擔心會出現就咁海鮮放白飯面，還好有驚無險，該有的還是有🥹本想以為馬蹄爽同清涼爽係馬來西亞特色飲品，但好在眼角望過去個雪櫃度竟然係香港罐裝馬蹄爽，立即Pass,轉個椰青壓壓驚🫠個飯真係熱住上呢點抵讚，畢竟街外得果十幾度，飯凍絕對會負評，咖喱方面有啲日式咖喱嘅感覺，偏甜；椰奶同咖喱味都欠奉，但甜甜地味道依然算唔錯，海鮮方面有青口帆立貝同埋蝦份量比我想像中多帆立貝就係一千零一粒，不過幾大粒，兩啖先食得晒，唔入味但最少冇其他食評所講嗰啲雪味。青口，我某程度上仲覺得幾好食，可能係好運食唔到人哋所講嗰啲酸味青口。蝦：完全無蝦味，肉質鬆散有點削削霉霉，冇腥味所以都收貨，意料中事附送一碗冬瓜湯，如果無視沈底果d不明黑色粉粒，絕對稱得上好飲最後食埋椰肉飲埋椰青，如果

平時每星期都會去太子，因為等大仔學嘢，依日好肚餓，於是响附近睇下有咩好食，突然想食馬來西亞野，諗起花墟個邊有一間大馬館，決定走入去試下，坐低睇完餐牌有啲後悔。座位唔多又有啲逼，枱面癡立立，見餐牌食物選擇唔多，得一頁選擇，有飯類、咖哩、喇沙及海南雞飯，仲有小食，每類幾款，少得可憐本身想食海南雞飯，但係見到隔籬枱啲雞乾柴就打消左念頭心諗錫喇沙冇死啦，點知連基本無摻摻都冇。最後叫左個豬頸肉喇沙烏冬$65已經有啲失望，再見到碗喇沙湯麵時，又有啲懷疑人生。吓！冇喇沙味得咖哩味，飲啖湯先，根本就係咖哩味，豬頸肉無肉香味，其他配料，只有兩粒豆卜、半隻蛋及一條菜😞嘢飲逼人要汽水，好啦，本身叫鹹檸七，點知話冇晒七喜，要我鹹檸可樂！

第一次寫食評，因為實在太難食， 一碗咁簡單嘅豬扒喇沙米線， 居然可以啲油浮曬喺面，仲要啲香茅豬扒係凍嘅，外賣拎到返去唔使5分鐘，居然成碗米線好似打完邊爐啲湯底咁， 一開始就已經係咁滭走啲油

今日要去花園街買花肥，買完嘢見仲有時間，又覺得有啲肚餓，於是响附近睇下有咩好食，見有一間大馬館，未食過之餘又有我最愛嘅喇沙湯麵，決定走入去試下。店鋪屬小店，座位唔多又有啲逼，見餐牌食物選擇唔多，有飯類、咖哩、喇沙及海南雞飯，仲有小食，每類幾款。豬頸肉喇沙米粉 $55.-點餐時先發現無摻摻，已經有啲失望😔，見到碗喇沙湯麵時，又有啲驚訝，吓！叫錯咗咖哩湯麵🤔？，即刻飲啖湯先，根本就係咖哩味😰，再食埋啲豬頸肉，肉質軟腍無筋，但肉無肉香味，其他配料只有兩粒豆卜、半隻蛋及一條菜。最過份係大熱天時，間鋪頭嘅冷氣，開咗等於冇開，愈坐愈熱😡，唯有快快趣趣食完走。

經過花墟買花，再路過大馬館，它的門面都有少少吸引，便入去試一試。殊不知試出來的結果，令人大失所望。一定唔會再有下一次。今次叫了【1001】有骨海南雞飯加18蚊配肉骨茶。當飯黎到的時候，賣相唔美觀，啲飯好似石仔飯，硬到不得了 。雞有雪味，完全食唔到海南雞的神髓，肉質死實實。肉骨茶只不過是一碗有杞子，像一碗味精湯的肉骨茶。還有叫了【1011】咖哩豬扒飯，當飯嚟到的時候，什麼大馬椰香咖哩？只不過是稀冷冷的咖哩汁，什麼椰香完全品嘗唔到，豬扒一般，啲白飯一樣是石仔飯，好硬好難吃。最激氣的是當我們吃飯的時，有個戴眼鏡的男侍應，用個綠色拖把抹天花的冷氣機，我便向他說:「可否我們食咗飯後，先抹。」其實個侍應都唔知喺度做乜。總括: (1)味道質素差😞 (2)快餐店的味道比它還好🤨 (3)服務態度一般 (4)食物水準差今次惠顧了港幣131元，真係唔知吃了乜嘢落肚，好失望唔會再幫襯。

在附近上堂，看見店舖細張但坐滿人，又是食的最愛的馬來西亞菜，所以試下，不過真係唔係太好食，不過都算大份同唔貴，———手撕雞喇沙湯底幾濃，不過就一般，唔算好飲但唔差，手撕雞算係我唔識欣賞，又柴又有陣雪味。真係坐又唔舒服、又無服務、食物有待改善。

出發去雀仔街時，路經見到門外嘅餐牌，有肉骨茶即時吸引到我，餐牌其他食物都吸引到仔仔，所以決定一試。。。。。入去座位不多，人都唔多，有兩台客。。。我自己就當然叫左肉骨茶賣相唔錯，如果跟多幾粒指天椒會更好，排骨大約有三大件同一d肉碎，肉都算嫩同淋，唔會鞋口，個湯有濃濃嘅藥材味，入面有一兩條好似黨參嘅嘢，有幾片藥材，圓肉，感覺幾真材實料，最值得一讚係個湯夠熱，最怕係盛出嚟剩係微暖果種，食到一半個湯就凍晒果種仔仔就叫左個椰汁辣牛肉飯，牛肉就冇乜特別，有少少筋，但都算食得落，有d魚乾仔，驚喜係個辣汁，幾特別，小小微辣，餸飯一流

廢話少講直入中路/叫左無骨海南雞飯，有一半雞無皮，食海南雞無雞皮??????? 都未算，啲雞肉榎歰歰，口感似雞胸肉…….. 一啲都唔嫩滑!!! /相入面係食左一半頂唔順要留record寫食評做證!! 上半啲雞係無皮既，下半就有，Are you kidding me????????/仲有碗飯有啲硬，最後要用個碗只有胡椒粉味既湯撈黎食先食到…../可能你會問點解唔同店員講，但如果你試過食一間餐廳，意識到佢既服務、氣氛及食物等，即使你表達你既不滿及訴求，都知道唔會有任何改變既時候，你就會明白，你只會想盡快食完、盡快離開。/另外，last but “not least”，太太叫左個喇沙海鮮湯米，啲青口有酸味!! 食完之後肚柯!!!/成餐飯，得個椰青係正常……/在此奉勸，營運一間餐廳，一定要對飲食充滿熱誠，期望人地食左你煮既食物，除左果腹之外，仲有一種滿足感同快樂感。奉勸如果對從事餐飲已經失去熱誠，只想藉此維生既話，請你懸崖勒馬，留機會給真正有熱誠、以食客福祉為原動力既人去做，咁樣個世界先會更加美好!!!

去花墟買花之前食個晏先。唔知食乜之祭見到呢間餐廳，見佢門口幾靚，就入去試下。點咗一個海南雞飯同海鮮喇沙。海南雞飯個樣都幾似樣嘅，雞嘅份量都唔少，不過雞肉唔夠嫩滑。另外加錢將個冬瓜湯換咗肉骨茶。肉骨茶有啲奇怪，馬來西亞肉骨茶應該比較重藥材味，但又唔覺佢有藥材味喎！海鮮喇沙一上堂就覺得伏！個湯係黃色嘅，並唔係出面食開嗰啲橙色，個湯味道唔夠濃！急凍海鮮冇味就預咗㗎喇，但係估唔到連個湯都整得唔好味！另外用餐嘅時候發生咗幾件事令我覺得體驗非常之差嘅！第一，有僱員做錯嘢，掌櫃嗰個四眼女人就係咁喺度話佢。問題係你間舖又細又逼，你要鬧人唔該行出去或者入廚房，唔好影響客人食嘢！真心覺得好煩！第二，有一枱客臨走嘅時候我先發現原來佢哋枱底有隻受緊訓練嘅導盲犬，因為隻導盲犬好乖好靜咁喺枱底冇出過聲，所以我相信一路其他食客都唔知佢嘅存在。直至佢哋埋單走嘅時候我先見到隻導盲犬，有個女店員都有讚隻導盲犬好乖！但係嗰枱客走咗之後，個四眼女掌櫃捉咗兩個店員同佢哋講以後唔好俾狗入嚟，但係其中一個店員話問過另一個人（相信係老闆或高層）話冇問題可以入。但係個四眼女掌櫃堅持話狗唔入得食肆！其實個四眼女掌櫃係咪盲㗎？明明嗰隻係導