天奴豬扒餐廳 (已結業)

昨天下午約了朋友去了元朗搵食。由於朋友住元朗，所以聽了朋友的介紹去了這間天奴豬扒餐廳食飯。去得豬扒餐廳，當然要叫豬扒黎食啦～於是我叫了豬扒撈面（出前一丁）。豬扒份量都好多！ 肉質好juicy, 好好味👍🏻👍🏻而個撈面都好食！整體黎講，我都覺得好好味！ 無記錯個撈面係$4x 。我都覺得值呢個價～

元朗好味茶記！天奴豬扒餐廳 一聽個名就知係食豬扒㗎啦🐷，仲要keep住滿座，坐到出門口，咁多人食就知係好嘢啦！👍🏻👍🏻 ..😋食乜好！？..😆 ❤️香茅豬扒蛋飯（HK$47）！咁頹😨錯，唔頹㗎！煎香咗嘅豬扒，仲係keep住好稔身，一d都唔乾！除左伴菜之外，仲送多條茄子，好味㗎喎！😮😋..❤️鮮茄焗豬扒飯！（HK$49）d豬扒用蛋加麵粉炸完之後再焗，係用心製作嘅，仲完全唔覺油膩！茄汁仲係用鮮茄整嘅添！我就好buy喇！😁..💜除左豬扒外，硬係要挑戰下其他嘢，焗芝士肉醬意粉！（HK$49）😜比起豬扒係差少少，唔係太夠芝士咁囉，但味道都可以嘅！而且肉醬仲好重料添！👌🏻👌🏻 ..

上星期我又回到這間餐廳叫了香芧豬扒熟蛋米阿華田早餐，我等了一會兒，我常聽到剁豬扒、牛扒聲，聲音清脆可看到風味，他們之所以出名豬扒就是師父將豬扒剁碎的骨和肉，然後將調味（薑、蒜味等)到豬扒内，我們吃塊豬扒很爽滑野味呢!終於豬扒來到面前，我用刀餐切下容易切碎，但我覺得塊骨頭切不到吃不到成塊豬扒，若他們連骨去除，豬扒就更加好味。因我去過其他餐廳吃豬扒餐時，他們煎得太硬或沒有將豬扒剁得碎呢!我下次來試再會叫豬扒呢!

是日午餐 入到元朗實在太多選擇 最終．決定 食好出名既 天奴 豬排先睇下門口先大大個 招牌一定認得主角登場：香矛豬排蛋飯 當然要介紹下豬排 份量足夠之餘 本以為豬排會好乾身。食落口 唔單只入味 亦好淋身 唔錯 不過 叫得香矛豬排 一定要有香矛味 略謙小了一點香矛味 另外要讚 姐姐服務態度唔錯推介：豬排 元朗其中一個美食景點。

我平日食餐廳放假.，我經過天奴豬扒餐廳，我看了餐牌叫黑椒牛扒牛油多士，腸仔公仔麵和阿華田。，我原本想要豬扒餐，我在等餐來時，我再細心看張餐牌才看到豬扒餐呢!等5一8分鍾，牛扒终於來，薄薄一塊牛扒煎得很香，但公仔麵略為咸些。早餐都豐富滿足，下次再來試豬扒餐，是否和其他餐廳煮法一樣嗎?

天奴豬扒餐廳 下午茶-煎豬扒配沙律 $42聽人講話元朗天奴豬扒好正，今次特登黎食，塊豬扒夠大塊，醃得好入味，外層煎到微脆，肉質軟腍，一啲都唔鞋口，以茶記質素黎講係唔錯既，不過下午茶定價過高，蕉蕉建議食午餐，都係$4x，起碼有豬扒、飯、茄子同蛋😊環境:成間餐廳都藍色，好迷幻，食到好眼訓😆------------------------------天奴豬扒餐廳 (元朗)元朗昌盛徑18號元通樓地下

在四月份因有大假可以放，故可外出四周圍覓食，元朗是其中一個地區。天奴豬扒餐廳已是聞名已久的，故今天午飯時間一來。平日的午飯時間，同樣吸引了附近的上班族來到吃午餐。而餐牌中，除了豬扒外，還有牛扒雞扒等選擇，並非想像只有豬扒吧，或者豬扒會做得較好吧。除了午餐外，還有早餐和下午茶時段的，在不同時段提供餐單。香茅豬扒蛋飯是今天的午餐，除了豬扒蛋外，還有一條茄子，替代了其他蔬菜，感覺上頗有誠意吧。茄子富有濃郁的味道，而豬扒亦具鬆化富香茅味道，肉質又夠煙靱富勁嚼，不錯吧。熱奶茶乃餐飲，富有茶香和茶味，當中也夠順滑。不加糖分，可增加茶的香味和茶本身的味道。當入到餐廳，其實店子都幾細的，坐得會較迫狹的。

聽朋友講元朗呢間餐廳d豬扒飯好出名！所以就黎試下，當然叫招牌菜啦 豬扒腸仔意粉。等左一陣就有得食，好快手下！塊豬扒都幾大塊，而且厚薄適中，冧冧地 夠晒鬆軟，一d都唔"un"。無論配飯定意粉 每碟都會有條茄子，條茄子仲要都幾長，薄薄地 撈埋d飯/麵食唔會覺得油膩！再配上黑椒汁 辣辣地 非常惹味，只係嫌佢汁唔夠，不過都可以要求職員加汁!!$47包熱飲 凍飲加$3~

是日同男朋友行完山,記得朋友仔曾經話呢間係元朗名物好YUMMY難得入元朗梗係要去排隊試試啦開Google map 搵得路黎去到已經2點過哂LUNCH HR不過可能係假日既緣故依然都要排隊鋪頭細細食客坐到密麻麻,似乎大家為左豬扒都唔介意迫同等係等食期間已經聞到煎豬扒既香味連唔係食肉獸既我都忍唔住要自己order一個set煎豬扒飯-豬扒好淋好入味,我估佢應該落左香茅去整,豬扒又夠大塊,送哂一碟飯係冇問題架,仲有佢塊扒上面舊燒茄子真係好正,夠味得黎好juicy,連配菜都咁有heart真係抵佢多人食GA吉列豬扒薯菜-雖然豬扒好送飯但係睇佢碟碟都咁有分量我都係ORDER薯菜好勒,本身以為吉列應該冇煎豬扒咁好味, 點知佢吉列得黎個豬扒同煎既一樣咁淋咁juicy,佢塊扒都有調味架,再加上人流多,薯條係即炸既粗薯條夠哂熱同脆,唔會食唔哂我見隔離台order雞比飯,個雞比都好似好正咁,下次一定要試下不過名店真係名店,佢冇晚市架,睇怕下次都係要holiday去排隊了

慕名而來，滿心期待的豬扒飯。一口氣點了三款豬扒飯，香茅豬扒飯，茄汁焗豬扒飯，咖喱豬扒飯，每種豬扒都令我極之失望！  首先，香茅豬扒——香茅味夾了一些青檸味，本來也夠清新，可惜廚師出手很重，除了以上兩種味，還有的是咸咸咸味！　要我以１００分為滿分的話，這款香茅豬扒飯只可值６５分。第二味的是茄汁焗豬扒飯——聞上去，很有感情，很熟悉的香味：努力尋回記憶中的味道，終於記起這味道是２５年前還讀中學時隔離一間快餐店的學生餐的醬汁味。那時一個學生餐盛惠１０元包汽水，只怪現在物價上漲，這款２５年前的快餐如今賣５０元：茄汁很快餐店。都算，但豬扒先係敗筆！廚師很有誠意地將咸咸的豬扒用炸粉炸得甘香，郤在脆脆的豬扒上淋了茄汁再焗，食落去唔係脆，係滑！乜滑？係炸得脆卜卜的粉醬再被淋上茄汁，頓時便變成一ＰＡＴ野，口感極差；味，仍是那麼的咸......第三味與第二味差不多，也是豬扒炸粉醬被淋到漲起哂，最弊係咖喱冇咖喱味，唔知碟野同咖喱有乜關係。至於有人讚得好好的茄子，係幾好味，如果鍾意成口油不妨食多兩條。可惜我一試不敢再試，係好食但超油，唔太健康......結論係：唔會去第二次了。

天奴豬扒餐廳地址： 元朗昌盛徑18號元通樓地下香茅豬扒飯豉油汁+凍飲$48 豬扒醃味很香很入味，肉質軟腍，竟然沒有嚡口的感覺。每個豬扒餐也會有一條長長的茄子作伴菜，茄子經過油炸後，搖身一變成柔軟腍身的茄子，但愛健康的人未必鐘意，因為茄子會吸附著很多油份，茄子身光亮亮。但喜歡茄子的我就很愛這道配菜，因為醬油味很配合，惹味又香口。 豉油汁煎蛋把蛋放在飯上面， 切開煎蛋後蛋汁拌勻飯吃，味道更佳。 加上秘製辣椒汁 ，又辣又香噴噴，很辣，豉油撈飯很好吃啊！ 椰菜好吃，炒過後令椰菜不會太單調。檸檬茶 冰很夠，炎熱的夏天是必飲的，檸檬帶點酸澀味，但糖水混合後，減卻苦澀味，檸檬茶配著豬扒飯，可減油膩。評分：8/10 #豬扒飯#秘製辣椒汁

自從朋友對＜食＞提高左要求之後...依家搵野食變得都幾傷腦筋...尤其是早餐...普通茶餐廳好難滿足到呢位朋友...好彩今次朋友有提議...唔係就真係企係條街度你眼望我眼哪...晨早8點幾...呢到已經坐到出門口哪...等左一陣都係要搭位坐...睇過餐牌...唔駛一分鐘就諗到食咩...因為呢度出名係豬...無得選擇...豬都只係得一兩款...熱朱同檸蜜...ok...A10餐～牛油多士+香茅豬扒+火腿幼麵A9餐～牛油多士+香煎雞扒+腸仔米粉睇落去係好簡單而普通既早餐...總有一兩樣過人之處...多士唔知點解可以切到咁薄...對比起來豬扒還厚過多士...奇怪!!!不過豬扒又真係醃得好入味...煎得唔濃而又保留了很多汁...最重要係超級嫩滑...雞扒反而給比下去...至於米粉就淡茂茂...幼麵又出奇地好有味道...絕對唔關湯底事（只係清湯吧）...而真係出自幼麵本身...唔嫌餐餐麵係同一味既話...34蚊一個餐真係好抵食...

元朗是一個美食集中地，這是一個無可否認的事實。因為，市區比較舊，街舖多，而且租金相對來說也比較便宜，所以，老字號得以保留，也很適合小本經營的小食店進場，因此，元朗的飲食天下，比起其他的新市鎮，更加多姿多彩。在元朗，用心經營的小食店很多，而且有不少都具有他們的獨特色彩風格，而這一次到訪元朗，在吃不到我的第一選擇之後，這一間名叫《天奴》的小小餐廳，就成為了我的第二目標。《天奴》平日的生意不知怎麼樣，但我知道我每一次同太太拜訪隔離的素食店時，這一家餐廳，總是人氣旺盛。從門面招牌看，清清楚楚地說明了他們賣的是豬扒，而他們餐牌上的食品，主要都是不同種類的豬扒，不想食豬扒的朋友，這兒也有牛扒，炸雞等等的食品，但，作為第一次拜訪的我，當然是吃豬扒啦。我點上了最多人叫的豬扒蛋飯，單是看名字，及若我是在普通的一家茶餐廳看見此名字，這絕對不是會有什麼特色的一個港式碟頭飯，但我既然來到了一間說到明是豬扒專門店的餐廳，同《榮式燒雞扒》一樣，會覺得押有招牌上的出品，會勝人一籌。豬扒蛋飯，有一大片帶骨的香煎豬扒，有一個很香口的燒汁，有一隻煎到恰到好處的流心黃雞蛋，仲有半條茄子，配搭的確有少少特別。豬扒，雖只是普通

先前去過近十次都有很多人等位，是次吾等早了少許出發午膳，仍然是全店滿座，等一張就到了，誓要等到，一嚐『天奴 豬扒餐廳』為何那樣吸引。三人坐四人桌，坐下下單後，竟然已有一名男士過來搭桌，坐滿四人桌的座位，非常擠擁。香茅豬扒飯豉油汁其實還包括了一隻煎蛋及一條茄子，本人不吃茄子，但店員稱不可轉作其他食品，只可選擇要或不要。算罷，反正可以將茄子『轉贈』友人，不會浪費。飯不算太多，一碗左右，對本人而言剛剛好。豉油汁略為少了點，差點兒拌不了飯。若豉油汁多一點，飯就沒那麽乾。豬扒不是厚切，而是大而長，可能足有15釐米長，沒甚肥肉。比一般茶餐廳常餐的豬扒厚少許，腌林了少許，卻保留了少許嚼勁口感，吃得到陣陣香茅香氣。但本人認為若能再厚一點，口感定必更形豐富。腌過的豬扒，軟得可以用羹直接切開，刀也不用。其他還有牛脷、咖喱、雞球、雞脾，但縱觀全店，約五成食客均吃豬扒，果然豬扒就是此店的『招牌菜』。員工態度是『真心nice』，並非某些餐廳『皮笑肉唔笑的假裝誠懇樣』。店內環境較黑及嘈雜，但總比人人土在街邊吸二手煙好。

聽到同事推介話食天奴豬扒,d豬扒抵食好大塊。lunch走左黎試下。本身呢度好似好出名果個香芧豬扒蛋,但係我自己唔太like香芧味,就揀左吉列豬扒香腸意粉配蒜蓉汁。呢間餐廳真係一分錢一分貨,毫不吝嗇,有條大茄子,仲要有d生菜。主角當然係塊豬扒,吉列炸過,但係佢唔似出面咁好厚炸漿,係整左d薄薄的麵包糠先拎去炸,食落又唔太油,而且豬扒係揼到d肉好鬆,真係唔錯,茶餐廳菜式得來好有誠意。蒜蓉汁亦都唔係太杰太稀。我少有地都清哂成碟,食得好乾淨,哈哈。