好一鍋海鮮火鍋專門店 (已結業)

好一鍋火鍋店_是本人經常光顧的打邊爐好去處，食物種類夠多，比較少有的鱔片都有，每碟食物端來不會太大碟，好處是不會浪費食物，而賣相非常新鮮，湯底選擇也多，可惜經常爆滿就算早两三日訂位也不易，除非是四位訂，價錢連加一大概一百七十幾，算抵食。

朋友相約於佐敦吃飯，夜晚我和朋友安排了吃火鍋，當然是任飲任食。這間食店主打火鍋任飲任食，兩個半小時任君選擇，任你吃任你飲 。我們點算了芫茜皮蛋湯，原因很簡單，就是因為清熱氣，打邊爐不是一般烚下烚下咁簡單，只不過就會熱氣上火，對身體不適，正正香茜皮蛋就可以中和， 任食方面，也有數十款選擇，而我最推薦就是手切肥牛，新鮮手切，快快嚟到，份量十足，味道出色，最重要入口肉味十足，鮮嫩可口。至於飲品方面，個人力推自製鮮檸薏米水， 清熱氣首選，加上甜味屬於可接受程度，冰凍可口，自然入口，下次還會再來。

內子投訴，話今年冬天無同佢食過火鍋喎，咁..... 放學咪同佢去鄰近佐敦打邊爐囉！早排去倫敦廣場大鍋口打邊爐，今次就試試另一間，好一鍋.優點：1, 價錢平2, 湯底同材料選擇多3, 材料新鮮4, 地點方便缺點：1, 無咩服務，材料放係旁邊又唔通知，都唔知係咪自己，湯底遲遲未到又唔跟進，隔離枱都投訴上菜慢.2, 餐廳明顯人手不足，執枱，上菜等都好似唔夠人手，老闆定經理唔請人定請都無人黎返工？3, 相比起內地火鍋店三十多款醬汁配料，香港火鍋店嘅醬料明顯相差甚遠，來來去去都係果五六款，一份錢一份貨，唉..... 明白嘅明白嘅...

平日黃金時段入座 ，位位 $158 任食兩個半鐘，任食的項目夠多夠齊，基本上沒有不試的理由。清清地叫左淮山蘋果雪梨湯底，清甜得來冇咁熱氣，去滾都要滾得健康D。打頭陣的當然係手切肥牛，雖然係任食平民火鍋，估唔到D牛都 ok 喎，唔會好肥又有牛味，收貨啦！白鱔片好肥美，仲好爽口，我地 encore 左四、五碟。蜂巢豆腐，索湯必備的食材。雖然今次個湯底清淡D，但無損豆腐的滋味。水魷同柏葉就係火鍋的好 partner, 好彈牙爽口。是日海鮮係大蜆，無沙肥美。而海中蝦 size 都唔算細，沒有令人失望，兩款都加單了 魚雲係另一 selling point，好新鮮。但是脆骨腩就一般啫。喜歡食什的朋友都有幾多選擇架，有鵝腸、雞公子、豬膶、豬粉腸同牛骨髓，全部都係任食炸魚皮，薄身、新鮮、香脆、已調味，涮兩秒食得，爽呀！仲試左自家製的三寶丸同紫菜鯪魚滑，新鮮即日做，口感幾好。原來鲮魚滑加左果皮，個人就麻麻地啫。竟然仲有帆立貝，大大粒有驚喜。花膠任食，唔明白佢點圍皮 腐皮亦係鮮炸，very good ！除左有汽水同竹庶茅根任飲之外，仲有乳酪，呢個甜品好有助消化

除夕夜這晚相約友人聚舊，友人提議到佐敦好一鍋打邊爐，未去之前見呢間餐廳價錢都幾公道，加埋一都係200蚊左右，又有得任食2.5小時，心諗D野食唔太差都可以接受，點知去到食先係惡夢既開始。先講講地點，其實係地鐵站行過去都只不過係對邊街，都幾方便，入到商場等電梯都唔算用左好多時間。去到餐廳門口都好快有職員帶我地一班人入座。 職員安排左張方枱俾我地5個人，已經坐得好逼嫁啦，仲要前後兩張枱D位都逼住，基本上坐低左就好難行返出去拎野。仲要張枱其中一邊係條通道，本身已經好多人行黎行去拎野嫁啦，有個職員仲要長期放左部收碟車仔係果個位頂住，搞到友人坐得勁唔舒服仲要係咁比人撞到。坐低左冇耐我地就劃左湯底同火鍋食材，職員收左紙之後冇耐都拎D辣椒﹑蔥﹑蒜蓉比我地加落鼓油碟到，但係...竟然冇拎到豉油比我地，仲要同左佢講都係冇拎到黎，最後要友人行出去自己搵先有。大約等左15分鐘左右個湯底就黎到啦，我地叫左胡椒豬肚湯底，諗住應該都幾有味嫁啦，點知黎到果時個湯底係好淡既白色，試左啖，不出所料，淡而無味。我地第1轉大約都劃左10幾款火鍋食材，大約坐低後20-25分鐘職員就開始上第一轉D食材，但係....只係黎左5款左

天氣開始轉涼，最啱約埋三五知己圍爐。坊間火鍋店真的不少，但價格相宜，而品質「有番咁上下」的真的寥寥可數。有些主打精品配料的，價錢自然4/5百起跳；有些主打便宜的，食物種類又不多，而且又不太新鮮。但今天介紹這一間，就取個中間點。從相片都可以看到，食物整體來說是新鮮，而且「要有的都應該有」。打邊爐怎可能沒有肥牛？牛肉有分美國肥牛、手切肥牛和滑牛。說真的，我不太會分那種牛跟那種牛的不同。但我吃得出滑牛是夠滑夠腍的。魚皮就算放了一會兒都沒有變林。另外，我覺得脆魚腩又爽又彈牙。墨魚滑都好夠彈牙，是打邊爐值得encore的選擇。這間火鍋店整體來這說很不錯，因為任食2.5小時，絕對適合朋友間一邊食，一邊聊天。

今晚好想打邊爐，行過佐敦道莊士敦廣場，當中有好多間火鍋店我哋揀咗入去（好一鍋海鮮火鍋專門店）餐廳地方十分寬敞，坐得好舒服，食物質素又新鮮有多種類，仲係任飲任食，最緊要就係價錢都十分抵食。雙拼鴛鴦鍋湯底， 一邊是椰子雞湯，清甜的椰子再加上嫩滑的雞 件，湯底十分香甜美味。另一邊是鮮茄豬骨湯底，用了新鮮的番茄再加上豬骨淆製後，成個湯底，酸酸甜甜十分濃郁。黑豚肉，油脂分佈平均，好香有肉味，焯熟口感又嫩滑，不會老，都算有水準。花膠，女士恩物，夠曬滋補。美國肥牛，脂肪較多，食落口有少少油膩，但都算不錯。美國桶蠔，睇下生蠔好新鮮又乾淨，夠曬肥美鮮甜，有蠔味，忍不住了。白鱔片， 雖然帶點幼骨，但焯熟後都十分爽脆，魚鮮味好香。茅根竹蔗水，味道不會太甜，飲落好清甜順喉。

🍲好一鍋海鮮火鍋專門店🍲之前見人介紹過好似幾吸引👀所以就提議過黎試下環境都幾企理 枱都放得好闊幾乾淨 而且服務都幾好 收野速度都好快呢個都幾抵讚-----------湯底就叫左冬蔭功海鮮湯如果+$38就可以叫兩個湯底👀個湯都好正 唔會淡 而且蝦都幾鮮裡面既蜆都幾大隻唔錯👍🏻-----------野食方面可以睇番張紙有咩可以點都係啲大路野手打丸 墨丸滑都好好食😀脆肉鯇同其他魚都好鮮 鮮魚皮好爽👍🏻手切肥牛 生腸 雲呑 雞肉都好唔錯炸魚皮真係必點好脆 食到停唔到口😂------------我覺得呢價錢 呢個質素係值得一試而且仲有乳酪雪糕任食性價比夠高------------

任食價錢 單點質素 莊士倫敦廣場一向都係美食雲集，今晚黎到"好一鍋"食任食火鍋。任食價錢 單點質素 餐廳大部份食物都高質素 性價比偏高。　首先湯底叫左沙嗲湯底，湯底濃郁。黎到打邊爐當然要混個醬，豉油味道太淡，不過沙茶醬就好好味。免費飲品可以去雪櫃自取。　任點任食款式十分多，唔能夠每款都試晒。介紹一下推薦食物：　滑牛肉，生猛海蝦，黑松露墨魚滑，＊＊＊千島龍蝦丸，蟹爪棒肉，炸響鈴，炸魚皮等等。　海蝦肉質彈牙　任食有呢Ｄ質素真係幾好　黑松露墨魚滑又係好彈牙　黑松露味就唔係好食得出　不過都夠晒好食我地見到三文魚刺生做特價　仲加左錢叫左一大盤三文魚三魚文味道都唔錯　切得好厚身　一大盤三文魚唔洗食用黎打卡都夠晒。本身仲想叫安格斯肥牛肉　不過實在食唔落咁多野了好果BUDGET唔多　其實任食食物都已經好夠食。

本來想食樓上果間大x口，我兩個人，點知佢係張10人枱我坐，仲要果爐係枱中間，點打呀，明明有卡位都唔俾人坐，仲要態度好差。於是轉場，試下好一鍋。呢度雖然唔夠人手，但起碼態度好好多。雖然都係搭枱，但至少唔使企起身夾野。食物種類都算多，仲有海鮮添，有蜆同蝦。肥牛質素都唔錯，唔會太肥。飲品除汽水外，仲有竹庶茅根。5點食到7點半，2.5小時，好夠時間食。另一間食到7點咋。假期前夕加$10，但7點半前埋單減$20，埋單$148加一。價錢同樓上果間一樣，食物質素唔差，仲冇漏單情況添，點解要受人氣喎。

冬至將近，看到openrice有不少好評，於是便決定和家人一行13人星期六晚上到這間火鍋放題打邊爐。訂了7:30，7:20上到餐廳，等了半小時執枱才能入座，坐下來沒有人招呼，落單也等很久才看到有侍應經過🤦🏻‍♀️湯底可選三個，枱上有三個爐，味道不過不失，但只加水不加湯，而且當晚完全自助加水！落單首輪算快，未吃完第一輪便落單第二轉，點知等到所有食物吃完第二輪都未黎！馬上催單，侍應只隨便拋下一句：無黎再落過啦！可能唔見左🤷🏿‍♀️所以又落了第三及四輪，結果等了大半小時才有食物來😤其實食物還好，丸有很多種類，最好食係愛心芝士丸，芝士豆腐及紫芋丸。只是肥牛份量實在太少，寫了十碟，來的只有幾塊！😩而且明明沒有叫肉丸，每次也隨單上兩三碟，似乎想塞飽人地個肚之嫌！😡最後諗住食個雪糕收尾，點知部雪糕機由九點幾開始一直貼住十五分鐘後才有雪糕供應，但到我們走既一刻約十點多都係無既。😒以上不算挑剔的我們還可以接受，但是埋單最後收銀那女人的惡劣態度真的不能容忍！嬲到要寫一寫😤我們隨行有個未夠十歲的小朋友，同佢講係咪可以計小童，佢立刻面黑黑的表示要四歲以下才能計，還說要度高！😩埋單後我們看到poster明明寫住十一

今日陪老公去完馬場，見天氣凍，就想去食火鍋。出到佐敦未到6點，即冲去莊士倫敦廣場12樓，點知已不派籌，於是搭整走，係𨋢裡面見廣告8樓都係任食火鍋，即管去試下。到了發覺也滿座，不過可以大枱搭位。好出奇火鍋都可搭枱，唔識點樣共用一鍋。原來係大枱有3個爐，咁就冇問題。湯底都幾多選擇，要了雪梨萍果湯底飲品都任飲食物非常新鮮，絕不差過12樓，只是人手不夠，不過我都會再來。

火鍋任食有海鮮點2018/10/31第二次來光顧此店，說實的有點不習慣任食，因為真係冇咩必要，自己食量就算大，但任食往往會多點了唔太想食嘅食物造成浪費，而且總結兩次火鍋食得最多的也是芝士丸及蟹柳，芝士腸。餐紙上有花膠，蝦，蜆，白鱔等海鮮可以點，但花膠食落似魚肚，味道不特別好，蝦沒有味不特別鮮甜，蜆有的還有沙，有的不開殼，白鱔每次叫只黎三片，薄得透明嘅魚係刀功嘅表現。桌上值得一讚嘅係放了這類調味料吧，可自己配自己喜歡嘅醬料。生蒜+蔥+麻醬+炸蒜係我最鐘意嘅配搭。一入座我地可先選湯底，多款湯底可供選擇，為應合大家嘅口味，多數我地會加錢點兩湯鍋，這次我地點了椰子雞湯及四川麻辣湯。湯底本來會多加材料，令其味道更好，椰子雞湯底會有紅蘿蔔，粟米，但我地本來就胃不大，唔想浪費湯底材料，總會食一兩舊，但一定會食唔哂，加落去湯底的真有雞肉，太通常都係最後浪費掉嘅。椰子片肉也有多塊，硬身食唔到，用於煲湯。湯底已令個煲好滿，要等好耐先滾，而且放唔到幾多額外叫嘅配料。飲品方面，有罐裝飲品任拎，但一入坐時佢就會比成支庶水，免得浪費，大家都會飲哂支庶水先，所以出面飲品，飲唔到幾罐。另外，食火鍋必食肥牛，特地加錢點

最近發現一间任食火鍋嘅地方， 非常就腳而且好抵食 ，一路都想試今晚終於有機會。好近佐敦地鐵站， 行兩三分鐘就到。 價錢$178  任飲任食2.5 小時 確實吸引。火鍋店係酒樓格局， 有好多卡座， 座位亦唔算迫有好多大圓枱。 冷氣非常強勁， 建議帶多件衫嚟。坐低就放低咗一jar竹蔗水， 仲暖㗎非常滋潤。凍櫃裏面有各款汽水綠茶都係任飲， 夠曬舒暢。任點任食 以剔紙仔方式。 仲有簡單嘅調味料自己混醬。我哋點咗"鯊魚骨猴頭菇"拼"淮山蘋果雪梨窩"。打開煲嘅時候佢畀錯咗， 攞返入去換，所有食物都到齊， 非常神速。湯底裏面好多了有鯊魚骨和 白雪雪嘅猴頭菇， 奶白色嘅湯有豬骨嘅味道。 不過較少見唔係茶色嘅猴頭菇。淮山蘋果嗰邊冇咩特別，純粹係想清滋潤一下。牛肉方面有美國肥牛同手切牛。 各有特色。美國牛較多牛油 好香口， 手切牛肉質較為嫩滑但牛肉味冇咁濃。滑牛質素亦唔錯， 唔會畀梳打粉嗱到冇晒味。 羊肉有羊羶味， 但我們劲like鵝腸非常爽口， 冇咩肥膏， 灼一灼就食得。我哋好鍾意食魚雲， 呢度竟然都有質素唔錯嘅魚雲魚頭， 冇腥味， 有驚喜呀!鱔片薄切， 冇細骨又肥美!是日精選海鮮都係任點， 今晚係蜆

天氣漸涼，屋企人個個都話想打邊爐，但又吾幫忙做，我又要買多款火鍋配料，之後每樣清洗乾淨，想起都怕，記得之前去旺角食過好一鍋，火鍋配料種類繁多，新鮮又乾淨，百多元任飲任食，真係抵過自己買料回家食，起碼食完吾洗洗甘多碗碟。知道佐敦莊士倫敦廣場都有分店，都想去試下，今晚我就請家人往食返餐，舒舒服服，吾洗我做餐死！多款飲品任飲，更有自家製竹蔗茅根水，不會太甜，清熱解毒，健康飲品。湯底都有好多款，選了鴛鴦鍋，我比較喜歡泰國椰子雞鍋，有清香椰子味。另一款馬來沙嗲皇鍋，濃郁惹味！火鍋料款多又新鮮，西班牙白豚肉、皇帝菜、水魷魚、生猛海蝦、魚片角、鮮蝦雲吞、韮菜豬肉餃、。鵪鶉蛋、新鮮魚雲、脆鯇魚腩、白鱔片、滋補花膠、魚皮餃、芝士腸、爽脆豬潤、釀豆卜等。味道不錯，尤是生猛海蝦、白鱔片、新鮮魚雲，我的食了多轉，真的十分美味。最後記得食埋自製乳酪雪糕。