天然椰子號 (已搬遷) 新店位置

因從報紙上介紹這店的年糕，幾天前用 特意買了1 椰汁千層糕，價錢  100元 ，味道不錯。今天打算買椰汁斑蘭年糕 ，幾天前的標價是100元，但今天突然加到 120元 ！加了20%！理由是運費加了！ 很難有說服力的理由！無語！貪也！從此對這店 觀感 大打折扣！！

今日偶然經過此店，鋪頭主要售賣東南亞調味料及乾貨，花椒八角，香草蘿勒，咖哩粉，孜然粉，七味粉，話梅涼果等等，應有盡有，親民價錢。店內仲有隻喵店長收銀添🐱今日買左黃皮和話梅，兩款都好食。

見到老店椰子號有椰汁千層糕，便買了一底試吓。D椰汁味入口即刻湧晒出嚟，好鬼香椰汁味，重點係唔太甜。一層椰汁一層椰糖，口感非常一流。😋😋😋必吃必試。可惜聽老闆娘講係限量的，因為都好考功夫，逐層去蒸，D功夫心機值回票價。此新產品值得買來一試，果然不負所望。但注意保存期得三日，因為新鮮椰汁嘅原因。不過又唔駛煎唔駛煮，入口即食，我一個人一陣間都食咗半底。😂😂

見好多人介紹這間老字號，年27放工之後去買，因太多訂單要過咗年初二先可以攞。因為要出港島，揀咗年初四放工去攞。買咗斑斕年糕，椰子年糕同馬豆糕各一底，要$220，真係有啲貴，因為過年所以都買，點知真係好差，從來冇食過咁削嘅年糕。加蛋煎，太軟又冇口感，冇椰子味，馬豆糕都好削同馬豆好硬。真係10分失望，如果唔可以控制品質，就唔好做咁多，新年價錢已經比較高，但品質唔見得好。唔會再去幫襯！真心想幫襯小店，但好失望！

看了今期飲食男女老子號專訪，特地到北角老店，買椰汁糕試一下。入到小店，已聞到陣陣椰汁香撲鼻，可惜現貨沽清，唯有預定了班籣椰汁年糕及頂級椰汁年糕。第日取貨時還是熱哄哄的，有別於一般真空處理的年糕。回家已忍不住想吃，但店家叮囑要先雪一下，待年糕變硬才能用刀切開，再加上蛋漿煎。很喜歡年糕甜而不膩，而且班蘭加椰汁很香很濃，不禁一下子吃了半底。今時今日，食得健康，又沒添加防腐劑產品，少之又少。加上人手新鮮汁制作，仲可以係邊度搵到吖....

作為多年既老街坊，這間鋪已是北角街景中不可或缺的一部份。每次走過馬寶道，總是飄來誘人的香料味和椰香，教人忍不住走入鋪頭一趟。今年偶然看到這間店受訪，心知肯定一榚難求，因此預先訂了幾底，幸好能夠按時取貨。後來蘋果無線相繼訪問，搞到萬人空巷，有人遠道而來卻攞唔到貨，滿肚怨氣可以理解。不過人地小本經營，年榚仲要人手製作，忙中偶有甩漏，大家應該包容吓。執一間小店，北角區就少一份人情味。買榚回去已急不及待煎起來，質地稍黏，因此落了雞蛋煎。一路煎一路飄來椰香，咬落彈牙，與一般年榚質感稍有分別，食落似糯米糍，傳統年榚鐵粉可能要一點時間適應。手猜年榚的質感是機器不能比擬。難得糯米雖多椰子料雖足但又不覺飽滯，以普洱配年榚進食實是一流享受。至於各種香料以咖喱醬為最。咖喱最難是做得香醇，這間店的咖喱料是香和醇兼而有之。咖喱味道頗辣，但唯其夠辣更顯香醇。在同一條街手一磅魚蛋，以咖喱烹煮，實在是人間美味。這樣的一間鋪，在街坊眼中簡直是北角之寶。吃的不止是手工年榚，而是一份人情味。

年年我都有幫這間老店訂年糕, 今年一月頭已經訂左三底頂級椰汁年糕. 昨晚7點去拿, 唔洗點排隊. 拿糕時係年糕剛剛蒸起, 糕身仲係熱的, 返到屋企即 刻食, 味道椰香陣陣, 軟熟好味

我第一次寫食評就係因為呢間鋪做生意手法好有問題事源買左兩底椰汁年糕 一底椰糖年糕已經全數付費 但製作需時 要下一次先可以拎糕到左今日 我原本30/1去 但有事 已好早打電話去改日子 即31/1去 店主話無問題 但今日去攞糕時 同我講 你張單30號架喎你底椰糖年糕比左其他人 我話 下 我打左電話改日子 佢就話退錢咁正常比哂錢落單 當天無黎 你都無理由比其他人買走 唔係應該拒絕個客話有人訂左？ 間鋪就穩陣 錢就收足 糕就比唔到人就算你會賣走當天無黎而餘下既糕 你都同返我講你會咁做 唔黎就有機會唔齊 大佬 完全唔講 咁做生意？以為自己唔休做就咁對啲客 真係有違於常理 仲要我有打電話去通知店主真係無下次 趕客 三底變二底 山長水遠黎 條氣chok住 要買既人自己小心

昨天去拿了預定的三種年糕，今天打開來，結果發現全部都太軟太黏，剛從雪櫃拿出來還未煎已經是這樣，好像還未完全成型似的，是不是各種粉和椰水的比例有問題？還是吃一點吧，結果椰汁年糕椰味很淡，大師姐的椰汁年糕比這間好吃多了；班蘭椰汁年糕更差，不知為何一點班蘭椰汁味也沒有，完全沒有味道，華麗園的班蘭椰汁年糕比這間好吃多了；椰糖年糕倒是有淡淡的椰糖味，但由於太軟太黏，口感很差，還是不好吃。結果是這間的三種年糕全部都不好吃，是名過其實，還是因為今年太多人買了，所以今次失準呢？

尋日東張西望賣完，今日超多人去買佢既鮮椰汁年糕不過我都係因為咁先知有得賣！排排下隊先知今日冇椰汁年糕攞！只有訂！訂都要初二先拎得！但今日係年廿六囉! 冇計都要照訂！多謝$150但椰汁馬豆糕就有現貨！都要好似搶咁!唔執輸既我都拎左兩盤又多謝$60同埋又見到有人買沙茶醬！又買返一樽試下！再多謝$25🤣🤣

偶然間喺網上見到有介紹呢間位於北角嘅傳統老店， 超過半世紀嘅老字號。雖然舖頭地點距離本人都幾遙遠， 但係一向都好鍾意食過年嘅糕點， 見佢介紹 話係人手製作而且有天然嘅椰子汁香味， 就已經心思思好想試下啦。難得去到咁遠， 一次過買咗六底糕班蘭椰汁年糕椰汁年糕馬豆糕平時去食泰國菜都有食過班蘭糕， 類似千層糕嗰類嘅甜品， 但同年糕揉合一齊就真係第一次嘗試一打開個盒就聞到好香嘅班蘭味， 而且甜而不膩， 比起平時食完年糕會覺得滯同膩嘅感覺好唔同。椰汁年糕就好似平時食椰汁糕咁樣， 不過比起平時嘅糕點更為煙韌。馬豆糕係細個食完之後都好耐冇食啦， 爽口得嚟又有椰子香味，正

久聞其名，近年較沉靜，江湖把它定位為椰子椰汁糕店，本人不苟同。可能是出世早，嚐到老一代的家製佳品，奶滑椰香，是消暑妙品。個人認為此店的馬荳糕潤滑，芳香均有不足，不是絕品。此店亦與傳統賣椰子產品店不同，沒有掛滿椰子。札肉，香茅，南薑，青檸四大南洋貨反而令我有驚喜。特別推薦札肉，好大碌，長24厘米，比超市的廉宜。特別是包裹了好大片香葉，比荷葉更闊，香味獨特，全港少有。為何稱為札肉，我現在才知道原因。你回家後試嚐，如覺得香味已充足，可棄掉香葉，否則可繼續讓香味滲入。約有30片，煮湯麵，炒粉麵可。粉麵馬上越南化，有香葉味，札肉爽甜。其他東南亞食材，調味料多有供應。亦是中國食材店。我會買紅豆，綠豆。這裏有蓮蓉，豆沙蓉供應。情人梅，霸王花，雪梨乾，金絲棗，話梅，陳皮，滷水料，南棗，腰果，糙米，紅景天……應有盡有。可以看上一個下午。是50年老店的味道，是人情味，有很多藥方，食方，去斑，消脂，醫關節痛，排毒，去濕……可以查詢。是碩果僅存的雜貨店。須認清店名，近街市那邊有類似店舖。

一年一度嘅新年又過一段落啦！係咁多傳統嘅賀年食品當中，我諗我最鐘意食煎香咗嘅年糕，甜甜地煙韌韌咁好QQ!每年都想試試唔同品牌嘅糕點，無論出名無名，平或貴，見到ok想試都會買來試試。今年就試一間老子號，佢唔係糕點老子號，而係一間有50年歴史，賣椰子起家之後加賣調味粉香料出晒名 - 位於北角嘅天然椰子號。傳統椰汁年糕唔會太甜，用新鮮椰青水做，好清香，食多幾塊完全都唔會覺得滯。第一次食班蘭年糕，是我至愛，好香好香，班蘭味好清香撲鼻，絕對值得一試！記得要慢火煎香食，好QQ😍傳統椰汁年糕💰$70班蘭椰汁年糕💰$80

在"天然椰子號"買了一底椰汁馬豆糕, 28大元.回家煮餃子吃, 吃完急不及待拿出馬豆糕. 直橫各切四下, 有二十五粒.沒有刻意冷凍, 室溫的糕已感覺清涼.想起店裏的兩隻貓, 一隻站在收銀櫃位, 一點都不怕人, 另一隻在鋪裏走來走去.糕有二十五粒, 我打算先吃五粒. 用四隻手指抓著糕放進口裏, 用手吃最滋味.在不留神的情況下吃了半盤, 我心裏一驚.但一小時後, 我又忍不住從雪櫃拿出餘下的半盤, 於是一個晚上就吃光了.味道但難形容, 就是比平常的馬豆糕再香一點, 再清爽一點, 再新鮮一點.

係悶熱嘅天氣下去左賣椰子製品同各種香料嘅"天然椰子號"。一入去係櫃面見到樽椰子油($300/710ml)，考慮緊下次買嚟試吓。今次買左細樽肉桂粉($10)，椰糖(有比較淺色$11嘅另一種，要左呢隻$13較深色較濃; 可以直接用嚟整甜品之類)一盤椰汁馬豆糕($25; 用鷹粟粉)，老闆話係用新鮮椰汁整，打開聞一聞，超香椰子味! 即場左個$5椰子水嚟飲，唔會好甜但係好清，個殼佢地會要番嚟整野。