好到底水餃雲吞麵

營業中

休息中

元朗老字號好到底開左新店，近朗屏西鐵站，地店幾方便，店內設有卡座，比舊店好坐喎。餐牌主打三款野～雲吞、水餃同牛腩，同朋友都揀左雙併，一次試多幾樣嘛。⭐水餃牛腩麵自己揀左湯麵，湯頭幾鮮甜，麵爽口無鹼水味，正喎🤤水餃有豬肉、木耳絲同鮮蝦等，鮮味爽甜。牛腩炆得軟腍，入口無渣。好味喎，成碗食晒湯都飲埋。⭐雲吞水餃撈麵朋友就揀左撈麵，雲吞皮勁滑，蝦肉彈牙，正。個人覺得雲吞同水餃都好好食，難分勝負😎⭐蠔油生菜翠綠清爽，點下蠔油都不知幾正。⭐炸雲吞拼炸鯪魚球寫係黑板的炸物小食，自己都無留意，係朋友見到話想試，又怕食唔晒就要雙併，兩樣都試下嘛。炸雲吞同湯雲吞味道一樣，但炸起上嚟皮更香脆。炸鯪魚球非常彈牙，放耐左都無回縮，大大球正呀，仲有鹹鮮嘅蜆芥醬，無得彈🤤⭐凍奶茶 & ⭐凍檸茶新店有水吧，叫返杯奶茶同檸茶先，走甜版～味道正，食完無口渴，真材實料嘅好店👍

元朗有唔少麵鋪，但係要搵到一間好食嘅真係好難。最近朋友介紹咗依間位於安寧路嘅好到底水餃雲吞麵，入口旁就係小廚房可以睇到師父煮麵。牛腩雲吞麵，牛腩煮得非常軟腍，好香口，而雲吞每粒都脹卜卜，咬落去已經見到大大粒嘅鮮蝦。而啲麵好有韌道，唔會太硬又唔會太軟，原來係佢地自己整架，完全冇鹼水味。水餃雲吞撈麵，水餃入面係鮮蝦同木耳，而撈麵一啲都唔乾，配上蠔油後更加惹味，而且仲好貼心咁送上一碗湯，清甜美味。炸鯪魚球，估唔到咁大粒，外皮炸得焦脆，魚肉鮮甜，居然仲有配上蜆蚧醬添，鹹香十足。炸雲吞，金金黃黃，就算係炸雲吞入面嘅餡料都冇偷雞，一樣係用到鮮蝦，好紮實。叫咗凍檸茶同檸樂，可樂係玻璃樽裝而唔係罐裝，爽呀。生麵、生雲吞水餃可以買走，最後買咗一打生雲吞，$45，打算係屋企打邊爐/煮麵食。餐廳侍應非常友善好客，而且用料用心，睇得出店舖係用個心黎為客人提供愉快嘅用餐經驗，值得再去！

整體味道同服務, 都覺得好過舊舖希望 越做越好希望 keep 住香港飲食文化特色✡️蝦子撈麵蝦子 好...多, 多過某連鎖舊店 xx, 食得出有鹹香味, 唔會有腥味.🍜撈麵 口感軟硬度適中, 唔會淋啤啤又唔會過硬, 而且完全冇鹼水味. 老闆話個麵係自家廠整🧑🏻‍🍳附送的一碗湯, 味道有啲似住家湯,「一啖湯一啖麵」，食麵時更滋味✡️牛腩蘿蔔牛腩4-5舊, 筋膜同肉質都軟淋, 但唔會乾柴, 調味剛剛好, 唔會好鹹, 唔會只得重醬油味, 係會食到牛腩嘅滋味. 而蘿蔔清甜, 唔會有苦澀味, 冇揸冇根.✡️炸鯪魚球一上枱我已心心眼, 鯪魚球好大粒, 仲大過匙羹, 新鮮炸起, 職員好細心溫馨提示: 裏面好熱！小心！蜆介睇落都好正, 大大粒脹卜卜, 食落好鹹香😊呢度啲份量好人性化, 叫咗個細嘅所以有2粒鯪魚球, 大嘅有4粒.隔離枱 加叫淨雲吞, 聽到職員溫馨提示有分大同細 各有幾多粒✡️傳統雲吞皮糖水職員話將會新推出糖水有幸能食到✌🏻希望唔好失傳飲落清甜, 雲吞皮口感滑滑, 一d 都冇鹼水味同冇粉味, 一啲都唔覺得係食緊 平時嘅雲吞皮, 似食緊腐竹糖水嗰啲腐竹咁, 不過呢個 size 比較大d, 口感 好

元朗好到底呢間老字號店，最近發現開左一間新分店，呢間除左麵出名之外，佢啲水餃同雲吞都一樣出名！蝦子撈麵 $66一上枱已經聞到好香蝦子味，啲麵夠乾爽，有咬口，撈麵仲會配一碗湯。水餃湯麵 $50呢度既水餃同出面既包法有啲吾同，佢包成三角形，入面仲有隻蝦同雲耳，咬落去好有爽口感。湯麵既麵質比撈麵更爽口彈牙。淨雲吞 $27雲吞同樣有蝦，不過無加雲耳，所以爽口度無水餃咁多。炸雲吞 $22炸雲呑夠哂脆，入面有蝦肉同少少豬肉。牛腩 $55牛腩好夠淋同入味。炸鯪魚球 $44炸鯪魚球油多左啲，不過勝在夠大粒。

年初一同屋企人出街，唔多食店有開，喺朗屏港鐵站附近安寧路見到呢間餐廳，叫做好到抵水餃雲吞麵店，一於入去試吓😋水餃牛腩撈粗麵係今日嘅主角，粗麵彈牙有嚼勁但又易咬，掛上濃郁嘅腩汁，每一啖都好好味，見佢啲麵條有好多款同埋自家製，正呀🍜 牛腩燜得冧身入味，入口即融，令人回味無窮。水餃皮薄餡靚，入面佈滿蝦肉，非常足料🥟🦐我哋仲叫咗碗細淨雲吞同細淨水餃加餸，雲吞皮薄餡多，湯底清甜🥟🥣另外，我哋嗌咗一碗生菜鯪魚肉，係意外驚喜。鯪魚肉鮮嫩彈牙，鮮味同份量都十足🐟🥬最後我哋仲叫咗蠔油生菜配腩汁，新年食多啲菜啱哂🥬飲品我哋叫咗杯熱奶茶，香濃幼滑，茶味濃郁，奶香十足。仲叫咗杯凍檸樂，清爽解渴，食完呢餐真係覺得好滿足☕️🍋🥤

雲吞麵雲吞唔係後期新興大大粒嗰隻, 係舊時正常嘅size, 而且味道good！年輕一輩話個麵質同平時嗰啲唔同原來係自家廠房製個麵完全冇鹼水味湯底唔係死鹹嗰種牛腩河年輕一輩食出有果皮味牛腩肉質軟淋🔹加配凍咖啡 (少冰)平日中午滿座

好到底喺安寧路有舖頭啦！這間好到底的雲吞水餃麵都超級好味高質！今日就嚟好到底，食返一餐。安寧路分店座位乾淨、環境光猛、店員有禮熱心！首先點了支汽水同凍檸茶～仲有樽裝汽水飲，好正！淨水餃～水餃大大粒超多餡呀，一口咬下皮薄餡靚，中間有爽口雲耳、蝦肉、豬肉，又爽口又彈牙，啖啖肉超滿足。淨水餃都有分大碗同細碗，店員會熱心講解大碗同細碗的分別，熱心有禮。大碗有6粒水餃，而細碗就有4粒水餃～水餃足料美味又飽肚，仲有湯底都好鮮甜的，飲完一啖又一啖。雲吞麵，雲吞皮薄滑溜溜～一啖一粒，爽口彈牙，中間好足料的，好鍾意這間的蝦肉跟豬肉比較恰到好處！安寧路店的麵底都相當出色，麵質好煙韌好味，配埋獨家湯底，鮮甜無比，正。脆口小食～炸雲吞～炸鯪魚球～都有大份跟細份的，今日想試曬兩款小食，所以兩款都點了細份。炸雲吞～香脆金黃，一口咬下時卜卜脆，口感極佳。沾上了甜酸醬來食，味道甜甜酸酸，脆卜卜又好味，中間餡料啖啖肉好好口感，正。另外炸鯪魚球大大粒的，魚肉彈牙，外皮帶點點煙韌，啖啖肉好好味呢，仲可以配上了蜆介，咸咸香香，超美味，配鯪魚球來食超美味呀。而且鯪魚球仲大大粒極有份量。下次到來可以點大份的小食！勁香口勁惹味。安

今晚去咗元朗超出名嘅「好到底水餃麵家」試吓，老實講，呢間真係名副其實，平靚正又好味，啲麵同小食款款出色，食到滿足感爆棚！蝦子撈麵必點啦，呢碟算係佢哋嘅招牌作，麵條爽口彈牙，份量啱啱好，蝦子鋪滿成碟，入口鹹香惹味，每條麵都掛住蝦子嘅香味，無論你點幾餸，呢碟撈麵都唔會出錯。至於炸醬撈麵，肉醬甜中帶鹹，味道幾重口，但配埋啲麵嘅淡淡麥香又啱啱好，係另一種滿足。雲吞入面嘅蝦鮮甜爽口，啲豬肉比例啱啱好，咬落仲有啲汁流出嚟。至於水餃，大大粒好實淨，餡料有啲蔬菜嘅清甜味，夠新鮮又唔油膩。牛腩蘿蔔真心要推介，啲牛腩燜得夠腍，膠質滿滿，蘿蔔吸晒啲牛腩汁，入晒味，咬落仲係超軟熟，真係一碗湯飯嘅完美配搭。再嚟就係炸雲吞同炸鯪魚球，個人覺得呢兩樣係啲小食之王。炸雲吞外皮香脆薄身，啲餡料濃郁，一啖炸到酥酥脆脆嘅感覺真係爽。炸鯪魚球係出乎意料嘅好味，外層炸得金黃，內層魚肉嫩滑，配埋甜酸醬，係超吸引嘅地道滋味。整體嚟講，「好到底」嘅每樣食物都做得好用心，無論係主食定小食，味道都好有層次又好地道，價錢更加係平到笑，成餐飯都幾十蚊，性價比真係無得輸！元朗朋友如果未試過，或者鍾意港式麵食同水餃嘅話，一定要嚟踩一踩！

最近變咗雲吞麵控，想周圍發掘吓好味嘅雲吞麵！今次就來到朗屏站附近食呢間新開嘅好到底水餃雲吞麵！餐廳環境乾淨企理，而且座位闊落～✨雲吞牛腩河牛腩牛味濃郁，而且肉質軟腍！雲吞亦有三粒！河粉爽滑美味，吸收咗湯底鮮甜嘅味道～✨雲吞麵雲吞足足有六粒，每一粒雲吞都見到有完整嘅蝦肉！麵底原來係餐廳自家製嘅傳統手工麵，麵質煙韌得來又完全冇鹼水味，非常難得👍🏻～✨炸雲吞炸雲吞外皮炸到金黃酥脆，內裡嘅蝦肉保持彈牙多汁～✨炸鯪魚球鯪魚球大大粒，食落去魚肉味好濃而且冇魚腥味，個口感彈牙到有少少似食緊大魚蛋嘅感覺，味道同口感都好有驚喜～✨凍鴛鴦咖啡同奶茶嘅比例恰到好處～雖然餐廳新開張冇幾耐，但店員態度非常親切，係一間充滿人情味嘅小店～

尋晚同男朋友難得撐枱腳，係元朗云云既麵店中搵到喱間好到底水餃雲吞麵！牛腩水餃麵首先叫左既係牛腩水餃麵🤤 牛腩炆得夠晒腍，肉味香濃！ 水餃皮薄餡靚，啖啖肉汁。 個麵底非常爽口，索晒啲牛腩汁👍🏻 炸雲吞外脆內軟，餡料豐富，點埋少少甜酸醬，真係好惹味！ 炸鯪魚球外脆內彈牙，魚肉鮮甜，好有口感！👍🏻 兩個小食都炸得啱啱好，唔會太油膩！蝦子蘿蔔蘿蔔爽脆清甜，加上蝦子嘅香味好開胃！ 食完咁多嘢食返啲蘿蔔，都幾解膩！

每年過年前都會去元朗花場揀選年花，並順道搵食。今年就搵到一間傳統口味嘅雲吞麵舖「好到底水餃雲吞麵」，搭港鐵朗屏站出，行到安寧路就見到，非常方便。 店舖簡潔乾淨，地方寬敞坐得舒服。我哋叫左好幾款小食和麵食，都值得推介👍👉牛腩蘿蔔 牛腩唔靱炆得夠香又夠淋，蘿蔔清甜冇渣👉淨雲吞（細）皮薄，雖然唔算大粒，但都有整隻蝦，咬落彈牙👉淨水餃（細） 我嘅至愛😋饀料有大蝦、木耳、豬肉等，食落爽脆彈牙，水餃係用燕皮包嘅所以煙煙靱靱好有咬口，再加上即叫即煮，所以口感特別好👍👉炸鯪魚球拼炸雲吞又係即叫即做，用新鮮鯪魚肉炸成，甘香彈牙，配合蜆介醬一齊食，另有一番風味，炸雲吞也不瞬息，同樣酥脆香口👉炸醬撈麵（細） - 蝦子麵彈牙，冇鹼水味，撈埋惹味嘅香辣炸醬，好食到停唔到口，另外跟撈麵嘅湯都不能錯過，聽老闆講是用豬骨和大量鮮魚熬成，所以特別香濃兼帶有大地魚香，飲哂都冇口乾，超正👍 呢度除咗食物好食之外，都要讚吓侍應們服務態度非常親切👍

以往食雲吞麵好怕有鹼水味，但見係老字號又打著旗號係食水餃雲吞就Gogogo見門口有現成既麵底可買，方便！食飯期間仲聽到有唔少人成打成打甘買雲吞&水餃。大炸醬撈麵炸醬份量比我想像中多，一絲絲的肉絲好有咬口！ 而且炸醬酸酸甜甜，令人開胃！麵質完全沒有鹼水味，實在太好！ 雲吞牛腩麵牛腩好入味，炆得恰到好處！雲吞入面絕不馬虎，非常有咬口，因為每隻雲吞入面都包有完整的蝦肉及豬肉！淨雲吞食到唔夠喉，直接叫多碗細既雲吞，共有5粒！炸鯪魚球炸雲吞鯪魚球大過乒乓波，而且好有心地新鮮炸起的；沒有魚腥味，配上蜆介醬，正！炸雲吞亦非常有睇頭，每粒炸雲吞都配上原隻蝦一隻，有料！今次無叫到水餃，下次一定會再黎！

好到底麵家元朗安寧路67號福安樓地鋪蝦籽撈麵表面灑上了蝦籽，滿滿的蝦籽和麵條的混合一齊食，麵條入口彈牙有口感，麵餅並不是市面上的鹼水麵，是自家製造的，蝦子入口鹹香鮮甜味濃郁，與麵條的彈性相結合，讓每一口都充滿海鮮的鮮味。撈麵的質地非常滑順，與蝦籽的顆粒感形成對比，口感不錯鮮蝦水餃的味道鮮美可口，蝦肉的鮮甜與雲耳的脆嫩完美結合，帶來了豐富的口感層次，蝦肉鮮嫩多汁，咬下去時彈牙的口感，而雲耳有輕微的嚼勁。餃子皮薄而富有彈性，餃子外皮的光滑，讓人一吃就愛上牛腩的味道濃郁而富有層次，肉質柔軟，入口即化。經過長時間燉煮，牛腩釋放出濃厚的肉汁，食到牛肉的鮮香炸雲吞、蜆芥鯪魚球，炸雲吞外皮酥脆，內餡鮮嫩咬下去時能感受到內餡的鮮香與外皮的酥脆形成的對比，口感十分有層次。鯪魚球炸後，外層煙靭內裏鮮嫩多汁，點上蜆蚧醬非常夾蠔油生菜，生菜清甜爽口，入口卜卜脆，真不錯這店用的湯底鮮甜，經過長時間熬製，食完完全不口渴

元朗傳統手打麵由大馬路到依加開咗間新分店就知有幾多街坊捧場～細淨雲吞 $26一口雲吞入邊有大大粒嘅蝦咬落非常爽口 好正！蝦子撈麵 $65超多蝦子！食落一啲都唔腥仲有啲鹹香味添撈埋落啲師傅自家製嘅面之後勁爽口～口感軟硬適中 唔會過淋過硬 而且冇鹼水味～ 仲會有碗住家湯餸一齊飲住就冇咁dry水餃撈麵 $58 皮薄嘅水餃入邊有木耳蝦等等咬落去餡料非常豐富！牛腩蘿蔔 $35湯底非常入味！牛腩都有四五舊 肉質同啲筋都好軟淋 蘿蔔都好清甜唔會過硬炸鯪魚球鯪魚球好大粒 配埋秘製嘅醬汁一齊點 鯪魚球嘅鮮味即刻湧晒出嚟！炸雲吞兩樣炸嘅小食都係新鮮炸起所以以脆卜卜熱辣辣配埋泰式辣醬一齊點好惹味！凍檸茶 $18凍奶茶 $18好到底水餃雲吞麵 (元朗)元朗元朗安寧路67號福安樓地舖

今日突然好想食傳統手打雲吞麵，就搵到呢間舖頭，去呢度有又幾方便，地鐵站直出轉左就係！我哋叫咗：1. 細炸醬麵2. 牛腩水餃撈麵3. 淨雲吞大嘅4. 兩支可樂1. 細炸醬麵麵質非常爽口，炸醬酸酸甜甜、有少少辣好開胃！而且配個熱辣辣嘅魚湯，三下兩拌好快食晒☺️☺️☺️2. 牛腩水餃撈麵牛腩炆到好入味，好香滷水味，而且炆得好腍水餃入邊啲蝦好爽口，而且有筍絲等等配菜非常好食個面又好香蛋味好彈牙！3. 大嘅淨雲吞隻隻雲吞都好爽口，而且啲蝦又好新鮮，睇到間餐廳係即叫即煮，所以啲雲吞好熱辣辣😛坐喺度都見到好多人叫淨雲吞佢個湯底真係好香魚味！食咗好幾個鐘都唔見口渴4. 兩支可樂正常操作🤣🤣🤣成個舖頭都好企理好乾淨😌