天誠冰室

營業中

休息中

今日lunch叫左個客家炆雞，去到拿嘅時候見到菜單上已經劃走，當時有少少慶幸好彩快手電話落單居然order到。去到嘅時候都幾多人，應該因為附近多地盤。一入去問翻，原來未整好，大概十分鐘左右，不過大概等多三分鐘就有，還可以。返到屋企打開一睇，先發現中曬伏！成大盒飯裡面居然得幾舊雞，仲要係關節，頸，至於雲耳之類就超級多。講落味道其實都不過不失，只係主菜雞少得可憐。平時食開炒飯OK，估唔到一試其他就中伏。希望只係個別事件。

天誠冰室 (牛頭角)牛頭角牛頭角道17號嘉和園嘉仁大廈地下30-33號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿返娘家第二日，一早又去食早餐。呢邊真係好多唔同選擇既餐廳呀⋯⋯今日搵到一間係個行仔入面但又好多人去食既一間餐廳。價錢都合理同平民化。有時去下呢啲餐廳都幾好。都好多唔同款式既野食。😋😋😋😋😋😋😋😋沙爹牛意$36五香肉丁通$36😋😋😋😋😋😋😋😋總結🤓算幾好呀👍可以值得一試。

好耐冇食過茶餐廳嘅炒河，行過得寶商場附近見到有間叫天誠冰室，就打算入去試吓。入咗去環境係舊式冰室感覺，店員既態度良好，餐牌都係本地茶餐廳嘅款式，我點咗一個肉絲炒河，上碟嘅時候熱辣辣，料頭豐富，都算有鑊氣，但略嫌鹹味唔夠。用嘅係幼河粉，鍾唔鍾意見人見志，我本人就都覺得OK可以接受。份量都好大碟，食完都好飽下。我個人好鍾意舊式食店嘅感覺，而佢比到呢種感覺 ，雖然環境唔算新淨，但係就有一種港式嘅感覺，對於一啲鍾意懷舊嘅朋友，我認為值得一試。

同一個茶餐廳控朋友行行下街肚餓，是但搵間茶記食下先～見到佢呢個潮炒雞扒公仔麵個名聽落幾得意，所以我就叫咗嚟食下啦😋潮炒雞扒公仔麵 💰HK$53炒出嚟個麵濕濕地，唔係乾炒黎，唔會太乾身得嚟又夠大碟，算係幾特別👍🏻本身以為係大大塊雞扒，點知係雞粒咁上，但如果可以再多啲雞肉就好啦，味道好夠，整體嚟講不過不失～

今日去左街坊小店「天誠冰室」食早餐，點左沙嗲牛肉麵（出前一丁)，配餐肉、煎蛋同菠蘿油。因為轉左出前一丁同埋菠蘿油，加上飲埋凍飲，所以總共$46，都總係豪華版早餐了！餐肉、煎蛋同菠蘿油菠蘿油不得不讚，佢個包平時都好好食，之後加上冰凍牛油。雖然罪惡感滿滿的，但如果黎食記得試下！餐肉同煎蛋就正常發揮。沙嗲牛肉麵沙嗲牛肉份量都幾多下，而呢間冷室的沙嗲同其他唔同，佢係用中式沙嗲的。各花入各眼啦，我自己就比較鍾意港式沙嗲（多花生)個款的。因為轉左一丁，佢上菜時亦有比埋包麻油我自己落的，很香！如果係九龍灣街坊的話，不妨支持一下！

天誠冰室隱身喺牛頭角道一列住宅大廈當中其中一條毫不起眼嘅橫巷入面，如果唔係街坊，其實要搵都唔算容易。叫得冰室，格局可想而知偏懷舊，尤其係牆身嘅黃色瓷磚同地下嘅綠白相間紙皮石，兩者都滲出點點歲月嘅味道。第一次幫襯，本應試下較出名嘅小菜套餐，無奈胃口一般，最後又係食常餐😂。公仔麵嘅餸我揀咗五香肉丁，份量算多，配埋煮得爽口唔太腍嘅公仔麵，好食。另一邊嘅腸仔炒蛋就正常水準正常味道。最後要讚下杯茶走，雖然杯仔細細份量唔算多，但係茶味香濃，即使練奶偏甜，亦無損奶茶整體嘅味道。

🍴例湯 (8/10)節瓜花生南北杏？飲落去好清甜，真係老火湯個種，正！🍴乾炒豬扒意粉 $53 (9/10)豬扒有炸香過，肉質好鬆軟，好腍好香口，有少少醃過，但都好食，意粉炒得好香口，又香嘅豉油味一啲都唔鹹，都唔算油膩，入邊仲有啲炒蛋蔥洋蔥，好食呀☕️熱奶茶 (10/10)茶味非常香濃，有茶嘅澀味，但唔苦，恰到好處，入口好滑，好好飲🥹推介指數: 9/10正式宣佈呢間茶餐廳都九龍灣算係比較好食嘅茶餐廳，值得一試，一定要飲奶茶！

經常來吃早餐 或者午餐，今次第一次試吓佢的晚餐。懷舊的裝修，很有味道。晚餐都有新鮮魚食，但要加$12才有湯、飯跟熱飲。價錢比晚市套餐貴。小菜晚餐，$62 ，有菜、有飯、有湯、有熱飲，街坊價錢。想要平啲的套餐， $53就可以。或者貴少少的二人餐，都好多選擇。京都焗肉排套餐$62肉排份量好多，酸酸甜甜，好入口，唔錯。例湯，正正常常豉汁蒸䱽魚$85 ，加$12要咗套餐䱽魚都算新鮮，豉汁好惹味。奶茶☕️茶味濃厚，覺得比普通茶餐廳的奶茶好飲。晚餐街坊價錢，食套餐比較抵食，食新鮮魚就比較貴。而且晚餐份量不少。見到有很多外賣，侍應外賣姐姐係咁送外賣。好似外賣有九折，這樣的價錢真係抵食。餐廳只收現金，並沒有八達通等電子支付。

放假玩到攰，搵個地方食個下午茶抖抖，係牛頭角個邊，揀左間少少舊式嘅茶餐廳～最近都想食西多士，就一於試一試！西多士$30有驚喜！！西多士整到黃金色！入面係用咗粗粒花生醬！！好耐未食過呢種味道嘅西多士！漢堡扒蛋菠蘿包賣相麻麻地，食落又OK喎～不過冇得同我個西多士比😛熱檸茶好口渴，所以要加大🙈茶味OK，我比80分😬熱奶茶朋友話幾滑幾香呀！即係茶底都整得幾好啦！

之前未禁堂食，久唔久都會來幫襯小菜~貪佢經濟實惠，食物質素又唔差👍開返堂食都有一段時間，想食蒸魚，就諗起呢度了😚去到餐廳係六點半左右，一坐低就即刻問有乜魚😂當時有🐟紅鮪、🐟倉魚、🐟鯇魚，二話不說，即刻落單來個🐟清蒸紅鮪先😏staff聽到我地話想諗諗叫乜先再落單就即刻推介二人餐~$183，有湯、兩個小菜、一個炒菜、兩個飯同飲品~見個餐真係好抵，於是就跟餐叫一🐟清蒸紅鮪、🦑土魷蒸肉餅、🥬椒絲腐乳通菜、☕️熱杏霜、🥤凍奶茶~staff仲好貼心咁話因為蒸魚需時，所以炒菜會等魚蒸好先一齊上枱👍落完單就上例湯，大大碗😳有D🥒瓜、🦑土魷、🐷豬骨咁~唔知乜湯，煲得幾夠味，不過冇影相上來😂🐟清蒸紅鮪鯇魚，唔洗加錢；但如果要改其他魚，加 $5條魚幾新鮮，蒸得幾滑😍份量兩個人食o岩o岩好😏🦑土魷蒸肉餅🦑土魷幾多，舖晒係D芫荽下面😂肉餅薄薄一片，初初睇覺得有D細碟，但食到最尾覺得o岩o岩好😂呢個（食送）撈飯一流😋🥬椒絲腐乳通菜本身對呢個菜冇乜期望😂諗住都係細細碟，點知上枱個下，wow，都幾大碟喎😳腐乳味濃，唔會淡茂茂，好食👍飲品方面，熱杏霜very good👍同出面好多茶記唔同，呢杯一上枱已經望到好稠，唔會稀寥

話說有日行過呢個唔起眼既茶餐廳，驚見早晨只係$34，再另加$4 說就可以食到菠蘿油，簡直令人興奮！即刻入去食！.叫咗個沙嗲牛肉麵配腸仔蛋，再加菠蘿油！.沙嗲牛麵（唔記得影相）牛肉一般，但應該係新鮮牛肉，公仔麵就用咗大光麵，整體質素普普通通，但絕對對得住呢個價錢！.菠蘿油係精粹，菠蘿包唔會全部係空氣，大大件！食菠蘿包最重要係牛油夠厚，同唔好驚肥‼️.茶餐廳送上嘅牛油就係放咗室溫好耐嘅牛油，鍾意嘅可以自己拎返屋企用冰凍牛油，兩個感覺同樣正！當熱辣辣既菠蘿包遇上凍冰冰嘅牛油，冰火交融嘅感覺冇得頂！

九龍灣呢間冰室已經好多年，平時都見到好多街坊買外賣入去食，有朋友食過話覺得佢哋炒嘢幾好食，所以就買外賣返去試吓啦！見到佢都幾抵食，早餐都係$30一份，午餐就$50有交易，比起隔離啲茶餐廳係貴少少嘅，但炒野來講嘅話應該係算最好食！🍴星洲炒米 $51+$2外賣 (9/10)超大份，份量好足，配料都好多，有火腿，叉燒，洋蔥，辣椒，韮黃，芽菜，葱。星洲炒米炒得好乾身又唔油膩，好有鑊氣，啖啖都有料，米粉爽口，好香濃嘅咖喱味，調味啱啱好唔會太咸，真心好少食到咁好食嘅星洲炒米，女仔嘅話兩個人share就夠食，食完真係好飽🤣🤣☕️熱奶茶 (10/10)好有驚喜！超級香濃茶味，飲完會回甘，覺得佢嘅茶膽好靚好有歷史！奶茶好滑好易入口，奶味唔算濃但都幾香，飲完個口會有餘韻，勁濃嘅茶味，鍾意茶味香濃嘅話一定會好鍾意！真心好耐冇飲過咁好飲嘅港式奶茶。推薦指數: 9/10分量咁足，奶茶勁好飲，呢個價錢都值得一食，茶餐廳炒粉麵嚟講算幾高質，起碼好食過隔離幾間嗰啲炒粉麵！一定會再幫襯！

百物騰貴，能夠$46食一個午餐，有湯，有飯、有熱飲，已經算便宜。所以就一定要係街坊茶餐廳，才可以做到平、靚、正。其實一開始知道這間餐廳，是朋友推介話佢奶茶好正，一定要嘗試。餐廳裝修比較復古，但是乾淨企理。餐牌的選擇也比較多元化，有很多不同的選擇。中午午餐，叫咗個咖喱海鮮炒飯，海鮮有蝦，有魷魚、有蜆、有魚蛋、海鮮的份量比普通茶餐廳的要多。飯的分量大碟到兩個女孩子都可以够食。豉椒炒牛河，牛肉個份量有時很多。照片上的牛河是吃了一半的份量奶茶☕️真的很不錯，香濃、柔滑。另外買了一個土魷蒸肉餅飯，份量也是十分足夠。街坊茶餐廳之所以受歡迎，歷久不衰，除了食品質素有保障，價錢便宜，更多的是人情味。

今日經開呢一頭，搵吓附近有咩食🤗行過行仔見到佢，入邊都幾多人，所以都有啲信心朋友叫咗個火腿通粉，我就叫咗沙嗲牛肉麵（個面生啲）。黎到牛都幾大份，味道仲要唔錯添！個面都幫我做生d👍🏻👍🏻👍🏻下次有機會會再幫襯

每次去九龍灣都唔知食咩好，咁啱經過見到呢間隱蔽嘅街坊冰室，仲要係黃店喎!!! 見到痴喺玻璃嘅連豬就即刻入去試試!!!💛 鹹魚茸煎肉餅份量極多，一共有十塊，唔係溝勁多粉果種肉餅，煎得金黃又唔算油膩，有咸魚香之餘仲有少少莞茜，略嫌鹹魚茸撈得唔夠均，有時食到一兩啖會特別鹹，但overall黎講點嚟送飯一流呀!!💛椒絲腐乳炒通菜通菜炒得岩岩好唔會過老，雖然有辣椒絲但一啲都唔辣，味道唔會過鹹啱啱好。💛西檸雞炸得夠脆，醬汁酸酸甜甜，非常開胃，但略嫌雞肉有啲太老。味道: 🌕🌕🌕🌖服務: 🌕🌕🌕🌗環境: 🌕🌕🌕🌗價錢: 🌕🌕🌕🌕