太子飯莊 (已結業)

通常坊間的炒伊麵都是腍身並吸滿醬汁, 已經可以滿足喜愛吃伊麵的我。  自從, 吃過這兒的炒伊麵, 廚師令我認識到原來炒伊麵是可以吸滿醬汁之餘也可以有彈牙口感, 因此第二次時我寧願加錢轉伊麵也要再嚐廚師的手勢。東江炒伊麵 $47 ... 通常伊麵都是用「乾燒」, 有時都會悶, 因此特別選擇了東江炒麵加$5轉伊麵, 連東江炒麵都是少見少吃, 今次真是一舉兩得吧。   餸料上是很雜錦, 有雞肶肉切條、魷魚鬚、冬菇片、韮菜段等等, 用豉油汁炒彈牙伊麵, 其間還加蛋液, 整體炒得爽身。乾炒牛腩河 $42 ... 人仔細細的小O居然懂得選擇要有色的炒河粉, 某次他在這店點的滑蛋肉片炒河是無色而不喜歡, 今次還對侍應生要求要「兜亂」。  結果這炒河上檯時已聞到鑊氣甚足, 河粉條條已上色並且乾爽不油膩, 沒有一疊疊。  牛腩炆腍, 好鬆軟連沒甚麼牙力的小O也能通通吃掉。因為不是住近那兒, 希望下次帶其他人去吃炒粉麵時都能保持好水準!

我屋企係做飲食業的，我地內行人都會知道--酒家、飯莊、茶記、快餐 係有級別之分的! 當然師博係煮餸的功夫上亦係有分別的。今次咁鬼多嘢講，咁厚多士係因為某日我到朋友家打幾圈之前，先相約雀友在盈輝商場集合食一餐先去打牌，點知成個商場都好似無啖好食咁! 唯獨是這間叫 太子飯莊 的東西似乎好丁點。我們去吃的時候是中午時間是做炒粉麵的，晚上才做小菜那些，不過在我的立場來睇、既然稱得上叫做飯莊的、在炒功上一定係有番d水準嘅，只可惜茶記般的餐牌，欠風格菠蘿咕咾肉飯有無搞錯! 連茨汁都未調得好、酸味甜味亦不平均以至味道過於突出、豬肉又未炸至金黃色仲要係腍的、咁無鑊氣是Hea住炒? 還是拋唔起過鑊呀? 咕咾肉唔係咁煮嫁! 係咪要我入廚房教你呀?豉椒肥牛炒河豆鼓無輕拍過未能出味、 洋葱青召只過一過鑊又無炒香、無鑊氣炒功差劣、肥牛無肉味、仲有呀! d河粉係未炒開仲係黏住呀、呢d叫炒河? 唔係嘛? 睇黎呀師博真係拋唔起過鑊囉。豆腐斑腩飯斑腩的炸粉漿厚薄不平均又未炸好、茨汁同樣係調得差、 魚的肉質又鞋又散、 最好的就是豆腐! 很有荳香- 因為不是這兒的出品嘛!如果這是一間茶記、我是收貨的! 不過、店鋪的名叫「飯

今日又去咗美孚太子飯店食晚飯叫咗個鮑魚乳鴿套餐$228再加個涼瓜枝竹炆魚腩$68，今次真係有D失望，d魚腩超級多骨仲有D腥，而個乳鴿雖然算多肉但冇乜味，個鮑魚賣相好正，4隻鮑魚細細同預期一樣，但鵝掌唔入味亦唔"林"。反而d配菜西蘭花仲好食，我覺得比上次嗌嘅芝士龍蝦餐啖啖肉差好多不過呢庶始終唔使加一都算抵食嘅下次再去都係嗌返龍蝦食穩陣d

今晚雖然喺「開心星期五」，老婆一向多嘢做工作忙，小弟亦難得加班趕埋個報告俾老細，所以返嚟美孚出街食。知道舅仔都一樣晚飯無著落，所以就拉埋佢一齊去太子飯莊食飯。太子飯莊日頭喺茶餐廳，雖然晌晚上會做小炒，甚至乎酒席、私房菜，不過對於我依個美孚街坊，都喺嚟食吓碟頭飯、小菜套餐而已 。晚市主要分兩個餐牌：碟頭飯餐牌及小菜特價套餐餐牌，前者有唔同嘅中西式碟頭飯、咖喱同湯飯，$38-$48，送例湯或茶啡，不過好搞嘢就喺西式茶啡只供應到5:00pm ，應該喺水吧大佬收工，所以晚市改以奉送例湯；後者則每日提供5款精選小菜，一個小炒，一碗白飯，一客例湯或一杯熱飲，收費$50，同樣，5:00pm後一律只送例湯。 冬瓜雪耳煲肉排是晚例湯喺煲肉排，唔算好正，至少都未至於「淡茂茂」，無期望就唔會太失望，其實，有碗湯水到肚對唔錯吖。 咖喱雜菜飯 $38 有啲後悔叫咗依個咖喱，一來咖喱麻麻哋香，味道好寡，無層次，二來雜菜以菜心、小棠菜、椰菜入饌，感覺怪怪，只可以話個人嚟講唔喺好啱食。 椒鹽肉排飯 $40 有港式碟頭飯嘅一貫大碟，飯多，豬扒亦多 ，飯粒軟熟綿香，最正啲豬扒炸得鬆化甘香，又啖啖肉，椒

前幾個月已經約左幾個好朋友一齊食飯結果今日終於就到大家時間可以約埋食晚飯係FACEBOOK見過朋友曾經去過呢間食海鮮都唔錯所以就前一日打電話去問海鮮既價錢老闆好好人, 會話我知食咩海鮮OKAY因為大家想食蝦同蟶子所以就預訂左先, 其他餸就到時再叫去到之後就同個侍應講我預訂左d海鮮之後佢就去左叫老闆老闆一黎到就記得我貴姓, 亦好有禮貌幫我地落埋其他餸仲每個人派一張咭片我地最後就叫左蒜蓉蒸大蟶子, 白灼蝦, 鎮江一口骨, 椒鹽白飯魚併鮮魷, 惠洲梅菜蒸菜心, 霸王雞同埋鮑蔘翅肚羹最後老闆話同我地整左個蟶子先, 再後上其他首先出場既係蒜蓉蒸大蟶子每一隻仲大過我地隻手而且每隻都唔會煮過頭同埋仲好多汁一黎就黎個正野~之後就黎左個鎮江一口骨其實我對呢種骨抑或排骨都好抗拒因為我真係好怕d肉有肚膏不過呢個一口骨真係無肚膏而且整到好易食, 正喔~另外跟住既係白灼蝦, 霸王雞同埋鮑蔘翅肚羹白灼蝦其實都幾好, 但我地又唔係即刻甘食, 所以凍左小小霸王雞d肉都算滑, 而個鮑蔘翅肚羹裡面d料真係好多, 結果食左一碗之後其實都開始飽飽地當我地係度諗緊係咪真係食得哂既同時惠洲梅菜蒸菜心就黎到了我個人好鍾意食梅菜而呢

有朋友從加拿大回港，對味精極敏感，最怕出外吃飯，聽朋友講喺美孚附近的盈暉台有一間食肆叫「太子飯莊」，雖然喺大眾化價錢，但可以要求不落味精，亦可以吃到私房菜。於是前一日打電話去問，講明想吃蒜茸蝦、炒蟶子、蒸鮑魚、炒斑球，八個人每位約120元，老闆話得。120元要吃海鮮，諗住最多配個例湯就算，點知去到，老闆話先來一個淮杞螺頭燉鱷魚尾，吓？無諗過咁正喎！老闆話當晚除咗我哋，VIP房仲有一張大枱都喺食私房菜，咁先至可以做得到，哈！仲唔喺食神駕到。老闆問我哋蟶子想豉椒炒還是清蒸，我哋八個人八個意見，最後決定用西芹炒。跟住果皮蒸鮑魚上桌，嘩！原本諗住喺鮑魚仔啫，點知竟然有我三分之二隻手掌心咁大，簡直喜出望外。不過食到大斑兩味和蒜茸蒸蝦就有點後悔 budget 太少，加多四、五十蚊一位，用Ｄ爽口Ｄ嘅斑肉和大隻Ｄ蝦就 perfect 嘞，不過配埋碟清炒芥蘭，加埋每人一碗白飯，飽哂。以為咁就算，點知老闆問我哋甜品要法式焦糖燉蛋定喺椰汁紅豆糕，仲駛問，緊喺要少食嗰樣啦！後來老闆走埋嚟傾幾句，原來佢剛接手兩個幾月，講講下，送埋椰汁紅豆糕俾我哋試。埋單嘅時候真喺唔好意思，budget 咁少，食到咁多靚嘢，但老

在朋友家附近食個DINNER，而家年青人無飯主婦。商場就好大陸FEEL，做街坊生意為主。＄399 五人前，抵食小菜。評：FRESH SHRIMP， OK 8／10評：好似好油甘，應該無“獻” 7／10評：一定係冰鮮雞，整得“HIGH HIGH”地不滑5／10評：＄60有真白飯魚食，不是太脆，都BUY佢。8／10評：魚，OK滑，不會過老。8／10評：唔得，好硬AR！！！6／10抵食小菜，味道過得去，味精都不是很重，回家後不是太口渴。呢道地方大，有幾張大台起碼12人，真係好ARM一家大小，呢道食飯$13 2HRS 優惠， 街坊先知呢道有間小菜館。

美孚游水完畢一行六人便到附近商場<<太子飯莊>>晚飯我們點了一個晚飯孖寶 $76鹽焗雞半隻(原價$75) 和清炒通菜一客 (另加$1 享用)鹽焗雞份量半隻都很多雞皮油光四射, 但皮下脂肪不多雞胸和雞脾部份的肉質都很嫩滑不醮沙薑都很有味道清炒通菜以$1 價錢來說真的超值份量多, 炒得又夠鑊氣芥蘭炒牛肉 $48不過不失罷了, 芥蘭不老, 但牛肉不多與$1 清炒通菜比較, 性價比很低椒鹽白飯魚併鮮魷 $60這兒的椒鹽物炸粉不厚, 只是薄薄一層包裹著不過個人比較偏愛煙韌的鮮魷多於稔稔的白飯魚沙爹金菇肥牛煲 $55濃濃沙爹香氣飄揚好一道伴飯菜式!! 這個汁已夠我幹掉半碗飯最後埋單, 六人平均都只是四十元也真的太便宜了吧!!

family day 叫左白灼蝦 蝦吾夠新鮮蝦伊面 蝦比白灼蝦d 蝦好味。但伊面質感吾係平時食ge 龍蝦e 面。面質吾係幾襯上湯鮑魚菇螺片生菜呢個抵食味道okay蝦干通菜je je煲 呢個最o岩心水藥善雞腳。呢個落重料。好多當歸多雞腳只係廿幾蚊 超值之選泹可以當湯飲其他䒱魚，炒斑實在無味

因為晏晝有活動，今晚就費事嘥時間煮，一於兩公婆扯埋舅仔落街食就算。唔過美孚新村咁遠，近近哋嚟咗盈輝臺度食。盈輝臺個商場有兩間茶餐廳，一間叫荔苑，已經入咗黑名單，另一間晌黑暗中對話館隔離，叫太子飯莊，日頭就以茶餐廳形式經營，個格局都係茶餐廳嘅款，有卡位，有圓枱，圓枱有大有細，招呼、服務就無乜架喇，賣吓午餐、茶餐、炒粉麵飯……等等，到夜晚，就主力做小炒，仲有一圍圍酒席添，似番個「飯莊」囉，哈哈！因為係星期日緣故，好爆場，我哋都夠早啦，先7:00pm多，已經要等位，一心上到嚟費事再行，好彩人流都算快，都係等咗約15分鐘，俾咗個卡位我哋。志在填飽個肚，所以無咩特別要求，見佢有個「全日小菜特價套餐」，星期一至日，日日有6款唔同嘅小炒，款款都係賣$45，配白飯一碗，例湯或熱飲，經濟實惠，唔使多懸念，就揀依個小菜套餐。由於水吧做到晏晝5:00pm，所以晚市冷熱乜餐飲都無，焗飲例湯，而且另收茶位$2（可以唔要，免收$2），不過就無加一。例湯是晚例湯係蓮藕煲豬骨老火湯，大大碗俾你飲過夠，無乜湯渣跟例湯上，所以唔知有幾真材實料，但至少色水對板，味道又無話淡茂茂，感覺清潤，而且相信無落味精，唔會飲完仲好口渴

1• 午飯時間坐低左，間野都係得十零個客怛冇人理我•••算。2• 五六分鐘後終於有人開荼3• 叫左個金菇炒河同水旦、有少少太喊，但可接受...4• 叫餐飲啦•••熱好立克（ 無加糖但勁甜•••算）5• 咁我friend 問佢 0蜜使唔使加錢啦，佢無乜禮貌咁話「 唔使」•••都算6• 之後d野實在太咸，問佢要杯冰水，佢聽完唔出聲行開左，五分鐘後再問佢「 唔該比杯冰水丫？」「冇冰水（惡）」「咁，凍水丫唔該」 「冇凍水（惡）」「下？你地冇水架！？」「冇呀（走左去）」我平時食野都唔太多要求，服務是是但但我都冇乜所謂。今次真係忍唔到，唔想大家遇到相同對待！大家小心！

自己住荔枝角, 但平時晚飯多數會過呢間度食, 因為真係又抵又好味.今次五個人, 因為9:00 入座, 所以小菜有9折呀~ 好抵!D 員工好多, 做野好快手, 一冇水就有人黎加水, 不過有D 應該係暑期工, 有少少生手, 冇所謂, 最緊要肯學肯做.講番D野食我地叫左: 粟米斑塊 ($50), 好味同埋都幾多塊. D 魚唔會有腥味~ 個粟米汁甜甜地幾好味, 我用黎撈飯, 好有兒時既感覺!椒絲腐乳通菜, 唔記得幾錢,不過炒得好, 同埋好大碟, 同埋好熱, 唔算太多油, 唔係好咸蜜汁牛柳,. 呢個係全晚最唔得既一味, 因為D 牛柳好少, 同埋好肥, 全部都有一陣肥膏, 上碟既時候, 洋蔥勁多另外叫左個小食炸魷魚鬚($13宵夜價) 雖然份量唔多, 但係好驚喜冇話條條都勁多粉漿, 而且好熱好脆仲有一個家鄉豆腐煲, 整得幾滑, 同埋好夠熱.呢度值得欣賞既仲有D 白飯, $6 一個但係好大碗! 抵抵抵呀~大排檔既出品, 但有冷氣仲有勁多電視, 唔錯..埋單都係250 蚊有找.. 五個人, 大X樂都食唔到啦 一定會再幫襯~

今天去遠少少吃晚飯, 見到有孖寶餐, $138有2個餸, 包括斑球和鮑螺片. 叫完之後好開心咁等. 等左15分鐘, 後生waiter來用筆在我們叫的孖寶 B餐上畫交叉, 代表不能再叫了. 我們即問他, 我們之前叫的, 還有沒有. 他說, 之前叫的應該有. 再等多15分鐘, 即是已經半句鐘, 我們叫了成熟waiter來, 請他跟單, 因為已經等了很久. 他check了電腦, 又入了廚房, 之後告訴我們, 已經跟了ok. 一會兒, 經理過來, 說我們叫的斑已經無貨, 不如用...炒埋d...代替... (其實佢自己都唔清楚可以用乜野代替! ) 火都黎!! 我們等了咁耐先至話無! 走起!我地走既時候, 經理一句唔好意思都無講!

今日同朋友食午飯, 唔想飲茶, 所以就來這裡叫餸食飯. 以前間唔中都有來食飯, 覺得佢除了食物油咗少少外, 整體水準都O.K.的.我哋6個人叫了二個午餐, 包括蒸蛋&飯, 星洲炒米, 跟湯或餐飲, 我們選了熱菜蜜及熱檸茶. 另外, 叫了一個4人套餐, 包括1. 蝦伊麵或班腩頭 (揀了蝦伊麵) 2. 油菜 3. 多款小菜中揀2個小菜 (揀了南瓜滑雞煲及豆腐班腩) 4. 例湯 5. 四碗白飯.例湯 - 是木瓜雪耳魚湯, 都幾多湯渣, 可能煲湯料都足, 所以覺得幾好飲, 蒸蛋飯 - 雞蛋,皮蛋及粉絲蒸出來的水蛋, 大大碟, 都算幾滑, 覺得很健康. 白飯另上一碟.星洲炒米 - 炒得幾香, 不過炒嘢都是少吃多滋味, 幾個人share食是最好的. 蝦伊麵 - 伊麵在碟底, 上面鋪了十多隻中size蝦, 味道是唔錯的, 不過要剝殼就麻煩少少. 豆腐班腩煲 - 豆腐及班腩份量不算很多, 因為整個煲主要是靠煲底的白菜仔承拓, 而味道不過不失. 南瓜滑雞煲 - D雞份量偏少, 又斬到很細件, 覺得佢好唔大方, 但落鹽就好慷慨, 所以大家都異口同聲話個餸很鹹. 油菜 - 是唐生菜, o.k.喇

這間餐館是我放假必幫襯的地方, 地方舒服之餘, 很欣賞他們有中國茶供應, 我最愛飲普李, 茶芥全免, 還有他們的炒粉炒飯十分出色, 很值得一試! 午餐 - 滑蛋肉片飯+湯$30味道偏淡, 如不喜歡食太濃味的人, 這個最合適干炒牛腩河+湯 - $35正如我讚他們的炒嘢是很出色, 次次食都覺得正!出面很少餐廳會有干炒牛腩河的, 所以很新鮮, 因為真的很少有其他值得推介是黑椒西冷牛扒飯$35送湯or熱飲, 凍飲+$2 (牛扒有兩大塊)好抵食,咖哩雞飯, 楊州炒飯, 粟米石斑飯