太興 (卓爾廣場)

營業中

休息中

屯門最少都有兩三間泰興，真係唔明點解咁多間其實食物亦唔係好價錢又貴。我覺得最好食都係佢嘅咖喱牛腩，除咗呢個之外都冇乜其他嘢好食。啲燒味飯講緊百幾蚊一碟真係用埋特別好食。基本上都唔會再去第二次。有一次食晚市要乜乜得返啲最普通又唔好食嘅嘢。

嘢食就普通太興水準，都好味但愈來愈貴今次主要係想講收銀嗰個中短髮戴黑框眼鏡個女人，極度冇禮貌，仲要每次去佢個格都係咁衰，其他啲阿姐全部都好nice，係唯獨是呢件極品咁乞人憎已經決定咗一日呢個阿姐喺度都唔會幫襯呢間太興！食物就係魚香茄子煲，七十蚊一個餸都還可以啦，而家物價真係貴，好在佢送一個白飯，平時出面單叫個飯都十幾蚊但呢啲小菜好多餐廳都有得叫，仲唔洗受呢啲八X氣，希望太興管理層留意吓自己啲員工質素，咁冇禮貌嘅侍應我都係第一次遇到！

因為喺呢頭返工冇乜早餐好食，太興雞扒麵配冰鎮奶茶，變咗返工嘅動力😋😋😋由以前食開餐蛋麵食到好厭，再轉食雞扒面，冰鎮奶茶仍然都係我首選👍🏻唔想太凍仲可以走冰底👍🏻講講餐蛋麵，厚切餐肉有三塊之多，呢度午餐肉真係好厚切👍🏻仲要唔會煮到爛哂雞扒大大塊，一啖咬落去，成口都係油🤤夠哂嫩滑🤤麵底用出前一丁，又係煮到剛剛好，唔會過生唔會過稔👍🏻每碗湯麵都會有埋蔬菜🥬一時係生菜，一時係菜心🥬

呢排返工附近見到有太興成日都心思思想去試，點知一試上癮🤩，而家早餐淨係諗到食太興雞扒麵🍜雞扒麵面夠大碗，個湯底好香濃嘅麻油味😋塊雞扒大大塊，啖啖肉，而且好明顯有用蒜蓉醃過，好香好夠蒜味。相比起好多平時中式餐廳嘅雞扒真係比下去。除咗雞扒仲有半熟滑蛋 🥚整得好滑好夠creamy雖然我平時唔係好鍾意早餐食麵因為覺得公仔麵始終唔健康🙈 但⚠️真係好好食有試過其他早餐但都係都係雞扒麵最正真係食過番尋味👍🏻

早餐諗唔到食咩，今次黎到試呢間茶餐廳唔食歐陸早餐，試番港式早餐既公仔麵，雖然平時公仔麵自己屋企都煮到，但呢度既雞扒公仔麵令人充滿驚喜呢度個雞扒麵個湯底味道又香又濃郁，平時食公仔麵好少會飲埋個湯，但呢度個雞扒麵湯底真係令人忍唔住飲番幾啖覺得個湯太濃又可以飲番啖冰鎮奶茶，奶茶味香濃，入口都好香滑。重點雞扒大大份，啖啖肉，完全落足料，食落夠哂滿足。美好既早晨就係要有令人滿足既早餐開始雞扒麵加冰鎮奶茶，食過番尋味

外賣左個瑞士汁牛柳絲炒濕河,成盒得三條牛柳絲,其餘全部係河粉🤦‍♀️仲要$63,真係搵笨。一打開d色水望落去都ok,味道都可以,但一路食都係河粉,搵晒成盒都係得三條牛柳絲,有d過份

家庭聚會唔想煮，叫個盆菜就最好。個盆菜盡量好足,料又好齊,六個人食都夠食啲蝦大隻、爽而且裏面仲有蝦膏添; 鮑魚仔就冇乜味，唔係個樣係鮑魚都唔知係鮑魚; 有一小住 髮菜，但係唔知係真髮菜定假髮菜，如果可以多啲就好啲; 裏面冇肥豬肉但，係有一隻豬手 夠淋好膠好食; 另外有啲雞同鴨不過就好少同埋麻麻哋; 西蘭花勁硬; 蘿蔔好淋不過有渣唔好食; 另外仲有蠔豉味道麻麻地。今次呢個盆菜冇蓮藕, 真係覺得有啲失望其實覺得最好食反而係魚蛋整體嚟講唔想煮太興盆菜都係一個好選擇

我從七點零五分點咗一個羊腩煲,到七點35分先嚟個羊腩煲。仲要係冇白飯,白飯係七點45分先畀我。佢解釋原因係外賣太多做唔切。仲叫我唔好催。噉咪我問題啊,定係佢問題。定係間鋪頭應該淨係做外賣唔做堂食外賣優先。

疫情嚴峻下，唯有買外賣。呢間太興既味道係比較其他分店好味同穩陣，以前去過遊客區嗰啲分店真係又貴又難食。今次買咗咖喱牛腩飯同梅菜扣肉飯，係午餐包埋美味凍檸茶。咖哩牛腩飯份量十足，個汁撈飯冇得頂，唔係水汪汪既，比較濃厚但又唔會好鹹，牛腩夠腍，同埋唔係用薯仔，係用炸薯角，超級美味，同翠華有得媲美。梅菜扣肉飯都好得，唔會好似有啲茶餐廳咁”hea”碎濕濕，外賣都排得好靚，一片片扣肉肥瘦均勻，又唔會死鹹，梅菜又甜口，配白飯又係冇得頂。

話說小編已有5年或以上沒有到過太興用餐了，突如其來的想來吃個午餐。就要了2個餐：第一個是滿燻燒鵝飯($65，有10件燒鵝，每5件是不同部位)。左邊的燒鵝是帶骨的，最前面的第一件還算是好，其後的4件幾乎就只有皮和骨；而右邊的燒鵝是無骨的部位，就正常大小。還有，配燒鵝的醬少得十分可憐，難道會是注意不到然而照常送上客人枱面嗎？感覺上賣$65的”滿燻”燒鵝飯就不夠滿分了。有一點很讚！就是加配了一杯特飲($8)是紅豆咖啡(要了走忌廉)，咖啡味有層次又軟滑，濃郁香醇，不知是否因有紅豆的甜味混合所以有這個效果，如果是那就絕配了！感覺這$8買得非常值。而第二個是陳皮米鴨泡飯($65，有一隻鴨脾、2個小冬菇和幾粒冬瓜)，泡飯一上枱就聞到陳皮的香味，鴨脾在這個碗中顯得有點瘦小，肉質有點帶粗糙和乾身。加配了一杯特飲($8)咸檸檬七喜。在小編心目中的太興是貴價但靚料的燒味飯餐廳，但在這次裡覺得用料有點吝嗇，性價比低了點。

食物除了燒味，其餘都唔得。收人5x元一碟火鴨絲炆米，份量少唔在講，又油又唔好食。問他有無辣椒醬，俾一支沉底的，吱都吱唔出，咁俾我做咩？再問，又話無貨，俾左碟辣椒油。。。。食左好多次，0的燒鵝每次都係俾多骨同埋鞋的位置，差唔多60蚊一碟飯! 愈來愈難食! 除左座得較舒服，無一樣掂!

今晚媽子不在家，唯有和哥哥到卓爾廣場太興吃晚餐。太興選擇多：有燒味飯、小菜、炒粉麵、套餐，還有燉湯。二人點了一個胡椒魚肚雞窩，再加一碟星洲炒米，開心share。胡椒魚肚雞窩，聞著有胡椒香，湯內材料有魚肚、雞件、紅棗、雲耳、唐芹，湯入口沒有很辣，味道辛香有甜味，常在冷氣間工作，不時喝一點胡椒湯是不錯的。 雞件肉質嫩滑有肉味，不錯吃。星洲炒米粉份量有點少，有濃烈的咖哩粉味道，配料有數隻蝦仁、紅椒、青椒、洋蔥、芽菜，蝦仁沒鮮味，口感不錯，味道比較普通，整體不過不失。

復活節假期，緊係訓晏d啦，訓醒都已經下午茶時間喇，近近地係屯門食個下午茶醫肚。去左卓爾居搵食，是但揀去左太興啦。見到餐蛋麵好吸引，一人叫左一個麵係出前一丁麻油麵餐肉有兩塊，都算厚身，蛋唔會好老，仲有條菜食醫肚嚟講無得輸

這一天打算去太平洋咖啡之際,突然想起太興燒味,於時去了太興吃,在這裡有一個清單,於是選了這個叉燒紅腸飯配菜蜜而可以選擇多飯或少飯,然後選了正常份量,這杯菜蜜既味不錯,只是感覺有點甜,至於看看叉燒及紅腸既味道如何,於是繼續吃,叉燒像在街市上能夠買到的,紅腸就還是普普通通吧,不過鼓油份量剛好,可惜是不夠5分鐘後就轉牌了,如果遲五分鐘進來就便宜十蚊,店內暫時未看到有滅火筒在當眼處,萬一有火就不能噴,通風還可以,食客人流比較適中,位於蔡意橋的卓爾廣場內的地舖,接近下午時比較多人流光顧,而好的地方是環璄夠寧靜,較少學生座在那裡喝,多數外賣拿走,地方總算容易找到,在蔡意橋輕鐵站行4分鐘就行到,即是在蔡意橋附近的桌爾廣場

前2日先至响屯門卓爾居揾食，今日又俾人約去食晚飯，想食小菜又唔想去酒樓，只有兩家可揀，去太興。叫咗一隻西京醬文火煀乳鴿，又點咗鮑魚雞煲，加$19變套餐，餐飲轉燉湯又加$28。往常燉湯會選杏汁肺湯，今晚想轉吓口味，改配木瓜雪耳燉唐排。西京醬慢火煀乳鴿，真係圖片祇供參考，顏色與食味不似預期，食落還可以，肉質唔鞋，味道像滷水，實在吃不出有咩分別。鮑魚雞煲顏色吸引，上桌時仍喳喳聲，飄著薑蔥的香氣，食材色澤誘人，雞件炸過有點乾，食味香濃唔錯。至於木瓜雪耳燉唐排，沒有唐排卻有些豬肉，店員說是用豬腱代替唐排，想說豬腱怎麼煮也不會 “鞋”吧?平常愛吃湯渣的我也吞不下去。雪耳似乎已經溶解了，只有一鱗半爪…..飲入口有點怪怪的，沒有木瓜的清甜滋潤，同行S君飲咗幾啖嫌苦不肯再喝，本著不浪費的原則，想好歹也多喝點吧，實在喝不下去了。反應過後，店方認真處理，值得一讚!