天奴豬扒餐廳 (已結業)

區內非常出名食豬扒嘅餐廳，真係名不虛傳。我最鐘意食佢嘅焗豬，份量十足，賣相靚，料又夠。一飯一飲品，五十多元落樓，算係咁啦。只係人比較多，唔坐得耐，同埋夏天坐門口位會比較熱，但食好野都唔理得咁多啦。

之前經過見到好多人喺門口等位所以冇特別去排隊食咗其他餐廳，今次見到冇人等就入去試吓佢個豬扒。唔想食飯所以叫咗撈麵，點知個面令我好失望，反而塊豬扒其實都OK，如果下次再嚟食應該會叫返飯，因為見到個個都係叫豬扒飯食。不過要一提就係佢個風扇應該好少開，佢一開啲塵飛晒出嚟。好恐怖😱

元朗有間好出名食豬扒嘅餐廳今次就黎試吓究竟好唔好食啦下午時間已經有好多好多人係出面排緊隊，等左一陣終於到我哋喇餐廳環境非常之擠迫，佢係舊西餐廳嘅裝修但係要人搭枱，食物價錢都唔便宜，一個午餐大概都要50幾元呢度出名係豬扒飯梗係要叫返個香茅豬扒啦，佢個香茅豬扒葉得幾入味，都叫大大件，加埋條茄子同雞蛋重另外可以揀啲醬汁，醬汁就係平時茶餐廳食碟頭飯嗰啲類型嘅醬汁，醬汁上面不要比太大期望另外試咗個吉列豬扒，同樣地都係好大塊嘅，相對上我個人認為香茅豬扒整得比較好食，不過依個都算炸得脆同熱辣辣不過我個人認為，依個質素同價錢其他餐廳都做到，亦都唔需要坐到咁擠迫，個人認為性價比非常一般

復活節，一起身跑完個步，緊係要搵食啦。老婆話想食豬扒飯，第一時間就諗到食『天奴豬扒飯』。餐廳唔算大，連埋『露天雅座』坐到三十幾人左右，但佢真係所謂客似雲來，而咁多人幫襯，係有佢既原因既。咁原因好簡單，就緊係好食啦。我地今次叫左個黑椒汁豬扒蛋飯，凍奶茶。大概5分鐘，野食就到左。驟眼睇你會以為佢平平無奇，但佢塊豬扒真係得，煎得幾香口之餘，佢仲好『臨』。然後，篤穿隻太陽蛋撈埋啲黑椒汁食一啖飯，真係一流。然後唔少得既係佢伴碟既茄子，由於本人相當喜歡食茄子，所以真係加晒分！

元朗最出名既豬扒飯之一。早幾日放假特登去食，去到緊係試佢最出名既豬扒飯。之前聽人介紹話佢既茄子係重點。個飯一黎到，好大碟，第一下即刻試茄子，果然真係好出色！豬扒都好大塊，成碟飯既性價比好高！我今次試左黑椒汁，下次試下其他汁先😍😍😍

難得去元朗行山，經過呢間舖頭見到好多人食早餐，應該唔會差得去邊掛……凍奶茶一 味道清淡，有陣強烈的酸味，一啖已足夠！豬扒配多士一 豬扒初初食頭幾啖真係唔錯，食多幾啖之後就越黎越口渴……食左一大半都唔敢食落去…… 多士質素好差，黎到已經凍哂，麵包質地仲係軟身……成餐既主角火腿鹼水麵一 快到無論 由點餐 到擺底 都唔洗一分鐘！未食已經被超重既鹼水麵既味攻鼻，好辛苦！麵質係幼麵，我再望望其他客人食既野，心知不妙，其他客都情願加錢食其他麵，都唔食呢款麵！！我唯有食一啖試試，要閉氣放入口都已經難，放入口內時 強烈的鹼水味在口腔中爆發 sorry 我真係吞唔到，結果吐返出黎就算！食埋果幾塊火腿 就埋單走人40幾蚊一個早餐，以後都唔會再幫襯

天奴中學時期已經食既豬扒飯！佢既豬扒好好食，黑椒汁好入味，仲有dd辣味出黎！佢仲有個茄子伴上，超級好食。對我黎講，果條茄子先係我黎天奴既主要目標😆😆😆成日久唔久又好想再食咖啦！

豬扒撈幼麵 $51難得入到黎元朗 試左當地人推介既呢間餐廳食豬扒 睇餐牌好似得下午茶餐先有撈麵 豬扒煎得焦焦地幾靚 唔會煎到好乾 仲保留住少少肉汁 好香香茅味 不過未算好鬆軟 所以無乜特別 幼麵有彈性 而且好掛湯

聽聞呢間豬扒餐廳長期爆滿，古語有云：豬扒都係肉，好過去自X。於是趁有空過去整個豬扒飯配豉油汁，用茄子做配菜比較少見，條茄子好入味，又夠冧，如果可以整多幾條就好喇！餐廳名有主菜名當然就食果樣啦，唔通走去海南雞店食豬扒咩！？Sorry，講多咗。同樣地，豬扒都醃得好好，表面夠油，入口即溶、豉油汁估計係有加糖再煮過，唔係直接倒落去果d，最後當然無食淨任何野。個人認為咁既價錢相當抵食，希望下次再入元朗會Encore多次啦。

以豬扒聽名的餐廳元朗都有好幾家, 今次朋友介紹天奴依家豬扒飯 去到門口幾張露天位已經滿座, 入面空間感亦不足, 流動空間少 , 不過最緊要好食 😛 午餐普遍都係 $51, 價錢尚算公道 當然要點豬扒飯啦 ... 份量好足料呀 ! 好喜歡上面的茄子 🍆 整得美味配豬扒好夾, 一大片豬扒 .. 醃得恰當且juicy有咬口, 茄子以外仲有堆菜岩哂愛食菜的我 😍整體而言 個飯無得輸 ~朋友點了鰻魚飯, 賣相亦不錯朋友說味道可以 ! 大家如果入開元朗不坊一試

是日放假, 訓到黃朝百晏先起身。然後出元朗市中心食野~之前去食川菜, 隔離有間食豬扒嘅餐廳好多人,一直都想試下~今日就去左試佢: 天奴豬扒餐廳。佢有早餐下午茶同全日餐嘅~除左豬扒~ 佢都仲有其他野食~同一般茶記差唔多~但來到豬扒專門店, 冇理由唔食豬扒丫?所以我地2個叫左:香茅豬扒蛋飯($51)+吉列豬扒腸仔飯($51)。佢可以揀跟飯/意粉/薯菜/沙律。亦都可以揀汁: 粟米汁/蒜茸汁/黑椒汁/咖哩汁/鮮茄汁/豉油汁。我地要左豉油汁同粟米汁。餐飲包熱飲, 凍飲要加$3。男友叫左凍檸賓, 要加$6。香茅豬扒蛋飯($51)+吉列豬扒腸仔飯($51)香茅豬扒蛋飯($51)豬扒好大塊! 係有骨豬扒來!由細到大媽媽都話有骨豬扒好食D~我唔知點解呀~ 但又真係好食D嘅豬扒嫩滑得來好林~一D都唔鞋同韌。仲有淡淡香茅味!好食! 不愧係豬扒專門店!每個飯仲跟一條燒茄子, 又係好味!然後個豉油汁, 係甜甜地, 杰身嘅豉油來~我覺得好MATCH好好食!VERY GOOD!吉列豬扒腸仔飯($51)男朋友就叫左呢個, 豬扒都係好大塊, 都係有骨豬扒來。新鮮炸起脆卜卜, 肉質一樣鬆軟好食!一樣有茄子!係條腸仔有少少

有一日同事突然話帶我去天奴豬扒飯！佢地話天奴既豬扒十分出名！去到既時侯 望一望餐牌 二話不說就點左個豬扒煎蛋茄子意粉，而同事就叫左個雞脾飯！個餐既分量非常之多，塊豬扒唔會太油，亦都唔會太肥膩！食完塊扒都飽左一大半！意粉無乜特色！飯應該會比意粉好！下次會揀返飯～茄子個味都唔錯，只係有點太油！雖然話茄子要多油先好味～ 但呢個未免真係有點太油了吧！原來天奴無做晚市，有一晚想encore都食唔到！！總括黎講佢既CP值都好高，而且好好味！推介！！！

試完「成記茶寮」同「開心小叙」，第三間就係「天奴」！呢到既豬扒主打係用人手逐塊搥鬆，之後再用香茅同其他調味料調味再煎，令我都幾期待，睇下會唔會媲美到「成記」先！餐廳外面內部同樣係茶記，有外面有裡面，相比起另外兩間坐位就少左啲，好彩當日外面仲有位就住左係出面。食物選擇呢到就真係唔係只有豬扒，「開心小叙」都有一張MENU專食豬扒，但呢到冇，同普通茶餐廳一樣，以豬扒做主角既款式唔會特別多，都係正常茶記款式。香茅豬扒蛋飯  $51可以揀跟飯/薯菜/意粉/沙律，而醬汁方面係最多選擇既一間，有成7種，分別係粟米汁、蒜茸汁、洋蔥汁、黑椒汁、咖哩汁、鮮茄汁、豉油汁。同樣地都係揀返豉油汁，呢到同其他兩間有個最大既分別就係呢到有一條長矮瓜，可能係因為想碟飯有啲菜既關係而加入去，不過對豬扒飯黎講，我就覺得有啲格格不入，我會寧願無左條矮瓜收返平少少個價。講返味道，豬扒都係屬於厚身，有香茅味，仲會見到有啲辣油漿住左係豬扒面，食落有微微辣油香但又唔辣，鬆軟度夠，不過冇乜肥膏，加上豉油汁又係太少，同埋價錢稍貴，相比之下，供然係「成記」勝出～總括黎講，呢間既豬扒厚度、口感其實同「成記」相約，不過成記更鬆化同帶多啲肥膏

元朗食豬扒，通常都係以下呢三個選擇：成記、開心小敍、天奴。每間舖頭各有特色，成記就主要賣大份抵食但係環境差等候時間長，開心小敍賣點係豉油好食而且有三間舖，天奴就有黑椒蒜蓉洋蔥汁近似西餐。價錢嚟天奴應該最貴，至少50蚊先落到樓，豬扒好食，鍾意汁撈飯的話記得叫姐姐幫你加多啲汁。其實我最愛嘅係天奴條茄子，同埋叫做有少少菜，好似健康啲咁。飲品方面都係差唔多，奶茶正正常常，唔好抱太大期望，環境方面一定舒適過成記，就同開心差唔多。

之前睇過面書一啲人講過呢間餐廳，今天放假入元朗買嘢之餘，就去試試以豬扒出名的店。去到要攞飛等位，由於是下午茶時間，不用等得太久，好快安排入座。眼見地方可以，但是枱與枱之間非常狹窄，而且樓底需然是很高，一望上去水晶燈就大打折扣，點解會咁多塵㗎㗎😱😱😱在餐牌上選擇了＂吉列豬扒腸仔飯配黑椒汁，一杯凍鴛鴦😊杯凍飲就覺得比較甜，可以入口嘅個飯終於到啦。眼見碟飯幾好，但黑椒汁就非常少。跟著就要試試吉列豬扒，第一口咬下去是好油，真係非常非常油🤮🤮🤮我食過好多吉列豬扒，都無食過呢間咁多油。總括來說，無必要專登入去食，順路行過就去試試！