天池日式放題 (已結業)

同朋友2個12點去食，人唔多，野食上野快，冇漏單，牛柳粒好食，叫左2次，好多放題都冇豚肉生姜燒，佢依度有，即叫，唔明點解咁普通但好好食既野度度放題都冇。飲品方面好多未見過既野飲，其中一隻芒果橙綠茶運動飲品，味道似果汁，睇佢罐野啲介紹好似好有益咁，最緊要係冇糖，好過飲烏龍茶。雪糕係本地一隻牌子雪糕，唔錯。overall 138對得住佢個價錢，唔漏單，上菜快同埋職員態度好好依樣抵讚。

極度劣評，永不再去！！本身無興趣寫食評，不過我覺得唔寫對唔住自己，只會有更多人中伏益左間舖。我同5個朋友做完運動之後一齊去食放題，本身朋友揀呢間係見佢係訂座app 有夜間優惠，本身寫明係10點食到11點半，我地大約9點50分去到職員表示要搭正10點先可以俾QR code 我地同埋先可以拎野飲，由於之前的確係寫10點開始所以我地都無為難啲職員等到10點先去雪櫃拎野飲同埋問職員拎QR code 落單。落單方式比一般放題有少少不便，因為只可以用一部電話落單而且無點心紙俾我地睇有咩揀，為左減少等待時間我同幾個朋友就直接上openrice 搵餐單睇左先，再由一位朋友手機落單。平心而論呢間野既上菜速度幾快，而由於價錢平所以食物質素同種類都係預期之內不過不失，如果正常情況下我諗都會再幫襯，但問題係！！呢間野我唔知係咪個別職員定係普遍情況，對待客人既態度極為惡劣，我懷疑係咪老闆得罪左啲員工搞到啲員工搵啲客黎出氣，用趕客二字去形容絕無誇大。容許我舉幾個例子描述下啲職員有幾差。首先係上菜既時候有幾次啲野「放」係枱上既時候好鬼大力，我深信佢平時係手度綁左幾十KG鉛塊，咁岩今日解開左負重對力量既控制出現左問題

心癮起小編想去吃放題上網發現這家店挺抵食而且採用qr code下單 很環保特別挑選了以下幾款介紹🐠刺身方面推薦三文魚、馬刀貝、甜蝦三文魚份量慷慨 全部都厚切又肥美馬刀貝非常新鮮 爽口鮮甜甜蝦連蝦頭 可以吸啜蝦膏😛🐮和牛壽喜燒 牛肉份量不少也有一些娃娃菜在內 吸收了所有湯汁🦐櫻花蝦炒通菜非常惹味 但過分油膩🐮鹽燒牛脷串為厚切牛舌🐮香蒜大蔥牛肉粒兩款牛爽口又易咬 不像其他店難以咀嚼份量不少🍣京蔥拖羅軍艦🍣花之戀壽司方面，全部都是少少的一件，不用怕給壽司飯填滿胃，可多吃幾件

同事到油麻地譽發廣場食完一間日本放題，回來介紹給我們，我地相約下星期再去過，有人介紹應該不錯，十分期待。港鐵站油麻地走過譽發廣場附近已經看到"天池"的招牌，上到一樓，餐廳裝潢日式簡約時尚，坐在玻璃窗邊，可看到彌敦道景色。收費方面，今日假期前，成人$228，我們再選了升級版+$88，有更多選擇。原來餐廳采用電子落單，用手機Scan單上的QR Code就落得單，比用紙落單有效率多了。自助區有多款飲品、清酒、啤酒等供應。刺身：我們點了油甘魚、吞拿魚、北海道帆立貝、𩶘魚、甜蝦、虎蝦和馬刀貝等等。刺身質素相比放題，都唔錯，沒有雪味且新鮮。壽司：有多款選擇，挑選了有特色的，如黃金魚生塔、海膽軍艦、吞拿魚壽司、柚子油甘魚壽司、醬燒三文魚腩壽司、岩鹽禾牛壽司、醬漬三文魚脂壽司、鹽燒左口魚背壽司、質素也是不俗。還有要贊贊法式香草羊鞍，羊羶味香濃，肉質嫩；和風燴牛尾也做得出色，十分入味；而汁煮牛脷，肉質嫩諗，但醬汁味道稍為偏咸。串燒：鹽燒牛脷、鹽燒鯖魚、燒菠蘿，串燒同樣高質，牛脷部位一流不會韌，爽嫩；燒鯖魚汁潤不乾。甜品雪糕櫃，有榴槤雪糕添。

難得落旺角跟朋友行完街唸住見呢間新開日本放題，前身好像系越式越南餐廳同一個位，見裡面格局都無點重新裝修就知，Anyways，人頭費$178好吸引，但看清楚，海膽或其他高質燒物要加$88，唔系掛？而家出面食放題，海膽基本上包埋有得食，難道你賣的系馬糞海膽......最後無加到錢，食埋的平平無期的刺身，壽司及燒物，選擇完全唔多，而家留單情況嚴重，心想呢間放題唔會再來食，情願去返大X屋都唔要再食呢間甘cheap的日本放題講真，個價錢好吸引人去食，但見到真menu要加錢先食到海膽就有點過分。

今晚約了朋友來到油麻地的「天池」食放題，雖然政府叫大家被免外出，減低感染機會，但其實日日都要乘車返工，有時真是被無可被，只要多注重衛生意識就是。「天池」裝修簡潔，燈光光猛，枱與枱之間不會太擠迫，每枱有張QR code，讓客人登入餐廳的app 下單，不單環保，也可減低漏單的機會，隨時可以睇到還有什麼食物未到。刺身和壽司陣容鼎盛，有十幾款選擇，初初因太肚餓，忘記映相，每款刺身均非常新鮮。《天婦羅蝦》炸粉算是薄身，但油份略嫌較多《鹽燒牛脷》質素不俗，厚切大件，口感和味道都佳《牛肉稻庭湯烏冬》如果唔食澱粉質，總感覺不太舒服，這碗小烏冬就剛好，食得出這烏冬不是平價的硬烏冬，幼滑軟腍好味。飲品櫃的飲品種類很多，雪糕也有很多特別的口味，例如港式奶茶、海鹽焦糖、玄米茶……

[ 中伏實錄 ］見佢吾算太貴，就諗住試下新野，點知一伏到嘔堅決吾會再去都無感覺到服務特別好🤨好 : 帶位好快，環境乾淨，飲品幾好飲( 強烈推介試下朱古力 )電子落單簡單快捷免去每次都要叫人過黎收落單紙上菜速度快[ 請慎重考慮值吾值 ]價錢方面 : 最後買單 around $630 ( 2個人 ) 有升級套餐 $88已包加一服務費👆🏻同樣價錢可以食到好多市面上質素好好多既日式放題款式方面：如果有加 $88 升級套餐款式會多好多 ( 變相強制升級 ) ⚠️吾加既話 壽司得5-10款揀👆🏻款式真心吾多 無咩岩食 就算系叫烏冬 份量都吾多質素方面 : 世界級垃圾魚生 ( 三文魚🍣/帶子/生蝦/吞拿魚）完全無味，一食落去好明顯系冰鮮貨，仲要系冰鮮左好耐個隻👆🏻其中特別系吞拿魚‼️ 有筯有渣🤢 口感極差，食到一半已經忍吾住吐岀黎🤮壽司 岩鹽禾牛壽司🍣 又乾又無肉汁 / 黑松露帶子壽司 一般般 食落去有少少假 / 另外仲叫左個海膽壽司🍣 食過香港好多間壽司店都吾會話特別好食 所以都無抱期望 吾會講好差但一定吾系好食 但海膽份量只佔壽司既三份一 超級少🤦🏻‍♀️ / 奇蹟地叫左個 醬漬三文魚脂壽司🍣 覺得

之前同朋友行完街當然要食返餐好，友人就帶左我去食間新問既放題呢到仲有得加錢食升級版，款式多好多，當然要加升級喇三文魚切得夠厚身，食落好肥美油香帶子食落肥美同鮮甜虎蝦, 甜蝦同油甘魚都好鮮甜同爽口羊鞍食落好嫩口同多肉汁，又唔會好膻，唔洗任何醬已經好好惹味了玉子燒既蛋味好香，甜甜地既蛋配埋燒汁，好惹味仲有海鮮既燒物，係小編既最愛焗黃金大虎蝦好大隻，蝦肉好爽口，配埋焗得好香既芝士同沙律醬呢個芝士焗蠔真係好爆芝士同焗得香口，帶子食落都好鮮味出邊仲有好多飲品選，果汁先生原來仲出左蜂蜜雪梨，好滋潤中意飲啤酒仲有得KIRIN麒麟啤酒，飲返幾杯都回本喇總括黎講：食物選擇唔多但質素幾唔錯，而且坐得幾舒服，每人三百幾都算抵食呀

今晚約左媽咪出街食飯，佢居然唔選擇中菜，揀左日式放題。我地搵左地點就腳既旺角區，上網睇依間餐廳評價唔錯，食物相片都吸引。所以一於訂枱試下依間。環境給我們良好的印象，一來環境寬躺整潔！每枱坐位之間沒有逼狹感。二來落單用QR code 方便又環保👍🏼-食放題我地會第一時間點刺身。刺身款色有多樣，例如三文魚、油甘魚、北寄貝、甜蝦、珍寶蝦、虎蝦、帶子等。用冰盤承托著、賣相新鮮。媽咪最鍾意珍寶阿根廷虎蝦，肉質細緻鮮美。而辣味吞拿魚脆脆賣相亦很別緻，口感亦多層次。-媽咪平時放題不會食壽司🍣，總怕壽司飯會令人太快飽肚，不回本🤭但今晚卻試了多款。每款都很迷利，味道亦不錯。海膽刺身蝦甜筒、香蔥吞拿魚、黑松露帶子、岩鹽和牛、蒜蓉帶子等等。 最愛入口溶化、魚油香味爆登的火炙左口魚壽司。-其他食物款式類別有炸物、天婦羅、一品料理、串燒、鐵板等等 推介「極邪惡牙籤雞翼」及「芝麻雞翼」！前者用豐盈的芝士焗製，後者炸得香黃酥脆肉嫩，有水準！ -飲品自助，居然有台式薑母茶！

12 月係仔仔生日，又係舅父生日。一早諗定要去壽司朗度食壽司的，用佢個App睇過，已經冇得訂位，咁諗住7點先食，早2個鐘5點去等位，應該等耐D都會有得食掛。點知去到，當日既Walk In等位已經滿額我見有不少人同我地一樣摸門釘呢。重聽到有人問職員，5點黎等位都冇晒晚飯位，咁要幾點黎攞位？個App可訂位日子去到出年2月先有得訂，即係叫人唔好食？跟住仔八掛即上App睇下，真係呢，App訂位去到2月10幾號先有位重要係閒日喎，星期六日果D，都滿晒額了。就係咁我仔好失望咁上網搵食乜好，最後揀左天池食放題。食唔到壽司，食刺生食到飽都好丫。普通放題好似200幾一位，我地每位都加左錢去可以點晒住部Menu的放題，最後每個人好似加埋一差唔多400一位呢。我地主要都係叫刺身，大約叫左5,6次。跟住叫左燒牛舌丫，串燒，炒飯，基本Menu有的都叫過。大多數都幾好食。唯一要彈的係海膽，真係臭到嘔，本來我加錢最大原因都係想食海膽，但果日既海膽真係雖然大多數既食物都好食，但因為我地加左錢，所以覺得價錢偏貴，再食放題，應該都唔會揀佢了，食過一次就算。

我地預訂左7位19:30去食,準時到即刻安排入座,地方算係好寬敞,俾卡位我地座,坐得算好舒服,呢樣野係最滿意,入座已經知道有兩種價錢,一種係199加一,另一種係199+88再加一,服務員一坐低會問你加唔加88蚊,我地睇完唔加88蚊既menu,唔加就極小選擇,我地就選擇左加88蚊,野飲方面無酒精飲品供應,機全部寫住維修中,入座同叫我地加88蚊時完全無提呢樣野,雪櫃野飲都係大路野.野食方面無乜特別,自己用電話點野食,刺身/壽司/炸物/羊鞍等等都合格,唯一難食係芝士蠔,好難有更難食,深圳廿蚊7隻好過佢好多,野食由點完到送黎算快,有180分鐘俾你食,鍾意既可以慢慢食,不過都有十款到加完88蚊出現既寫住賣哂,純粹一班朋友聚會都無理咁多,雪糕甜品非常普通,埋單位位315蚊,呢個價錢既日式放題有更多比佢好好多既選擇,野食選擇又唔多,野飲又唔多,甜品又唔多,走既時候朋友都話無下次.

好似感覺去左天池咁正有老朋友榮休，佢老闆就叫我去天池，我以為佢真系請大家去天池。12點去到我地系第一臺客，但好快就坐滿啦，以一間樓上鋪平日有咁生意量，相信有佢的特別。鋪面吾大但好舒服乾淨，但招呼可能吾夠人，又或者無一般日本店培訓，又或者系熟人，在入座後，送餐，收蝶，之後的優惠通知等有改善空間。有自助餐和套餐選擇，我地就選擇左自助餐。點餐已經用電話掃描QR Code 點餐，好清楚，但來左乜最好在status睇到，吾系重叫就吾好。佢地可以加錢升級，但 Apps 裡面就係確認後才可以知道有乜食，我覺得系確認前睇到會好D。食物方面有好多好多，以午餐來說，已經係超班啦，有壽司，燒物，天婦羅，甜品。。。。而且味道98%菜都真系幾好味。只有香蔥牛柳粒做得熟左D，但牛味都吾錯咖。必食系-岸鹽禾牛壽司,返叫左兩次。-甜蝦-芝麻雞翼好肥美-胭脂蜜香燒菠蘿好甜好菠蘿香-鰻魚手捲吾係一部整條都係醬-鮮重葉蟹棒絕對吾係果D超市大大包果D假野。

今日放工約左大哥辦年貨， 之後係附近搵左依間位於油麻地譽發廣場的「天池日式放題」食晚餐。 上到去有種眼前一亮，對於餐廳寬敞的環境，木系柔和既色調，座位之間充足的空間感，令人印象良好。 當晚是平日但都幾乎全場爆滿。 -我們加$ 88升級放題套餐😋 有多數十款食物任點任食。先來最愛的刺身拼盤有珍寶阿根廷虎蝦吞拿魚、油甘魚、帆立貝、三文魚、馬刀貝、𩶘魚等等整盤刺身賣相色澤新鮮相當吸晴，令人涶涎。 晶瑩透亮大蝦飽滿味道爽甜；帆立貝彈潤鮮美；油甘魚厚切肥美，有入口化油既口感。-除了刺身出色，我們還點了多款食物🤩焗黃金大虎蝦色澤漂亮，開邊焗製，吃得方便-🤩蒜蓉牛油焗扇貝裙邊爽身有彈性，味道濃郁-🤩焗海膽黃金蠔最愛那層厚厚的芝士，焗至金黃香口，蠔味軟濃🦪-🤩燒汁雞肉串肉質很鬆化，啖啖肉很滋味-🤩鹽燒鯖魚略帶咸香的鯖魚，加點檸檬汁🍋鮮味更突出。-🤩田樂燒茄子🍆茄子很厚肉，燒得剛剛好不乾身，味道甜甜的。-居然有！海膽芝士醬叉燒沾麵！海膽芝士醬很濃郁，愛吃芝士的人不能錯過。沾麵質感若然再煙韌些少，口感會更佳。 不過很欣賞這個迷利餐具的份量😝-🤩櫻花蝦炒通菜第一次吃放題有炒菜吃！ 用上咸香櫻花蝦去爆香，

一向都鍾意食放題，一個價錢食到飽，對於相對大胃口既我就梗係抵啦！今天來挑戰呢間天池，在油麻地地鐵站附近，相當就腳。食物選擇都幾多，仲可以加錢$88升級有多啲好嘢㨂。呢度用電話落單，快捷方便，好似而家都越來越多放題店用呢種方式了。食放題梗係要食刺身，三文魚、八爪魚、北寄貝、馬刀貝、甜蝦、虎蝦等等係唔駛加錢都有得食，升級後仲可以試埋阿根廷珍寶赤蝦、吞拿魚、油金魚、帆立貝等等，刺身好新鮮，賣相一流，真材實料！壽司因為連埋舊飯我就少叫，但有個海膽刺身甜蝦甜筒杯一定要叫，海膽新鮮，配落新筒杯（唔係紫菜）好fusion!另外當然要叫啲熟食俾小朋友啦，日本番薯仔串、波羅串、芝麻雞翼、雞肉串、鹽燒鯖魚等等都好唔錯，仲有榴槤炸彈、香草羊架、黃金大虎蝦、海膽黃金蠔、焗扇貝、牛脷串都係大人喜愛之物。甜品和飲品就自己出去攞，飲品主要係韓國汽水、鴻福堂系列同啤酒，想飲茶都可以出去自己斟。除咗雪糕櫃之外，佢出邊仲有個甜品架放咗不同蛋糕仔，而且佢嘅雪糕仲有啲好特別嘅味道可以揀，例如海鹽味、玄米茶味等等，幾得意。

這座譽發廣場愈開愈多食肆，這間天池日式放題都是其一。雖然地方及座位没有其他放題店那般大同多，但座位則比較闊落，不會背貼背吧。這裡亦不像一般放題店用紙下單，而是用QR code 登入餐廳的app 去下單，十分環保，又可減少漏單情況，下完單，上食物的速度十分快，我要給一個讚。今晚星期六的價錢只需$228+10%,  便可任飲任食180 分鐘，仲可以+$88位升級。升級之後就可以任飲清酒，黑啤及frozen beer,  另外在刺身，壽司，手卷及焗類方面都會有更多的選擇。如果鐘意飲酒的朋友，升級是必需的。食物方面，分了沙律/冷盤，刺身，壽司，卷物，串燒，一品料理，鐵板，鍋物等，雖然每個item 不算太多選擇，但整體食物質素不錯啊。升了級，刺身便有油甘魚，吞拿魚，帶子，海膽，全部都新鮮厚肉。特色壽司有蒜蓉帶子，黃金魚生塔，柚子油甘魚等，要讚的是軍艦中的紫菜都是脆口的。焗海膽黃金蠔，焗黃金大虎蝦，白汁芝士焗扇貝，法式香草羊架都是比較出色的。串燒菠蘿，串燒雞軟骨，燒汁雞肉都是必食的。鐵板/鍋物一份的份量卻不少，所以大家下單的時候要留意啊。一個烏冬有如午餐份量。天婦羅炸得不錯，如果再可以多點款式就更