天竜 (已結業)

前幾日朋友帶左我地一行五人來呢間居酒屋歡聚，來到門口我第一個反應係：做咩成日經過但我從來無留意呢度有間日本野？🤔一坐低我朋友就話:「要叫甲羅燒，一人一隻」，我心諗都係燒蟹膏唧，有咩咁特別？嘿，當上菜時我見到啲蟹肉份量咁豐富、再撈埋鵪鶉蛋、夾住底部鬆脆嘅法包一齊食嗰時，Sorry!!🤐我收返頭先嘅諗法😂😉值得一提嘅係，蟹膏鮮甜唔腥，燒得軟硬適中，係一份令人心心眼(同增加膽固醇🙃)之作😍而肥美鮮甜嘅天龍刺身盛合同炙燒左口魚裙邊壽司嗰份 creamy，我至今仍然回味無窮😋至於價錢，如果齋睇銀碼嘅話可能會覺得偏貴，但肯定肯定肯定 (注意，我講左三次🙃) 值回票價👍🏻另，同朋友歡聚，無價❤️Cheers🍻！

換完身分證，行返荃灣有點熱，本身打算去鄰近嘅餐廳食飯，不過被告知最少要等半小時先有得入。所以轉戰另一間餐廳，見依一間有午市定食，見價錢合理，評價okay，又啱啱唔洗等位。幸運地今次係柳暗花明又一村～原本諗住食豚肉生薑燒就算，但見多幾篇食評都係讚刺身/壽司，「天竜丼」又有齊我鍾意食嘅嘢，所以就叫咗依個～有三文魚、油甘魚、帶子、赤蝦各兩件，吞拿魚一件～ 上有唔少海葡萄。全部都好新鮮。尤其係三文魚、油甘魚、赤蝦嘅肉感好厚。滿足～我本身唔得太鍾意蟹籽/魚籽，海葡萄連飯嘅時候有爆粒粒嘅感覺但無蟹籽/魚籽嘅腥味，係好好嘅配搭～💛

📍天竜食日本嘢除咗連鎖店之外，其實小店都有佢嘅特色同埋質素，今次就嚟到荃灣呢一間日本餐廳，店內裝修唔馬虎，牆上面都貼咗好多日本嘅海報同埋裝飾，對於好耐冇去日本旅行嘅香港人來講，都暫時可以當自己去咗日本食野🥲👅並上刺身盛合 $228想食刺身，但又唔知點入手，最方便就係要盛合，乜都有啲🤤總共有九款刺身：三文魚、吞拿魚、劍魚腩、八爪魚、魷魚、油甘魚、鱆紅、赤蝦同埋左口魚裙邊，基本上都齊晒香港人平時最鍾意食嗰幾款～盛合擺碟好有心思，仲有啲花瓣🌼所有刺身都係厚切同埋新鮮，特別要講吓帶子鮮甜，好大粒，赤蝦好彈牙，左口魚裙邊唔會剩係得一細條，盛舊咬落去油份咇哂出黎，仲有魷魚同埋八爪魚一啲都唔韌🤤基本上你想食刺身，叫呢一個都一定滿足得到你🥸👅極上壽司盛合(10貫）$268呢個盛合見佢齊晒我想食嘅壽司，一於就叫呢個！佢有大拖羅、中拖羅、赤身、海膽、三文魚子、牡丹蝦、帆立貝、深海池魚、金目鯛同埋一款時令。呢度總共10款壽司，帆立貝照舊巨型，大拖羅入口即溶， 中拖羅脂肪同埋肉嘅比例啱啱好，如果唔鍾意咁油嘅話就可以試吓佢嘅赤身！另外想講吓海膽，好鮮甜🤤👅牛舌塩燒（2本）$58牛舌上枱啱啱燒好噴緊煙，好香🤤厚切

天竜 荃灣好耐無出去食野，帶咗幾日飯之後，都係決定出去食一次，獎勵下自己🥰好耐無嚟荃灣路德圍呢邊，發現開咗好多新舖頭，同事想食壽司，見到呢間鋪頭出面幾靚仔，就入去試下，有驚喜😍😍午市套餐好抵食！我哋叫咗兩個午市套餐，一個刺身拼盤，食到好飽🤣🤣壽司拼盤配細烏冬合共10件手握壽司，件件都好新鮮！其中最鍾意甜蝦、油甘魚、劍魚腩，油脂超足！食落去入口即溶，好滿足嘅感受！食完仲有一碗暖暖嘅烏冬入口🥰三文魚帆立貝丼三四塊好厚身嘅三文魚同帆立貝，飯量都好夠，男仔食都唔會驚唔夠飽，我更加食唔哂🤣天龍刺身盛合見到隔離枱嗌咗刺身拼盤，我同同事都心旭旭叫咗個！味道超級驚喜！！簡直係從來未食過咁好食嘅刺身拼盤！🤣不論係材料份量都超級足夠！睇相都知震撼🤣🤣荃灣返工嘅朋友仔又多一個食午餐嘅選擇，希望呢間小店繼續做落去，價錢唔算好貴，但質量高！😋

喺得荃灣返工，總有幾間餐廳係每次經過都好想食，而日本野我會揀呢間喺食街附近嘅天竜，難得呢日係會放縱自己食得好d尤其而家已經禁咗晚市堂食，惟有將Lunch當Dinner食！🔥先係嗌咗送酒一流嘅唐揚豆池魚$58呢份幾抵食，而且條條魚都幾飽滿多肉，炸到外面少脆就夠晒好食🥴Lunch set嘅10件壽司定食跟埋前菜同烏冬$128相當豐富嘅lunch set，壽司大大件之餘用料實在，其中油甘魚魚油香十足，其他都正常水準，cp值幾高🤟🏻極上壽司盛盒 $268🍣同樣為10件嘅壽司盛盒，每一件都升級了一個層次，有齊赤身、中拖、大拖之外，仲有海膽同三文魚籽，再加上幾件火炙過嘅時令魚，賣相同味道都冇野好彈了，小店冇得做晚市真係好傷，大家支持一間得一間🙏🏻

今日中午來到🚇荃灣搵朋友仔食 lunch🥢，佢帶咗我來呢間🇯🇵日本料理小店，原來都幾抵食🤤，而且依家外賣自取壽司🍣仲有八折優惠添呀！雖然店仔🤏細細，不過牆上都有唔少🏯日式裝飾🖼，感覺有啲似日本地道小店。呢度🪑坐位都幾闊落，而且用手機📱落單，簡單方便又快捷。鵝肝安格斯🐂牛肉飯🍚$128，一上枱就聞到好香嘅鵝肝香味🤤，即刻令人食指大動🤩。塊鵝肝🥰比我想像中大塊，而且都有一定嘅🤩厚度，所以口感👍幾好，甘香油潤🤤，安格斯🐂牛肉鋪滿晒喺🍚飯面，肥瘦適中😋而且好香口☺️。呢個午市定食日式🇯🇵吉列🐖豬扒🍛咖喱飯只係$60。吉列🐖豬扒又厚又脆，配上微甜微辛嘅日式🇯🇵咖喱汁好香口美味😊。天龍🐟刺身盛合$420好大盤，有成十款唔同嘅🤩時令刺身，都幾新鮮美味🤤，我特別鍾意厚切三文魚腩、海膽、油甘魚同埋拖羅😋！

難得細佬話同我食Lunch，緊係要細佬帶我去食好西！今次佢帶左我去食日本野！下晝時間 餐廳有午市定食供應，價錢都幾親民！我哋就叫咗個刺身定食同埋銀雪魚西京燒再加d小食、串燒同壽司刺身一共有 6款，每款有2件，全部都好新鮮，百幾蚊食到呢個份量的確幾抵！仲會包埋飯同埋麵豉湯銀雪魚西京燒煮得好入味，魚肉好滑，配埋個飯食幾正 另外我地叫左加州卷 、火炙左口魚邊壽司、雞軟骨同埋燒白鱔左口魚邊既魚油勁香，燒白鱔都好正我幾鍾意佢哋個雞軟骨，因為會有少少肉，冇咁硬餐廳同會有日本飲品供應，估唔到荃灣都有咁高質嘅日本料理小店

對於生在無飯家庭，每餐都係出去食，其實每日都好苦腦要食啲咩，今日就食左曰本野，作為荃灣人都成日留係荃灣搵食，呢間天竜應該開左唔耐，今日第一次食，午市套餐都幾抵，重包埋野飲同湯，我點左：壽喜燒鍋🥘上湯清甜，加左隻日本雞蛋🥚打成湯蛋花，數片嫩滑牛片和娃娃菜，娃娃菜吸滿湯汁，一整鍋都幾有份量，重連珍珠飯和麵豉湯。極上壽司🍣盛合大拖羅，中拖羅、赤身、海膽、三文魚子、牡丹蝦、金目鯛、深海池魚、帆立貝、時令壽司一次試晒所有款式，當中拖羅甘甜，入口即化，海膽鮮味，十件超滿足。另外還點了左口魚變壽司和三文魚腩刺身，刺身大大件好厚肉，新鮮好味😋

今日本身想食燒肉，但睇睇下呢間日式小店更為吸引，所以就轉左軚了😂位置好方便一落天橋就到唔洗左搵右搵👍🏻見到樣樣都好吸引，特別係啲丼🍚見到有個2人套餐幾扺食咁就叫左黎試下抗疫2人套餐($288)松葉蟹肉三文魚籽丼🦀🐟唔好睇呢個丼個碗好似好細個🍚個碗其實都幾深，好多飯😂同埋都有好多蟹肉同三文魚籽，材料食落口都好新鮮👍🏻咖哩吉列海鮮丼有2隻蝦🍤2隻蠔🦪池魚🐟炸漿好薄，食落唔會成日粉，咖哩汁甜甜地幾好食😛啲飯係撈汁食哂🤤唐揚炸雞🐥同吉列海鮮一樣炸漿好薄，雞肉好嫩🤩唔乾，如果多幾舊就好了😫完全唔夠喉🥲推薦？🟡🟡🟡🟡⚪️性價比都幾高，食行出用料新鮮，而且份量都唔小👍🏻

先上嚟嘅係鵝肝多士 麵包又香又脆 鵝肝外脆內嫩 一咬落去啲鵝肝嘅香味同脂肪爆曬出嚟搭配麵包嘅口感 真喺無得彈 連少少腥味都無 白子壽司又好正 令到我充滿期待 但唔知喺咪因為定食原因呢 大部分壽司啲魚口感同味道都好相似 好多筋 反而散嗌嘅食物質素好高環境方面都幾好 唔算窄 都算清靜 下次會再嚟嘗試套餐以外嘅食物 希望唔會失望啦

星期六難得及久違了的生日家庭聚餐。預先訂座了。地方雖然不大，但很適合小型家庭聚會。食物價錢相宜，服務亦很好！老闆熱情招待！手卷，壽司，刺身，冷烏冬，鰻魚飯，拉麵都很好味道！

荃灣係好多野食，但日本野好似真係唔多，同事介紹左我食呢間隱世日本野真係好正😋😋好值得推介💯💯.位置超方便，就係荃灣市中心近地皇廣場，即係$3豆腐花附近🤣，我平日晚上黎食就無特別處位，後來聽老闆講星期六日要記得訂位先有位呀🥰.🍴壽司🍣三文魚腩壽司$32左口魚裙邊$30劍魚腩壽司$26油甘魚壽司$34芥辣八爪魚壽司$26鱆紅魚壽司$28..以上價錢全部係2件價😅簡直平過連續壽司店 ，高質唔使用口講，睇相就知咩料，壽司油脂分布均勻，魚生新鮮👍🏻.🍴炸物類炸深海池魚仔$58堂楊雞軟骨粒$48龍田炸雞串$48吉列豬扒$48..呢間餐廳本身已經好濃厚既日本style , 估唔到連炸物都咁日本👍🏻 講緊既係佢地既炸物好日式，好似「龍田炸雞串$48」，係先將炸雞串起再炸，最後加上燒汁同日式沙律醬，同一般平少少嘅日本炸雞好唔同，特別又富有特色，另外吉列豬扒又係皮薄肉嫩，價錢合理又多選擇。.🍴熱食安格斯牛肉烏冬$75，配合返香港人既口味，居酒屋總是有烏冬/飯食🤣呢個烏冬又係掂👍🏻烏冬係幼長身，煙韌有彈性，安格斯牛肉好香又滑口，成個湯底都好重牛味。.飲品價錢都唔貴，好似我地叫熱清酒🍶只係$60，入口唔dry

今晚係荃灣落堂後同朋友一齊到附近「天竜」用膳，我們最鍾意到嘅日本料理餐廳🍴😍😍日本海膽五色丼（限定）$248中拖羅肥美，甜蝦又大隻又甜美，帆立貝肉厚大隻，海膽吃上去口感奶滑又濃郁，入口即溶，味道鮮甜，拖羅蓉肥美香滑，不能錯失😍😍軟殼蟹卷 $98— 眾多款式的壽司手卷中，軟殼蟹手卷口感最為特別，因為暖暖的壽司飯包裏炸至酥脆的軟殼蟹，一軟一脆的口感特別美味😍😍白梅貝刺身（兩隻）$60🍁季節限定白梅貝 ，食落清甜而帶嚼口，食完仍充滿驚喜😋😋海膽忌廉餅$30金黃可樂餅，一咬下外酥內鬆軟，獨特海膽忌廉餡即化口中，超好味😋松葉蟹膏甲羅燒 $78如果你是「蟹癡」，就不能錯過，蟹蓋內放了松葉蟹膏及蟹肉，中間再放上生鵪鶉蛋，滿滿的蟹膏，經烤爐上加熱，香氣四溢，配合焗到外脆內軟法包片一齊食，冇得頂👍👍凍烏龍咖啡$28 巨峰🍇乳酸梳打$25凍烏龍咖啡有淡淡的焦香味，口感新鲜甘醇👍巨峰🍇乳酸梳打有種透心涼嘅感覺，酸酸甜甜，最解喝👍

荃灣最近多左好多好味既小店，今日去到地鐵站附近，見到間個名都幾霸氣既日本餐廳，一於去食啦。除左餐牌上面既野食，餐廳可以用電子QR code 落單，電話會睇到更多選擇，除左刺身，小食，串燒，炸物，丼飯等等都有。今日想食魚生多d，我地就叫左4款壽司，一個魚生飯，同3款燒物。鮪魚四重丼一上枱我地都哇左聲😍勁吸引呀。有齊赤身，中拖羅，大拖羅，拖羅蓉，一次過滿足哂多個願望。個飯都唔細碗喎，最靚既油脂分佈均勻既大拖羅梗係留返最後食啦。油甘魚壽司三文魚腩壽司劍魚腩壽司炙燒左口魚壽司D壽司上面灑左少少食用花花瓣，即刻靚左勁多😂壽司好新鮮，我最愛既梗係左口魚壽司，入口即溶，充滿油香。劍魚腩好少食，原來好爽口鮮甜。豚腹鹽燒鯖魚芝士年糕我地食左3款燒物，豚腹燒得好香，肥瘦相間，可以自己加檸檬汁。鯖魚估唔到咁大條，相當抵食，燒得好靚。芝士年糕一咬開即刻流心，係軟綿綿既口感。。。天竜荃灣昌泰街11號地舖。。

路德圍不嬲都好多餐廳，但食極都係個幾間，呢晚想食好野賀一賀present完畢…見到呢間舖面有日本野就膽粗粗入去，一開頭係俾佢店外個黑板價錢嚇左嚇，唔平要二至三百蚊一個丼飯，同區丼飯店都無咁貴，但好彩有揭下門外嘅餐牌，依…原來係丼飯兼備嘅居酒屋，牌內嘅價目反而係正常，甚至都叫抵。我哋叫左幾樣野，無食丼飯，下次再幫襯先食。刺身散叫，三文魚腩、油甘魚各三片厚切，四片帆立貝，赤蝦2隻，入口爽甜新鮮，驚喜！叫左兩串串燒，燒牛舌同雞頸肉，燒得剛好，牛舌嫩口有汁，雞頸肉都好惹味，調味夠哂，唔使再沾醬食。另外，仲有罕見嘅炸迷你池魚，粉醬薄口，條魚炸得岩岩好，肉嫩，整啖吞落口唔使吐骨，相信呢間嘅天婦羅應該都唔錯，下次再食。叫左啤酒飲，順便叫左碟燒明太子食，味道不過不失，唔會太咸，食一啖明太子，飲一口啤酒，正！最後仲有一碟玉子小卷，用嚟填肚，又唔想叫丼飯，驚食唔哂…另外呢間無收加一費用，日式餐廳黎講叫少見，收銀仲話時令食品係飛機貨，一星期飛兩轉黎港，叫我哋下次食，間餐廳無咩大宣傳，開左一年都唔覺眼，希望佢繼續長做長有啦，始終呢區好食嘅居酒屋無兩間。