天台BBQ燒烤場 (已結業)

市區BBQ, 都係第一次試.都幾好玩, 其實係類似酒吧+BBQ.雞扒: 肉嫩，亦醃得幾好味。多春魚: 春多, 夠香, 好味。牛扒: 唔係好有味。秋刀魚: 唔係太靚, 太腥。雞腎: 醃得幾好味。雞翼: 醃得幾好味。飲品任飲呢樣就真係非常正!

今朝落雨都有啲驚今日燒唔成野食，好在到左夜晚都冇落雨啫一路睇住Google Map先搵到個地方，要行樓梯上天台，友人們都叫苦連天呀接待客人嘅地方都好闊落，有五六張枱到，仲有鏢機同有得唱k添等起好爐後職員就通知我地可以上去喇未上到去已經唔想行出天台，因為超級大風！！！眼見係出面燒緊野食嘅人都戴哂帽又㩒住自己啲碟同食物野食款式都算多，有雞牛豬扒，兩款雞翼，丸類，四款腸仔，蔬菜類，蕃薯，蒜蓉包等等係食物旁邊放有錫紙同牛油，方便客人將自己鍾意嘅食物包住黎燒燒烤爐上有一半係放上鐵絲網，方便客人直接放上面燒。最欣賞嘅係佢係爐邊放有不同嘅調味粉，例如：孑然粉，香辣粉等等；等客人可以就自己鍾意嘅味道去為食物調味 雞翼幾好味，由其比較深色個款，未加任何調味已經好入味喇而其他食物加左孑然粉，味道更加突出，好有係內地食個啲街邊串燒嘅味道呀佢地嘅蒜蓉包都非常好味，職員已經一旱塗上牛油同蒜蓉，份量剛好，唔會太過油，輕燒之後脆口之餘，又帶點蒜蓉香，友人們都大讚呀！差不多燒到一半，職員送上大閘蟹同紫蘇葉，教我地用錫紙包住黎燒。真係第一次燒大閘蟹黎食咋，真有趣 不過今晚實在太大風喇，燒完啲大閘蟹就拎返落樓下坐底舒

有朋友生日，所以一行十人來到這裡搞生日party, 地點係市區，比較方便，但地點幾吊腳，我地要係太子MTR 行十分鐘過來，呢到要行樓梯先上到黎。服務方面相當周到，呢度真係要讚一讚，正當我們一行幾個人在必發道找這個燒烤場的時候，有個職員行過，主動問我們是不是找燒烤場，然後帶我們到這裡，非常細心。呢度天台可以BBQ，下一層可以卡啦OK。環境方面，天台的BBQ 場真係麻麻地，反而卡啦OK 的地方幾好。天台BBQ場比較細，坐得唔舒服，不過地方都算乾淨，有水喉洗手，對於我黎講呢樣好重要。食物方面都好多嘢可以燒，都好新鮮，有多春魚、雞翼、蒜蓉包、雞腎、香腸、雞扒、牛朳、秋刀魚。本人覺得雞朳最好味，一來大小適中，唔會太大塊，所以比較容易燒熟，二來肉質鮮嫩，非常好味。仲有本人最愛的多春魚，細細條，燒完之後卜卜脆，每次BBQ 最少要食5、6條才滿足。飲品方面是任飲的，這方面也值得一讚。基本上雪櫃裏有大量汽水和其他飲品任飲，因為BBQ 當日比較熱，本人最少飲了4、5支飲品，而一般BBQ 場只會包一支水加一個飲品。因為其中有朋友好鐘意食海鮮，所以我們另外加海鮮，包括大虎蝦、蟶子皇、珍寶凡立貝、冰鎮翡翠螺。但

話說小弟想同一班朋友就聚聚舊，咁就上openrice呢個咁值得信任既網站睇下有乜食，睇睇下咦天台燒野食幾頂癮喎，仲要係$188任飲任食，於是就打去book，要落訂ok無問題，到食之前果一個星期不停落雨就打定去問落雨有無得遮?佢實牙實齒話有，ok fine~地方位置比較偏僻 ，不過上度去有得歎冷氣，又有k唱同掟飛鏢，係度抖一抖先上去天台BBQ好啦戲肉黎啦，天台bbq最緊要係乜??? 緊係個天台同啲野食啦，不過一上到去已經見到地下濕淋淋，我地要小心慢慢咁行，野食種類講真唔算多，有雞翼豬扒牛扒丸類尤魚等.......十幾樣到，如果想食埋海鮮，都可以加錢既，價錢就見人見智啦好啦，事不宜遲，拎起支叉岩岩吉完野食個時，已經開始落微微雨，咁就即時叫負責人打開帳蓬，不過原來負責人安排我地坐既位置係唔會有帳蓬遮到...即是覺得比人搵笨既感覺 ，之前係電話到冇同我地講過哩個問題，之後問負責人大雨燒唔到咁點，佢話你地係下面坐啦，我地會燒比你食。。。。。咁一早係電話到應該講清楚啦，其實衛生情況真係一般，一黎因為d野食冇野遮住，二黎係落雨先打開帳篷咁D野食咪會.......，到停雨之後我地好似同天氣競賽咁拿拿臨

預先BOOK左7位!我地早到不過唔駛點等,有位!!呢度真係抵食,而且野食味道都有番咁上下添,不過呢~~~如果呢~~天台度都可以裝到部電視俾我刨下就好啦班FD聽完我講,個個都話我發夢,車!發下都唔俾咩!!我食左好多款野,包括以下影左個D蒜香面包 - 旁邊有埋牛油,我查左好大舊,好肥不過好好味,燒到脆扑扑.火腿丸 - 唔識燒同埋唔識分,究竟熟左定未熟,我食左2粒,UM..幾彈牙的!雞臣 - 好好味道,好爽口.午餐肉 - 燒一陣就得,因為好快會變焦,外屠俾我燒得好脆,我拎黎夾面包食.不過佢呢隻淨咁食都唔會好咸芝波.甘莎骨 - 甜甜地,好似燒汁隻味道,呢D幾好,唔會話無乜肉,D肉又嫩又香軟,GOOD.煙鴨胸 - 夠肥,爽口.個晚有4班人係度燒野食,計埋我地在內,可能人多關係,坐到個場都幾full下,所以有2、3個FD燒左無耐就落左樓下K歌lu!!!D野飲任飲,有菊花茶,我成晚就係飲佢下下D火氣

星期一既晚餐外加宵夜都係呢度解決，呢間市區BBQ係我係openrice搵到嫁，就係鍾意佢地點係市區，以前住旺角個頭都唔覺有呢間野既個晚個個收晒工就趕過黎呢度，剛好個日我放假所以同另外個fd JAN去左先，食住等！好爽，而且真係好新鮮嫁！！完全唔韌一咬就斷開great！！件豬頸肉肥又爽脆，真係好正！佢呢度仲有個網可以俾我放住慢慢燒，唔需要時時刻刻都拎住I like it！孜然味個隻好羶好香口，我覺得比蒜容好味！其他食物不過不失囉，即係丸呀金菇呀都比較普通，都可以接受。地方個位置好寧靜，除左我地不過唔可以玩到好夜就真，我地個晚頂盡去到1點幾，老闆話住宅區會嘈到其他人，所以我地都接受既我下次會早D黎！

去BBQ!!??唔想抽時間預備食物又有幾多個選擇??大尾篤、燒烤樂園、近近地美孚…一一試過都不外如是，志在同朋友傾下見下又一餐，今日係家姐神神秘秘既帶領下去到鬧市中既鬧市-----大角咀!!勢估唔到原來大角咀大廈上既天台可以有自助燒烤!!一邊行住個5層樓梯一邊懷住超興奮既心情入去!!環境方面:有飛標玩，睇人玩睇得多，呢個場，冇高手，冇人望住哂，就咁，我好開懷咁玩完一次又一次!!仲同家人黎個決一高下!!哈哈!!燒烤要再上一層天台，(5樓有冷氣、電視、sofa、飛標，飲品任拎、廁所2格，乾淨!!畢竟去燒烤有幾可去到又光猛又乾淨架!!!!?所以我好滿意!)服務方面：要預先一日俾deposite, 相信小本經營，先收deposite再按人數預備食物係不二之選! 去到就有職員到天台起火，我地就坐係5樓行下玩下，一上到去就有得燒!!可以話服務係相當周到既!!!!(**天台有洗手枱，好方便!!)食物方面::種類唔算太多，燒左半晚已經冇咩好燒啦~但係勝在食物既質素好好，比較起一般燒烤場既，感覺新鮮好多、整潔好多!!!場內仲每組客人有一張桌放餐具餐碟(環保!欣賞!)要有既基本好齊備(紙巾、刀叉、碟、、錫

一心想約以前既中學同學去感受大自然加BBQ，點知我地最後奔向市區既燒烤爐裡不過，幸好哩度都唔差！四樓有歌可以唱有飛標可以俾我地射，樓上有爐for燒烤tim哩度既招牌菜我地都起碼食左三樣！燒好似菊花茶樽咁大既虎蝦啦～蝦肉好彈牙，灑埋D辣粉辣辣地幾好味啵而且D蝦肉真係好厚阿！！雞中翼size中等，加左孜然粉就一D都唔中等！孜然粉本來既羶味同雞肉好match趁佢熱勒勒食D皮好脆，不過有一、兩隻俾我燒耐左，D肉變得好dry阿肥瘦混雜既豬頸肉肥膩之餘有少少韌少少爽口，而且業得入味，自己燒出黎覺得更加好味tim阿！

星期3個晚, 餓狼上身既我好想好想好想BBQ, 食牛丸雞翼豬扒....個類啦! 有個熟路fd即打電話check呢度有無位, 好lucky咁岩有班人cancel左booking.所以我地就衝左黎呢度la!!!個fd野都未食就排住玩la!不過玩極都飛左去隔, 企佢附近d人真係好危險1上到黎天台渣渣淋燒樣中意食又快熟既先, 就係煙鴨胸la 叉住2塊邊燒邊同旁邊peter傾計.間中仲有陣微風tim.好舒服阿!!鴨胸我燒頭1轉個次好嫩爽口, 第2次燒就過左籠, 好干好硬好'窿'tim, 不過我梗係都有食晒la! 係樓下室內見個牌d海鮮咁抵食, 有1刻直頭囧左, 真係好抵!!!!!!青口蟶子size唔細ga!!!ok wo 最緊要食個陣仲有海鮮味, keep到原本鮮味,又繼續到咁鬼爽口.不過我粒青口蒜蓉落多左搞到蓋過左隻味tim.尤魚都好大1條, 1咬即斷wo, 完全無韌既問題出現!!good阿!!金莎骨我成晚食左4~5舊, 佢葉得好入味! 佢d骨頭大舊唔緊要, 因為好厚肉ga

見天氣凍凍地想BBQ下,於是就上OPENRICE SEARCH下邊度又有得燒又有得唱K飲酒,之前去過旺角1間,整體麻麻地同太大油煙,所以我地都唔會再去個間,所以搵搵下搵到呢間天台BBQ.打去卜位個哥哥仔禮貌都好好咼.見個地址我地都唔識去係大角嘴,都摸左好耐先搵到.一開波緊係燒肉先啦,話晒我地一班食肉獸呀媽.攞左D豬頸肉,雞翼,金莎骨先,舖晒係個燒烤爐上面,再POO大D個火等快熟D,皆因我地已經非常餓.D肉其實基本上都葉得幾香既,我食到好似有蒜容同黑椒味,基本上都係D大路既葉料,可能我燒得時間岩岩好,覺得好好味.金莎骨隻蜜汁甜甜地,蜜糖都唔洗加已經好夠!豬頸肉我食唔到係咪半肥瘦,但係爽爽地啦!雞翼就無咩特別,同係屋企食個D差唔多,D雞翼都幾大隻下.再黎繼續燒丸阿腸阿,快熟好多,都好多丸類,都唔少野阿!牛丸墨丸蟹子丸火腿丸魚蛋,仲有冬菇金菇青椒粟米,仲有得燴蕃薯添.之後老闆話今日D海鮮好新鮮可以試下喎,就咁我地叫左虎蝦阿蟶子阿!啊又估佢唔到D海鮮咁大隻,個蟶子仲長過個手板,即刻拎左去燒,蟶子肉果然啖啖肉,燒完都唔會縮左水. 虎蝦我地落左好多好多鹽去燒,咁樣係最正加!之後燒到差不多當然落左樓

星期六晚同班朋友去呢度bbq, 我哋前一晚已經卜定、幾點到, 所以我哋去到已經有爐俾我哋燒!!天台度d野食已經擺得是是正正, 紙巾、膠手套、蜜糖調味粉任攞任用, 真係好！夠方便! 仲有個燒爐有網, 自己可以用夾燒, 唔洗下下拎叉. 我見到有我中意食既豬頸肉同鴨胸tim阿!! 就擺係個網度慢慢燒一邊又同班朋友吹水, 真係夠晒寫意. 見豬頸肉同鴨胸都燒到7788就加埋d孜然粉同辣粉, 呢d就放係爐旁邊夠就手!! 味道有小小辣同蘇味,豬頸肉好爽口彈牙, 鴨胸有咬感而且嫩口!好味!!總覺得燒出黎既野食特別香加!! 食到悶我就落左樓下同朋友釘飛鏢机、唱歌啦.

我地打電話去book既時候都full晒,電話個個人就話星期1至4先有爐,我問過班同事之後都話OK,所以決定左星期3去. 我都唔係好習慣平日bbq既.唔理la,燒左先算la.因為我地成班同事都差唔多15個人,所以問佢可唔可以開2個爐俾我地.開左個爐都唔係好耐,5分鍾到la,已經可以開始燒野食lu.個buffet台真係縛多野食下wo,我地成班同事湧埋buffet台度叉野食.另外d同事想食海鮮,特別想燒元貝,黎到個size都差不多好似手心咁大.忍唔住即刻用石紙包住黎燒la.我地落左d蒜溶汁加牛油.食個陣好入味,口感彈牙,食完仲想食tim.我另外特別想推介一下佢個紫心蕃薯,我地一早已經放左落炭爐邊燒到差唔多聞到蕃薯香就忍唔住即刻拎左黎食啦.佢甜得黎帶粉,同我係街市買開個d好唔同ar.不錯!

喺天氣唔係好凍之下, 約咗一班好耐無見嘅舊同事聚一聚, 早前去過大角咀哩間天台燒烤場, 貪佢夠舒服! 先預約佐五位,我和兩位先到, 另兩個同事詢問我前往嘅方法, 皆因我是名路痴..唯有交俾老闆代答, 佢好有耐性地解答以及告知數個前往的方法。等待其間我哋先係室內唱住歌飲住野等佢地, 由於我哋去個日係閒日, $168任飲任食真係好抵啊!!! 場地乾淨, 從未見過燒烤場會咁乾淨架!!台同登都係, 完全唔會有痴粒粒嘅感覺。蜜糖係自己爐旁邊就有,夠晒方便. 餐具有張台俾我哋放住, 真體貼周到, 讚一個先! 食物種類唔少, 基本有嘅再加上可另叫嘅海鮮(蟶子`青口`凡立貝等等)醃肉之中豬頸肉最出色, 哩個老闆自己都話好中意食架.不過場內醃肉辣味嘅唔多, 我當晚食得最多嘅金莎骨, 口感好嫩, 就算燒耐左都完全無問題, 可見哩度選料新鮮。 連同事都一邊燒一邊讚!麵包雖然得蒜容包, 不過我已經覺得好味過pizza hut拉! 夠脆而且蒜容味適中, 唔會過濃或過淡! 飲品選擇都算多, 都係大眾嘅口味, 我當晚飲得最多既係雞骨草, 下火嘛!哩間絕對會係我翻卓嘅燒烤場之選!!!GOOD 啊!!

中學聚會搞BBQ!知道目的地後便相約兩個fd d既朋友同去.黎到先知道原來有兩層,一個係室內,有提供俾人唱歌,感覺有d似酒吧feel,但完全無賣酒精飲品;另一個係天台,供客人BBQ,老闆仲會幫客人透埋爐,服務周到!食物選擇超多,仲有海鮮添!而我地一行十人就叫了二十隻虎蝦($22隻),意想不到價錢竟不貴,大大隻虎蝦好新鮮下,肉質完全唔會梅,口感爽又彈牙.另外D豬排都葉得好入味,肉質仲好嫩,可能我燒得好啦!呢間隱世BBQ場地方夠乾淨,食具亦衛生環保,值得一讚!

大路的BBQ食品，味道OK另加的海鮮餐，除大蝦好食外，其他貝殼類可接受，鱔圈如果有鰻魚醬搽住燒會更好食。長方型的天台，放了六個爐，每個爐可坐十人或以上，爆場的話連走動空間都冇，太逼了！服務態度值得一讚，食物refill得快，又會主動幫忙加炭，good !