太子海鮮菜館

營業中

休息中

$3400 －圍美食，可以帶酒免收開瓶費，菜式美味：脆皮燒鵝，大蝦米餅，新鮮菠蘿生炒骨、香濃燉湯、燒大鱔、菜色美味、值得推介、仲可以要求房間飯局、品嚐12位菜式，價錢O k

菜式好味👍👍👍燒鵝脆皮吾太肥、其他菜式味道香1圍十二人享用$3400元，靚湯、脆口炒飯、香濃美味鮮菠蘿牛付粒、大𧎚米餅飲酒非常合口感～正⋯⋯正，可以要求有房享用美食😃

𝕊𝕖𝕡𝕥𝕖𝕞𝕓𝕖𝕣 𝟚𝟘𝟚𝟚🙆🏻‍♀️ ：今個中秋食飯有驚喜！🙋🏻‍♂️：但冇我份食喎（每年屋企做節食飯好多時都會嚟呢度包間房仔，打下麻雀，大家聚一聚，今年一如既往，當大家都以為係食普通野既時候，好啦！上菜啦，嘩嘩嘩，好精緻喎 ，咩事今次咁有驚喜既，果然由後生女叫菜係唔同d。分享下今次菜單蟶子煎米粉底鹽焗奄仔蟹(每人半隻)蝦多士拼金錢雞黃金鮑魚牛柳粒拼菠蘿咕嚕肉冬瓜盅蜜汁燒鱔燒鵝(半隻一圍)煙燻太爺雞(半隻一圍)金湯扇影蔬砂鍋蝦籽蝦膏蝦肉炒飯焗蓮蓉西米布甸除咗今次有精緻嘅擺盤之外，令人最驚喜嘅就係每度餸菜都好特色，同埋味道都好一流，黃金鮑魚 鹹蛋黃加鮑魚一齊炸 入口唔會油膩之餘，仲好香脆可口。另外都要讚下每次泥到都必食菠蘿咕嚕肉，雖然好似好普通咁，但甜甜酸酸既醬加埋香脆既肉，絕對好啱送飯食，而且放耐左都唔會影響到d肉既口感，而金湯扇影蔬，呢一道有好精緻嘅擺盤啦，我諗廚師應該用了不小時間去製造，而所有蔬菜都吸收到金湯的精華，好好味呀。當然呢到海鮮都係好唔錯啦，掛住食飯有幾樣菜色都唔記得左影相添😆。）

朋友介紹又一吹水麻甩食店，於是今晚過來試試菜，了解一下。我們一行六人，預早訂枱，店員安排這個角落梳化位置，一讚。如果唔想煩，有是日特價海精選套餐，但由於第一次到來，想吃自己心中所想，未有選擇。椒鹽鮮油下酒的配搭，但略嫌過火。豉椒蟶子皇咪粉底$398~菜單清楚列名$58/隻，米粉底另加$50，由於是食店招牌菜，所以決定一試，米粉底煎得脆卜卜，一塊塊像吃脆米，一讚唯獨是㕑子當日將蟶子皇煮得過火，大家都有點兒失望鳳梨生炒骨$88~生炒骨粉漿未算做得脆口。鹽焗奄仔蟹$474~奄仔蟹$158/隻，大家決定一試，蟹有膏，但未算爆膏，不過不失。整體來說:每道菜味道適中，唔會太鹹，一讚。這裡免開瓶，所以多台食客也自攜紅白餐酒，酒杯四起，熱鬧非凡，這裡適合大夥兒暢飲的好地方。唯獨是冷氣未夠凍，在炎炎夏日，涼快感會比較舒適。

一班人相約BYOW飯局，再次幫襯唔喺太子嘅太子海鮮菜館，幾年無嚟，樓上而家係房嚟，可以自成一角仲正 菜單係訂枱嘅時候已經寫好，等齊人就可以上菜「太子秘制碌鵝」，其實唔識咩係碌鵝，只係知道佢好好好好食！ 好滑好腍，隻脾簡直係不得了「椒鹽軟殼蟹」，超香口，但係佢唔係炸到又乾天硬，係好有咬口「花鵰蛋白蒸龍蝦球」，剩係個賣相就已經超掂， 全晚大家影相影最耐一定係佢 「南乳脆燒鱔」，好香，唔散，肉厚又實，脆皮「孜然烤羊排」 又係不得了，羊熟度非常好，鮮嫩多汁「金銀蒜開邊蝦蒸荷葉飯」 本身都食到飽飽地，但係呢個無可能 skip，香到～ 飯撈埋啲汁同蒜，又係完全停唔到去到尾聲嚟個「家鄉甜薄撐」 係細個成日食「糖蔥餅」嘅味道，好耐無食過，忍唔住又食多幾舊多謝友人們悉心安排嘅高質飯局，絕對會再回頭

一行七人訂左間房，因為房間有最低消費，所以叫左比較多餸。小食有醉豬手、炸金菇、胡麻沙律和蝦多士，蝦多士嗰麵包比較油，其他嗰啲冇乜點試。主菜有琵琶鵝，外皮脆卜卜d肉厚得嚟肉汁又豐富，盤龍鱔，鱔身好粗好大條，嗰汁又夠味，送飯一流，菠蘿拔絲咕嚕肉，皮脆又大舊肉加上鮮菠蘿，最好食系佢，燒雞就一般正正常常，花椒東風螺和上湯番茄准山菜芯就冇試。甜品系焦糖燉蛋，話系名物，個人覺得試吓可以，但不叫也不是損失。埋單每人$430，都可以嘅。侍應明顯人手不足，每次都要出去找人加水、換碟和追上菜，比較磨人。

已經兩年沒有來這店，今天經過再吃， 仍然保持水準，真難得！ 第一次來幫襯， 是夾埋3個素友來叫晒餐牌嗰幾款素食， 雖然只有幾款，但都做得好出色。 第二次來，跟5個家人來，他們吃海鮮肉食小炒， 我自己繼續素食， 他們都大讚店子𣎴知名， 但水準𣎴錯！ 今天只叫一碟豉油王炒麵和脆金菇腰果素炒， 炒面煙韌味道都ok, 脆金菇腰果素炒真的很好吃！ 沒想到兩年沒來，還是這麽好吃！其間見 鄰桌點的龍蝦伊麵， 賣相非常新鮮美味， 見他們也吃得很開心！ 店舖𣎴是位於大街， 但從茘枝角地鉄站行過去又𣎴覺很遠， 值得一試 ！

朋友介紹嚟食晚餐，估唔到個樣好似好舊咁既餐廳，啲海鮮可以煮得咁出色，比得上嗰啲流浮山呀西貢呀⋯每一道餸菜都好新鮮，而且非常足料。其中個黃金鮑魚真係唔係度度地方都有得食。冇諗過鹹蛋黃同鮑魚原來都咁夾！另外個焦糖燉蛋又係一個精粹，估唔到海鮮餐館都可以有西式甜品食！

4人飯聚時期嘅晚餐揀咗朋友屋企附近呢間餐館叫咗幾款小菜都唔錯胡椒焗大蝦好重胡椒香味 吸晒落大蝦入面蝦先用油炸過好香口 好味到連蔥都食埋煙燻太爺雞雞肉嫩滑 都算大隻淡淡嘅煙燻味清蒸海青班稍為蒸得耐左啲 魚肉有啲鞋花膠魚湯浸荳胚唔想炒菜咁油膩叫左個魚湯浸荳胚菜份量偏少 但清清地 都ok啦

琴晚約左四個朋友食飯，原來仲有個嘅，但佢BB剛出世幾日，比較忙所以黎唔到，喺度恭喜左佢先其中一個朋友長沙灣八點放工，所以就佢長沙灣食，原本就訂左另外一間大中X飯店，但訂左位有個朋友去左坐低埋，跟住無啦啦又話張枱俾左人先，叫左我朋友出返去，少少題外話抽抽水兜兜轉轉轉左去左太子海鮮菜館，其實我覺得大排檔呀、小菜餐廳呢類，出品嘅小菜都品會差得好遠嘅啫，最緊要同邊個食，食得開心，吹下水叫左五個餸，各自都有基本水準例如燒雞皮脆，雞肉嫩滑。炸鮮魷個炸粉就比較厚啲，但魷魚本身都靚，彌補到個不足。西芹蝦仁，蝦大大隻，食得出唔係雪藏貨，有蝦味，爽脆。蠔餅就略嫌蠔仔少左啲，都炸得幾香，但正宗蠔餅都係用鴨蛋比較好食。炒花甲可以，啲汁掛哂在花甲，厚肉，爽甜。其實琴晚同兩個老友慶祝生日，雖然唔係正日，但都食得開心加埋叫左白飯、飲品嗰啲，呢餐五百幾左右，我俾嘅錢唔係問題，同老友相聚最重要

叫咗個孖寶套餐A係西蘭花炒龍躉球及太子叉燒, 叉燒外表ok，食落就係湯渣一樣，西蘭花炒龍躉球就成碟都係油，龍躉球完全唔新鮮，無鮮味，令人非常失望， 一句講曬中伏，行過門口都唔想。

走過這食店門外，看到店名和入口旁的魚缸，還以為是小菜館，入內後，才發現是茶餐廳。點了兩個下午茶，一個是鮮蝦廈門炒米，另一個是豉椒排骨炒麵，跟餐分別點了例湯和凍奶茶。廈門炒米的樣子一點也不像廈門炒米，因為一般的廈門炒米的米粉是能帶粉紅色的。本來對這廈門炒米沒有什麼期望，但吃後卻發現它的味道和平常吃的廈門炒米是一樣的，還算合格。豉汁排骨炒麵則不好吃，排骨沒味道，麵的醬汁太多，而且很肥膩。例湯的味道很淡，奶茶的茶底也不好喝。不過，令我不會再來光顧的原因是服務極差。我們曾向在我們的桌子旁走過的侍應說，請她給我們兩杯茶，她沒作回應就走過了，我們還以為她一會兒後會送茶給我們，但她沒有。第二次她再走過，我們再次向她說請給我們兩杯茶，她仍是不作回應便走了。之後，我們發現其他的枱上是有茶壺和水杯的（但我們的桌上兩者也沒有）看來這店的茶水是自助的。即使如此，侍應不可以向我們說一聲嗎？實在太沒禮貌了。之後，食物送上，我向另一侍應說想要辣醬，她同樣是不作任何回應，結果，我是自行到出菜口旁拿取辣醬的。若店家是以自助形式經營，這沒問題，侍應說一聲就可以了，但完全無視顧客，將實在太過分了。

這店已經幫襯好多年，一直保持超水準的小菜和海鮮。13/4/2019又再惠顧，各樣食物美味可口，性價比超高。當日，我們10大5小預訂了海鮮和壽包。菜單：出席人數：10大5小1）果皮蒸南非鮑魚$58@X12隻2）豉椒炒蟶子皇$58@X12隻3）蒜茸蒸元貝$48@X12隻4）鹽焗奄仔蟹$148@X5隻（每人半隻）5）上湯焗本地龍蝦送伊麵🦞$428@X2隻6）壽🍑包-12個（店子原本沒有的，但老闆特地幫忙訂）另外，我們也叫了其他小菜，埋單$5050，十個大人分都係$505。我們個個食到lam lam 脷，飽到上心口，捧腹回家。唯一美中不足是地下這層枱與枱之間好逼，比較嘈，如果可以坐樓上廂房就好了。早d訂位，應該可以坐得舒服d。

比起蟶子, 我更在意鋪在下面的煎米粉, 在吸收了蟶子的鮮味和豆豉醬汁的濃厚味道之下, 它依然不會糊掉, 內𥚃仍然相當結實, 比起蟶子本身更吸引. 叉燒頗瘦, 以梅頭製成肉香充足, 但沒有脂肪咬出來的油滑感, 我不太滿足! 至於脆皮雞, 皮脆肉滑, 而且沒有油溢味, 比叉燒感覺好些, 托賴我吃過的脆皮/炸子雞大多沒有中伏的感覺!至於兩個主打海鮮: 芝士龍蝦和蒸龍躉, 由於是套餐的關係, 不會有太多的期望. 龍蝦肉多彈牙, 芝士味道不太濃而且伊麵太腍, 但是以龍蝦而言是OK的! 後者最大問題是蒸得不太熟, 特別是近中間骨的部位, 就顯得不太合格了!

長沙灣一向有不少地道小炒店，只是平常不會特意出去，今天晚上正好幾個朋友飯聚，人多點小菜可以多吃一點。雖然名為太子海鮮菜館，但其實位於長沙灣跟荔枝角之間，要不是友人帶路恐怕迷路不知迷到哪裡去。吃小菜必點的小炒王，這裡的太子海鮮小炒皇除了基本的韭菜花、蝦乾，腰果以外，還有鮮蝦、鮮魷魚跟帶子，跟一般的小炒王有點不同，海鮮味道不錯而且鑊氣十足。有酒伴菜當然不能不點的椒鹽鮮魷，難得椒鹽鮮魷不會明顯吃到油炸味，調味得宜不油膩。對於愛吃辣的我們來說，水煮的菜品是非常適合的，這個水煮班球麻辣度適中，夠惹味又能帶出班塊的新鮮，班塊肉質嫩之餘卻不會夾下去容易散，水準不錯。朋友早已預訂半隻至尊燒鵝皇，這裡的燒鵝外皮光澤度不錯，肥瘦度適中，不過不夠乾身，淋上醬汁的關係所以沒有脆皮燒鵝的口感。可能之前已經吃過本人認為超水準的燒鵝，要求自然變得高了，這個燒鵝整體來說是不俗的。吃完香口濃味的小菜，是時候要喝點湯，友人點了這道香茜西湖牛肉羹，湯羹足料，而且麻油的香味撲鼻，配合香茜跟蛋白的清香，實在非常出色跟滿足。