太興 (已結業)

早餐时段人流不算多，很易揾位，叫了雪菜肉丝汤米，另有煎蛋及多士，份量较少，煎蛋唔热，多士偏硬，侍应态度麻麻，好似阻住佢地休息，未食完就已经想收你D餐具，冻奶茶又少冰，价钱亦唔系好抵。

今朝起身天氣頗涼，要食一個好的早餐為自己打打氣，於是便光顧太興，可以坐得舒服d嘆下個早餐。每次去太興都必叫"頂級午餐肉滑蛋公仔麵", 雖然佢無寫明用出前一丁，但當麵到的時候，都有香香的麻油味撲鼻而來，麵裏面有2塊火腿午餐肉，還有滑蛋 ! 混蛋軟棉棉，份量一點也不少，公仔麵麵質唔會過稔，所以這碗麵真係very good ! 如果午餐肉可以煎香d就會更加好 !檸檬茶不過不失，有3-4塊檸檬，茶不會過熱，yummy !

見客見晏左，自己一个人食午餐😣近近地喺返商場搞掂，見好耐未食過燒味，就梗係去返燒味大王！價錢相對真係為咗啲，雙拚燒味飯要$66，加埋個冰鎮奶茶就prefect ！不過真係物價高漲，以前一個雙拼燒味飯$30包埋嘢飲😅呢度嘅姜戎真係好正，就算唔食白切雞油雞都要多個姜戎撈飯。奶茶保持一貫水準，無冰茶味更濃，不過就唔可以少甜或走甜，間唔中一餐半餐就算啦！一到12點半打後就即刻勁多人等位，二人枱都要搭位呢！

除左奶茶保持水準，午餐份量大縮水，叫個肉餅飯，薄到呢，縮水都算，仲要薄到紙咁樣，根本送唔到一碟飯，仲要收我成60大元大佬，點計你都算係貴價茶餐廳，應有水準都比返少少我本身都唔諗住打食評，呢d茶記，斷估d人都唔會因為睇完食評而走去食，但係真係要改善下我朋友碟牛河無影咋，以前係用肉片炒大大碟好好食，兒家剩返既係肉碎，絲都無，又細碟，完全唔係以前個回事真係奶茶仲叫好飲，如果奶茶都唔好飲的話，諗唔到要去太興食飯既理由

本人到太興只會食輕盈肉碎米粉嗰個早餐，最近呢個早餐應該出咗名，越來越多人叫。五次入面有四次都話賣哂嘅起初都覺得係自己有啲晏嘅，咁咪早啲落去，結果一樣啦！早餐時間11點完，9點半就賣哂，仲要唔係偶然，咁係預食材份量嗰度出現咗問題丫。。。經常被reject, 已經唔想再去！你地同事講句唔好意思係可以表示歉意嘅，但客人行出行入嘅時間，真係無人補償到。一而再再而三咁樣發生，真係令人勁失望之前都會試下食其他，但真係唔啱食亦唔好食，我明白我今次轉身離場對呢啲連鎖集團係唔會有影響，但我都有權選擇唔再屈就。

其實我已經好少幫襯連鎖快歺店，但呢個泰式肉碎扎肉米糸一個例外，大家都話一杯成功嘅奶茶已經可以留住客人，我就話一碗米粉都可以當然拉，太興呢杯冰鎮奶茶相信對奶茶友來講都係殿堂級嘅位置！所以呢個早餐組合真係無得輸連凍飲都係＄29大洋👍👍

早餐時間葵芳新都會商場的這間太興餐廳環境不錯，早上來到的時候不用等位，坐近窗邊的卡位非常舒適，景觀開揚，來一個醒晨早餐我點了最常食的G餐 -雪菜肉絲米粉餐朋友點了D餐-香辣肉碎扎肉湯米餐大牌連鎖餐廳水準一如既往保持得好好，最喜歡太興的炒滑蛋，火候控制得好，不太油膩，又香又滑雪菜肉絲米分量剛剛好，配上太興獨特的辣椒油非常美味。多士配上鮮奶油，雖然有罪惡感但是還是會食晒😂 最後加埋杯熱咖啡☕️但是我忘記了叫小奶，略嫌奶味重了少少蓋過咖啡味。食飽早餐新的一天又開始了，Good morning

今日黎到食茶記 不過呢個算係高級版既茶記黎 價錢方面可能會貴左小小 不過作佢個咖哩牛腩飯都唔錯架 今日我就係叫左呢個飯 咖哩夠晒港式 香得黎帶點辣 味道都好惹味字架 坐既位置都好舒服 唔會迫

平時食開廿幾蚊早餐，今日嘆番個貴dd早餐!來得太興，有明星效應都預左冇平野，希望食物質素係會比出面好啲嘅!由於一陣要體力勞動，食輕盈早餐一定唔夠飽，唯有揀番最普通嘅火腿通粉。我地選擇其一配香草腸，另外一個配煎雙蛋。多士改做方包，都幾軟熟喔～通粉份量一般，有生菜絲，睇落冇咁寡。蛋黃好橙紅，應該用上優質的雞蛋可惜煎得太熟（如果係流心荷包蛋的話，都會啜埋個蛋黃😂）其實，我覺得如果選配肉食/蛋，可以比顧客有多d選擇唔洗局住食2條腸仔/2塊火腿，可以腸仔火腿各一/腸蛋......咁樣配搭就多元化d!奶茶不是太特別

來到葵芳新都會廣場，今日想吃中式菜，就選擇了太興燒味。海味乾煸粉絲煲味道很好，很惹味，粉絲很多，對於愛吃粉絲的我很满足，但海味就不太多。梅菜扣肉煲味道很好，扣肉夠腍，有少許肥，但扣肉不太多。這裏的價錢比普通茶餐廳貴，份量也一般，但味道不錯。

第一次黎新都會食太興但令我太失望一個餐$84但隻咸蛋係黑邊既！！！！於是禮貌地吖服務員去換點知 換完之後隻蛋仲比第一次黑！之後叫經理！點知經理遲遲都唔出現！無幾耐 服務員好快咁「雙手」拎左一隻正常既蛋出黎仲講左句：佢想要隻令！我想講呢隻先叫正常囉ok?個經理行到出黎 仲要一句聲都無講 見無野又走左咁乜依家太興既服務水平差到咁既咩！唔會再幫襯..............................！！！！

午餐時間 , 勁想吃肥叉燒 .... 而附近比較似樣的燒臘店 , 應該就是太興 , 於是就去幫親 ~Menu ~我點了 燒味雙拼 ( 肥叉燒拼燒肉 ) $66、白飯一碗 $ 10 : 白飯 甘香軟綿夠熱 , 飯粒分明而不死實 ;  叉燒 : 蜜味十足 , 肉質豐腴鬆軟 , 邊位略有焦香卻不會過硬 , 尚算好吃 , 只是略嫌未夠肥美 , 若然是7分肥3分瘦 , 會更 perfect ; 燒肉 : 外皮鬆化脆口 , 肥瘦肉參半 , 然而咬下去又不覺肥膩 , 肉質嫩而略有鹹香 ~冰鎮奶茶 : 茶味香濃而不澀 , 甜度適中 , 口感絲滑而平均 , 夠凍又好喝 ~本篇完 ~   

睇醫生前食個早餐先。但係。。。。。。一坐低就見到檯面有隻小強，之後隔多陣再見到隻螞蟻。餐廳衛生程度一般，我估同新都會廣場正進行維修工程有關。早餐普遍價位都過$30。我要了餐蛋麵（$35），價錢唔算平，好在有2片餐肉、1塊炒滑蛋同1條菜心，加埋碗公仔麵，都幾香，亦都幾有份量。餐飲我要左杯熱cappuccino（跟餐唔洗加錢），應該係咖啡機出品，穩穩陣陣，可以一試。整體感覺：衛生麻麻，早餐雖然價錢唔平但可以一試。

一朝好肚餓，所以就過左去食太興早餐。其實我印象中個早餐好似唔止36蚊，不過都係差唔多呢個價錢。太興既冰震奶茶係唔錯既，幾正，勝在水準穩定好過其他連鎖店。因為要收你收得貴d ，所以一個普通既餐蛋面都改到個名好長，睇下佢同普通既餐蛋面又有乜唔同。用一丁面，絕無花假。午餐肉切得厚之餘仲有兩塊雖然都好多人黎講應該係覺得開心，但係老實說我麻麻地喜歡午餐肉，不過個人喜好唔會影響評分。蛋都煎得岩岩好，我仲可以篤穿個蛋黃睇住佢流出黎如果個蛋係脆邊就更佳，咁就真係不得了！！食完個面仲可以舒舒服服慢慢嘆奶茶，呢個早晨真係好美好

我沒有吃下午茶的習慣，今天被朋友拉去太興，他說今天特意約我去吃個軟綿綿的下午茶，聽起來那麼神秘，軟綿綿，我笑了，但還是決定跟他去......這是軟綿綿的正面。這是軟綿綿的則面。外觀吸引，讓我試試怎麼軟綿綿法。切一片送入口，原來是棉花糖，果然我完全感覺到它的軟綿綿。我又笑了⋯⋯棉花糖我只想到二種食法：一、BBQ的時候燒來食，會覺得太甜。二、開封即食，感覺更甜。這種吃法還挺有意思，把軟的棉花糖的放在硬的多士上。棉花糖的甜與多士的香結合，想不到別有一番風味。朋友坐在我對面，我們相望著，一起笑了⋯⋯