太興 (翔龍灣廣場)

營業中

休息中

叫咗個叉燒楊州炒飯，$71似人哋屋企食淨飯餵貓咁樣。簡直係少得可憐飯太少蝦有三隻，70幾蚊一個飯，冇可能少得咁可憐囉，從來未食過一個飯餐可以少飯到咁樣細跌到咁樣肉酸，仲講得上上市公司這樣的四五匙羹已經食晒啲飯了

朋友叫咗個乾炒牛河都OK!我諗住叫個八寶飯好似好正，價錢一D都唔平，心諗有質素都冇所謂！點知到來的好像是賣剩的頭頭尾尾！真係不知所謂！八寳飯要成8 9蚊、真係無下次！

好耐冇嚟過太興食嘢啦，今日送完返學之後。就去太興坐低食個晏晝。一點幾，唔多人，一入去就有位。叫咗個肥叉油雞飯+冰鎮奶茶。係我記憶入邊，我每一次嚟叫肥叉，佢都係同我講冇（或者一啲都唔肥）。我夾起舊叉燒，心諗「哎，一啲都唔肥既」。但係食落口，超級淋，好有驚喜。冰鎮奶茶，一如既往出色。。

同小朋友拎件樂器去整（小朋友啲樂器真係叫佢哋要小心handle),之後去咗附近食個下午茶先，之後再出發其他行程坐低叫咗個下午茶加奶茶，佢嘅凍奶茶飲得多，熱奶茶好少叫一杯上枱，茶色一般差唔多，一啖入口，水溫少少熱，無乜茶味，攪勻再試，茶味出得一般，唔算太濃，加咗練奶但好似比甜冚過咗啲茶味10分比7分

呢間嘢都喺度一段時候啦由人手落單，變到而家枱邊有QR code落單依然都係咁多老人家幫襯啲嘢都貴咗😂有樣嘢都抵讚嘅，起碼有人幫啲老人家落order 不過呢個都係時代嘅趨勢食嘢方便叉燒嘅質素好咗不過我覺得佢啲茶餐價錢同正餐都好似差唔多🤣

因為話有新口味，買奶茶送厚多士，所以就嚟咗中伏。新口味香芋奶茶一杯正價要33蚊，而一個厚多士嘅茶餐係30蚊，凍飲另加三蚊。其實都唔可以話係中伏，因為嚟到杯嘢真係同幅圖可以話係差唔多。杯邊係紫薯泥，而杯底係有兩三嚿芋頭，係煮熟咗嘅芋頭，唔係芋泥，真係真材實料㗎！亦都因為係咁，佢畀嘅紙飲筒係唔可以將佢吸到上嚟。大家其實都可以喺屋企試試。又或者，大家飲之前可以將個芋頭壓碎佢去飲，可能會好啲。另外，題外話我覺得呢度啲員工態度都算唔錯嘅。

等了廿分鐘早餐，一樣都仍未到，叫去看是否漏單，不去 check 只说出緊，其他比我遲十分鐘到的客人反而已有，再叫check單，真係漏左，告訴我已沒有面了，我等了30分鐘，真係想xx佢。不願 check 單又漏單的服務，不是第一次了，永遠blacklist.

今天到訪土瓜灣翔龍灣，於是到了「太興」用膳。以為「太興」這種連鎖店是穩陣之選，而「牛柳絲瑞士汁濕炒河」也應該是零風險的。豈料食物到了，令人感到失望。食物賣相欠佳，鑊氣欠奉，牛肉乏味，河粉味道好像只吃到甜味。價錢比一般小店稍高一點，味道卻不對勁。我勉強也只能吃到一半就停了。邊吃邊想念到大排擋一般可以吃到的乾炒牛河。是廚房的問題？還是管理的問題？以往光顧「太興」的經驗還好，認為算是物有所值，今次則失望地離去，沒有吃飽。

呢間太興䇄立翔龍灣多年，我一直無試過。真到琴日.... 我走到太興叫早餐食，一打開早餐menu... 好失望😞點解可以甘少選擇...以大部分早餐都係好普通... 就快㨂唔落手之際..🤪🤪 我就求其甘揀左佢地既推介「輕盈香辣肉碎札肉米粉」再配呢到有名既奶茶☕️餐一到，份量看似比一般既茶記少。再來就試試個湯底，味道不錯👍🏻 豬骨既鮮甜帶少少辣... 十分醒胃。我一直唔鐘意食米粉，因為好多米粉都係「鞋十十」又乾... 但呢碗米粉完全無呢d問題，加上米粉可吸收湯底在內，實在驚喜之作。

本想去太興吃滿薰燒鵝乸脾飯、打開餐牌睇到午餐餐推介、枝竹北菇羊腩配白飯加飲品、嘩56元平過茶記、於是叫左一份、厘到份量唔細、五舊羊又有有北菇枝竹、同埋入哂味D老羌重配腐乳醬.講番D服務中中等、有幾個阿姨笑容好好、很有禮貌添.跟住睇到枱貼、黃金拍檔、48元一条（黃魚）、70元一隻馬來椰香春鴨、睇見幾扺食、好過自已煑、真係約好三、兩知已一齊享用、太興賺得多、要益下街坊.

翔龍灣唔去拜年都唔到，轉車轉車才去到.餓餓地，食小小野才上去，剛好樓下有間太興，加1姐，出面加2加3都有,睇下餐牌，叫左個排骨面配奶茶,值得一提,個個同事都四萬哄口，左恭喜右恭喜，有D客重派利是，唔怪得哄好笑客.等左5丶6分鈡，面到三條一字骨，濃濃香味八角味，湯味都濃，排骨都林滑，肥廋適中，跟著茶香撲鼻，奶茶又到，出名就出名，沒有理由.食番D面，非常有口感，唔知係咪掛住把卡，溫度差少少，味道補夠番

本人都好欣賞太興嘅燒味， 但對廚房嘅出品實在太失望， 今日下午就去咗試吓下午茶餐 海鮮炒銀針粉， 睇本餐牌張相 個銀針粉真係炒得好靚 ， 但煮出嚟個樣實在太差勁， 成碟嘢炒到好黑又多油， 一啲都唔好食， 希望佢哋嘅出品部改善下喇

其實每一個都會幫襯太興2次以上但員工既服務態度未免太差我承認翔龍灣廣場既食肆少之有少競爭者亦不多,但基本既服務態度都應該要有買了燒肉, 一隻雞得師傅切都等左5-10分鐘明白依個時段會比較忙而身旁既員工唔忙, 但不斷走來走去但手上無拎野, 見到師傅切好既不幫手包裝結果我又等左10分鐘我已經忍唔住自己入袋員工先行過幫手蓋好個盒之後就企左係我身旁睇住我PACK野我好想問佢一句, 依D就係你既服務態度?一句都唔洗問, 不如我幫你整?最後, 員工就睇左我幾分鐘, 終於PACK好其實要客人自己整, 不如唔洗請甘多人啦, 咩都可以自助啦~

點了柑桔蜜，但結果是咸的。柑桔蜜 就是柑桔 加蜜糖如果是咸的，就是咸柑桔仲話我記錯左，個d叫柚子蜜無有禮貌嘅職員：個d唔係咸味，係柑桔味，講一堆廢話… 不知所謂! 超級無禮貌!

好耐無食過太興燒味飯今晚唔知食咩走去試下，其實主要我想飲個豬肺湯！個豬肺湯堅係超好飲無記錯+$38太興燒味一向都出味，唔太差，今次叫咗叉燒，因為燒味嚟講我最鍾意叉燒🤤首先，今次嘅叉燒唔肥唔瘦先！有咩好？因為我男人唔鍾意瘦叉但我鍾意，所以唔肥唔瘦就剛剛好啦！同埋份量一啲都唔細呀 至少我覺得唔細先😂😂😂仲好好味！加$要多碟油菜，有湯有魚有餸有飯$200 都唔駛！兩個人出去食飯算抵嫁喇，仲要唔駛洗碗😂