天下茶屋 (奇妙坊)

營業中

休息中

新開張既日式餐廳，見有咖哩湯底既烏冬就去試下。⭐️唐揚雞球湯烏冬（咖哩湯底）⭐️雞球入味，外脆內嫩，咬落去仲好多肉汁。而個咖哩湯底感覺似咖哩粉加落去。我自己就比較鍾意濃厚既咖哩湯底，對於湯底有些少失望。而烏冬口感煙韌，而且好滑，抵讚。⭐️燒咖哩芝士牛油烤雞飯⭐️熱辣辣咁上碟，表面有勁多芝士，仲有粒溫泉蛋，相當吸引。等15-20分鐘都ok!飯既份量唔算多，反面雞就有好多。咖哩汁多到可以撈飯食。飯係用左珍珠米，口感非常煙韌之餘仲粒粒分明。不過飯既份量就好少。厚切雞扒，肉質嫩滑，而且夠兩個人食既份量。我自己覺得飯比烏冬更抵食。⭐️小丸牛乳抺茶⭐️飲到好濃既抺茶奶味，但味道偏甜，而且略帶未溶既抺茶粉。小丸子好煙韌，好好食，但飲管太幼吸唔到上黎。有少少唔方便！總括黎講，值得一試，個人比較推介食焗飯。*可能因為新裝修（？）冷氣不停滴水，介意既話，可以遲啲先去試

見新開冇幾耐，就試下先，本來第一次行過唔駛等位，點知兜個圈返黎已經好多人喺門口，要等4張枱。menu分左幾類：咖哩/燒咖哩，烏冬，丼飯，小食，野飲。 見佢有門司港燒咖哩，2人都忍唔住要試，叫左1個吉列豬扒，1個牛油燒雞。 所謂既燒咖哩其實係咖喱飯再加芝士上去焗，都幾香，不過個飯底就唔算好多，薄薄一層，相比下餸既份量就算多，仲有粒好靚既温泉蛋tim😍咖哩可以揀甘口或辣，整體正常水準，以呢個價錢黎講都幾抵食。 另外仲叫左個3色玉子燒同日式炒雜菜，玉子燒就偏少，得3粒仔，上面有唔同醬，味道都ok, 蛋幾鬆軟，但我覺得呢個唔抵食， 炒雜菜就正常野。服務：可能新開，人手唔算好多，我地坐低左一陣都冇人理我地，隔左一段時間門口安排座位個姐姐先見到我地on居居咁，就過黎同我地講menu喺枱下面個位，自己畫，都方便。衞生：見係用日本牌子既消費劑噴枱先抹，感覺都乾淨泊車：可以泊黃埔花園二期

朋友話FB 有人推介wo, 咪去試下lo我地2個去果日係星期四晚, 朋友先拿位。我大約7:30到, 有4-5個客在外等位。鋪頭在以前奇趣天地果條巷, 佢門口寫住「試業中」, 入面寫暫時只收現金, 正在申請緊其他付款方法, 所以大家唔好咁高要求吧。靚女朋友揀 吉列豬扒咖哩飯(忘拍照), 呢隻係白飯+咖哩汁+切件豬扒一齊上碟, 所以要趁豬扒脆就食。我揀 燒咖哩芝士牛肉飯, 係比較香口, 同埋貪佢有芝士似係肥牛但不會太肥。點餐紙可以揀 甘口或激辛, 我本身唔多食得辣, 所以揀甘口, 但都接受到。飲品如果跟餐叫就平$8, 朋友飲凍小丸牛乳抹茶, 小丸質感似甜品店的芋圓。我凍底,  揀左熱朱古力肉桂抹茶, 有肉桂粉味, 唔會太濃既, 朱古力味就ok鋪頭望落有40個位吧, 有透明膠板隔開。洗手間就要去外面商場搵...餐牌請看附圖, 無需+10%, 輕鬆小聚, 可以試一試