好到底水餃雲吞麵

營業中

休息中

以往食雲吞麵好怕有鹼水味，但見係老字號又打著旗號係食水餃雲吞就Gogogo見門口有現成既麵底可買，方便！食飯期間仲聽到有唔少人成打成打甘買雲吞&水餃。大炸醬撈麵炸醬份量比我想像中多，一絲絲的肉絲好有咬口！ 而且炸醬酸酸甜甜，令人開胃！麵質完全沒有鹼水味，實在太好！ 雲吞牛腩麵牛腩好入味，炆得恰到好處！雲吞入面絕不馬虎，非常有咬口，因為每隻雲吞入面都包有完整的蝦肉及豬肉！淨雲吞食到唔夠喉，直接叫多碗細既雲吞，共有5粒！炸鯪魚球炸雲吞鯪魚球大過乒乓波，而且好有心地新鮮炸起的；沒有魚腥味，配上蜆介醬，正！炸雲吞亦非常有睇頭，每粒炸雲吞都配上原隻蝦一隻，有料！今次無叫到水餃，下次一定會再黎！