奇華餅家 (青衣城1)

營業中

休息中

Placed so many advertisements to convince people that they are trustworthy but their products (at least the danish cream cone, a kind of bread)  prove the other way round.Walked in Kee Wah and tried to get something to eat.  Danish cream cone seemed to be the right choice as cream which I like very much could be seen from both ends.   I gave a bite which was 1/4 of the whole length of the cone and found that it was to my expectation.  However, when I was about to take the second bite, I could no

既然老婆同姨仔去完北歐，自然多多少少都有啲北歐手信，老婆就送咗隻姆明茶匙俾我，姨仔就送隻芬蘭茶杯，仲加多一盒姆明家族嘅茶包。無獨有偶，友人提前送我月盒，嚟自奇華餅家，最特別喺「迷你姆明奶皇月餅禮盒」，真喺夾晒啲手信。超萌嘅塔型包裝盒，直頭可以當模型嚟裝飾，上面印住姆明家族，雖然小弟對姆明唔喺好認識，但啲公仔都好得意。整座「塔」採用咗3層設計，分別有「迷你蛋黃奶皇月」及「迷你朱古力奶皇月」各兩件。奇華嘅「奶皇系列」一向都有水準，奶皇做得幼滑鹹香之餘，唔同嘅味道都頗有特色。迷你蛋黃奶皇月每件月餅都印有姆明嘅嘜頭，都喺賣點之一。 蛋黃奶皇月喺經典口味之一，簡單以鹹蛋黃混入牛奶做成奶皇餡，切開，皮薄而入口鬆化，奶皇餡色澤橙紅，散發陣陣蛋香，口感軟綿幼滑，其實記得舊年都食過，果然保持水準。迷你朱古力奶皇月色澤黑沉沉嘅朱古力奶皇月，色差大影出嚟嘅相麻麻哋，可能影得唔夠清，請見諒。餡心加入朱古力元素，所以，鹹香中散發出濃郁嘅朱古力味，又喺少甜版本，故此老婆特別鍾意。順便多謝埋姨仔送嘅姆明家族茶包啦，一盒有4款口味，都喺啲水果紅茶，包裝得意。正所謂好事成雙，仲收到多一盒奇華餅家跟海洋公園聯乘出品嘅「精

短分享一則。話說我同老公定期都要到各餅家留意一下有什麼新產品推出，今天就來到了奇華餅家，順道亦買了一點小吃回家，點之每樣都係伏。伏一: 光蘇餅嬲嬲地我連相都冇影得多，感覺以隔夜麵包，完全冇光蘇餅應有嘅鬆軟感覺，仲要好甜二: 紅豆銅鑼燒我自問對紅豆包嘅要求高，不過當你睇完呢個餡，就算再冇要求嘅人都唔會想食囉。紅豆餡少得可憐，只不過係一少撻紅色嘅茸，雖不期望能找到原粒紅豆，但紅豆味亦都欠俸，唔知自己食左啲乜。兩片包味道普通，冇蛋味亦唔軟滑，仲要厚成咁，一啲都唔吸引!伏三: 沙琪瑪買左一個原味同一個黑糖味，黑糖味算比較好，因為甜味可以遮住陣油益味，雖然瑪仔係油炸物，但係油益味並不能接受。而且，兩款瑪仔都欠俸鬆脆口感，似係開封太雲漏左氣，或係隔左好多晚夜，但食用日期明明寫著2014年5月6日。極度失望。伏四: 椰蓉雞蛋卷蛋卷係四個當中最好食嘅，小巧包裝亦比正常蛋卷為短，方便蛋卷迷隨時都方便食用，蛋味未夠香，有點被椰蓉味蓋過，但椰蓉香都幾吸引，偏甜的。唯蛋卷未夠鬆化，做唔到一口散開嘅效果，吃蛋卷不就是追求呢個效果嗎？唉，極到失望的一次，希望下一次搵食會有驚喜啦！

舅仔知小弟乜都鍾意試，雖然過咗中秋，都晌女友嗰邊照拎嚟一個奇華出品嘅「珠姐XO醬金華火腿月」醒俾我，讓我有機會試到依款咁奇突，試完「嘩嘩聲」心諗咁都得嘅產品。其實，邊個喺「珠姐」呢？啊，從官網得知，原來喺奇華餅家創辦人黃業榮先生嘅長女黃碧珠，而且仲一早以佢為名，出咗隻「珠姐XO醬」，以瑤柱、金華火腿、優質蝦米、蝦米子等上乘食材嘅精心傑作，集鮮、香、濃多層次，富口感嘅味道。真喺算小弟見識少，都唔知個XO醬咁大有來頭。XO醬咁有名氣，而佢啲月餅亦唔差，今年獻新猷將兩者嚟個交叉創作，推出依款創新獨特嘅「珠姐XO醬金華火腿月」。大大個月餅，印上「XO金腿」，睇番個成份，主要材料有XO醬、金華火腿、蝦米、瑤柱、黑瓜子、合桃、杏仁、欖仁、白芝麻、糖冬瓜，仲加有玫瑰露酒、辣椒粉……等等，實在架勢呀。查實小弟對五仁月、金華火腿月依類鹹月餅印象普通，唔可以講佢唔好食，只喺唔太啱食嚟啫，不過點都會試試嘅。奇華依個XO醬金華火腿月，將佢一開四，清楚見到滿佈各種堅果，咬落甚有口感，真喺食到牙軟，但XO醬味就真喺挺突出，而且又食到一絲絲金華火腿，味道帶點辣，又帶點鹹，總結都喺嗰句，唔太啱口味囉！

我的凌晨食堂以兩個選擇為主，一是湯品，二是包點，在奇華買了雞尾包回來，價錢不平宜要$7／件，這價錢在樓下麵包當可吃三件了，入貨店在大商場，所以最大禍心未必是餐廳。麵包已放了一些時間，不鬆化好自然，而椰蓉味道頗甜，始終包還是要新鮮出爐的才好吃。

較常喜歡<奇華>o既全蛋馬仔同合桃酥…蛋糕麵包就好少買…今日經過見有持價推廣…係朱古力同咖啡口味蛋糕喎…咪各買一款試試o羅…咖啡朱古力夾心蛋糕…揭開包裝就飄來一陣靈神咖啡香, 海綿蛋糕質地輕柔軟潤到好似吾駛用牙力咁, 中間只薄薄掃上一層朱古力漿, 惜朱古力味吾濃…雙層朱古力夾心蛋糕…諷刺係因為中層朱古力漿吾夠濃, 配上朱古力蛋糕…更加吾突出, 冇想像中雙重朱古力果種勁量感覺…兩者比較, 覺咖啡口味較討好!!...數元一個, 簡單方便來做個茶點亦算不錯o既選擇…

奇華既食品不嬲都有保證 , 再一次買左奇華出品既鳳梨酥 $6 / 1個 其實之前買過椰果同原味 , 好味 ~ 今次買左香芒同蛋黃口味 比較特別先選香芒口味 , 可惜味道幾奇怪 , 不過外表厚實同香酥 , 入面煙煙un un , 唔錯 ~另外蛋黃口味 , 入面有4分1個蛋黃 , 好味 之前買既椰果 , 入面都係有1粒椰果 , 好特別 , 奇華出品既鳳梨酥都好正 , 可媲美台灣的

數年前在北京遊學o既時候…去超市掃日常用品都總會見到堆到如山高, 大包大包家庭經濟裝o既”薩琪馬”(馬仔)…亦吾知從咩時候開始, 自然地這隻”馬仔”就變成同學間小息時不可缺少o既”鎮堂點心”!!!...所以”馬仔”除左好味之外亦會掀起我點點美好回憶, 不其然對佢抱著一份獨特情懷!!看似簡單如此o既原材料, 製作仍要巧手同功夫...食過有D吾夠鬆, 有D勁黏牙...太”臨”或太硬、過甜又或用糖吾靚...都絕對會影響食味!!...試過哩度o既”全蛋薩琪馬”就冇以上講o既問題, 絕對係佳作!!...好味道啊!

文件、文具從來不見於辦公室櫃筒，除了與食有關的書外，此乎可以搵到的就只有零食、餅乾，戰期迫近，是日又入了一批新的「戰糧」。幾喜歡吃帶甜的餅點，一些澱粉質、一些甜味，勉強能支撐小半刻鐘的。雖然是老餅店，但做的卻是精緻的餅點，少了豬油的老婆餅，吃起來酥但不化，冬瓜蓉不算甜到死的那款，還是比例喜歡糖冬瓜版本多一點。蜜糖馬仔也是自己好喜歡吃的小品，這裡不太甜，而馬仔吃起來結結實實的，似乎是為了保存而作出犧牲吧，最甜的黑糖味反而不及原味來得好。芝麻餅是最易入口的了，烘得香脆易入口，同事聽到卜卜聲，「戰糧」被敵軍Loot走晒，已經不是首次的烏巢事件，唉．．．

新出的朱古力味燒餅普通，無係太多朱古力，有朱古力味，但唔濃相比下，紅豆及花生會好味過朱古力

奇華月餅係各大餅家中算最貴(折扣最小),但味道令人失望.試個雙黃蓮蓉月餅,切開已經知不妙,好黑咁.食落有陣燒"隆"味,明顯"火局"過龍.蓮蓉實在太甜.蛋黃蛋油不足,乾身,一切即散......失望!

被流放海外的我，吃著爸媽托師弟帶給我的食物。偷運入境的「黃稜」、「紅稜」，酥皮被師弟的行李壓扁，但仍然吃得出美味，蓮蓉和豆沙唔算甜，幾香滑。「黑芝麻糯米糍」，經過一日一夜行李寄倉，仍然香軟無變壞，可見防腐劑的功勞。至於，招牌貨月餅，老爸給我挑了「單黃蓮蓉餅」，單黃對於我這個「月餅殺手」其實唔多夠喉，但好過無啦！蛋黃偏乾，蓮蓉夠軟滑但唔算香，總比「恆x老餅家」好些少。還有叫人驚喜的是，那兩隻個用粉紅色花花膠籠仔盛載的「豬籠餅」（$12/個，餅連膠籠），味道可以，倒是體積比以前縮水許多。（好似漲價了，舊年仍然賣緊十蚊隻！？）

我好鍾意食呢種蛋糕,有蛋既香味,中間有一層cream 但唔太"漏", 仲好有懷舊feel添, 而且都係4蚊雞之麻。

以奇華來說，麵包水準一般，甚至可以說不太好吃，但蛋糕和唐餅水準則不俗．

係嫁女餅食得落口,其他麵包餅乾都好難食!!!!麵包又軟又硬,完全唔合格!!!!