太興 (+WOO嘉湖二期)

營業中

休息中

去過咁多次都未試過佢哋嘅早餐，今日有時間就去試吓。佢哋啲嘢食都幾有心思，有比較健康嘅早餐選擇，唔似得其他餐廳淨係得扒餐同埋面餐。雞蛋香拿魚沙律多士 配 健康乳酪本身都幾期待，但係實物就爭啲啦。麵包都幾乾身，就算有吞拿魚沙律向上面都覺得好乾身。另外乳酪份量好少，兩啖就冇咗，一啲都唔抵。自家製糯米雞呢個真係好唔抵，因為入邊完全冇料，得啲肉同菇！如果呢個價錢嘅話會expect有多啲唔同嘅餡料響入邊。奶茶味道正常發揮，冇乜特別。柚子蜜味道有啲甜，不過都係可接受範圍之內。

雞扒 香腸 煎蛋飯雞扒 煎得香口，唔油膩腸仔 唔係普通腸仔，係有黑椒煎蛋 揀左煎熟蛋，再有甜豉油好耐冇食呢個款式再配一般茶走，茶底幾濃郁，但覺得唔夠滑口餐廳有幾多卡位卡位寬敞燈光明亮職員勤快

行過天水圍嘅太興 突然好掛住佢嘅冰鎮奶茶 所以就決定食佢個晚市孖寶套餐叫咗兩拼燒味 包括有叉燒同埋燒鵝 同埋蝦醬炒通菜拼鮮魷食物質素當然唔錯 叉燒肉質好嫩 鍾意食肥啲嘅叉燒可以選擇半肥瘦叉 但係燒鵝就比較小肉少少 然後用個有蠟燭喺下邊爨住嘅盤上菜 幾有特色蝦醬通菜炒得有啲太鹹 但係先有嘅份量都多嘅同埋好大舊每人送一碗白飯同埋飲住個冰鎮奶茶真係Perfect

"太興"終於回來了👏🏼之前因商場翻新工程關閉了接近一年，原來在同一位置重新開業🧐10月27日👍🏻又有新店...👏🏼👏🏼即刻試試先🤭顧客自助點餐下單，雖然首日開業，運作正常...沒見混亂🧐服務專業，食物賣相及質素都唔錯😋可能閒日不算太繁忙，QR code落單後，餸菜都好快送上😍🍵燉湯~杏汁豬肺湯香甜足料🤤二人分嘗剛好、份量足夠👍🏻京蔥爆青衣柳🐟 在外用餐通常不會點不知名的魚柳或魚塊，不想吃著鯰魚或鱒魚，見餐牌標名是"青衣柳"，可放心點吃吧😅吃得出魚柳肉質口感是有些分別的🤨😄 也點了燒肉試試水準，脆皮燒肉果然皮脆肉滑，只是略嫌過鹹，茶啡都夠味☕👍🏻日後想外出用餐又可多個選擇了😁話咁快第二日又再吃😆🤣🤣再試下其他菜式🤩星洲炒米賣相一般，味道尚可，但份量太少吧🤔奶茶紅豆冰...這樣東西實在太邪惡了😈每次飲都有啲罪疚感🤭又甜又大粒嘅紅豆，茶味道香濃👍🏻當作餐後甜品...自我安慰吧🤣

廣告力谷叉神。緊係第一時候去試下有幾巴閉啦。叫左外賣半斤叉燒,要廋林叉。首先個燒味佬好唔滿意咁粗口問候屋企老人家。之後話：舊舊都一樣架啦。無得揀。快 D.ok, 如果真係好食，我chok住條氣食都無問題買到番去，d叉燒又硬又肥，又黑。燶左咁。當然就唔好食啦。仲衰過大家樂。大家都係少食為妙啦。谷住條氣俾人都唔緊要，燶晒咁，仲有機會食左生cancer

下午茶見到有雪菜火鴨絲炆米 傳統既食品 太耐冇食所以想試下等左陣就上枱 都幾少油 濕濕地既炒米粉 調味也不重手 食到食物本身味道 火鴨絲也不少呢若然鑊氣再好啲 相信會更好味跟餐配熱奶茶 都幾好飲 $52算唔錯

今日午餐去左天水圍食太興最出名的燒味，估唔到係食既頭頭尾尾嘅燒肉和只有肥油皮既燒鵝相中有5舊燒肉和5舊燒鵝，燒肉5件中全部燒肉皮都係唔脆既，有1舊係全肥糕、有2件全瘦肉、有一件完全無野食燒鵝有2舊全是皮和肥油，只有三舊有肉，咁樣就係出名燒味值$70既燒肉燒鵝米

-今天想吃簡單的麵食作午餐。雖然這家店主打燒味，但也不乏港台式麵食選擇。惹味排骨麵條$50這惹味排骨麵條的排骨份量唔少，採用豬腩骨部分，但骨的部分偏多，而且比較硬，所以無啖啖肉的感覺。排骨滷得幾入味，可惜肉質比較老和韌，所以有點乾身。麵條是麵缐，口感軟滑，ok吧。奶茶口感香滑，茶香奶滑，而且水準比較穩定。

同屋企人出去食飯, 就係附近揀左太興由於太多人等位, 店員問我地坐唔坐商場入面既戶外位置, 反正有冷氣, 就無所謂啦!我地叫左4餸1湯, 加$19可以轉套餐, 有白飯同野飲。所以我地轉左2個套餐，叫左冰鎮奶茶同凍柚子蜜胡椒湯魚肚雞窩辣辣地好香胡椒味, 有好多魚肚同雞, 好足料!海皇豆腐煲豆腐唔太入味, 不過有好多海鮮經典菠蘿咕嚕肉咕嚕肉酸酸甜甜, 啖啖肉, 味道唔錯!海味乾煸粉絲煲粉絲好惹味明爐燒鵝油香味重, 但肉質比較乾

一唔知食乜好，就會去食茶餐廳，太興就係總係你左近嘅茶餐廳選擇！為左食平dd，通常我都會等到下午茶先黎食。乾炒牛河就最多人叫，所以我都唔執輸，叫左！不過有d失望，因為都幾油，而且少咸，自己一個食嘅話應該會幾罪惡！西多士即過即炸，炸得岩岩好，感覺唔肥膩！值得一試！同朋友都叫左冰震奶茶，呢杯奶茶真係無得輸，奶味好夠，而且用冰杯助凍，唔會溝淡奶茶！正！不過總括黎講，太興價錢都幾貴，下午茶都要$50蚊到一個餐！

清明節當天下午，4人去了天水圍銀座太興食午餐，叫了咸旦燒鵝飯，但燒鵝咬不開，咸旦出油。干炒牛河唔夠熱。常餐=早晨一樣，但要賣成54蚊，實太貴！整體呢餐味道麻麻，不會再去。

上次分享了銀座太興晚市的招牌咕嚕肉和豉汁蒸䱽魚今次分享一個高卡😆(卡路里)，但好味的下午茶，就是頂級午餐肉滑蛋公仔麵($40)，兩塊厚切午餐肉，正😋👍🏼、一塊滑溜的煎蛋、和絕配的公仔麵，實在美味非常；溫馨提示😉，湯偏鹹了一點，我便加熱水調和再order一杯凍忌廉紅豆奶茶(個人喜好走忌廉)，奶茶香滑，紅豆淋，冇得輸坊間都有這飲品，但不是奶茶不好飲，就是紅豆不夠淋，但這杯兩者佳好雖然調配飲品formula一樣，但各人手勢不同，各分店的味道可能有少許偏差

一直喜歡銀座太興的某些食品，如下午茶和晚市小菜等🐖菠蘿咕嚕肉，是我的大愛，差不多每次都叫，這分店弄得很好，皆因肉質好，廚師手藝又好，酸度剛好，便變成外脆肉嫩的咕嚕肉💯🥦西蘭花炒牛肉，個人喜好吃淋的西蘭花，故落單時請服務員備注上桌時，一吃西蘭花真的到位，好淋👏🏼，牛肉也是嫩的，雖然味道偏甜，但個人接受🐟豉汁蒸倉魚，許多時都會order，肥美肉厚，加埋豆豉齊吃，惹味非常，又好送飯鎮店招牌奶茶☕️，顏色靚，香濃滑溜，掂👍🏼

煙燻燒鵝 鵝上莊 不喜歡煙燻味的燒鵝,也沒法改回原味的燒鵝,建議出了一年的煙燻也要照顧一下不吃煙燻味的人啊~焗龍蝦疆蔥爆 龍蝦肉很少,全要自己鉗開。海皇豆腐煲 表面的豆腐不夠熱。魚香茄子肉鬆煲 茄子不夠入味。冰鎮奶茶 上時不夠冷凍,有待改進。這家店內有設有都多的座位可以坐，但座位空間排列較緊繃冇位放自己袋，如果和朋友行到累來吃燒鵝野和聊天也不錯,很多啊伯下午6點就坐住d四人位攪到無哂位，食的話要早點再來入座呢~~~

依日即興黎到太興醫肚實在冇諗過下午茶時段係咁多人!!未到2點門外已經有一條長長既隊等候安排入座好彩等左大約10分鐘就有位~~平時一直都好想試滑蛋厚切餐肉麵 但一直苦無機會因為佢只有早餐同下午茶時段先有~依次終於一償心願因為想食得健康少少 所以轉左公仔麵做通粉但組合卻冇預期既match~~一黎個湯有股怪怪既藥材味二黎個湯太稀 好似加左好多水咁 變相好似湯還湯 通粉還通粉而且通粉既份量唔多 食完並唔係好夠飽~唯一值得欣賞係佢既炒蛋同餐肉蛋炒得嫩滑之餘又富蛋香而兩大塊餐肉外皮微焦 肉心則多汁軟滑 咸香十足加上佢係厚切既 更令人份外滿足!!至於冰鎮奶茶果然係鎮店之寶♡完全搭救左主食味道上既不足~~不但茶味濃郁 奶香足  而且甜度較一般奶茶輕 甘味重加左奶之後口感更為順滑~~加上冰塊係放係外面 令杯奶茶由始至終都保持原汁原味仲愈飲愈透心涼 認真一流!!不過上菜時間就略嫌長左d等左大半個鐘先送到黎 認真要改善一下~~