影片
港鐵美孚站 C1 出口, 步行約7分鐘; 百佳對面
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
通常坊間的炒伊麵都是腍身並吸滿醬汁, 已經可以滿足喜愛吃伊麵的我。 自從, 吃過這兒的炒伊麵, 廚師令我認識到原來炒伊麵是可以吸滿醬汁之餘也可以有彈牙口感, 因此第二次時我寧願加錢轉伊麵也要再嚐廚師的手勢。東江炒伊麵 $47 ... 通常伊麵都是用「乾燒」, 有時都會悶, 因此特別選擇了東江炒麵加$5轉伊麵, 連東江炒麵都是少見少吃, 今次真是一舉兩得吧。 餸料上是很雜錦, 有雞肶肉切條、魷魚鬚、冬菇片、韮菜段等等, 用豉油汁炒彈牙伊麵, 其間還加蛋液, 整體炒得爽身。乾炒牛腩河 $42 ... 人仔細細的小O居然懂得選擇要有色的炒河粉, 某次他在這店點的滑蛋肉片炒河是無色而不喜歡, 今次還對侍應生要求要「兜亂」。 結果這炒河上檯時已聞到鑊氣甚足, 河粉條條已上色並且乾爽不油膩, 沒有一疊疊。 牛腩炆腍, 好鬆軟連沒甚麼牙力的小O也能通通吃掉。因為不是住近那兒, 希望下次帶其他人去吃炒粉麵時都能保持好水準!
繼續閱讀
我屋企係做飲食業的，我地內行人都會知道--酒家、飯莊、茶記、快餐 係有級別之分的! 當然師博係煮餸的功夫上亦係有分別的。今次咁鬼多嘢講，咁厚多士係因為某日我到朋友家打幾圈之前，先相約雀友在盈輝商場集合食一餐先去打牌，點知成個商場都好似無啖好食咁! 唯獨是這間叫 太子飯莊 的東西似乎好丁點。我們去吃的時候是中午時間是做炒粉麵的，晚上才做小菜那些，不過在我的立場來睇、既然稱得上叫做飯莊的、在炒功上一定係有番d水準嘅，只可惜茶記般的餐牌，欠風格菠蘿咕咾肉飯有無搞錯! 連茨汁都未調得好、酸味甜味亦不平均以至味道過於突出、豬肉又未炸至金黃色仲要係腍的、咁無鑊氣是Hea住炒? 還是拋唔起過鑊呀? 咕咾肉唔係咁煮嫁! 係咪要我入廚房教你呀?豉椒肥牛炒河豆鼓無輕拍過未能出味、 洋葱青召只過一過鑊又無炒香、無鑊氣炒功差劣、肥牛無肉味、仲有呀! d河粉係未炒開仲係黏住呀、呢d叫炒河? 唔係嘛? 睇黎呀師博真係拋唔起過鑊囉。豆腐斑腩飯斑腩的炸粉漿厚薄不平均又未炸好、茨汁同樣係調得差、 魚的肉質又鞋又散、 最好的就是豆腐! 很有荳香- 因為不是這兒的出品嘛!如果這是一間茶記、我是收貨的! 不過、店鋪的名叫「飯莊」味道卻是「茶」貨式 、我接受不了!!
繼續閱讀
今日又去咗美孚太子飯店食晚飯叫咗個鮑魚乳鴿套餐$228再加個涼瓜枝竹炆魚腩$68，今次真係有D失望，d魚腩超級多骨仲有D腥，而個乳鴿雖然算多肉但冇乜味，個鮑魚賣相好正，4隻鮑魚細細同預期一樣，但鵝掌唔入味亦唔"林"。反而d配菜西蘭花仲好食，我覺得比上次嗌嘅芝士龍蝦餐啖啖肉差好多不過呢庶始終唔使加一都算抵食嘅下次再去都係嗌返龍蝦食穩陣d
繼續閱讀
今晚雖然喺「開心星期五」，老婆一向多嘢做工作忙，小弟亦難得加班趕埋個報告俾老細，所以返嚟美孚出街食。知道舅仔都一樣晚飯無著落，所以就拉埋佢一齊去太子飯莊食飯。太子飯莊日頭喺茶餐廳，雖然晌晚上會做小炒，甚至乎酒席、私房菜，不過對於我依個美孚街坊，都喺嚟食吓碟頭飯、小菜套餐而已 。晚市主要分兩個餐牌：碟頭飯餐牌及小菜特價套餐餐牌，前者有唔同嘅中西式碟頭飯、咖喱同湯飯，$38-$48，送例湯或茶啡，不過好搞嘢就喺西式茶啡只供應到5:00pm ，應該喺水吧大佬收工，所以晚市改以奉送例湯；後者則每日提供5款精選小菜，一個小炒，一碗白飯，一客例湯或一杯熱飲，收費$50，同樣，5:00pm後一律只送例湯。 冬瓜雪耳煲肉排是晚例湯喺煲肉排，唔算好正，至少都未至於「淡茂茂」，無期望就唔會太失望，其實，有碗湯水到肚對唔錯吖。 咖喱雜菜飯 $38 有啲後悔叫咗依個咖喱，一來咖喱麻麻哋香，味道好寡，無層次，二來雜菜以菜心、小棠菜、椰菜入饌，感覺怪怪，只可以話個人嚟講唔喺好啱食。 椒鹽肉排飯 $40 有港式碟頭飯嘅一貫大碟，飯多，豬扒亦多 ，飯粒軟熟綿香，最正啲豬扒炸得鬆化甘香，又啖啖肉，椒鹽味十足，是晚最好食又最抵食嘅一碟 。 西芹腰果炒肉粒 $50 上次嚟食小炒有啲失準，今次點依個炒肉粒就水準返晒嚟，西芹非常清爽，腰果甘香脆口 ，炒得又唔會油淋淋，配以超大碗嘅白飯，一個男士食都會飽到頂肚呀。溫馨提示，晚市要收番茗茶，不過都只喺兩蚊一位啫，加一就免收 ！如果唔喺個咖喱雜菜，理應值得俾個好評，還望下一次水準更好、更平均。
繼續閱讀
前幾個月已經約左幾個好朋友一齊食飯結果今日終於就到大家時間可以約埋食晚飯係FACEBOOK見過朋友曾經去過呢間食海鮮都唔錯所以就前一日打電話去問海鮮既價錢老闆好好人, 會話我知食咩海鮮OKAY因為大家想食蝦同蟶子所以就預訂左先, 其他餸就到時再叫去到之後就同個侍應講我預訂左d海鮮之後佢就去左叫老闆老闆一黎到就記得我貴姓, 亦好有禮貌幫我地落埋其他餸仲每個人派一張咭片我地最後就叫左蒜蓉蒸大蟶子, 白灼蝦, 鎮江一口骨, 椒鹽白飯魚併鮮魷, 惠洲梅菜蒸菜心, 霸王雞同埋鮑蔘翅肚羹最後老闆話同我地整左個蟶子先, 再後上其他首先出場既係蒜蓉蒸大蟶子每一隻仲大過我地隻手而且每隻都唔會煮過頭同埋仲好多汁一黎就黎個正野~之後就黎左個鎮江一口骨其實我對呢種骨抑或排骨都好抗拒因為我真係好怕d肉有肚膏不過呢個一口骨真係無肚膏而且整到好易食, 正喔~另外跟住既係白灼蝦, 霸王雞同埋鮑蔘翅肚羹白灼蝦其實都幾好, 但我地又唔係即刻甘食, 所以凍左小小霸王雞d肉都算滑, 而個鮑蔘翅肚羹裡面d料真係好多, 結果食左一碗之後其實都開始飽飽地當我地係度諗緊係咪真係食得哂既同時惠洲梅菜蒸菜心就黎到了我個人好鍾意食梅菜而呢個梅菜唔會好鹹之餘仲甜甜地我真係好欣賞呢個餸不過已經唔係好食得落喇, 最後上埋個椒鹽白飯魚併鮮魷已經無位再食其他野....(原本好想影埋架, 不過個一刻已經食到唔想郁lu)老闆見我地到尾聲就介紹我地食焦糖燉蛋雖然我地4個都真係食唔落但老闆介紹我地就決定叫2個4個人分況且.... 女人有兩個胃架嘛果然.... 呢個我地後悔只係叫左2個....以前食既焦糖燉蛋, d蛋都係暖暖地但呢個d蛋係凍的面頭既焦糖薄薄一層令人有一種一試再試既意欲其實呢間飯店餸同價錢都好大眾化你想食咩老闆都盡量滿足下次我會帶我男人去試下先
繼續閱讀