太平洋酒吧 (將軍澳中心)

營業中

休息中

今日中午同老公落樓又唔知食咩好，見到呢間酒吧裝修佐又有午餐食既酒吧，就入黎試下！👏🏻一口德式腸腸仔煎好之後切到一粒粒先上枱，上枱果陣仲見到有煙出黎，本身腸仔既調味已經做得好好，加上啲肉本身既鮮味，每一粒都好咸香好入味，惹味到爆！👍🏻秘製炸雞炸雞份量絕對唔少，大大粒既炸雞，炸粉唔多唔厚，薄薄咁包住雞肉，炸到好脆，但雞肉仲好嫩，又夠晒熱，真係新鮮即炸，仲有蛋黃醬可以點住黎食，滿分小食呀！🫶🏻皇牌煙燻豬腩肉卡邦尼卡邦尼意粉落足忌廉去煮，又香又滑，意粉麵質好好，配料既豬肉亦係好香，仲有啲蘑菇，亦有唔少得既芝士，所以味道更香更濃，但又唔會太咸太滯，出色好食！

👅專登放假行街街，好多年都無嚟過將軍澳，呢度都幾多商場，另外仲有好多美食，跟朋友來到將軍澳中心，行左好耐都唔知食咩好，巧合有緣見到呢度幾好咁，呢度既等餐時間都好正常，唔會太慢，慢煮法式豬鞍架真係絕對係份量級，豬鞍肉既份量好勁，旁邊仲有暑菜添，另外仲唔少得有沙律，靜係單食呢一碟，已經好飽肚了。因為其實我地都好熱愛芝士既，當中既卡邦尼pizza都係我地見到會流口水既pizza，送到埋嚟熱辣辣同時散發著好香濃既芝士味，佢既餅皮脆脆地中間又夠軟腍，成塊都唔會過厚，總個個感覺同口感都好好啦。皇牌煙燻豬腩肉卡邦尼呢個真係好濃郁既白汁芝士味道，加上豬腩肉，好好食，佢既豬腩肉係經過煙燻製作出嚟，所以食完都唔會覺得熱氣，仲有陣燒烤香，成個卡邦尼都好好食！味道指數😋😋😋😋😋推薦指數😋😋😋😋😋

😥😥😥呢排反工太辛苦，成日都OT。好彩終於過左PEAK SEASON, 所以想約朋友食好野，對自己好啲，去食好西！ 今次俾我搵到呢間餐廳就最適合喇，裝修主打型格風格，神秘得黎又夠feel.我地最印象深刻就係，炸芝士塊，🐟好大快，醬汁增加鹹香惹味。皇牌煙燻豬腩片卡邦尼口感豐富，既有咬口，豬腩片用煙熏既效果更加幹身入味。🍁特製熔岩芝士肉醬pasta，肉醬鮮美，超級多芝士認真足料，所以我地都食得好滋味。最後來個pasta，有好多大蝦同埋慢煮雞胸肉，食完真系大滿足。每次上菜既節湊都岩岩好，而且食物擺盤、質素都屬於高水準，下次會再來。

@w@意粉控出動四處尋寶，今次畀我哋三個搵到呢間幾唔錯嘅pasta餐廳，所以決定介紹下畀大家。今次呢一間酒吧位於將軍澳，四點前就關門，環境唔錯，而我哋就睇中咗佢有意粉食。❤️❤️*頂級西冷牛扒 配 忌廉BB菠菜意粉*首先賣相紅紅綠綠咁都幾靚。先食下個意粉好香嘅菠菜味，軟硬度適中，外面係充滿忌廉汁又滑又濃郁，係唔錯嘅意粉。再試牛扒真係如其名頂級高質，絕對唔會有筋。//。*皇牌煙燻豬腩片卡邦尼意粉*意粉配卡邦尼可算係經典嘅組合，呢度水準都保持到ok。意粉本身都夠滑，配埋個卡邦尼汁唔多唔少份量剛好。豬腩片方面亦都唔差，微微咁煙燻過有少少鹹，連埋個汁食就更加口感豐富。//。*慢煮雞胸 配 龍蝦汁大蝦pasta***呢個係龍蝦汁嘅意粉，意粉本身質素都ok，龍蝦汁唔太杰唔太稀，味道亦唔會太咸，仲有淡淡嘅鮮味，兩者配合相當唔錯。雞胸都非常出色，經過慢煮嘅烹調，完全係散發出由內而外嘅嗰種味道。//。評價：Chery 7.8/10Daisy 8/10Sally  7.9/10

鍾意食意粉嘅朋友留意啦🔉🔉我要推介俾大家我私藏嘅餐廳，大大碟好足料嘅意粉，一定可以滿足到意粉控嘅要求🤩🍴特製熔岩芝士肉醬意粉⋯⋯ 肉醬醬汁香氣濃郁，芝士炙燒後更正，入口充滿著豐富嘅口感🤭成碟意粉都有好重芝士同醬汁嘅香味，令人食指大動💛🍴忌廉BB菠菜意粉⋯⋯ 菠菜意粉相對較清新🌱意粉煙UN有咬口，味道平衡，食得好舒服☺️🍴皇牌煙燻豬腩片卡邦尼意粉⋯⋯ 濃厚嘅蛋黃汁包住每條意粉，仲撒上大量巴馬臣芝士同香草，邪惡但好食🤤餐廳仲有張桌球枱🎱，食飽飽可以同朋友打返場波，有得玩有得食，點可以唔嚟啊🤩

今日去搵地方食午餐，🪄大家都住附近，當然會係返將軍澳度食，我朋友話想去太平洋酒吧食午餐，我心諗，吓咁早去酒吧？跟住佢講，🪄佢日間係食西餐，去到四點架，🪄係餐廳黎架，原來係咁，🪄我都比較少出街食，所以今日就同好友一齊去入到去環境上都好寛敝，🪄我地坐卡位，坐位上都係梳化質地，坐得好舒服，而且唔會話好迫，職員之後呈上餐牌，🪄款式選擇比較多，🪄都睇了一輪先知道自己食邊款，侯餐時間尚快我個人食過覺得唔差，🪄首先我叫了「頂級西冷牛扒的忌廉BB菠菜」，食第一啖真係要小心熱阿，西冷牛扒既肉又真係好靚，肉質好嫩，好有牛味，🪄就係見佢咁特別，有埋菠菜，菠菜溝埋忌廉原來又真係好好食，芝士味好香，平時都鐘意食芝士，好有水準「特製熔岩芝士肉醬pasta」職員一送到上枱已經嗅到超香，🪄成碟都係滿滿既芝士，再加埋肉醬同pasta，芝士味濃得來又唔會食濟，大廚技術到家🪄「炸芝士塊」只係食正餐邊夠，🪄當然要叫一道小食啦，即叫即做，咬落去裡面滿滿都係芝士，食得好滿足🪄「Lemon soda」有好清新既檸檬味，🪄加上梳打，感覺好開胃又唔會好多汽聚係肚內 🪄「熱菊花蜜」有好香既菊花味，🪄係好天然既感覺，飲晒成杯，好清新好舒服

嚟到酒吧除咗同朋友飲酒🍺仲可以食返個下午飯，傾吓計chill下，仲有得聽歌添🎤今日就去咗喺將軍澳中心嘅呢間🌟太平洋酒吧🍸忌廉BB菠菜意粉🙌🏽從來唔中意菠菜果種菜澀味，意粉亦都唔係我飛佛，但係呢碟忌廉BB菠菜🥬意粉，忌廉汁又發揮作用，濃郁嘅芡汁蓋過哂菠菜澀味，而菠菜🥬又切到極碎，減底咗唔少菜澀味，意粉沾滿忌廉汁變得惹味😻話咁快我就成碟食晒😹皇牌煙燻豬腩片卡邦尼🙌🏽 經典意粉口味加上煙燻豬腩片鹹鹹地好好食，佢既忌廉醬好濃郁，好滋味😻搞到我越嚟越想食😹炸芝士塊🙌🏽可以做到外脆內軟，一口咬落去，裏便啲芝士🧀會溶出嚟，送酒最啱👍🏽每樣菜式既做法都好特別，真心推介呢間高質嘅西餐🍽️酒吧 👍🏽

我哋三人今日難得出嚟將軍澳，預先網上已經搵定有咩早餐好食，比我哋發掘到呢間太平洋酒吧幾唔錯。🤩一入到去見到環境都ok大，骨子整齊，仲有電視睇。我哋三人都各自嗌咗一個早餐set。1⃣如果覺得早餐唔可以冇薯餅就一定要嗌“薯餅煎煙肉茄汁焗豆”。佢有兩大塊薯餅真係超滿足🤤，質素同出面嘅都差唔多，非常之香脆。煙肉都有好幾塊，又唔會太鹹，配埋茄汁焗豆食就係好滿意嘅一餐。2⃣如果偏好薯條多啲嘅話就可以試下”薯條照燒汁雞扒茄汁焗豆”。可以見到薯條嘅份量都幾多，配埋茄汁。薯條每一條都好香脆又唔會太鹹。雞扒方面亦都擔擔肉而且夠大塊🐘，仲好細心咁已經切好曬一舊舊，方便入口。3⃣如果想食有窩夫嘅就可以試下“炒蛋窩夫炸魚茄汁焗豆”。首先窩夫都幾唔錯嘅，係好鬆軟嘅麵包皮嘅感覺😌，可以夾埋啲炒蛋入去一齊食。而塊炸魚係超大塊所以好抵食，食嘅時候仲係熱辣辣，而且唔會話得啲炸粉，裏面嘅魚肉都係好足嘅。4⃣飲品小小介紹：熱菊花蜜、銀河 -檸檬梳打、牛奶奇亞子甜麥皮。全部都係好特色嘅嘢飲，大家都可以嗌黎試下。

將軍澳成日都俾人話係美食沙漠🏜️其實識得搵，都一樣可以搵到平靚正嘅嘢食🧚🏼‍♀️今日就同大家嚟到將軍澳中心✨Bar Pacific ✨食Lunch，絕對有驚喜❗️🥓皇牌煙燻豬腩片卡邦尼：招牌菜之一✨豬腩片經過煙燻處理，肉味更濃更惹味，意粉煮得剛好，有彈牙嘅口感，同醬汁完美地融合一齊❤️🦑秘製炸魷魚圈：炸到金黃香脆，內裡鮮嫩易咬✨配合香濃嘅蛋黃醬，味道更加美味❗️🥗幼苗凱薩沙律配頂級西冷牛扒：幼苗凱薩沙律清新爽口，沙律醬汁嘅酸甜度恰到好處，配合頂級西冷牛扒，既健康又飽肚🥩食咗咁多重口味嘅食物，最啱就飲返杯🌼熱菊花蜜清一清味蕾👅一個Lunch Set加埋飲品$100都唔使，名符其實平靚正❗️

🥰今日節目真係好豐富，一早去睇戲，之後再食Lunch，我同男友行經商場，搵個舒服地方坐低食野，跟住再慢慢行街，☺️途經見到太平洋酒吧，裡面係食西餐，一向聽過個名都幾出名，於是就決定係度食😆環境上主要以黑色做主題，😝感覺上氣氛十分好，幾有情調，入去時店員立刻招呼我地，我地搵到個靚位，我地睇到餐牌中都比較多款式😚😋皇牌煙燻豬腩片卡邦尼😋每人叫了一碟意粉，呢個皇牌煙燻豬腩片卡邦尼真係好多料，芝士粉同意粉都超多，味道上，卡邦尼味道好濃郁再加上芝士味都好重，佢晚豬腩係用煙燻做出來，感覺特別好食😃😋特製熔岩芝士肉醬pasta😋呢個可以話有雙重芝士，芝士量都好足，味道一樣咁濃郁，加埋肉醬一齊食，味道真係好夾，一睇個表面就知有用火槍再燒一燒，令到味道再濃郁😃😋椰菜花湯😋呢個係餐湯黎，望上去既顏色白白地好舒服，飲落去時令到整個身體都好溫暖，好有椰菜花味，味道上剛剛好，質感好滑，亦唔會太甜😃我地食完都話好食，今餐食得好飽，應該可以捱到夜啲再食晚餐😎😗

忌廉BB菠菜意粉加頂級西冷💚估唔到菠菜意粉都咁好食，意粉整得好好，煙煙韌韌，軟硬度適中，亦都好濃菠菜味，再加埋意粉面頭仲有啲菠菜，另外亦都有啲巴馬臣芝士，成個意粉都好濃香，另外加咗西冷，啲肉好嫩，煎得好好，好有肉汁，亦都好腍，成個都好好食！特製熔岩芝士肉醬pasta❤️依個意粉既肉醬係牛肉，好有口感，亦都有適量嘅牛脂，充滿油香，同啲意粉煮埋一齊令到啲意粉都好香，再加埋熱溶咗嘅芝士，仲有啲巴馬臣芝士粉，成個意粉味道好好，超級美味！Tiramisu  waffle burger🤎呢個係一個豐富左成個午餐嘅甜品，waffle好鬆軟，好香好軟熟，tiramisu cream都好好，好濃味，再加埋朱古力雪糕，又凍又熱，口感味道都好有層次！

同老公去《太平洋酒吧》嘆早餐，餐廳喺將軍澳中心B1樓B02號舖。呢間餐廳嘅嘢食非常好味，因為係酒吧，所以餐廳嘅氣氛非常有酒吧特色，同時餐廳環境好開陽，所以坐得好舒服。炒蛋窩夫炸魚茄汁焗豆🥚炒蛋炒到半熟，仲有啲蛋液喺度，超級滑嫰，蛋味十足。🐟魚柳非常新鮮外層炸到超級香脆，入邊嘅魚肉爽口，新鮮又多汁，配沙律醬食好滋味！仲有兩塊大件嘅窩夫🧇好好味呀🤤薯條照燒汁雞扒茄汁焗豆雞扒超大件，外皮煎到香脆，雞肉充滿肉汁，嫰滑鮮美，配上照燒汁，甜甜地好好味😋薯條新鮮熱辣，超級香脆，有蕃茄醬同沙律醬可以點嚟食！熱菊花蜜熱菊花蜜有成朵菊花係入面，超靚，菊花蜜甜中帶甘，味道清香，入口好舒服。大黄蜂-熱情果益力多呢杯飲品顏色超夢幻，面層係帶透明的紫色，下面係鮮艷的黃色。微酸的熱情果和甜甜地的益力多，兩者配合清香又好味！

其實我都唔去酒吧嘅，但朋友介紹到話晏晝都有酒吧餐幾好食，於是就去試下🤣🥬忌廉BB菠菜麵 + 頂級西冷牛扒🐂本人比較鍾意特別啲嘅野，於是嗌咗個綠色嘅菠菜麵。估唔到啲麵唔係齋得個綠色而係真係有菠菜味嘅，加埋啲忌廉汁簡直係一流啦。個西冷牛扒真係頂級，非常之淋滑軟身，唔會鞋口。🦞龍蝦汁大蝦pasta + 慢煮雞胸🐓意粉充滿茄汁同龍蝦汁味，軟硬度啱啱好；蝦嘅份量都唔少，仲已經剝曬殼，有淡淡嘅鮮味 ；整體嚟講都有龍蝦汁嘅鮮香。雞胸方面都非常香口，外皮略略煎過，而經過慢煮嘅烹調方法，亦都令到雞胸非常入味。🦑秘製炸魷魚圈🟤唔夠喉就可以嗌返啲小食，呢個炸魷魚圈都幾值得一試，唔會太油膩又夠脆口，點埋個醬仲正。***4點關門，要食記得早啲🤣

返工最期待嘅就係食晏，如果係嚟Bar Pacific食就更期待😙坐得舒服唔洗同人迫，食物大碟又好食，所以我哋都成日嚟食😚每次嚟我都一定食「特製熔岩芝士肉醬意粉」😎 面頭淋上濃郁的芝士肉醬，每一啖都能感受到肉醬同芝士的滋味，非常美味👏🏼同事叫嘅「忌廉BB菠菜意粉」都好有水準👍🏼 creamy嘅忌廉菠菜醬汁，口感綿密滑順😍菠菜嘅清香和忌廉嘅奶香結合得完美👍🏼加錢叫咗兩個小食😋「炸芝士塊」外皮酥脆，內裡軟糯，讓人一嚿接一嚿咁食🤭「秘製炸雞」內裡多汁嫩滑，配合獨特的醬汁同調味，味道更上一層樓🤟🏼依到嘅午餐菜道出色，特別係炸芝士塊和特製芝士肉醬意粉🤩份量十分足夠，令人食得好滿足🫶🏻

今次去左呢間環境好舒服嘅Bar pacific lunch 🌤️，餐廳食物質素都幾好，價錢方面都合理！炒蛋窩夫炸魚茄汁焗豆꒰⑅°͈꒳ °͈꒱･*♡♡♡呢個SET嘅主角炸魚好大塊，炸得好香脆，外脆內軟真係超美味🥰，仲要配左窩夫都好鬆脆，炒蛋都好香蛋味。薯條照燒汁雞扒茄汁焗豆꒰⑅°͈꒳ °͈꒱･*♡♡♡照燒汁雞扒又係大大塊，雞扒啖啖肉夠滑嫩，而且薯條都係炸到好香脆，份量又夠多。薯餅煎煙肉茄汁焗豆꒰⑅°͈꒳ °͈꒱･*♡♡♡煙肉煎到好香，同埋唔會太油，有少少香脆。配左香脆熱辣辣嘅薯餅同茄汁焗豆。牛奶奇亞子甜麥皮꒰⑅°͈꒳ °͈꒱･*♡♡♡呢杯甜麥皮好好飲呀，加左牛奶超濃，仲要有啲奇亞子好健康！銀河 -檸檬梳打꒰⑅°͈꒳ °͈꒱･*♡♡♡呢杯好似銀河咁靚嘅檸檬梳打，酸酸地正。大黄蜂-熱情果益力多꒰⑅°͈꒳ °͈꒱･*♡♡♡呢杯熱情果益力多夠哂酸酸甜甜😆