天后站清湯腩

營業中

休息中

牛腩幾淋 面底略嫌少硬但係湯頭非常惹味 好香好濃嘅花生味不過唔夠辣 如果有得揀辣度嘅話就最好啦環境方面普通茶餐廳咁上下 鋪面好細 嘢食黎得好快係有人情味嘅街坊小店 唔需要專登入去食

本身今日胃口唔係咁好 想食碗清湯腩河 有d湯會食得有胃口d點知惡夢終於係啦 碗野拎到黎 乜坑腩個樣咁 好瘦乾乾地又唔香 D羅白又冇乜味既 唔甜都算 仲有d煮未透既青味道 河粉一夾就散哂 真係失敗中嘅失敗真心 我係即刻食嫁喇 都可以散哂夾唔起 我要用匙羹嚟食 😤 個師傅會唔會煮得太衰呀！我已經加左六蚊轉坑腩 成碗野埋單$57 你話好貴又唔算 平就一定唔係 但$57係碗粉 出面真係大把 X園我三拼都唔洗呢個價 仲要好好食😋呢間仲話係出名 我好想知係咪出名難食 平時真係好小比負評 今日真係忍唔住喇！

本身都無大期望當食餐粉麵，同老婆叫左一碗雙併，一磅牛坑河。首先碗雙併黎錯，算係服務性錯誤，唔關食物事。之後黎左我碗牛坑河，一放低我眼都突埋，對廚房師傅刀法只有一番敬佩。啲牛坑腩切到散哂，每舊都細過手指尾頭，加埋都唔知有埋一隻湯勺咁多份量。大佬你個牛坑腩仲要額外加錢，係唔係咁做生意。個湯就味精湯，得過鹹字，番屋企要飲多2杯水無乜野。打打下諗起杯凍檸茶，塊檸檬3片又係薄到只可以讚歎水吧佬刀工。呢篇係我第一篇食評，未試過食完一肚氣要番屋仲屋企打篇食評，可惜無影低2幅圖片以作證據。不過有一樣野，公道啲間餐廳環境係乾淨，可能係新開張無耐。

將軍澳牛坑腩分店，我次次外賣都叫’冧‘牛筋，次次都唔‘冧’，冇就出聲，我可以叫第二樣，只係食剩擔擔麵我都得。😤佢地既云吞皮薄好食、但牛筋太鹹、外賣自取15分鐘。

九個字：咖喱燶，湯飯暖，米粉碎。點可以咁差？？！！ 好失望。不過加錢要左個唔知咩腩味道都ok既，但係點解個湯要唔熱呀！！！！！！基本要求都達唔到，真係下次唔會再幫襯囉。

叫左呢間外賣兩次，兩次都包到漏哂湯和汁，滴到大廈走廊污糟哂。牛腩仲要一達達藍藍地色好似瘀哂，冇牛味，加$10墨丸得兩粒又冇味，好hea。以後唔會再幫襯。紅油抄手正常，但冇辣味…我冇咩想再講，如果你試過就知。我好想比個劣評，但要打200字，所以可以不用理會下面的字了。我食完覺得自己食完垃圾，好唔舒服。冇野想再講，只想比評分，比大家參考，唔好中伏。冇野想再講，只想比評分，比大家參考，唔好中伏。冇野想再講，只想比評分，比大家參考，唔好中伏。

別以為天后站清湯腩在天后，香港清湯腩也不在香港，這間天后站香港清湯腩在新界將軍澳寶盈花園。這間店比較細小，感覺有點狹窄。清湯牛腩飯$55，太太要吃飯，我覺得湯腩應該配河粉。清湯牛腩河$45，轉坑腩、爽腩加$6，坑腩有點肥。我們加了油菜，$20。整體上，一般，街坊水準。天后站香港清湯腩將軍澳唐俊街11號寶盈花園地下S8B號舖

今到此店嘗試用作招牌立打的牛腩。先叫1碗牛腩河粉。另再叫1碗剩雲吞。人不多。牛腩河先送到。眼前碗内除河粉外。便是約四件半。切得精巧細小的薄片腩片。伴著幾条臭青味菜心。師傅的刀功真今人讚歎。先試腩片。確如其名。够清。清到無味。以湯会集牛腩精華。但亦今人失望。囝碗粉麵就是淡而無味。跟任上枱的雲吞更是中伏。冇虾雲吞。阿姐話此店的雲吞是無虾的。嘩。四十幾蚊碗剩豬肉雲吞。仲要食到出渣。毫冇肉汁。食到口淡淡。想要鑵汽水。他娘親要10蚊罐。牛腩河45蚊。剩雲吞42蚊。加10蚊汽水駛咗差不多成舊水。其它嘅都係唔駛再去試囉

適逢下午時段恢復堂食，經過將軍澳見到間天后站清湯腩，突然好想食，因以前在天后食過唔錯。叫了碗牛三寶河和菜肉雲吞上海麵。賣相okay但味道就唔多okay。先唔講牛腩牛肚牛筋冇乜味外，個超簡單的上海麵不知怎樣的超難食，唔想浪費食物的我食完果幾粒菜肉雲吞就真係唔想哽埋個麵。感覺中伏

路過這邊, 想來一個下午茶. 看到牛腩專門店, 而下午茶時段送青菜, 所以一試. 平日時段, 店內客人不多, 快快趣點了清湯牛腩河.     清湯牛腩河 嗅覺: 剛入店內, 鼻子就感到久違的牛腩味. 視覺: 高身碗內, 有几條芥蘭, 几片牛腩和幼身河粉, 湯底較清澈.   手感: 就因為碗身較高較深, 湯底有足夠浮力承托食材, 河粉没有被壓成一堆, 可以容易夾出完整的河粉. 口感&味道: 河粉不太煙韌, 而牛腩肉質纖較維短, 口感不算太乾柴.   就因為牛腩味道較濃, 所以湯底味道較清.  不過湯底清得來又頗順喉, 邊食牛腩河邊喝湯底, 最後湯底只剩下小半碗了. 

等待時間： 約6點鬆少少到達，直入唔洗等。室內環境：傳統河粉店，唔好預坐得舒服，預你快食快走。服務質素：無特別，接受到將軍澳宜加愈來愈少呢d傳統河粉鋪頭，難得寶瑩花園有，收左工就過左去試啦。其實我係第二次去，坦白講上次係食普通牛腩河，so far so good, 但今次就叫左崩沙腩湯飯,嘩不得了，自己本身都俾係好半肥瘦，大家䏲圖已經見到表面已有一層脂肪，一啖咬落去，堅好食呢，一食就停唔到手，當食到有點油膩，就可以飲淡湯再來過。☺️

有時我在香港九龍市區準備返回西貢墟的時候，會選擇在坑口「連理街」商場，或者將軍澳「Popcorn」商場，購買一盒「咖喱牛腩飯」，利用濃厚辣味的牛腩作為晚餐裡面的牛肉菜式。但是，如果我當日因為有事，日間沒有機會出九龍，需要留在西貢墟，恰巧晚飯裡面餸菜又沒有牛肉的話，那麼我在晚上就可能需要出外，食碗「牛腩麵」或者「牛腩飯」，解決晚餐非食牛肉不可的需求。因為晚上才遇到需要外出，尋找可以堂食「牛腩」類食品的食店，所以我選擇了乘坐從西貢墟出發，前往將軍澳市中心區的巴士。在將軍澳市中心裡面，尋找還能夠享用到「牛腩」類食品的食店。結果巴士經過「調景嶺」跟「尚德邨」之後，終於來到將軍澳其中一個居屋屋苑，屋苑的名稱叫做「寶盈花園」。驟眼看「寶盈花園」的外型和門戶裝修，我總覺得「寶盈花園」像私人屋苑多一點。但是事實上的「寶盈花園」，偏偏就是將軍澳區內的其中一個政府居屋屋邨。「寶盈花園」雖然沒有大型購物商場，但是樓下還有一些舖位，容許「寶盈花園」有屋苑居民足不出戶還能光顧的食店。例如「寶盈花園」樓下其中一個舖位裡面，就開了一間外表仍然燈火通明，還正在開門營業招呼食客的潮州粉麵店，粉麵店的名稱卻跟「將軍澳」沒

幾個月前經過附近，知道開了這間「天后站清湯腩」，一直想找機會試試。趁着今個星期日冇約朋友或屋企人食飯，近近地就在這裏開餐食晏。鋪位面積很細，撇除了一個非常細小、類似茶餐廳水吧的廚房之外，餘下的空間就僅僅足夠擺放五至六張四人小餐枱；空間還要非常擠迫，餐枱之間只勉強容許一個人側身穿過。雖然小店聲稱主打清湯牛腩，但餐牌上還有牛肚、牛筋，甚至炸雞翼、炸排骨、菜肉雲吞其他選擇。如果只要求普通牛腩河粉，只要 $41；指明要崩沙腩、坑腩或者爽腩，就要加 $6，再轉伊麵就要加多$2。結果，清湯爽腩伊麵（$49）就要 $49 了。見到牛骨牛腩清湯的顔色，已經覺得唔會好飲。試一啖，果然入口肥膩，最大問題是冇牛味、很清淡；同之前食過的多間清湯牛腩店比較，最差就是今次。牛爽腩並非最多筋膜位置，軟膏軟膜比例偏少，但就多了一層薄薄的軟牛腩肉，都算好食；但湯底實在太差，完全忽略了清湯牛腩的重點。台灣紅燒牛肉湯底的牛三寶麵就經常食，港式清湯牛三寶河粉（$55）就未見過。牛筋本身冇味；牛肚是內臟，本身還有些少臊味。所以，兩種食材一般配搭濃郁調味烹調，例如：台式紅燒或潮式滷水；清湯是第一次食。牛筋夠腍滑，牛肚亦爽口、綿靭

夠膽講將軍澳呢間「天后站清湯腩」好食過間好串既九記多多聲。大利，華姐，都唔夠呢間好食。食左好多次，同老闆傾過幾句，原來老闆同班底黎自華姐，係華姐既開國功臣，冇再合作之後自立門戶，創立呢間店。老闆話堅持選用100%鮮腩，而坊間好多為左慳成本，而退而求其次，選用雪腩，味道冇得呃人，大家咁識食，試過就知。湯底鮮甜有牛味不在話下，我每次都飲晒，牛腩呢個主角，對鍾意食牛嘅朋友，亦絕對唔會令你失望。呢度有齊坑腩，沙腩同爽腩任揀，我每次都食坑腩，係試過一次佢賣晒坑腩，我食普通腩，其實都好食！我試過一星期連食5日。完。

上完堂回家，已經差不多晚上十一點，將軍澳的深夜可以選擇的餐廳唔多，由於太夜都唔想食太重口味，所以行左一個圈後便決定了天后清湯腩(自以爲的無咁肥🙈)因為太夜想早點回家，便選擇了外賣雲呑瘦腩米粉 ($50)雲呑是菜肉雲呑，不是一般牛腩麵舖的鮮蝦雲吞，老實說有點失望，因為餐牌上雲呑只寫著雲呑，並沒有標示是菜肉雲呑😰本人以為時一般雲呑麵舖的鮮蝦雲吞才點，雖然此雲呑的確是雲呑，沒有遺反商品說明條例，但如果可以再詳細例明會較好，也可以避免有不吃菜肉雲呑客人的誤會。（因為是外賣，回家才發現是菜肉雲呑，所以沒有拍到餐牌🙏🏻）因為怕肥和吃不習慣太多肥肉的牛腩所以叫了瘦腩，牛腩肥瘦適中可以接受。 因為是清湯腩所以牛腩不算重口，比較清淡。湯底顏色看上濃郁，但其實只有淡淡甜味，屬於清淡的湯頭。整體來說是清湯腩的清淡，對於比較重口的人可能會覺得唔太岩口味。雲呑是失望的點，而且雙拼只有兩粒，就一碗$50的麵來説是比較貴和失望的。推介指數: