太興 (新都城中心二期)

營業中

休息中

快一年未光顧此店。此新市鎮分店很光猛，令人感覺舒適。聖誕節氣氛濃厚。原來已停售燉湯。多人捧場是燒味，乾炒牛河和星州炒米。我試食榨菜雞柳炆伊麵和粟米滑蛋蝦仁炒河。熟客說炆，炒兩功夫都不錯。我以此兩款粉麵測考其實力。設計榨菜雞柳炆伊麵者應記一功。曾說漁香茄子炆伊麵難煮，即使成功亦有多油多鹽的負評。雪菜肉絲炆煮則太平常，豬肉絲往往嚡口。榨菜雞柳炆伊麵少有食店供應，少許辛辣，雞柳比豬肉嫩滑。熟客，街坊說此店炆煮得較濕潤，不會流於只重鑊氣，乾燥。粟米滑蛋蝦仁炒河勝在有粟米汁液，有甜味，不會太寡。此店炒蛋靚，滑蛋蝦仁有一定水平，炒河有鑊氣，只是蝦仁是雪藏貨色，是一大敗筆。飲品則頗佳。

新都城的太興食過幾次，餐係一般。最有保證始終係燒腩肉：肥瘦肉宜中，香脆既皮連肉點芥辣醬食一流。焼腩肉每曰提供有限，好快買晒，要晚上六點才能買到第一批最靚嘅肉。近骨既喺最正🤤。價錢當然唔平，過百。

太興早餐款式已經不是太多選擇，尤其那個N1-N3餐 ，就是火腿通粉+多士+(N1炒蛋、N2火腿、N3香草場)，仲要本身是火腿通粉，又點會揀N2，除非真係好喜歡食火腿啦。多年冇乜變化，真是有點悶，其實可以嘅話可以加其他配搭，例如煙肉 、雞翼、五香肉丁等等。🍴N1火腿通粉+多士+炒蛋 包飲品$34🎈通粉湯底較重雞粉味，鍾意重口味就啱曬，我個人喜歡淡些少會較好。炒蛋未去到炒熟嘅狀態，仲有少少蛋漿喺度，我個人就覺得ok夠滑溜。 多士略為林咗少少，好似擺咗一段時間才上枱。當然了，皇牌冰鎮奶茶是我的至愛， 可惜的是杯子悄悄的縮細了， 雖然不是太覺眼，但對於飲開的會容易察覺到，始終一句:希望不要為賺盡利潤而因小失大，令粉絲流失。

幾天前約下午兩點多，客人已經不多，坐下後點了一碟白切雞飯及熱柑桔蜜，朋友點了鴨腿湯飯及熱奶茶，先來了兩杯熱飲，柑桔蜜一般但奶茶則很差，茶味不夠帶點澀味，其實這幾年已經很少幫襯太興，以前凍奶茶是太興招牌貨，非常好。十分鐘後服務員通知通知今天沒有鴨腿湯飯，朋友唯有改點了蠔仔粥，跟著切雞飯到了，是一隻切件的雞翼加三片肉，上面淋了很深色的醬油，先吃了雞翼發覺很咸，再吃多兩片仍一樣，起初以為可能是油太多，但沾了醬油的飯不太咸而且帶點甜完全沒有問題，再食了一片雞肉及給朋友試了一片都是很咸，咸度是比盬焗雞咸還要咸很多，因為已經吃了超過一半沒打算要更換，只想通知聲他們注意一下食物質素，我問了一個剛經過很年輕人侍應為何白切雞會這麼咸，她沒有理會我的問題但第一句回應的是"你已吃了這麼多不可以換"，另一個侍應則說最多換些飯給你，他們完全沒有理會投訴是不是事實，雞是不是真的很咸，我相信亦沒有去廚房了解一下。最後蠔仔粥仍未到，但隣枱的客人也剛點了蠔仔粥約幾分鐘已經到了，追問侍應只給你官方倒牌回覆，她説：蠔仔粥時間要比較久一點，再等一下；但她沒有留意隣枱幾分鐘前點的已經到了，我們等了20分鐘仍未到。這種服務態度及

真心！食物質素不錯。一路我都鍾意食太興燒味。今日朋友到來，我尊誠帶佢去食！一入去 客人不多 但服務、衛生真的太差！！！首先無人帶位 侍應直行直過 叫都不願采 卡坐有油 地下有攤水 只想叫人整理一下！等一會没人理！朋友自己抹了！！！…… 選好餐 揮手無人理会！員工閒著閒著……慢慢行到枱落單、点餐過程員工全無反應！好像叫我們不到打搞他們的樣子！食物送到、想要個碗！叫了兩名員工都冇比我！真失望！点解！大不如前！兩個月無黎食飯！好像去的不是太興！！真心要改進！不會再帶朋友來了！

如果脾氣差的不要來太興，鋪內一半以上吉位，我一個人都好自然坐卡位，令自己坐得舒服，但一坐下就給趕至細小二人位，說卡位要二人才能坐，難道細小二人位不能坐二人？隨後叫了傳菜服務員寫菜，他說等等，一等就5分鐘以上，之後叫不同服務員都是回答等等，即是等到幾時？最終我要企起身大聲叫落單先至有人黎寫，足足要約20分鐘才能下單，食物已經不是好吃，只是想舒服平平地食一餐，竟然連服務都做不好，價格不應比普通茶記貴，這種服務及食物最多跟普通茶記價格$40左右

太興出名燒味靚，同埋自家冰鎮奶茶吖嘛，趕趕地咪食燒味，䓤油叉雞大大碟蔥油夠惹味，一隻咸蛋兩份食橙色的咸蛋黃好新鮮彈牙good ar,D叉燒好甜好好味，不過有幾舊特別肥同厚，又買難入口！全部薄切會開心些

咁岩經過新都城 見好耐想食下小菜就同屋企人去太興太興既設計有一邊完全只得兩人枱，兩個人就方便不過再多d人去就要望住1-2位既飛過左五六張 自己手上3-4人飛就一個都未過終於入到去睇完 叫啦職員就經過好多個啦不過每一個都唔落單既好d既 就講句同事幫你當然 又係好多同事經過然後眼尾都唔望一下你啦終於 有人黎落單不過有趣既係 有張獨立餐牌上面 特別推薦既野呢叫到既時候就冇 仲話永遠都唔再出其實如果係咁 點解唔貼張紙係上面？或者收起個餐牌結語：其實入得黎 都真係唔好妄想太多有服務 不過都係想食餐飯姐 既然都自助斟水 不如搞埋個自助落單啦

晨早流流11點到太興，星期六朝早都無人唔洗等位。諗住食早餐，但唔太吸引，咁唯有等午餐牌啦。搬離開左寶林之後都食少左太興，今日食返，水準都keep 到既。服務方面一如以往，都係硬哂呔咁講請慢用...不過食快餐無需要咁高要求，個人就覺得唔講好仲好啦食左個咖哩牛腩飯，好味，好有椰香味。牛腩嫌略硬。美中不足係用炸薯角，如果用返切薯會好d。(Sorry, 食到一半先記得影，有d 核突）另一個叫左星洲炒米（次次黎太興都食呢個）。火喉唔錯，都算足料，不過今次食到最底感覺太油膩。總體黎講都係好食既

呢間太興都幫襯左一段時間，以前最喜歡食佢個「燒鵝髀飯」。呢日又好想食燒味，甘就稔起黎呢度。呢日叫左2個八寶飯套餐(包油菜、飲品), 同梅菜蒸茄子。「八寶飯」: d燒味又係凍冰冰，每次黎呢度d燒味都甘係，好在d白飯夠熱(有煙)，平衡返。佢無俾酸梅醬，但見d侍應好似唔夠人手甘，算吧啦，唔問佢攞。餸都幾多，不過就唔算好味，燒鵝好肥又無咩肉，切雞咸左少少，叉燒硬，薰蹄咸而無味，墨魚片少少腥，d豉油汁又係偏咸身，成個飯都好咸。油菜要左菜心，一碟有3條, 一碟有4條，淋左蠔油。烚菜，無咩油份，幾健康甘。飲品叫左冰鎮奶茶，都ok，茶味濃，算滑。見個「蒸茄子」好耐都未到，催過單，但位侍應check都唔check就覆我話黎緊、就出，甘最後當然係個餸真係漏左，算囉，食少個餸又慳幾十蚊，去食甜品好過。

今晚一枝公去左新都城，老公係嗰頭踢比賽，我一條友食住飯等佢，想坐得好d，食得舒服d所以去左太興，唔去由之何，去就把鬼火！首先個Waiter嗌number鬼咁細聲，都唔知佢叫乜，問佢等幾多個又唔答！入到去就叫左個燒味飯，燒鵝拼油雞，完全唔得。燒鵝唔好食，油同骨多過肉，肉質有d un，唔夠嫩滑，仲好笑係竟然同燒鴨個味無乜分別。。油雞都係瘦雞，無乜味！我仲以為太興燒味會好味，但令我有d失望！再講杯凍咖啡，完全無乜奶味，成杯齋啡咁，催三催四先黎！可能人地target唔係香港人吧，今餐難受呀，join埋老公再食過！

鍾情太興杏汁潤肺湯，7:15攞飛，八點先有位。問左今晚有冇豬肺湯，確定左有先攞飛。入坐後即點湯，啱啱賣晒！企足九個字換黎就係賣晒，阿姐推介另一款湯！豬展湯：好飲，足料，但唔係我想飲既湯，真係冇心機。冰鎮奶茶仍然香滑，正炒牛河好味有鑊氣，但偏咸呢條龍躉$79，眼突突好新鮮咁。一食落口，好腥，啲肉梅既。太興野食一向都ok架，呢個真係劣品埋單走人，今日好失望

第一次到太興食早餐飲了必要的冰鎮奶茶的確不錯大大杯的 又有香濃的奶味又飲得出茶味又不太苦是香港道地的茶味這甜到剛剛好一點甘甘地嘅茶味不會有個重嘅奶味令到十分好杰 而且來到嘅時候奶茶是凍的冰震的冰盆令到奶茶更加凍奶茶到了之後亦不用加糖加奶加冰很好很方便 而我還吃了一個方包、蛋及通粉方包十分軟熟又鬆軟軟線線的徵熱再加上牛油 微溶實在不錯 而且雞蛋十分滑及香重的雞蛋味通粉添加了一點胡椒粉令到味道更香更吸引

食物味道不是偏咸就是偏甜不健康，而且選擇不多，有些又細碟又不好吃，至於燒味味道真的很普通沒有甚麼特式可言，叉燒沒甚麼特别只是很甜，但每斤售90元，乾炒牛河根本就是落大量糖的甜炒河，完全不夠火喉，怎叫乾炒牛河，收費又貴，觀塘那間分店有位服務員態度真的很差，總之不喜歡又不抵食就是了。

剛從日本回來, 特別掛念香港燒味, 立刻跑來寶琳站的「太興」。早兩年每星期總會光顧「太興」的乳豬燒鵝飯配冰鎮奶茶。見證著一年兩、三次加價, 每次都是暗地裡的加兩、三元。這樣便不經不覺的由四十多元加到現在六十多元, 兩年加了接近50%…自己人工兩年加起來只不過5%, 真係有口難言。結果由每星期光顧減至2個月1次。太興論環境及員工服務都比已上市的翠華好得多, 當日午飯時間只有小妹及小B, 但店員安排了4人枱給我, 實在細心!先看看燒味部, 見到有乳豬(乳豬經常很快沽清)立刻點個乳豬燒鵝飯。太興燒味中央工場處理燒味, 味道不及兒時在西灣河太安樓老店的味道, 但是太興退步後都比不少燒臘店出色。食乳豬主角當然是它的脆皮, 太興的乳豬燒得紅紅, 没有過火。皮夠脆, 咬下去有微微的卜卜聲, 但温度只屬微暖。乳豬下的脂肪中和了粗鞋的乳豬肉(坊間不少新派酒樓都把脂肪切去, 影響整體味道)。在太興可以指定燒鵝部位但不用加錢(當然脾是除外)。這裡的燒鵝味道當然不及裕記, 但是味道還是可以的。皮、脂肪、肉層次分明比例合適。皮微脆、脂肪油香、肉鬆化有鵝香。配上自製燒味汁的白飯, 特別開胃。不用多久, 便食完整碟