太興 (已結業)

今天突然間想食燒味飯，就即刻諗到太興燒味，媽媽每次斬料都係指定太興叉燒！雖然貴，但有品質保證！我地又覺得好味D咁，所以燒味必係太興。黎到屋企附近太興，捨棄左我一慣叫開既咖哩牛腩飯，因為好想食燒鵝乳豬飯，乳豬燒得好靚，又不肥不瘦；而乳豬皮脆卜卜，燒鵝啖啖肉，飯上又有甜豉油撈飯，有乳豬醬汁甜甜地真係好正

今日一個人去咗太興下午茶，叫咗個瑞士汁炒牛河，嘩！一送到離，真係比佢嚇襯，個碟底勁多油，好似油浸牛河噤，其實我都知炒嘢一定多油，我斜斜地倒咗d油落個大匙羹到，可以裝滿成個匙羹，其實我食開佢地個牛河個味道都幾好食，幾夠味，不過今次我見到噤多油，真係食吾落，食咗幾啖就無食。

上星期行過太興.成日聽朋友推薦個餐肉炒蛋出前一丁.見還掂經過又肚餓就走入去試下.點知原來真係幾好食。 蛋夠滑.連餐肉都唔同過人。下次會返轉頭再試。同埋會推介比其他人

喺葵芳食早餐其實有好多選擇，不過通常為左坐得舒服都會去太興食。葵芳既呢間分店可能因為喺新都會頂層，平時都比較少人去，所以平日一至五早餐均一都係26蚊。平時都係會叫呢個雪菜肉絲米粉，配火腿同多士。值得一提的是米粉，食落幾彈牙同有口感。另外成份早餐的重點一定係杯冰鎮奶茶(+$3)，甚多飲咖啡既我一黎到太興一定會點冰鎮奶茶，奶茶沖得好滑，一定要試下。

今日午餐去左太興食午餐，見到隔離個星洲炒米好似好正，試下先，反正好耐冇食。碟星洲炒米色香味俱全，每條都好上色，好均勻，材料又豐富，蝦都有幾隻，都唔細隻架，仲有叉燒，芽菜，蛋，洋蔥等等，好香好夠辣，粉炒得幾好，好乾爽，碟底冇乜油係到晤錯！

今日去了葵芳行街, 行行下肚子餓就極速入太興坐低食D野啦. 之前吃過太興下午茶有款雞翼撈公仔面好好味, 之但係今次見到餐牌有另一款的圖片更加吸引...個名大概叫做雙色蟹籽三文魚炒飯, 價錢有DD貴要$53, 不過加多$3有冰鎮奶茶, 就叫呢款啦!! 雙色蟹籽三文魚炒飯:等左一陣先黎, 但一望見炒飯賣相真係好開心, 真係即炒的, 熱辣辣仲有煙出, 而且顏色好鬼靚...個飯入面仲非常足料, 無論係蛋, 三文魚, 蔥粒, 定係上面的兩色蟹籽, 份量都有好多呀! 估唔到三文魚都有咁多粒, 差不多可以"不"每一口都有三文魚在匙內, 每粒三文魚都好香好好味. 再加少少蟹籽連飯食, 口感豐富. 而且師傅炒飯應該都有相當的功架, 每粒飯都炒得好乾身, 唔油 唔濕, 炒飯黎講好高分呀!呢碟飯對我黎講真係做到色香味俱全, 抵比笑面!!!冰鎮奶茶:奶味重又夠香, 飲落滑口, 又唔會太凍, 好飲!

下午茶時間嚟太興，一定叫呢款：邪惡厚切牛餐肉公仔麵！呢兩塊野真係堅 • 邪惡，每次吃完都內疚，但每次嚟都必叫．．．哈哈，女人其實都幾矛盾～滑蛋加杯冰鎮奶茶都係三十幾蚊，夏天嘆冷氣之選！

早餐我覺得好重要，所以我唔會待薄自己，見週末早起，又未過早餐時段，一於歎番個至早餐！今天食餐蛋麵雖然一碗普通既麵，自己都煮到，但太興真係好味d，香油味濃，餐肉不會淋到霉，仲好香，蛋更加正，又嫩又滑，有蛋汁，香蛋味，麵不會煮到淋，爽口湯底又剛剛好，仲有條菜心點綴一下添；加埋一杯涷奶茶，奶和茶的比例很好，奶滑茶香而冇澀味，濃郁好飮！雖然唔太健康，但有時候都要放縱一下令自己開心一下既。推介

今朝要去見客, 就響附近食個早餐先上去, 近近地就食太興. 太興既侍應姐姐招呼係周到D, 亦都有禮貌D.睇下餐牌, 早餐起步都30幾蚊起, 打工仔黎講唔算平, 不過間中食可以接受. 清清地要個雪菜肉絲米粉 拼 炒蛋配多士($34)雪菜肉絲米粉湯底咸咸地, 雪菜又甜甜地, 兩者配合剛剛好, 肉絲就比較少, 米粉好似係較粗果種, 不過食落唔硬都幾爽口彈牙.炒蛋配多士, 炒蛋幾滑, 蛋味OK, 唔會太稀. 多士即焗, 夠熱夠軟, 唔會乾曾曾, 祗係唔夠燶. 仲有太興出名既冰鎮奶茶(+$3), 唔算好凍, 奶茶幾滑, 唔算太甜.

三點三，下午茶啦喂……乾炒牛河 $55, 另加 $3飲無冰凍奶茶初見面，牛河黑黑，份量少，內心一沉; 不過吃著吃著又不是那麼的量少，只是堆高了吧，牛河帶有烘燶的鑊氣味，碟底少油，牛肉鬆化入味，只是河粉較薄無口感，但是條條上色。太興的奶茶夠好味，這不用解釋吧！

很久沒食過燒味, 在 " 新都會廣場 " 遇見 太興, 入去吃個下午茶也不錯 .... 肥叉燒飯 $62下午茶, 的叉燒飯五十幾, 加杯凍飲另加三元 .... 照價錢看是有點貴, 不過食個食物質素卻是十個值得 ~ 叉燒有個蜜脆邊位, 肉質軟腍, 還要食落有點熱及有筋的膠性, 甜甜地好送飯 ~ 冰鎮奶茶有絲滑質感, 茶味濃而不澀, 冰凍好享受 ~本篇完 ~

星期六的下午，心思思想食燒味飯。以前間中想吃燒味飯的時候都會想起太興，但是多次嘗試不同分店後，水準的落差太大，已經好長時間沒有光顧了。今次來到新都會分店，希望不會再令我失望吧...新派裝修，位置寬落許多。靠近窗邊的卡位，景觀更佳。相對於燒味飯，更鐘情於小菜系列，水準都不錯。燒味的價格好像越來越高了.三拼燒味飯 - 油雞 & 燒鵝 & 叉燒叉燒有兩塊是半肥瘦，咬下去，油脂和瘦肉的比例剛好，甘香。但其它的就太瘦，全是瘦肉，太硬了。燒鵝肉的部分比較少，除了皮之外，就剩下骨了。不得不提的是油雞，真是佩服師傅的刀工，薄切雞肉，每一塊雞都砍到1cm寬，表面上有四塊，其實是兩塊的份量。算不算偷工減料？其它分店都不是這樣！蔥燒鮑魚雞煲最愛熱辣辣的煲仔小菜，加$19可以轉為套餐，有白飯還有餐茶。原隻中等Size的鮑魚，不韌。七八件雞，味道較濃而且偏鹹，配白飯還是可以的。但是如果愛健康的人就不建議點這個了，煲底足足有2cm厚的油。冰鎮凍奶茶凍奶茶一如既往的好，茶味香濃而且幼滑，讚！午市沒有加一收費，兩個總共$172，但是這樣的質素實在不值...

今天的雙腳，好像要帶在下去一間去過的燒味店吃飯，而這間店子卻是在葵芳。太興燒味早前也曾到過，今天亦是再來一趟，可能遺是心想，想吃得簡單一點。叉燒切雞飯。打破常規，點了雙併。叉燒是瘦的，沒有一點光澤，也不是半肥瘦的叉燒，吃下軟腍，沒有鬆化感覺。在下要了雞胸肉，不過不嚡，有點嫰吧，蘸上蒽油，令食味增加。很少在太興點來的羅宋湯，是不想喝咖啡茶，才點了這個。味逆還是有配甜味道的，與其他店子差模樣。雖是一碟雙併飯，但卻又很簡單。

今日約咗朋友係葵芳，點知朋友話有事遲d到 ，唯有食個下午茶邊食邊等，見到有太興，都好耐冇食過，見有位，就入咗去食。叫咗下午茶餐星洲炒米，咖哩味好香，炒得好亁身，蝦都幾大粒同多，加埋义燒同韮王芽菜，好好食好惹味，都幾大碟，無因為係下午茶而比小咗你，最後叫埋杯凍檸茶，杯茶都幾好飲，茶味好濃，吾似有d餐廳，只有冰，冇茶味。

葵芳太興，屬同區較高級茶餐廳，地方舒適，招呼好。今日一人午餐，點了星洲喇沙湯米線，出奇地好，湯底微辣，帶點點椰香，米線份量剛好，鋪上少許牙菜，5片魚片，一隻雞蛋分開兩邊，一個豆腐卜開兩邊，兩隻蝦，一條蟹柳分開兩段。連一杯咖啡或茶，$64, 凍飲加$3, 比起同一個商場的自助形式土司工房，同一食物貴14蚊，平貴選擇，各取所需。