太子小廚餐廳

營業中

休息中

約10年前office剛搬到葵興試過一次晚飯及午飯後就沒有去過這間‘’太子‘’，因為吃的時候菜式很多油，而且感覺到那些是不太健康的油，那時候這間菜館主打客家菜，釀豆腐，咸雞，梅菜扣肉之類，試了也沒什麼特別，跟住就不敢去了。直到上星期五office mate 似乎很想去吃飯，於是就在附近找吃的，即管比多次機會佢啦。今次不叫客家野了，點了扒豆苗，黑椒薯仔牛肉粒，除了扒豆苗有些地方可以改善，牛肉粒很不錯。大家都知道除了味道，關鍵糸吃完不可以口渴

今日出左葵涌做野，搞得晏左，搵間茶餐廳食個下午茶啦少可見到茶記有泰式湯粉，試一試！ 什錦粉絲冬陰公湯粉 （$38 + $5轉冬陰公）有Surprise!! 個湯底好正呀！ 夠酸，唔太辣，好惹味！ 配粉絲索哂啲湯一齊食，無得彈！😍什錦包左幾款送：豬頸肉，扎肉，白魚蛋，墨丸，蘿蔔，蕃茄，豆卜，好足料！ 👍🏻下午茶仲送杯熱飲/ 例湯，好夠飽！☺️環境都幾企理，係附近返工嘅朋友仔，可以試吓喎！ 唔好講笑，個湯底好味到爭啲飲哂！ 太飽飲唔落咋😂📍太子小廚餐廳 (葵涌)葵涌青山公路 - 葵涌段432-436號地下A1-B1號舖

有事去到工廠區。我與葵涌兩茫茫青山公路門前過。餐廳就在馬路旁面積很大心激盪。客人幾枱日已長裝潢過時設計舊。吐槽嫌棄老地方服務到位唔囉唆。早餐喜歡大份量吐司唔覺多丹麥。味道卻好別放涼牛油滿嘴梗好食。阿婆已老過六張邪惡好比任天堂。十年一吃應無恙營養擔當有雞蛋。來了兩隻即一雙煎得唔錯冇撻Q。油光水滑好金黃吉列選擇炸豬扒。大過塊面好好樣外層炸得極酥脆。廚師一定好下場青瓜番茄都新鮮。食肉野獸還有腸加錢飲埋凍咖啡。這個早上齒頰香對面老友食湯麵。頻頻叫我寫文章打卡名店無無謂。市井小店過日常

✨越南撈檬粉 呢間太子餐廳係主打港式、泰菜、越菜。撈檬粉係好受歡迎嘅傳統小食，口感清爽，加上扎肉、蝦米、青瓜等配料，雖然睇落好似好齋咁。不過配埋酸辣可口嘅檬汁，令味道變得越來越豐富✨海鮮類:蒸魚、蒜蝦、扇貝啲蒸魚好鮮嫩，豉油就好似去飲嗰啲。蝦同扇貝都有好多粉絲同蒜，故之然係幾香。帶子大大舊 算新鮮，蝦比較細隻，不過無需自己用手剝蝦殼幾開心😂

相信好多香港人同我一樣收費工已經好攰，有時真係唔想煮飯，而我通常都會叫番屋企附近嘅太子小廚餐廳，而我最欣賞佢地嘅豉汁蒸魚云，連平時怕腥嘅人嚟講都讚、啲汁撈飯簡直一流。同埋佢地連泰色湯荷粉都超出色，好有泰國嘅味道，大推大家去試下👍🏻姐姐連我住邊度都記得吖。好勁

屋企冇煮飯 就落附近太子小廚 叫左粟米班腩飯，豆腐斑腩飯 ，咖喱牛腩飯 同埋 金菇肥牛炒出前一丁， 班腩係唔新鮮，有變味，碟碟都超咸；金菇肥牛炒公仔麵 直情咸到苦，話俾時應聽叫佢換，佢話拎入去叫師傅再炒炒佢，就走左去！我當堂O嘴，炒？ 再炒個公仔麵點會冇咁咸，我唔理解！仲食得架咩？之後嚟咗果碟野，完全係可以預料淋到不餅野公仔麵，麵既咸味冇少到，仲淋埋，肉又硬又冇味，完全敗筆！第一次食到咁難食既炒公仔麵！杯奶茶又苦澀。。。大家不妨睇相，我碟炒公仔麵係冇金菇。。。。我碟金菇肥牛炒公仔麵去左邊唔好再黎啦各位石籬街坊！

其實宜家30蚊咗右食到個豐富早餐已經好好。有方包，有煎蛋，有腸仔，再加個火腿通粉。一般茶記嘅味道。快靚正。一杯熱飲。夠哂飽肚。另外一個餐係炸魚柳配火腿蛋。不過呢個餐又好似唔太抵食。魚柳炸得岩岩好。

最近在葵涌探完朋友 ，經過 葵涌宝星中心，剛好是晚飯時間，便到見到乎近有間太子小厨餐廳。餐廳裡面 氣氛寧靜 ，環境清潔。忙了整天拖著疲勞的身軀， 在寧靜的環境 ，可以慢慢 細嚼， 享受晚餐 感覺舒暢。餐廳內的 小菜 有多款選擇 加白飯 再配飲品$48。我柯打咗一碟涼瓜斑腩小菜，份量充足， 涼瓜爽口沒有苦澀味 ， 班腩肉質新鮮 ，味道啱啱好。配上 軟綿綿的 白飯，口感不錯， 認真有益健康。

肚餓令人好絕望 做乜嘢都好都必須要停一停 食個下午茶先再算XO乾炒牛肉河 配餐飲 $34炒河炒得熱辣辣好有鑊氣仲好香 睇嚟都幾大碟 唔係好油膩 牛肉數量都多而且煮得好腍滑 用XO醬嚟炒嘅乾炒牛河當然就有XO味啦 只係不過我覺得啲XO醬味唔係好出 應該話係XO醬落得太少 其實成碟乾炒牛河炒得好好 衰就衰在唔夠XO醬 最大問題就係呢碟係 XO乾炒牛河, 唔夠XO醬味 就梗係唔係咁好啦 如果真係落多番些少XO醬就會好完美34蚊 又炒可又有嘢飲真係抵食

一直知道有呢間餐廳外賣紙見到香茅雞亦粉只需28，雙拼都係34好多越南泰國餐廳雙拼粉面最少都要5、60蚊好少見到有甘平的就來試試豬扒有六件，抵食杏霜好飲羅白ok雞亦一般總體黎講，續金滿都，小越南雖然貴，但貴得值得論好味，小越南金滿都好味d呢間只係抵食同近屋企

因為茶記「太子小廚餐廳」就晌老婆所返嘅教會附近，可謂近在咫尺，所以，晌嗰區算喺幾經常幫襯嘅餐廳。不過，食物質素又唔喺話非常突出，勝在碟頭大，故食嘅次數多，但點嘅都喺常見嘅碟頭飯呀、午餐呀之類，值得寫嘅真喺無乜 。之前嘅食評都交待咗好多餐廳嘅資訊，所以，今回就唔多提，環境無變，嘢食嘅款式都無變，變嘅都喺價錢漲咗啲。兩年前嗰篇食評寫快餐賣嘅價錢為$37 / $40，依家都只喺變為$40 / $44，同樣共有5款選擇，仲附送埋例湯或啡茶。不過，今次個蒸魚真喺幾得，所以，先手痕痕寫番一篇 。 豉汁蒸魚飯 $40 都話過依度碟頭大，可真唔講得笑，碟飯差唔多有3碗飯咁滯，所以，點一個快餐，加多碟灼菜已夠我哋兩公婆一餐午飯 。而快餐甚少見有蒸魚，多數喺散點嘅碟頭先有，而蒸魚喺原條上，底下仲墊有唔少豆腐，個豉汁落足料，好惹味，條魚又蒸得恰到好處，肉質嫩滑，同埋以豉汁蒸魚豉油撈飯，一流啦 ！ 奶茶 跟餐棄例湯而揀奶茶，因為茶記嘅奶茶真喺寧捨好飲，茶底既芳香馥郁，質感又幼滑如絲！ 腐乳通菜 $15 灼菜都喺啲大路嘅選擇，如菜芯、生菜等等，揀通菜，配腐乳相對好哋啲。而已，啲通菜喺啲

太子小廚一向出品不俗，但日前吃的晚餐，臘腸雲耳蒸雞真的令人失望。蒸雞配雲耳本是很好的組合，因為雞皮有油份，雲耳冇味，可取平衡，但加埋臘腸明顯過油了，最要命還把雲耳墊底，變相盡吸雞件同臘腸的油份，讓整碟小菜失分不少。

今日同朋友嚟左食下午茶， 叫左星州炒米配熱奶茶。價錢只係$32，今時今日係香港以依個價錢食到即叫即炒真係算難得！ 星州炒米米炒軟硬度適中， 夠大碟，但配料略嫌不足； 熱奶茶嚟到既時候飲落口唔夠滾，特別今日咁鬼凍，餐廳方面可以留意多些熱飲溫度！

晌表哥屋企附近有間茶記「太子小廚餐廳」（長沙灣順寧道），都食過好幾次，不過因為都無乜特別，就只寫過一篇下午茶食評咁大把。而咁啱晌葵興有間茶記又叫做「太子小廚餐廳」，由於見佢啲餐牌都無話有分店之類，估計都只不過喺同名同姓。是日同老婆嘅午餐，就揀咗晌度食。依家啲茶餐廳好鍾意用埋啲「小廚」、「小館」做個名，實質無變，依然喺乜都有得賣、食物過百款嘅茶記 。太子小廚地方都幾大，環境夠乾淨企理。左右兩側卡位好坐啲，通道又夠闊落；但中間細圓枱就排得頗密，感覺會有啲窄，不過，有得5、6個人一齊，細圓枱始終喺最好選擇，方便傾偈 。老婆鍾意食粉麵多過食飯，所以，粉麵餐啱佢多啲。正宗泰式粉麵套餐，單拼$30，加餸每款$6，話就話「套餐」，其實唔包嘢飲，要冷熱飲品加$3，特飲就加$5，另外湯底改冬蔭公湯又加$3。為顧及港人口味，粉麵可揀河粉、米粉、米線、金邊粉、粉絲、檬粉、粗麵、幼麵、紅薯粉，連米線、紅薯粉都有，可預期有幾「正宗」 。 什錦金邊粉 $30 個泰式粉麵撇開「正宗」兩個字，本身個味道都唔錯，$30一大碗金邊粉，粉質幼細滑溜，湯底清香，而「什錦」有墨魚丸、豬肉丸、豬頸肉、札肉、豆卜、蘿蔔，

上星期六同左個同事去左呢間店食晏,冇乜人,叫左個肉絲炒麵,同個小二講d麵麵要淋身d,唔想咁脆,佢竟然同我講冇得改,因為炒麵係硬既......呢d小要求,o係出面既茶餐廳好正常,只要叫廚房炒時用多d汁即可,唉.......食物質素一般,唔係好但唔算太差,肉絲冇咩肉味,d汁都ok多可以浸淋d麵.但一個餐$35來改肯定係偏貴,尤其係o係呢頭,冇下次!!