天星雲南米線

營業中

休息中

最近有好多人喺米線群組推介這間天星雲南米線，所以今日專程去旺角試食。下午一點幾去到好彩唔駛排隊就有位。店舖坐位空間還可以，但望住啲店員喺狹窄嘅空間落單傳菜清潔時避來避去，真戥佢哋辛苦🙈。飲品先嚟，豆漿，凍檸茶走甜合格。老公碗腩肉大腸小窩米線小小辣嚟先。一試覺得幾好味。有小小孜然味，湯低唔係最濃厚嗰隻但都比譚仔同好多其他舖頭厚身。腩肉每片又薄又長，似五花腩有一層明顯嘅肥膏。大腸清晒啲肥膏，兩樣都好入味。我嗰碗就隔咗7-8分鐘先嚟！可能因為佢哋突然要整幾碗外賣先得閒整我嗰碗😅😅😅唔知呢個係咩logistic…我都叫咗小窩米線小小辣，但就試左豬軟骨同豬潤。飲左一啖湯，即刻覺得冇老公嗰碗咁好味😅 比佢嗰碗冇咁濃冇咁野味。豬潤一般，薄，唔夠爽滑豬軟骨就唔錯，夠淋但都好多肉同唔散。整體都合格，可以一試。但相對我心目中「世一」嘅嗰間米線鋪，湯底味道唔同，酸味唔夠、肉碎(人哋會俾炸醬囉)酸菜芽菜分量都少好多， 又冇腐竹….所以我都係會行番去太子「賣飛佛」嘅米線舖食。

原來朗豪坊行過啲就有間咁出色嘅米線小店～麵底份量足，配料用心煮，湯底又有新衝擊，大家行到肚餓就記得去支持吓喇😋✨✍🏻 / 酸辣豬軟骨蘿蔔淮山麵💵價錢：HK$45🔘美味指數：❤️❤️❤❤❤店內米線可免費轉紅薯粉、淮山麵或飯。大家可以試吓淮山麵，麵條彈牙，份量好足，想健康啲仲可以加HK$2配蕃茄湯，同淮生麵都好夾㗎！今次我試嘅酸辣湯底中，有齊酸味同辣味，而且仲有些少甜味畫龍點睛，係頗出色嘅酸辣湯底。豬軟骨同麵嘅份量一樣足，有約4舊，出手真係好大方，仲要煮到好腍好入味！而本來以為蘿蔔係配菜，但食落勁清甜👍🏻✨✍🏻 / 胡椒豬肚湯雲吞韭菜餃米線💵價錢：HK$47（包+HK$2轉胡椒豬肚湯底）🔘美味指數：❤️❤️❤❤❤原本係配上湯，但可以加HK$2轉胡椒豬肚湯底，大家記得加錢轉，因為真係好值得加！胡椒豬肚湯底仲要有好細舊嘅豬肚肉食，而且胡椒味濃，對於平時食開酸辣味嘅我，成功衝擊咗我味蕾～至於雲吞同餃子就脹卜卜，皮薄餡靚🥟💕✍🏻 / 涼拌麻辣豬耳💵價錢：HK$30🔘美味指數：❤️❤️❤❤❤平時好怕食一大舊嘅豬耳，但呢度嘅豬耳切到好幼，而且每條豬耳都爽脆㗎～麻辣味一啖食完又一啖，唔會特別辣，但有陣陣令人上癮嘅麻

叫左二人餐 $146 2碗2餸米線，蒜泥白肉，金沙骨，2杯COT 豬軟骨 竹笙 酸麻辣 大辣大腸 墨魚餅 麻辣中辣豬軟骨 大腸 好淋夠味好好味 推推推米線湯底唔錯 大辣都唔太辣金沙骨 香口 都唔錯不過見到人手唔夠～

首先上的是- 豬軟骨鴨血酸辣米線 （小辣）一碗米線的靈魂所在必然是其湯底， 這間米線舖就做到這點， 湯底濃厚， 酸辣湯底有足夠酸味， 濃而不死鹹豬軟骨豬軟骨淋而不爛， 軟骨有咬口， 雖然也有部分肉有點韌，但已算不錯。加上煮得入味，沒有羶味。鴨血鴨血口感不錯， 札實爽滑，但鴨血本身沒有任何味道竹笙牛肉麻酸辣（勁辣）首先一上桌， 辣椒香氣， 小試一口，湯底濃實， 辣而不鹹， 也不太油，辣勁十足， 不是流於表面的假辣，對愛辣的我非常滿足， 只是麻味酸味欠奉牛肉牛肉份量不少， 厚薄均勻，有肉的口感， 不太老太韌竹笙很少米線店有提供， 大件且吸盡湯汁精華薯粉薯粉麵質不錯， 有點煙韌， 不太淋米線加點， $18 三串雞腎乾， 硬， 韌無味， 辣粉流於表面最後， 店內運作非常混亂無章， 有食客先入店卻遲遲未有餐牌點餐；又有食客明明先下單，卻被後來很多的食客遲才有米線， 還催單3 次以上；飲品也會上錯； 有客人走了， 但執枱專員也沒察覺， 等了10多分鐘才去收拾。

由下午14:30叫外賣到雅蘭中心一期，可以等到15:43分才送來，我13:10打去追，店職員話會盡快送，送來仲要收正價，怪我打電話去叫要話係要下午茶餐，我話我已經講係要下午茶餐，你哋咁做生意不如話外賣不送，要自取，接單送餐到客人手前幾要差不多80分鐘，是否過分？

成日聽米線谷友講得多，不過自己係第一次試。今次我係外賣自取，湯底叫左麻辣中辣，腩肉+鴨血+蘿白湯底例牌有少量莞西同埋芽牙，蘿白同鴨血非常入味，鴨血好煙韌，蘿白夠淋甜。唯一挑剔係腩肉太肥，瘦肉比例可以多返少少會好好多湯底叫左中辣，但最多都係得譚仔小辣左右。不過湯底夠濃咸香，已經加曬分👍🏻👍🏻

份量足料 麻辣香濃🌶必食大大件入味豬軟骨❗️-前排連登有個Post，問譚仔點解發到圍，入邊內容不外乎抵食、乾淨、標準化。不過米線黎講，田中都係鍾意小店，間間都各有特色。-🥓麻辣豬頸肉米線($48)1️⃣麻辣湯驚喜地濃郁，麻辣中帶鮮甜，而豬頸肉大大碟，足料抵食。2️⃣自選餸方面，豬軟骨滷得入味，腩肉半肥瘦薄片，同樣入味。3️⃣而蘿蔔清甜，紫菜提鮮，竹笙索汁，呢三款餸都係必試。🌶原條黃立倉米線 ($58)原條黃立倉煎得香脆，封住肉汁唔會乾身，魚肉嫩滑帶油香。🥒手拍青瓜 ($24)青瓜細心地去籽，先醃入味，切得大小均一，再撈上蒜辣汁，工序細緻認真。🍖椒鹽/孜然/麻辣金沙骨外層炸得香脆，內裡肉香嫩滑，三款調味各有特色，田中最愛椒鹽。👍🏻8.5/10

首次光顧天星雲南米線，外賣自取了炸豬排米線，另加$2蕃茄湯底及加$6熱檸檬水，非常夠味的蕃茄湯，不是只有色沒有味，店主非常有心，將炸豬排分開上，不會令豬扒變林，店主夠貼心，並將豬排碎上，方便女士食，總結，會再次光顧。

唔好睇佢舖頭細細、平平無奇，但原來嘢食有驚喜😍 今日就下午茶去左試!.📌腩肉台灣鴨血紅薯粉（麻辣中辣）$38一大碗熱辣辣米線嚟到，麻辣湯底唔錯，比想像中濃厚同辣，麻同辣嘅比例啱啱好！湯底味道有層次，個辣做得好好! 配料有: 芽菜、酸菜、韮菜同炸醬! 腩肉肉質軟稔，仲有兩大舊入味鴨血，又滑又有咬口，唔腥，好食👍🏾.📌麻辣大腸墨魚餅小鍋米線(酸辣小辣)$38芫茜份量勁多! 當然要先飲一啖湯試下，湯底辣度剛好，酸酸辣辣咁，好開胃🤤 米線軟硬適中，墨魚餅有2大塊，食落彈牙！大腸煮得好入味，而且清得乾淨！.📌檸樂 $6.總括嚟講，服務唔錯! 兩碗米線好好食，絕對會回頭。.=========================.快啲追蹤Yob一起揾食🤭👇🏾Follow my Instagram :🙋🏻‍♀️🥢: sikdord🙋🏻‍♀️🍷: yumdord.

想試好耐，下午茶期間都好多人幫襯，等左10分鐘左右。叫左腩肉肉燥飯+豆漿 同 麻辣肥牛韮菜餃小窩米線+凍奶茶 仲有孜然豬串骨同尖椒皮蛋肉燥飯好有驚喜，好好味肉燥好入味但唔鹹腩肉份量好大，超抵食麻辣小鍋米線都唔錯，超多茜麻辣湯底都唔錯，肥牛都好多份量至於韮菜餃細細粒，有三粒，味道普普通通啦最失望係豬串骨，見到係推介同個個都話好正一定要試⋯豬串骨整到好脆，裏頭都舖滿左孜然粉，可惜唔知點解成條骨都無味尖椒皮蛋都係普普通通Anyway, 可以encore… 仲有好多小食想試

🥸今日試食呢間米線🍜係旺角～雖然個裝修唔係好華麗～但職員都好有禮貌同Nice我叫咗煎倉魚麻辣米線，Omg~原條魚🐟上，岩哂我呢啲平時無住家飯食，但又鐘意食魚嘅人個米線仲可以揀麻辣湯底，都幾多芫荽我簡左中辣麻辣😆唔太辣，覺得可以再辣少少🤏🏿啲米線都好滑☺️味道都幾好🤣 另外仲叫咗涼拌青瓜同埋雞翼，青瓜好入味～如果爽啲就更加一流🤤雞翼都唔差～熱食都幾好味～講返個主菜🐟倉魚先，真係無得輸😂我會因為條魚返去食，已經約好朋友再去食…同埋唔記得咗講我食完成碗米線🍜食完唔口渴👍🏻一個字掂

今日專誠同朋友黎食二人餐，好彩地唔洗等就可以入座。雖然位置有d逼，但都坐滿人，同埋唔知係咪有人反映過太熱，今日個冷氣都開得好勁，唔會食到出汗💦我同朋友叫咗二人餐，每人一碗兩餸米線，兩個小食（我地叫咗麻辣鴨血同豬耳），同兩杯野飲（凍/熱）。雖然個麻辣豬耳比較少肉，但份量都唔少，仲有芫茜，夠脆夠香，天氣咁熱食返個涼拌菜就最合適不過喇～我就叫咗酸麻辣（小辣）肥牛、冬菇米線，本身見到得3粒冬菇都覺得少，但再睇真d，原來俾咗好多肥牛我。熱愛菇類既我就覺得冬菇好出色，有燜過，所以好入味，而肥牛就唔會硬到咬唔開。配菜有芽菜、蔥同肉碎，好足料，夠曬飽。最後就黎埋個麻辣鴨血（呢個小食要另外加$10)，有6大塊入味鴨血，仲有大量芫茜、芽菜同金針菇，真係好抵食啊埋單就$148，即係人均$74就食到咁多野仲包野飲，絕對會encore

作為米線fans! 加入左米線關注組咁耐終於去到呢間好壞評價好兩極嘅小店🤤我入到去舖頭好細，平日嘅夜晚七點幾已經坐滿，不過好好彩咁啱有人走就即刻可以入座～佢嘅小食同米線都好抵食，選擇亦都唔少～我次次食米線都一定要點一個麻辣青瓜，呢度嘅青瓜好有驚喜，好夠酸，佢唔係就咁拍咗啲青瓜就加啲辣油，係有醃過嘅酸青瓜再加辣油同生蒜片撈，超級出色！皮蛋就麻麻哋，一眾連鎖店都俾佢更加好食，唔推薦大家嗌～炸雞扒就不過不失～冇乜特別到主食米線，男朋友嗌咗個麻辣鴨血淮山麵，我自己就嗌咗酸辣牛肉金菇米線。我覺得呢度嘅難度都係普通，平時連鎖店食開五小辣嘅我食呢度嘅小辣都完全冇問題～佢嘅湯底非常之濃厚，係偏甜嘅湯底，淮山麵同鴨血都十分好食，一定會再嚟！最後嗌咗咁多嘢食仲有兩杯野飲都係$160，真係好抵食，下次嚟開旺角一定會再嚟✨

旺角天星米線前幾日有人喺米線群組勁彈呢間，但亦都好多人讚好呢間米線好味，評語比較兩極。咁啱經過附近，肚餓就入去試下。腩肉大腸豬軟骨鴨血，酸辣小辣米線。辣度偏低，湯底都濃味。米線幾滑，大腸豬軟骨都入味，腩肉就一般。最好味係鴨血，好滑，唔散有咬口，值得encore。凍檸茶好好飲，檸檬薄切夠大塊，茶底幾好，完全去除米線油膩感。臨走時舖頭坐滿晒人，其實整體都唔錯，服務衛生都幾好，芫荽份量多，我鍾意❤️#旺角 #天星

呢間係巷仔既米線舖 門口睇落平平無奇 但食物有驚喜見到門口呢個二人餐咁豐富抵食 我地二話不說就行左入去一入去 雖然舖頭細細 但老闆同d員工都好好招呼 介紹我地食呢個新推出既二人餐138蚊包兩個兩送米線 冷盤小食同炸物 炸物可以加錢升級做鴨血 而且包埋野飲 真係非常超值兩個人分別叫左竹笙雞肉米線同雲吞炸醬米線兩碗米線非常足料 多到個碗都就黎裝唔落 而且仲有大量既芫荽同芽菜 鍾意芫荽既朋友真係不能錯過 湯底飲落濃厚而且香辣 米線軟糯 同湯底一齊擺入口非常好味 小食方面 我地叫左蒜泥白肉同加錢轉麻辣鴨血蒜泥白肉每一片都包住青瓜絲 配上辣汁同蒜泥 食落口蒜香味十足 青瓜絲配豬腩肉呢個組合 放入口亦唔會覺得膩鴨血方面 一碗鴨血竟然有8-10舊 湯底係鴨血獨有既湯底 而唔係米線既湯 飲落又係另一番風味 而除左鴨血之外 碗內仲有大量小雲耳 金菇同芽菜 就好似一次享受曬4個小食一樣食熱湯米線又點少得一杯冰凍凍既飲品 而呢度既凍飲係唔洗加錢 大家可以唔洗就住就住兩個人食呢個二人餐 絕對係夠曬飽啊 埋單都係148蚊 實在係性價比之最