天后站清湯腩

營業中

休息中

路過日出康城商場買左票睇戲，得返45分鐘唔上唔落又想食少少野！戲院同一層行出黎竟然見到天后站清湯腩！之前聽台灣朋友講想試，但身在香港就一直都冇機會試下，見今次有少少時間一於試下！😌我地睇戲前的時間係大約5:15pm 左右，仲有下午茶餐可以選擇。一行二人我地點左菜肉雲吞擔擔麵加熱檸茶$42，及清湯牛腩河粉拼牛丸加熱鴛鴦$50！👍點左餐一陣好快就上枱，仲要同正餐一樣大大碗份量冇少過！仲要原來唔使加一，非常抵食！本身好鍾意食餃子、雲吞類，今次的雲吞擔擔麵有點喜出望外，平時食的擔擔麵的湯底都係花生香加少少辣，但今次呢碗係微酸加花生香及少辣，好開胃，而且麵質本人非常喜歡，質感似日本拉麵的煙韌口感，越食越想食！而清湯牛腩河粉拼牛丸，都係大大碗，牛腩炆得好嫩好易咬，而且湯底都好足料好好飲！唯獨覺得杯檸茶酸左d，但整體都覺得好味，有機會下次會再食過！

呢間天后清湯腩我經常買外賣,因為落咗單之後佢係用好快嘅速度就整好咗畀你.如果你啱啱放工趕住返屋企, 又想買下晚飯嘅話, 呢間真係速度上首選.有兩樣嘢我係成日都嗌嘅,第一就係佢嘅清湯腩河,入面都算幾多牛腩, 配埋佢嘅湯,味道夾得好好.加埋個河粉又唔會太滯同太飽.根據佢餐廳裏面嘅介紹, 佢個湯係淆咗好多鐘, 味道十分濃.另外就係嘅咖哩牛腩飯,有少少辣,但係個咖哩牛腩撈飯真係好送飯,我本身唔算食得多嘢,但係因為有佢個咖哩撈啲飯嘅話我一次過可以食好多.佢辣辣地食完之後個人都好似精神啲咁,不過我個人本身怕辣嘅, 所以一路食都要飲好多水先得

天后站清湯腩，除了清湯腩的選擇菜單🍜🍜紫菜三寶丸河粉（$53） 🥬芥蘭（$21）發現咗間唔錯嘅小店，專賣清湯腩，真係俾我驚喜連連！首先試咗佢哋嘅紫菜三寶丸河粉（$53）一碗色香味俱全嘅河粉，裡面有紫菜、魚丸同蝦丸，樣樣都新鮮。河粉滑滑地，配合清湯，飲落去真係好舒服，唔會太油膩，反而令人感覺輕盈。湯底清而不淡，恰到好處，完全可以引出每一樣材料嘅鮮味，真係令人一口接一口！再講講芥蘭（$21）呢個配菜雖然簡單，但味道卻唔簡單！芥蘭保持住咗原本嘅鮮脆感，口感非常好，搭配清湯腩一齊食，真係好有層次感。多咗啲青菜，食落去更加健康整體而言，呢間小店嘅清湯腩真係值得推介！價錢合理，味道又好，無論係一個人靜靜享受，定係約埋朋友一齊都非常適合。下次再嚟，我一定要試下佢哋其他菜式，期待有更多美味發現！

$149外賣 一碗淨菜肉雲吞、一碗牛肚米、一碗鮮蝦雲吞麵 。 一㗳咬落口就知中伏，啲菜肉雲吞喊過食鹽，肚米叫咗再淋因為比老人家食 講咗聽咗話知你完全冇乜煮淋過 我諗十蚊買過菜肉包 絕對好食過佢呢度 唔🙄️會再幫襯囉！

收工去左天后清湯腩食野，係康城少有既平價餐廳，但價位依然比出邊其他粉面店貴。今日本來想叫牛坑腩，但無晒，唯有食沙腩，另外再叫左鮮蝦雲吞牛丸河粉。湯底清澈鮮美，沙腩肉質鮮嫩，河粉有嚼勁。鮮蝦雲吞同牛丸口感出色，鮮甜多汁。湯底與餃子同牛丸完美融合，每一啖都令人愉悅。

一時興起心血來潮想食牛腩，隱約記得日出康城有一間叫天后站嘅清湯腩，於是就嚟日出康城商場4樓。地鐵站一出嚟上1層就搵到，個地點都幾方便。大概係一點幾，過咗午飯嘅繁忙時段，空位比較多，唔使等就可以入去食，一坐低阿姐未俾Menu我我就已經落咗單，一碗沙腩麵。通常阿姐會問你飲唔飲嘢？咁如果你唔介意加錢嘅話就可以飲嘅，咁我就冇乜需要啦，就冇叫飲嘢。大概等咗5分鐘個麵就上。咁第一時間就飲起啖湯，係幾香嘅牛骨湯，飲落都幾舒服，然後又夾咗一舊沙腩，肥瘦適中咬落去唔油，仲幾軟，整體上唔錯，份量就同一般嘅牛腩麵差唔多。呢間嘅牛腩水平算唔錯，但其他嘢比較一般，所以通常我只會食牛腩。我自己個人就比較喜歡食幼麵，個幼係OK嘅，其他種類嘅麵就唔係好清楚一碗沙腩麵$59價錢算係合理，唔算太貴。有興趣嘅朋友可以一試美中不足嘅就係啲阿姐好似有啲比較混亂，可能係人手唔夠，不過都唔係好影響食嘢嘅體驗

【食出頭髮唔承認，態度仲差，千祈唔好食】好不容易来康城办事，同学说天后站清汤腩是康城食堂，除了猪手都可以无脑冲，结果我还不如吃大家乐…下午茶时段，有位但是还是让我搭台，点了牛腩担担面配热奶茶，44无加一，此时基于这个价格，我对这一餐大概是有一个心理预期的，很快便送了上来，确实也就那么回事，先美美拍了张照片。五块牛腩，配点小榨菜，汤上散落着几段碎葱，喝了口汤还不错，筷子捞了捞，竟然看到了一根头发！！顿时一阵恶心。接下来更搞笑，我叫来服务员，本意是想让她换一碗。她端走摆在出餐口，三个员工凑一块儿拿出家伙在碗里翻来翻去，窃窃私语，我都依稀听到大概是她们没见到有任何不妥，果阵时我真系后悔冇即时影相！跟住佢又将呢碗面丢返比我（已经被他们翻到溶溶烂烂），说那个不是头发是牛筋须，意思即系话我唔识货，震惊我把头发挑出来放在桌上，黑白对比明显得不能再明显，我：仲话唔系？？她无话可说，又把面端走了，我已经完全没有食欲，当场走人，希望她不要把这碗她觉得没任何不妥的面给下一个客人。康城的食肆本身就不多，不期待有多好吃好歹得做到干净卫生，态度不要太差…有错要仁挨打要立正太失望了！

本來已經有夜晚飯準備定。但是經過此餐廳見很多人買外賣，決定試試。叫做清湯牛腩河粉，燙夠熱，小蔥分量剛剛好。牛腩入口很軟，很好味。這個價錢，這個商場，覺得是超值之美味。

天后站清湯腩小店位於將軍澳日出康城LOHAS康城商場4樓,餐廳主打牛腩,提供粉麵飯撈麵和其它精美小食。清湯牛腩飯清湯牛腩和飯用兩個紙碗分開盛載,清湯牛腩份量都不少,配有蘿蔔,牛腩夠腍,有牛味,不愧為牛腩專門店,好好味,蘿蔔吸收了牛腩汁特別鮮甜,無渣,飯夠軟熟有飯香味。上海排骨擔擔麵麵同湯分開2個紙碗盛載,排骨另外用油紙和膠袋裝載,排骨炸到金黃色,好香脆,唔會過鹹,擔擔麵夠軟身,每條擔擔麵掛滿香濃嘅花生醬味。

今晚平日晚7點15分諗著個人有d唔舒服，所以就同友人去左食天后站清湯腩。平時感覺都唔係好多人堂食， 但今晚竟然滿座。我地兩個人唯有搭枱食。第一次堂食， 叫左個清湯腩河粉，淨鮮蝦雲吞，咖哩牛腩飯同凍檸茶。清湯腩河粉🍜如果想有味就記得落單前加話要加腩汁啦😂 呀姐話我地點解唔早講🙈 因為我第一次黎食，唔知要自己早講先會有😆最後姐姐另上左個腩汁比我❣️ 整體味道都唔錯，但鮮蝦雲吞就比較一般，下次可以試菜肉雲吞。 整體都不過不失，偶爾想食碗河粉都可以再去食既。

康城竟然都有天后清湯腩，我去食牛腩加雲吞河，味道都幾唔錯，不過以一碗麵嚟講，價錢都幾貴😅如果平日食到佢嘅下午茶就會平啲，不過都冇乜機會都係週末食多，下午茶平日有埋嘢飲會抵啲

阿仔突然想食清湯牛腩，叫我買外賣，叫咗知淨清湯腩，同淨上海排骨，跟住去樓下超市自己買河粉自己煮，河粉就唔會爛晒。買完返到屋企打開包炸上海排骨，首先包住張紙已到浸滿油，再細心一睇，塊豬扒肉係同紙咁薄，全部都係炸粉，食落成口油，完全食唔出肉嘅感覺，結果食咗2片就無人再想食，$39一塊淨豬扒比咁嘅質素就真係完全唔可以接受，仲差過大家樂下午茶餐果啲炸豬扒跟埋飲品😡😡😡😡😡牛腩質素還可以，總之唔會再幫襯😤

睇完戲之後，我哋搵地方食晚餐，就係去咗「天后站清湯腩」！我叫咗兩碗清湯牛腩河同埋一份腩汁蘿蔔，真係幾好味！👌我哋分別叫咗兩碗，兩種唔同嘅牛腩：坑腩同爽腩。啲牛腩好軟熟，好鮮味👍🏻 啲河粉都煮得啱啱好，牛腩牛味夠濃郁，又唔會過於油膩，真係好開胃！🍜腩汁蘿蔔都煮得好軟熟，好入味，👍🏻啲汁都滲進去，好香好甜！🥕總括而言，如果你鍾意食清湯牛腩河，「天后站清湯腩」真係一個幾好嘅選擇！我肯定會再嚟！👍

這次在日出康城的天后站，我嘗試了他們家的招牌菜-清湯牛筋腩牛丸撈麵，清湯崩沙腩墨魚丸河粉，還有腩汁蘿蔔。這些菜餚讓我大呼過癮！首先是清湯牛筋腩牛丸撈麵，鮮嫩的牛肉和牛筋入口即化，清淡的湯底則讓人吃得舒心不膩口，更有滋潤的麵條點綴其中，令人欲罷不能。接著是清湯崩沙腩墨魚丸河粉，那崩潰在口中的腩肉，以及Q彈可口的墨魚丸，讓我流連忘返。最後的腩汁蘿蔔則是我在這裡的又一大驚喜！蘿蔔入味，腩汁醇香，非常開胃。除了美食，這裡的服務也是非常周到的。從點餐到上菜，服務員都熱情耐心，讓人感到賓至如歸。這樣的用餐體驗讓我感到非常舒適。總之，天后站清湯腩絕對是香港的一道必嘗美食！#香港美食推薦 #天后站清湯腩 #美食推薦 #旅遊美食

天后站清陽腩（將軍澳）今日慕名而來到將軍澳，因為呢度有一間清湯腩老字號。天后站清陽腩係一間香港傳承嘅店舖，百年天后是本店的口號。環境方面，餐廳座位闊落， 裝修有特色。在門外排隊等侯時，見到牆上貼滿了慕名而來的明星照片 。1 清湯牛三寶河粉$65 ：牛三寶包括有牛筋，牛肚和牛坑腩。牛筋嫰滑彈牙，質地軟腍。牛肚肉質飽滿，牛味濃郁。腩肉滑彈牙， 肥瘦相間紋理清晰，甘香可口。各材料吸收了腩汁的精華甘甜，食落入口即化，令人回味無窮。湯底方面，店舖用咗牛腩、牛骨湯、蘿蔔和刀工生蒸牛骨加紅棗甘草果皮等材料，煮成一碗美味嘅清湯。2 鮮蝦雲吞幼麵$45雲吞大大粒，每粒都好飽滿，皮薄餡靚。蝦肉非常新鮮彈牙，豬肉味道鮮甜，非常有口感。雲吞麵帶有鹼水味，好香，而且非常爽口彈牙。3 炸雞中翼$37雞翼都好大隻喎。炸完之後，雞翼變到金黃色，外脆內軟。外皮薄薄地，好趣。內裏肉質嫩滑，仲有肉汁，好Juicy!!