奧壽司

營業中

休息中

同朋友在數碼港睇完戲, 在數碼港商場內閒逛, 順便在數碼港食個晚飯再返歸, 估唔到我哋食飯這間日本餐廳手勢相當唔錯, 而且價格相宜, 真是好食又抵食. 數碼港商場人流唔算多, 但給人的感覺非常的舒適, 唔似香港其他商場咁到處是人頭涌涌, 而且這商場內空間非常高, 讓人感覺到好relax, 而且商場外面有一大片草地對住一望無際的大海, 絕對係個休憩的好地方, 今次俾我在商埸內搵到間好食肆, 我諗我日後來數碼港商場的次數會更加多, 因為行下商場, 食下靚嘢, 再坐在草地上對住個靚海景吹吹風, 哇, 簡直係會流連忘返. 商場裡面嗰間非常好食的日本餐廳叫”奧壽司”, 裡面餐枱的摆設較為疏落, 唔怕逼, 座得好舒服. Menu內有好多款的食物可以選擇, 有魚生, 有壽司, 有日本拉面, 有日式咖哩飯, 有燒物等等好多款式, 好多嘢都想食, ha ha ha... 首先上來的是魚生拼盤, 有拖羅, 有三文魚, 吞拿魚, 池魚, 生蠔…… D魚生好好味呀! 三文魚鮮甜, 拖羅肥美, D生蠔加了些秘制醬汁, 帶出生蠔的鮮甜, 一啖倒落口, 滿口都是蠔的鮮甜, 好美味! 跟住的一道三文魚他他好開胃, 一

數碼港多左好多小朋友遊樂場，今日特登帶小朋友黎玩，完左見到呢間日本餐廳環境唔錯就享用晚餐！ 明太子沙律$68 - 大大粒明太子，咬上去卜卜脆，咸道適中，配埋青瓜食好清新！明太子份量好多！刺身盛合（特上）$680 - 十款刺身，一人一件唔洗爭！首先食生蠔，蠔味鮮甜，配上柚子醋酸酸的味道好夾生蠔！牡丹蝦有手掌咁大隻，超級鮮甜彈牙，係我最愛！三文魚腩好肥美，油脂分佈均勻！帆立貝刺身新鮮到剛離殻，大粒到可切四份，加了檸檬汁，更香更鮮！八爪魚刺身彈牙、有口感！油甘魚刺身太肥美了，一口咬落去，入口即溶，滿口散發出油脂的香味，冇得輸！劍魚刺身都鮮甜多汁！𩶘魚新鮮清新，口感一流！新鮮日本蚌好爽脆，比熟食更香甜！由於油甘魚$34、三文魚腩$26、劍魚腩$28 太令人一食想再食，我地決定要Encore 佢地既壽司版！壽司飯的醋味剛好！芝士焗軟殻蟹 $68 - 大大件好抵食！先炸軟殻蟹，再放厚厚一層芝士鋪面焗，再加好多蟹籽喺上面，再點少少沙律醬，呢個口感十分好，香、脆、芝味都不足以形容！我地覺得整體都好抵食又好食，下次再帶小朋友黎可以再Encore!

有時候每日上班的確會每人十分緊張，難得好友今日放假而又按排了一個非常特別的扎染玩意，令我十分relax玩到過晒lunch time都唔知，但一完堂就已經三點多了。走到數碼港想食日本菜就選了奥壽司，客人不多，畢竟是平日時間，難得可以那麼休閒的食頓飯，十分難得選了平台的位置，十分寬敞，而可以看到路人在商場入往內又另一番風味很快就點選了喬麥冷麵， 蒲燒鰻魚，芥辣八爪魚，燒露荀腩肉芥辣八爪魚 $36這個前菜每次也是必叫，芥辣味足夠，味道不錯蒲燒鰻魚 $88十分肥美和juicy, 很厚身而且每塊也很大塊，實在大滿足，再配上喬麥冷麵 $68，在這大熱天氣配這冷麵也十分開胃燒露荀腩肉 $58腩肉經過燒烤那油膩感已減低了不少，再配露荀十分味美追加燒油甘魚頭 $138燒得十分香口， 而魚頭也尚算大，魚肉份量頗多，而魚頭的油脂也佈滿魚肉，十分可口滑溜

同老公睇九點半，食完嘢睇戲啱啱好我哋揀咗店長介紹是日空運到港嘅刺身推介得應該係好嘢啦 😂第一樣係深海池魚皇刺身無論係魚身定魚皮都新鮮令身扇形咁排開，賣相唔錯點少少酸汁食，非常開胃～另一樣係九州網池魚魚頭魚尾串起，成條魚活靈活現咁 🐟呢款野生池魚切得厚身啲，有啲就切成粒就好似一魚兩食咁同樣佐以酸汁，好鮮甜爽口池魚真係我嘅消暑之物 🙈北海道烏賊刺身濃味啲，係最後先上魷魚切成一條條，容易啲入口我成梳咁食，啲魷魚勁漿口，有𡁻勁！😌加拿大海膽軍艦壽司嘅海膽滿瀉一啖鯨吞咗佢好有滿足感！清酒三文魚鍋有半條三文魚份量夠多，啱哂我老公 👴🏻一開頭個湯係會淡少少，煮多一陣好快啲酒味就出哂嚟啲三文魚滑得嚟索咗啲清酒，呢個配搭幾好食老公仲留哂啲魚鰭位比我 😍 超嫩滑！呢餐都幾有驚喜

今日同男朋友揸車入左數碼港行街，行行下見到有間日本餐廳好靚，人客都好多，晚餐就入去試下。我同男朋友都好鐘意食鵝肝。鐘意佢油香夠重夠濃，入口油香好滋味。多士烘到脆卜卜，連埋鵝肝食減低油膩感。叫左蒜片牛柳粒。男朋友最愛。牛肉粒粒好軟腍唔會好乾好鞋口，入口牛味濃郁，蒜片香口蒜味十足。豚肉餃子。餃子煎到唔會好油膩，外層香口豚肉餡料夠豐富。三文魚鰻魚卷。三文魚肥美魚油香，鰻魚大大舊伴上忌廉芝士，一口一件好過癮，味道又豐富唔會好膩。蟹糕炒飯。男朋友未飽叫多個飯食。蟹糕咸香炒飯夠乾身，每口咸香唔會有腥味。

以食物質素而言就唔需要山長水遠入數碼港食，而且個商場有其他更好既餐廳可以選擇，環境同服務態度都俾呢間好得多，食物款色冇驚喜不值得期待，值得一提既係佢地既「一流」服務，服務態度極差，人數唔過半數唔俾入，如果有好多客人等緊位都可以理解佢想安排其他齊人既客人先入座，但明明冇其他客人等位又有吉枱都唔俾人入座就真係唔明點解咁様安排，職員重當住個客面前叫其他職員由得個客等，係都唔俾人入去，真係好受氣, 佢地老闆請着呢d員工真係三生有幸，完全唔憂做既態度，直頭係趕客！

呢個星期去到幾偏遠下的數碼港，扮下上等人食貴價日本野。閒日夜晚黎食，係呢頭黎講預左唔會多人，地方闊落尚算清靜，吧檯位仲可以見到三位師傅即時處理刺身等。小弟點左一份細的壽司拼盤，總共9款壽司，除左加州卷外每款一件，望落刺身算晶瑩剔透，唔點壽司豉油食都有份鮮味係度，壽司飯食落仲係暖暖地，唔似出面果d整到凍冰冰。另外點左份刺身拼盤，有小弟最愛食的吞拿魚，食落一d都唔「鞋」，同其他刺身一樣都係厚切，唔係好捨得一啖吞哂成件，魚類唔腥，幾肥美，蝦好鮮甜。因為小弟鐘意食刺身，所以跟風叫左個是日special, 都係刺身類叫金目鯛，肉色幾嫩，帶粉紅色，肉質厚實帶點爽甜，除左有少少魚筋之外差唔多全部都係入口即溶，幾好食。之後再叫左幾份小食，燒魷魚筒，火侯還好，唔會燒到太燶太韌，汁唔算多但係都夠哂味，有點似離島的燴魷魚風味。餃子釀雞翼，燒得唔錯，餃子肉同個汁幾夾，可惜的係兩款熱食可能之前擺耐左，唔算太熱。最後一款係特色三文魚，即係三文魚魚生粒伴青瓜絲及鵪春蛋，不過可能自己食唔慣生的鵪春蛋，拌埋一齊之後有點膩。不過加上松子仁，多重口感都ok。總括黎講，壽司刺身類還是較好，最緊要刺身真係好新鮮。

數碼港午餐選擇不多，好食嘅更少，唯一合理價錢，又大件抵食，非奧壽司莫屬點菜後，侍應會俾你一碗面豉湯作為飯前湯跟住就上便當我最愛便當D，有我愛吃的軟殼蟹便當D除左芝士焗軟殼蟹，仲有金菇牛肉卷，什錦刺身，日式小食同生果，份量望落好少，但非常飽肚，都係98蚊同事叫便當B，有豬肉生姜燒，吉烈炸蝦，什錦壽司，小食同生果，我打劫左朋友隻炸蝦，非常好食又卜卜脆溫馨提示：訂位雖要一早預訂，即日訂好多時都full book，不過walk in都唔怕，多數都有位！最多都係搭枱

今次揀咗依家奧壽司嘅原因係因為啱啱睇戲而且係數碼港來講佢嘅評分同埋讚係比較高所以就揀咗依間食啦初時我哋因為早到嘅原因我見到都小貓三四隻都唔係好多人但係點知好快已經坐落十台客睇落似做街坊生意就唔似人哋嘅街坊生意睇得出人哋啲街坊都有返咁上下因為我見到人哋人哋落街踢拖食嘅係壽司刺身拼盤並唔係食茶記所以我都特登叫人哋熟客食刺身拼盤刺身拼盤質素OK啦四百幾蚊要喺依個薄扶林區來講都算過得去跟住聽到個侍應介紹話有飛機貨即刻當然要試吓啦嗰日嘅飛機貨其實都叫做比較出面嘅壽司鋪少有當日有深海池魚同埋我最愛嘅左口魚所以諗都無諗就叫咗件左口魚壽司食落都唔錯拍得住出面啲壽司名店因為叫咗個壽司拼盤嘅原因所以呢食落都會有啲漏所以最尾都係食多個蟹膏炒飯打個底依個蟹膏炒飯都算唔錯因為我最怕啲食店用日式米炒飯炒到一舊舊但係佢就冇依個問題如果黎開都值得一試呢間餐廳！

下班後來到港島南的數碼港，非常幸運，剛好趕及日落。日落染紅了海面和天空，特別寫意。吹著海風，緩緩走向草地…有人放狗，有人在草地上露營，有人散步，有人跑步…忽然發現生活原來可以這麼寫意。觀賞完日落，正好是晩餐時間。芥辣八爪魚涼涼的感覺，八爪魚很爽口，淡淡的芥辣味帶來刺激的口感。這可以講係我曾經吃海膽記憶中以來最好吃的海膽，入口即化，而且很甘香，非常享受這種感覺。凡立貝看上去不小，啖啖肉，可能焗時過了少少，感覺有點過火。欠缺了一點點的爽嫩。立魚湯的味道比較特別，入口需適應一下，雖然煮過了少少火候，不過，很飽滿的蜆肉仍然滿盡人意。茄子已經去皮，燒好後加上木魚，配合得相當益章，茄子味道偏淡，加點醬汁會更加搶味。薄切和燒得香脆的腩肉與露筍是個天作之合，外香內甜，露荀的爽嫩加上肉香，非常好吃多春魚要好吃必須燒得乾和香，上檯後自己再灑上一點味粉，帶出魚特有的甜味，又別有一番風味。烏冬配上多種雜菜一起炒，加上木魚和紫菜絲，增加了動感。味道酸甜可口。芝麻味香濃，雪糕像一股清泉湧入口簾，又香又滑又creamy，很贊的味道既可欣賞日落又可品嚐美食，正是一個一舉兩得的享受。

星期六放假如果想睇戲，我都鍾意到薄扶林數碼港睇戲，因為坐得相對舒服，不需要排隊等太耐的 睇完戲同朋友食日本菜 坐在室外位置，可以同時欣賞商場的表演 刺身盛盒(上)，色彩繽紛的組合真讓人覺得好看，未食已經令食慾大增 有牡丹蝦、三文魚、帶子、魷魚、吞拿魚 每款三件，刺身切得夠厚，食落去啖啖肉的，肥美又新鮮 燒蘆筍腩肉，以烤香的腩肉捲著幼嫩的露筍 表面撤上黑芝麻，多了一份芝麻的香味 青椒仔串，這是我每次見到菜單上有都必會點的串燒 bb辣度，香口又帶少少甘甜還點了燒多春魚、雞腎七味燒，微焦的表面可見烤得剛剛好 沒有扯乾食物的原有水分。朋友則額外點了一個鐵板鰻魚炒烏冬 鰻魚都是不少人的至愛，以鰻魚醬汁去炒烏冬，夾雜大量的蔬菜，讓菜式變得健康了不少，而且不會十分油膩，這個烏冬姐是挺滿意的。

Oh sushi is located in Cyberport, a business park in Telegraph Bay. It provides wide varieties of food including sashimi, salad, rice, curry, soup, wine, dessert, everything you name it. Price is typical at that quality. Located upstairs near the swirl stair A well-stocked alcohol fridge Premium assorted sashimi $680Surf clam, Boton shrimp, Sword fish, Red snapper, Snapper, Oyster, Toro, etc.An interesting sharing regarding the science of sashimi which I recently read about. Contradicted to the

今日屋企人系數碼港有d野做🤔，小妹下午就入去搵佢地食飯😋。入到去佢地已經搵埋位✌🏻，我1坐低就有得食喇😎！呢度d雲石枱系日本製架😍，小妹第1次見，覺得好特別啊🙂！餐具都充滿傳統日本🇯🇵風味～刺身盛合(特上)($680)：我地首先order左個刺身盛合(特上)，賣相非常精美🌟啊！刺身都用上最新鮮時令既食材💁🏻，包括：北寄貝、劍魚、牡丹蝦、生蠔立魚、油甘魚、鱆紅魚、池魚等等🐟，所以同menu上面既圖片未必一樣架🙈！除左有視覺👀既享受，味覺👅都十分滿足啊！火炙壽司盛合(特上)($280)：跟住再叫左個火炙🔥壽司盛合(特上)，小妹食左三文魚同帆立貝🤤～烤過既三文魚表面微熟😚，帶點煙燻味，魚油味道更特出😝。帆立貝味道鮮甜，肉厚肥美👍🏻。刺身沙律($78)：沙律裡面有雜錦魚生，份量都算多啊👏🏻～當中有小妹最愛既三文魚同八爪魚🐙，正啊😙！除左沙律菜🌱，仲有車厘🍅茄同青瓜絲🥒，味道都幾清新✨～稻庭湯烏冬($95)：食返d熱野先😃！稻庭烏冬口感柔滑😇，加上新鮮冬菇🍄、木耳同菜，非常健康喔💪🏻！綠茶雪糕($28)： 食到最後又點少得甜品呢🤡？呢個綠茶雪糕奶味超香👃🏻，抹茶🌿味都算出，雖然偏甜但都幾啱我口味

今日和老公入數碼港看早場，看罷後在附近覓食，這家日本餐廳好像不錯，就試試吧！ 老公點了叉燒拉麵($78)，豬骨湯味濃，不錯，叉燒的肉質腍身，調味得宜。 小妹則點了鰻魚飯($128)，賣相很有誠意，份量亦相當足料，小妹未見過鰻魚飯的那塊鰻魚會有整個飯盒那麽大的，而且肉質鮮美，口感鬆軟，醬油味道可口，加上旁邊的兩粒蕎頭，酸味中和了鰻魚的油膩感，很不錯！ 這裡環境開揚，食品質素高，價錢合理，獨店員未夠主動，希望可以改善。

難得假期和男朋友山長水遠來到數碼港逛逛和看日落，本以為這個商業區沒什麼好吃的，竟然找到這家日本餐廳，看似挺舒服，價錢亦不太貴！先來一客明太子沙律～雖然賣相一般，但明太子多且大大粒，配上沙律醬青瓜絲，非常清新。重頭戲有這個刺身盛合，我們選了小份的。共有六款刺身—甜蝦、三文魚、拖羅、佐口魚、八爪魚和樟紅魚。每款都厚身肥美，口感爽而冰鮮。兩款卷物也沒有令我失望！上者為牛油果軟殼蟹卷，雖然牛油果有點老，但味道可以，卷物上加上粒粒三文魚籽，增強口感。三文魚芝士燒鰻魚卷的味道豐富，燒汁不會過多，內裡再加 cream cheese, 用以配三文魚和鰻魚最佳了！另點了一些炸物。有點油膩但勝在夠熱，而且炸粉不多。炸豆腐做得尤其出色，外面金黃色的，而內裡的豆腐更是熱辣辣，非常滑。這餐不知不覺便吃了個多小時，環境舒適而氣氛恬靜，適合情人或與老朋友聚舊。