太興

營業中

休息中

黎太興食 識食一定係食燒味下午茶時間 經過太興 心血來潮想食燒味，因為之前見太興做特價，吸引左吾少人排長龍。好壯觀既長龍，打探下消息，原來做緊特價燒味，但太多人了，我吾想排隊唯有錯過，下次再去食，今日下午經過見吾洗排隊就入左去食，點左個燒鵝飯拼叉燒油雞，凍寧7。出餐速度吾錯。吾洗等太耐。正呀喂。鵝脾斬件左，叉燒吾算硬 油雞軟得出晒油。份量超足。里餐真係好食。太興燒味比起其他餐廳算棒棒達 原諒我詞窮 真心值得推薦

第一次喺太興食下午茶，原來下午茶價錢唔算貴喎❣️ 我同媽咪同埋阿仔三個人嚟食🥰媽咪推介我食燒鵝瀨粉，冇錯啊係燒鵝🤩初時我心諗燒鵝咁一定唔平啦，點知媽咪同我講話下午茶燒鵝瀨粉連埋熱飲都係$38👍🏻👍🏻👍🏻之後我即刻同媽咪講話平時去大x樂，美x 如果食燒鴨瀨粉唔係燒鵝都差唔多呢個價錢🥹所以我好期待💕 但我食落去啲燒鵝嘅時候真係幾好食好有肉汁，而且燒鵝真係好味啲😋 再講下個瀨粉湯底對於鍾意冇咁濃味嘅人嚟講係OK嘅唔係太鹹清清地咁樣，熱飲方面我嗌咗熱奶茶，太興嘅奶茶不嬲都冇得輸☺️ 等我下次再試吓其他款式下午茶先

當日Lunch時間，附近突然落起大雨，狼狽不堪，然後就快快走入新都城商場避避雨。原本冇打算去新都城商場搵野食，想過坑口果面醫肚，但奈何雨勢頗大，唯有喺呢度搵下有咩好食。周圍行行，見到太興，心諗都好耐冇去，而且環境闊落，又唔駛等位，就快快入去坐低醫肚。大部份set lunch都係$50，今時今日呢個價差唔多，記得好多年前太興都係呢D價位。椰香咖哩牛腩飯叫左個咖哩牛腩飯，好快就來，以為一般般，煮得又唔錯，咖哩汁又夠濃又夠椰香味，牛腩炆得都淋，好咬口，輕微辣味，咖哩汁送飯真係幾有享受。不過薯仔就少左D，而且鐘意食辣既人可能覺得辣味唔夠。$66，性價比唔算高，還可以吧。冰鎮奶茶就一貫水準，太興嘅招牌飲品，飲過唔同嘅奶茶，奶茶滑同甜度適中。

都好耐冇去太興食晚飯，晚飯時間難得見到有位唔使排隊，就去試試啦。實不相暪小弟對上一次去太興食晚飯都有10 年前喇😂😂，我仲記得當時係叫燒味八寶飯，今日難得嚟到，就重溫一下燒味八寶飯，一上枱，賣相都係唔錯嘅，八寶其實係有啲咩呢？燒味八寶飯係有叉燒丶有白切雞丶有鹹蛋一隻丶有紅腸丶有燒鴨丶有魷魚丶有燒肉丶有燻蹄。燒味嘅味道就好似冇以前咁好，差咗。油菜就可以選擇生菜/菜心。飲品方面當然係飲招牌嘅冰鎮奶茶啦，奶茶都係唔錯嘅。

睇戲之前去太興食午餐, 叫咗北菇鴛鴦腸蒸雞配飯蒸飯最能夠食到食材原味, 然而味道適中, 唔會偏咸, 適合唔食得太濃味嘅朋友雞件嫩滑唔會過老, 鴛鴦腸選用瘦腸, 食落味道甘香, 送飯唔錯若可以改善等候時間, 用餐體驗會更加好

寶琳新都城嗰間打電話去叫外賣，因為冇餐牌，隨意叫咗一個黑椒豬扒鳥冬，點知嗰位亞嬸好大聲話你打去邊度，知唔知呢度係太興？好似差咗幾萬蚊，負氣到死…極度唔耐煩，我話亞姐冇你就講句啫，咁怒氣做乜嘢？想轉食第二樣嘢都唔會開口問啦！服務性行業俾啲耐性，禮貌係基本嘅對度，咁嘅環境唔想做早啲走，咁態度點會再食…早抖啦…

星期六的中午，周圍的餐廳也有長長的人龍。太興的地方大，比較容易找到位置，我們等了大約15分鐘，探過熱後，才可入座。每枱都有一壺熱水，櫃內有餐具自取，方便顧客。雪菜肉絲米，多士炒蛋，份量偏小，味道正常。其實價錢不便宜，份量應該作調整。XO醬海鮮銀針粉，銀針粉不是間間餐廳都可以食到，可惜沒有XO醬的味道，魷魚沒有味道，好彩得一件，唯一讚賞的是蝦沒有雪藏味。試一試特飲鮮忌廉紅豆奶茶，奶茶偏甜，嚐不到茶味。

瑞士汁牛河咸到乸，牛肉得一塊，其餘都只係肉碎，肉嘅味道亦怪怪地。難入口。食物上枱時亦只是暖暖地，完全稱唔上唔熱。另外張櫈油淋淋，坐落去整染糟件衫。52蚊食啲咁既野，真係非常非常唔值得。奶茶OK。

今日趁睇戲之前食個下午茶，係戲院附近周圍搵，最後就嚟到太興。係眾多下午茶之中，我看到羅宋湯通粉配四式卷，雖然唔知四式卷係咩嚟，但被圖片吸引，於是就叫了還跟熱柚子蜜作餐飲。熱柚子蜜同羅宋湯通粉屬普通正常的味道，四式卷我覺得味道似日式魚蛋，中間夾了蟹柳，味道算唔錯。至於點解叫四式，我諗可能因為切了四小件。

由於昨晚有朋友生日玩到好夜，今日放假就瞓到下午先起身！就隨便去左屋企附近的太興食個下午茶。今日就叫咗個T6 脆香雞中翼拼迷你西多下午茶$36，我就最鍾意食西多士嘅，夠曬香口，好味。

開完會唔願走，行下企下拖下 ，咁就唔經唔覺你嚟到太興門口，左等右等終於等到位啦 ，初初就四個四個，終於都等到一張九人枱 ，坐低唔使講啦，嘻嘻哈哈！咁你揀我揀咁!你估我哋九個人叫啲乜嘢下午茶食呢，叫咗兩件公司三文治，兩個豬仔包，一個西多，一個迷你西多加雞翼 ，仲有一個 等我諗嚇先啦 。，係啦仲有兩個厚多士同加埋奶醬。門前大堂都可以喇。西多士，一般上枱，好大碟，多士無加碼!奶醬多士花生醬大大粗粒，有口感無失望。雞翼迷你西多士，唯一有肉食，重有骨落地添。公司三文字小咗薯片薯條的配料，硬係食得唔過引。咖啡奶茶無甩拖，實有一兩位叫。紅荳冰加雪糕好多時見，用忌亷感覺就無唔好路。埋單九人份，每人30元落樓，咁就過咗開心快樂既，歡樂時光。

之前去太興多數都係食炒粉麵飯～今次試下叫餸食飯點咗咕嚕肉 同 梅菜扣肉煲D餸每樣大約係$58～$68再加$18轉餐（白飯及飲品）咕嚕肉脆口，肉有肉汁，甜酸味不錯（如可酸多d更佳）推介！梅菜扣肉煲D肉好薄好薄，薄到好肉打邊爐既肉片咁雖然都算是甘香軟淋，但入口溶唔溶化就試唔真了，因為太薄，得果6片梅菜很香，甜甜咸咸很好送飯，但分量唔多好多菜心墊底想食肉既話，真係唔建議點梅菜扣肉因為菜芯多過梅菜扣肉——————————咕嚕肉係推介既！整體5分入面俾3.5分

當屋企冇人肯去煮餸，可能冇飯食嘅時候，最好就係去買燒味做餸，夠晒方便快捷。今次就去左將軍澳新都城商場的太興買隻回香雞， 原價$78，重點係我有 coupon, 喺報紙剪咗一張$10金不換醬油回香雞外賣優惠券，趁住未到期即刻用咗佢，即刻減$10變$68，抵！今晚買外賣吾太多人，所以等左一陣就買到。隻雞都幾大隻，成隻碟都排滿晒😋😋顏色都幾靚，D雞肉都幾滑，好香，一打開就聞到濃濃雞味，最重要係一打開就食得😆

食物質素都係一般質素，唔會好差，但唔會有驚喜比你。但服務態度就真心有驚無喜。奶茶羹痴左一片菜葉，叫侍應換。仲要拎住個匙羹比佢睇住，然後講'唔該，可唔可以幫我換左個茶匙?'佢接左個羹，'哦'左一下。然後指住個櫃桶講'你係入邊拎左黎用先啦。'我怕佢以為我個個係湯匙就話'下?呢個攪奶茶個喎，頭先你放低比我嫁喎，我無得拎嫁喎。'然後佢答'我知'。再指住我浸緊既餐具講'你用個個攪咪得囉！'😑😑😑'咁大個?攪奶茶喎，你無事嗎？'我知湯匙都係匙羹，都無理由叫個客用湯匙攪奶茶嫁?匙羹又唔係我專登整烏糟叫你換，我都明10間餐廳9間半都係烏糟。我又唔係投訴叫你換個羹姐，唔駛叫我用湯匙呀嗎？所以正如樓上有食客講EQ低真係唔好去，隨時會食到成肚火。

今晚成九點先食晚飯，見門口無人排隊，侍應都要你攞飛等下先，好無奈！叫侍應落單，無人理你仲扮睇唔到！叫咗菜心，就俾生菜你，話賣哂好耐啦，咁就唔好叫人簡啦！玩咩！態度超差！