好一鍋海鮮火鍋專門店 (已結業)

天氣漸涼，屋企人個個都話想打邊爐，但又吾幫忙做，我又要買多款火鍋配料，之後每樣清洗乾淨，想起都怕，記得之前去旺角食過好一鍋，火鍋配料種類繁多，新鮮又乾淨，百多元任飲任食，真係抵過自己買料回家食，起碼食完吾洗洗甘多碗碟。知道佐敦莊士倫敦廣場都有分店，都想去試下，今晚我就請家人往食返餐，舒舒服服，吾洗我做餐死！多款飲品任飲，更有自家製竹蔗茅根水，不會太甜，清熱解毒，健康飲品。湯底都有好多款，選了鴛鴦鍋，我比較喜歡泰國椰子雞鍋，有清香椰子味。另一款馬來沙嗲皇鍋，濃郁惹味！火鍋料款多又新鮮，西班牙白豚肉、皇帝菜、水魷魚、生猛海蝦、魚片角、鮮蝦雲吞、韮菜豬肉餃、。鵪鶉蛋、新鮮魚雲、脆鯇魚腩、白鱔片、滋補花膠、魚皮餃、芝士腸、爽脆豬潤、釀豆卜等。味道不錯，尤是生猛海蝦、白鱔片、新鮮魚雲，我的食了多轉，真的十分美味。最後記得食埋自製乳酪雪糕。