天樂園

營業中

休息中

工廈啲餐廳，好多寶藏抵食夾大件，多數都夠鑊氣，最正係食佢嗰啲小菜啊，炒粉麵飯。估唔到喺灣仔呢個商業區，都有間樓上工廈餐廳style嘅隱世小店。話明係隱世小店，咁就當然唔係咁易發現😏小店座落係其中一座舊樓嘅上一層，樓下有個細細的易拉架寫咗每日提供嘅午餐，不起眼。高手隱於市呢度有各種嘅中式小菜、上海菜粉麵飯，全部都係師傅即叫即煮，所以好新鮮午市，$50左右包一個小菜，一個飯，一個湯，個賣相好靚仔好吸引價廉物美係平民飯堂🤩

之前係公司見到有佢間鋪嘅傳單，見佢係銅鑼灣都會送黎灣仔，咁就試下落單喇，嗌左個炒4季豆，吾錯，幾好食. 咁之後有次同幾個同事夾單落order 喇，其中叫左2個海南雞飯. 雖然佢遲左幾個字，但攞飯盒嘅時候見到個雞飯係黃油飯，心諗正呀，遲左黎都ok la.... 但... 得1盒雞飯同1盒... 白飯 !! 冇錯，係1盒冇雞嘅白飯! 😡 即刻打番去問喇，電話個女人話，唉呀，咁我送個盒黎啦，我即刻話咁幾耐送到黎，佢又答吾出... 我話我個lunch都就完，叫佢退番錢俾我就算... 搞到我都吾係好敢再嗌呢間嘅外賣...點知其他同事之後嗌呢間外賣，嗰時12點落要12點9送到都驚有啲忟水，預左要落街買m記。點知接電話嗰個話冇問題，送到過黎 😳但聽講最後等到1點9都未到...而中間打左幾次電話問，都話黎緊或者搭緊𨋢上來，但同事企左係𨋢口大堂，人影都冇隻，嬲到佢地打去話cancel,點知個人仲好寸咁話"你lunch放幾點，唉，送到過黎你都話食吾到都冇辦法" 同事之後去食緊m記時送外賣嗰個打黎話到左門口要收錢，同事同佢講話5分鐘前打左去鋪頭話cancel單，佢勁燥咁cut左同事線... 🙄我地都話呢間鋪

11點幾叫外賣送到1點40分還沒到，外賣可以送2粒鐘以上，學到了。打電話催外賣，理由係外賣的人太多？甘是否需要我地不再關顧了？再者我唔明點解即炒可以每日都有差別，有時d即炒可以似食鹽甘，請問是否係你地鹽的存貨太多了？

order外賣又無留低我電話，未講完就cut線留乜鬼。以為神耳五洗重複單，等左成個鐘鬼影都無隻，追單態度又差，睇都五睇就話系我附近。5個字之後再追，你老闆系度爆我？乜7話打電話比我五聽？好笑你都五留我電話就cut線，宜家穩五到我位置就系度鬧我？你間鋪忙大家理解，但等一個鐘以上就已經五系應份繼續理解你，lunch時間過埋仲講到你岩，呢間噶外賣送到禁有性格，我真系無福消受，你常客多，就以後都做常客就足夠，繼續cut新客噶線，爆鬧d新客就最好🤙🏻🤙🏻🤙🏻

在商廈的閣樓，意想不到遇到這食店。雖然地方不大，廚房開揚，但卻有住家飯的感覺，相信是因為食物的味道吧。先來一碗明火湯，清清的，沒有味精的味道，不錯。麻婆豆腐只是微辣，不能吃辣的人也可試試，是佐飯的好餸。蝦仁炒蛋的蝦仁很爽，蛋就很滑，質素很高。金針雲耳雞更是久遺了的，因為很少在家煮，味道鮮甜，真的不錯。很驚喜在商廈的樓上舖有這住家菜的食肆，叫人驚喜，更是享受。

係金鐘返工, 無幾多間有外賣叫ge餐廳可以揀! 天樂園係常叫的其中一間! 佢優點係準時、叫一個外賣都肯送、常餐有跟湯或飲品！ 而飯盒味道不過不失, 份量幾多! 今日叫左個麻婆豆腐, 少辣, 味道ok! 豆腐同碎肉都鮮ge!

在這個繁忙的城市每次經過灣仔舊區都會發現樓上有很多僅有小舖 今次OL呀輝 在天樂里附近發現了一間很值得推介的餐廳  -- 天樂園其實天樂園主力是做小菜外賣為灣仔區的商廈提供廉價好味小菜但係甚少人知道天樂園係可以堂食的樓上差不多有六張圓枱 地方簡單乾淨打開餐牌有很多家鄉小菜提供選擇今次下午單飛就隨便點了幾味欖菜肉鬆四季豆 $39--------------------------超水準鑊氣之選 豆身爽趣 色澤分明 肉碎入味而不油膩 味道香濃添一個白飯靚仔 滿足感滿分椒鹽炸雞 $39-----------------原本是點了個椒鹽排骨但是排骨賣完 相信是招牌菜老闆推介椒鹽炸雞 那麼便試試炸雞皮趣 香口肉嫩 比起椒鹽排骨有多一份特別的感覺 有點像台灣吃到的炸雞

同事話呢間D上海野味道ok, 星期六又送外賣, 就試下點知食到一肚氣,要開個acc上黎俾劣評!!!!個外賣阿叔d態度差到無人有!!!!!我叫過咁多外賣, 送外賣既人d態度都無佢咁衰!好似前世欠左佢咁, 語氣又惡張單$215, 俾$515佢, 叫佢找返$300, 竟然話我個人混亂????究竟係邊個混亂邊個唔識計數, 臨走仲要發脾氣勁大力開我度門我叫外賣唔係黎受氣!!!!!就算d野點好食都唔會有下次! 更可況佢只係一般如果你想受氣就叫呢間外賣啦!!!!

剛剛享用完畢，所以來中肯的寫一下食評。收到外賣傳單其實是很久很久之前的事，一直沒有吃過。周遭實在是吃膩了，今天抱著試試看的心態叫了兩份餐。關於時間：- 14:18打電話叫餐；- 14:44分打多個電話問餐是否已派送，被告知肉餅剛剛蒸好，現在送過來；- 15:00從灣仔天樂里送到了銅鑼灣蘭芳道；我們叫餐的時間不是午餐高峰期，並且點了是日餐以外的蒸飯（需要新鮮蒸），所以整個時間和速度我是接受的。繁忙時段未點過餐，不妄加評論。關於味道：個人覺得維持外賣餐質素要比堂食餐要難一點的，今天點的兩份餐的味道我們都覺得還好。雞夠滑，肉餅算彈，份量也算大。喝湯的時候拍了照片，結果餓了，一吃飯反而忘記拍兩份餐了關於價錢：1. 是日套餐－金針雲耳蒸滑雞$38+凍檸茶$3，合計$41；2. 普通餐：鹹蛋蒸肉餅$48+餐附熱湯$0+菜飯$3，合計$51；送餐師傅收了我$94，多出的2蚊，我估可能是打包盒的錢吧～我們有另外給tips～因為從灣仔送來銅鑼灣，真真是不容易的，距離不算近，依舊桑拿天⋯⋯總體來說，性價比還不錯。味道也可以接受，不像有一些外賣點了一次就再也不想點下一次了，會再點外賣的。

一聽百頁就會覺得係豆腐…原來佢都係類似腐皮咁薄薄地，但但又比腐皮厚身同實在d!潮州菜入面，雪菜係唔少得既，唔知百頁、雪菜同毛豆三種經典食材加埋又有咩效果呢？唔好以為天樂園無為素食者着想呀，雪菜毛豆百頁飯就係清新無肉之選。打開盒飯其實斬幾意外，本來以為好寡，誰不知各樣材料出色、份量亦好大。粒粒豆都好有咬口、唔會過熟，但食飽飽之後都無胃痛。但係我飲開既熱檸水居然幫我加左糖;<….我唔鍾意甜既檸水架，又唔係檸蜜，希望下次注意下。

LUNCH TIME 時間, 我已經由12:15開始落單, 等等等, 等到13:50分先利, 足足等左個幾鐘頭, LUNCH TIME 時間剩返10分鐘, 外賣入面D 野食全部凍哂, 食左一半已經唔想食, 唔該啦, 你做唔到外賣就唔好學人派傅單送外賣啦, 一定唔會再有下次

今日懶得出去lunch，同同事齊齊叫外賣。琴日先收到佢張外賣紙，見佢竟然仲屹立不倒，就比次機會佢，幫襯下。點知，就中伏了！叫左個三絲炒年糕，佢竟然比個三絲烚年糕比我，無咩味，比嘅豆瓣醬得個鹹字。ｄ　年糕痴埋一舊舊！　情人節單身過，仲要比ｄ　咁嘅野我食！　仲要計錯數，唔知點解收多我１８　蚊仲未比返我真係好躁！

等到火起！足足等1小時！還覺得是正常！不知所謂！等左少1時！打電話去態度差！全部食品是凍！完全無味！成碗牛肉粥得3片牛肉！D米粉是無味！一些鹽都不落！莫非是健康素食？服務差！食物差！3x元！雖然3x元無乜要求！5係禁既要求！

之前在公司收到呢間餐廳的外賣紙, 見到佢D上海菜好似幾吸引, 而且價錢合理, 於是今日lunch就決定試下佢地個糖醋魚塊飯。接電話個阿叔一開始已經極之冇禮貌咁話我做咩要咁遲打黎落單, 話下次11:30am前就好打電話黎, 我心諗, 宜家都未到11:30喎! 落完單之後仲即刻CUT左線!! 真係有冇搞錯!!?? 你有無當過我係你個客仔呢?等左大概45分鐘, 送外賣個阿叔打電話俾我, 又用極之冇禮貌的語氣叫我開門俾佢, 我問佢o係邊, 佢話o係我公司門口, 之後就CUT左線, 但點知我去開門, 門口冇人, 於是我打返電話俾佢, 佢又用一貫冇禮貌的語氣話"唔係稅務大樓XXX室咩?" 我話係瑞安呀, 佢之後又極悔氣咁話我做咩唔講清楚...喂, 宜家係你地落單個陣冇寫清楚, 明明係你地唔啱仲聲大夾惡??? 莫非佢地間鋪既文化係要無禮貌對客人的?真係俾佢地激到成肚氣! 今時今日仲邊有呢D服務態度?至於個飯, 味道一般啦, D汁比較"傑", 不過以一個$36的外賣飯盒黎講都算OK啦。但佢地咁既服務態度, 就算個飯盒有幾好食都好, 我都一定唔會再有下次囉!!!!!!

天樂園，對於某一些在灣仔、銅鑼灣、甚至在金鍾的上班人士，也許不會太過陌生。原因就是他們都算是一間非常勤力的外賣店，廚房位於灣仔的天樂里，派傳單及送餐送至至少以上三個地區的辦公室，幾乎每一個星期都有他們的新餐單，天樂園上海料理，這名字，對經常叫外賣的人，應該會很熟悉。 我現在的工作地點就是位於天樂里，雖然不會常常會要到天樂園的外賣，但偶爾也會不想外出食飯，要外賣到會，偶爾也想起他。然而，近日，平凡的天樂里多了一個指示牌，就是天樂園的牌，牌面寫上《現增設堂食》。 《現增設堂食》這五個字，把我指引上來這一個既熟識又有陌生感的地方。 上到閣樓，一輛送外賣的單車泊在門口，轉一個灣，簡陋簡潔，滿佈外賣盒的餐室，怎去再加形容呢? 只感覺到這兒，依然是看重其外賣的生意，堂食，只是利用多餘的空間，做下街客也無妨。 這是主打上海菜的，來到當然要如常地叫下上海口味的食品。不要是日廣東式的例湯，我要一試一這兒的酸辣湯。色澤正宗，湯亦沒有太漿的感覺，辣度是一，酸度也是一，用上了必需的木耳、荀絲、蛋花同冬菇，味道雖不算