天澄閣

營業中

休息中

之前同屋企人到馬鞍山天澄閣 飲茶 發覺這裏的點心好得, 所以決定試一試他們的晚飯, 因為近母親節所以晚飯要分兩個時段6點1轉 ,另外8點半一轉。 今次叫咗龍躉兩味，炒球同蒸頭腩， 龍躉魚蒸得過熟同時上枱時已經放暖了， 魚腥味重感覺不新鮮。 生炒黑豚肉， 黑豚肉有雪藏味， 菜遠炒牛肉， 過多的鬆肉粉醃牛肉， 牛肉味怪怪的。 蒜蓉蒸扇貝又是不太新鮮上枱時都是暖暖的， 只有脆皮燒肉 keep得住水準，其他都大失所望。同場仲加映咗火警鐘鳴響兩次， 我們都打算是否應該要逃離現場，但竟然沒有人解釋發生任何事故， 要我們追問侍應發生什麼事，他們只是淡淡然的說可能樓上住客在室內有用煙火所以觸動滅火感應器。 今次真係 大跌眼鏡對於佢哋的晚餐質素同危機處理方面都有所失望。

馬拉糕是每桌必點，鬆軟清香，每要一口，糕點的氣孔中流露出香甜的滋味.....如果有機會，一定要去嘗試啦，雖然不在市中心，但是吃完還可以在馬鞍山海濱長廊走走，瀟瀟食也是不錯的選擇！

本來打算去天澄閣飲茶，叫下點心就算，但見到有個燒鴨米粉套餐，於是就同朋友一齊試下。一見佢上碟，嘩左一聲，份量好多，成半隻燒鴨，而且好好味，肉唔孩又多汁，比起新港城間TOM好得多，加上分開擺，唔會浸米粉湯浸得太耐林哂，不過D菜心就一般貨色，唔算特別好味，加埋冇蠔油，顯得冇咩味道，米粉份量都好多下。個套米粉份量兩個人食就剛好，但係燒鴨半隻就太多，如果3-4個人去飲茶叫會比較好，兩個人有點多，點心質素都唔差，釀尖椒都好味，其他點心就一般水準再高少少。呢間酒樓裝修都唔錯，而且可以坐好耐，唔算太嘈，價錢就可能會貴少少，只能偶然去一次半次。

馬鞍山酒樓有唔少，但想唔洗等位、寧寧靜靜、又有海景，就非海澄軒莫屬。位置唔算方便，搭咩車都至少要行10分鐘以上，但食物質素唔錯，人唔算多，坐得舒服，而且下午茶價錢非常大眾化，抵食

停業裝修左個幾月，開返個幾星期，剛好母親節，一於再去試吓預祝毋親節睇吓有冇唔同先，場內裝修冇乜變，只係新淨光猛左，食物價錢加左價冇左糖水和雪糕任食，睇過餐牌計過數，半席套餐都係貴過散叫一、二佰，但感覺上d餸好d，所以叫左個夏天晚上全包宴香草芝士焗海蝦，芝士味好濃，伊麵滑，海蝦彈牙尚品乳豬大併盤，乳豬香脆，叉燒肥瘦適中，油雞美味可口，燒鵝肉嫩多汁燒汁野菌牛柳粒，野味可口，四季豆爽脆香甜，牛柳粒大細適中，一啖一口，牛味濃厚金湯桃脂海皇羮，味道濃淡適中，有好多海鮮配搭，口感豐富碧綠羊肚耳炒龍躉球，脆肉瓜清新美味，羊肚耳口感爽脆，龍躉球肉厚嫩滑古法蒸龍躉頭腩，杞子和冬菇味浸入魚肉，另魚肉更加鮮味嫩滑蟲草花鮮茄浸菜苗，食落清新味美趣脆蒜香燒雞，皮脆肉嫩香口，點醬油更加美味飄香荷葉飯，飯比較爛，味道濃左d薑汁蒸軟糕，呢個真係超，軟滑度剛剛好，薑味濃而不辣因有九個人驚唔夠食，就叫多左個餐前小食：海蜇皮鴨舌，3隻紅燒乳鴿和海皇雜菜煲海蜇皮鴨舌，鴨舌幾多肉和海蜇皮都好爽口紅燒乳鴿，選取既乳鴿唔係老鴿大細適中，所以皮脆肉嫩多汁海皇雜菜煲，真係好多料，有粉絲、冬菇、娃娃菜、西蘭花、菜心、上海白菜、蝦、鮮魷、

行下馬鞍山公園、海濱長廊，長廊隔離間酒店有酒樓，行到又熱又餓入左去飲茶😚入面環境唔錯，落地玻璃窗陽光直透室內好舒服啊，重望到科學園，景觀超好☺️兩個人叫左點心拼盤叉燒河同幾個點心，有下午茶時段，可以試試啊！

常說馬鞍山是美食沙漠, 其實weekend飲個茶真是一枱難求, 試過在"譽"拿飛, 姐說要等三百張枱; 不是三十八, 是300! 嚇得立刻跑走. 之前行去天澄閣, 竟然全間關閉裝修真是暗叫一聲"Buck". 好彩現已重新開張, 但是看不出有甚麼分別(笑). 門口人山人海已見慣不怪, 等了幾個字就有枱. 水晶蝦餃皇, 金醬蒸鳳爪, 蜜汁叉燒包 每次飲茶必吃的, 蝦餃有好幾隻大蝦, 鳳爪醬較得惹味, 叉燒包食落不太多肥膏. 小心食流沙包 推介!!! 一meet開首先衝出來是熱辣辣的蒸氣, 然後是熔岩般的流心, 真要小心食, custard+醎蛋黃造的流心又燙嘴又美味. 蟹籽燒賣皇 不用說的足料 蜜汁叉燒腸 我的最愛, 這間的腸粉已預先切好一件件, 內裡叉燒份量填滿了腸粉皮而且都是肥膏不多. 叉燒本身製作得甜甜的. 七味脆豆腐 這味低成本的脆豆腐成了近期飲茶都order的食物, 細細粒豆腐都包了薄薄炸粉, 外脆內熱+滑, 加上七味粉, 每粒脆豆腐都色香味俱全. 推介!

今年團年飯，由於好多酒樓都爆滿所以就選左去酒店裏面既中菜廳，需然貴d但冇選擇錯誤我哋唔夠12人，叫一席又太貴和份量太多食唔晒，所以叫左半席，包一榨橙汁和啤酒一支(可轉汽水),另外再叫多幾款小菜(砵酒一口蠔、蒜茸開邊蒸波士頓龍蝦1隻和紐西蘭片皮鴨一隻)首先講環境，坐得舒服，找人有人，服務周到，上菜速度都幾快未食完一樣，已經陸陸續續送上，連檯都放唔晒錦繡燒味拼盤，有油雞、燒肉、义燒、燒鴨，款款都好大件，油雞唔梅，燒肉皮脆肉嫩，义燒肥瘦均勻，燒鴨肉嫩多汁碧綠花姿象拔蚌，西芹好鮮嫩，花姿片入口爽脆，象拔蚌鮮甜彈牙陳皮蒸八頭鮑魚，因為只加陳皮清蒸再加豉油熟油，所以只食到鮑魚既鮮味和陣陣陳皮既甘香味，而且鮑魚咬落唔靭黃金脆皮大蝦條，隻蝦真係幾大，賣相幾靚，脆粉幾薄，食落幾脆，蝦肉新鮮彈牙嫩口紅燒海味翅，好足料，有蟹肉、魚肚、竹笙、肉絲和金華火腿絲，食落口感豐富，濃杰度適中清蒸海花斑，由於花斑唔係好大條，而且蒸得剛剛好，所以魚肉非常嫩滑發財好市瑤柱甫，瑤柱和蠔屎好大粒好淋好鮮甜，髮菜好多，口感唔似假髮菜，生菜加上個芡汁一齊食，美味可口金湯瑤柱貴妃雞，皮與肉之間沒有肥膏，鮮嫩肉滑，唔需要點葱油，已經好

馬安山是个有山有水，风景如此美麗的好地方的呀！👍👍👍👍👍又來到了此為旺中又帶靜的 ＂海澄軒酒店＂的中菜廳的＂天澄閣＂飲茶呀！😀😀😀😀😀上了份 ＂香煎黄金糕＂👍👍👍👍糕煎得可金黄的，色丶香味都巨全的同時，糕極為之好煙銀的𠻹！美感也是好看得很的呀👍👍👍👍在本港，可真不多的酒樓有此岀品的呀！😊此的 ＂桂林牛肉腸＂👎👎👎👎👎👎👎👎👎👎可的確不敢講的啦！真不想提的啦！😳那腸粉皮爛爛的，內的牛肉餡肉，還是嫩滑的呀！就此肉餡還是可以的呀！😄👏👏

此在海澄軒酒店的中菜廳的天澄閣岀品的，＂香煎黄金糕＂👍👍👍👍👍糕身極之柔軟，而且又彈牙的呀！👍👍👍口感非凡得不得了的呀！好極了的呀！此又最特別的是，暫時，不是很多酒樓有此岀品的呀！

食品水平和價格都合乎一般家庭的需求，環境衛生不錯，枱與枱之間不算太擠迫。樓面服務則因人手不夠有影響，而假日等位需很久，平均超過一小時，最好不要在繁忙高峯時段去啦！

今日放假一早陪屋企人去天澄閣飲下茶，順便下晏午去盡下公民責任投票，望下張點心紙發現多左幾款新式點心，就不加思索咁劃左其中幾樣試下，發現d點心果然幾有特色亦比以前精緻得多，以下幾款值得一試！葡汁蟹拑批-酥皮超鬆化，入面既葡汁連蟹肉好match👍宮廷合桃酥-外型很吸引鬆脆，咬落去花生同合桃蓉好香，滿口果仁味上湯千層夾-好奇叫來一試，原來係用上湯浸住千層新鮮腐皮，清清地唔錯金牌脆麻花-小朋友一定Like，面頭鋪上椰絲麥芽糖十分香脆新鮮榴槤酥-甜品時間！喜歡食榴槤既一定要試，一個字，正👍

約o左男同事DN今日(5-7-2016 Tue)我返沙田抽血,順便一齊食晏,重有另外5位同事一齊,DN book o左呢間.我o地o黎到就剔點心啦.1. 燒腩仔一碟都幾多,重係暖o既,皮脆肉軟,OK.味道: 4分2. 話梅甜豬手幾大舊,我夾舊細細地o既食,冇乜話梅味,只有甜味,我唔多鍾意,豬手係夠腍.味道: 2分3. 蝦餃幾大粒,內裡全部都係蝦仁,爽口同新鮮.味道: 5分4. – 6. 燒賣,牛柏葉,鹹水角我冇食到.7. 脆麻花一碟得三件,好鬆化,糖漿唔多,唔算好油,好食到我同女同事CY食到停唔到口,差啲被我o地食晒. 味道: 4.8分8. 菜苗餃蝦同菜o既比例唔錯,味道比較清淡.味道: 3.5分9. 金錢肚好耐冇食喇,呢個好腍好入味,唔錯. 味道: 5分10. 鳳爪同樣係好耐冇食,食少少,一樣係好腍好入味,唔錯. 味道:5 分11. 唔知咩牛仔骨每件都細細件,鬆軟o既.但女同事CP話食到一口粉,應該係鬆肉粉,攪到一pat pat.味道: 4分12. 春卷好熱,內裡o既餡都好熱,但好似冇蝦仁同唔算惹味.味道: 3分13. 叉燒腸一碟5件,叉燒粒算甜,腸粉厚身,接受到.味道: 3分14.

晚飯時間，不想多用腦想吃甚麼，最後就是叫套餐吧！乳豬，皮脆肉肥，可能放得太久略微凍了點吧！龍蝦？還是大蝦？伊麵，失望之作，好明顯是急凍貨吧，原全無味道。西芹炒海鮮⋯又一急凍海鮮食材，反而值得讚是西芹炒得爽口。雞絲鮙魚蒸的時間過久，魚肉不滑反而硬，難以咀嚼脆皮雞，皮脆香口，入口時雞還有肉汁滲出，讚！鮑魚鵝掌，鮑魚數量不少，鵝掌炆的時間剛好，加上多汁，應該配上白飯一起吃更佳。炸蝦炸的時間過長，略帶硬。 炸鮮奶時間剛好，但可惜入口油油的。馬蹄糕甜點，像啫哩一樣，味道太淡，完全吃不出是馬蹄糕。

天澄閣我定期都有去，貪其坐得舒服，而且有免費泊車，服務也好，菜式保持水準。這次我們有六個人，就散叫了一些菜式品嘗。荷葉飯，未至於很香，但用料還算足夠，味道也好。啫啫雞煲，味偏淡，但合我意，現時也不想吃太咸的食物，雖然味淡，但有洋䓤及冬菇一起炒，很惹味。京都骨也做得甚好，味較得剛剛好，而且肉也腍，不會很硬。也叫了龍躉兩味，份量足夠，有炒球及頭腩。頭腩用苦瓜炒，正合我意，我喜苦瓜，真是吃得苦之人。炒球肉質也彈牙，啖啖肉，吃得很滿足。粉絲雜菜煲，也沒有甚麼好說的了，吃飯有點菜是很好的。環境很好，招呼也好，現時好像生意難做了，星期日也只有七成滿；這反而讓食家坐得更舒服，也不會很吵。如你去到馬鞍山，又想不到甚麼地方吃晚飯，這裏必然是你的不二之選。