好味餃子店

營業中

休息中

係附近行完街 想搵啲野食下 就入左黎呢間餃子店 鋪面唔大 但都幾乾淨企理檯面有QR code落單 好方便✨煎餃雙拼揀左韮菜餃同粟米餃即叫即煎 煎得勁靚仔金黃色外皮 一睇就知脆卜卜咬落仲有肉汁 餃子都好足料 配埋佢既辣菜脯勁惹味✨芫茜湯餃朋友鍾意食芫茜 所以就叫埋湯餃黎試芫茜餃既涵又係好足 芫茜味濃湯底係自家製既野葛菜生魚豬骨湯冇味精 生魚味濃 成個湯底飲晒🤭✨豬手麵因為太肚餓 所以叫多個麵食估唔到有驚喜 豬手份量多 軟糯得黎有咬口湯底都好香 好濃郁 忍唔住飲多幾啖✨滋潤雪梨茶清甜得黎入面仲有粒粒梨肉 都幾好飲估唔到呢間小店野食咁出色 價錢唔貴 性價比高推薦煎餃必嗌 因為真係煎得好靚仔 另外記得要試佢地自家製既辣菜脯 雖然好辣 但辣得好過癮下次經過都會再黎試過💕

我一向都喜歡吃吃餃子🥟每次去到餐廳，如果見到有餃子🥟都一定會點黎試。今次行過見到有間餃子店，所以又同男友衝入去試下。白菜湯餃餃子餡料非常新鮮，白菜的清香與豬肉的肉香相互融合，口感豐富。餃子清淡不膩，非常美味。雙拼湯餃粉麵餐韭菜餃子+甘筍粉葛餃子韭菜新鮮，餃子皮薄而有彈性，每一隻餃子都很飽滿。另外一款較少見是甘筍粉葛餃子，餃子的餡料是以甘筍和粉葛為主要原材料，餡料呈淡橙色，散發出淡淡的甘筍香氣，口感細膩柔軟。配搭上海麵，真的令人回味無窮。不過份量比較少，較適合女士。

去葵芳有嘢買，順便係附近搵食。見到呢間食餃子嘅小店仲有下午茶餐（三點至六點），決定入去試試。白菜湯肉餃（$33）餃皮厚薄適中，餡料大量白菜，而且仍有少許肉汁，食落十分清爽。湯底係野葛菜生魚豬骨湯，生魚味好出但冇魚腥味，好飲。韭菜煎肉餃（$33）煎得好香口，韭菜配煎餃最夾，因為夠哂濃味，點埋辣菜脯，更加惹味。如果湯餃同煎餃二選一，我推薦前者。跟餐要咗凍滋潤雪梨茶，淡淡嘅清甜雪梨味，而且仲有不少雪梨粒。

第一次見咁樣嘅煎餃，形狀扁扁的，餃子皮對摺，有啲餃子唔埋口，用筷子揭起好似一個扇貝咁😂口感脆卜卜但食落有啲油溢味。湯餃就皮薄啲，透出餡裡面嘅顏色，唔錯。另外，杯羅漢果幾好飲，推介。

近排唔知點解迷上左餃子，不論朝早、中午、晚餐或者宵夜都成日想食宵夜，不過當然唔同時間就會想食唔同形式嘅餃子啦，個人最喜歡就係煎餃子同埋湯餃子，今日經過葵興做嘢，朋友就話呢間餃子店幾好食，餃子都冇味精，所以我就決定嚟試吓。呢度比我想像中地方大啲，都算坐得幾舒服，咁岩仲趕到下午茶，5隻煎餃加豆漿都係$35！今次要咗煎芹菜餃子，好足料，外皮炸得鬆脆，又冇味精，下次再來會想試埋甘筍沙葛肉餃。呢到一個店員一腳踢，收銀，樓面同廚房都係佢一手包辦，好犀利，雖然好多嘢做，但係都keep到好好禮貌，成日都笑面迎人，尊重尊重！食得出每一隻餃子都係用心機去煎，好有人情味！另外因為天氣太熱了所以最後都加多左一樽自製豆漿，等自己行返去地鐵站嘅時候可以飲。呢到啲豆漿好好味，有豆香。

上OP搵食先知「好味餃子」🥟係葵芳開左，位置近智芳街葵涌廣場對面，小店格局，內裏細細但乾淨企理。💰$26 野葛菜生魚豬骨湯出名，試左味濃但鹹左少少🤏🏽💰$37/6 粟米🌽肉煎餃大大隻，煎得乾身唔會油淋淋又夠香脆，餡料足💰$47 雲耳椰菜肉餃湯麵🍜+🥤湯餃都好鬼大隻，皮薄另外，鋪頭提供既豆豉菜鋪辣椒🌶️油，正呀，好香不過幾辣架。總結：葵芳餃子之選，性價比高，無論煎或湯餃都出色，值得支持！

間中都會行下葵廣買衫兼掃街，附近都有間食餃子都唔錯，起碼可以坐下，性價比很高～❥雙拼煎餃套餐 $35
揀咗粟米同韭菜味，煎餃金黃色，香脆可口非，皮薄餡嫩，內餡鮮美，香氣四溢～
❥自製豆漿濃濃的豆漿香味, 口感濃郁，營養豐富～❥ 胡麻醬滑豆腐 $20嫩滑口感，再配上特製胡麻醬同木魚𢇁，一試愛上～❥兩鎹車仔麵 $30
清清地食碗米線，食得出冇落味精～

餃子口味有7款，除了芹菜肉餃，我們以雙拼的形式點了另外6款湯餃及煎餃：。🌽粟米肉餃。🌾韭菜肉餃。🥬白菜肉餃。🍄雲耳椰菜肉餃。🥕甘筍沙葛肉餃。🌱芫荽肉餃(10隻雙拼:$49)(6隻雙拼：$39)。滋潤雪梨茶 ($8)↪️每隻餃子都好飽滿，餃子皮厚薄適中，不會一夾就散。個人雖然偏好湯餃，但煎餃煎得香脆，好香口，兩個都好好食。餡料方面，白菜及韭菜都正常發揮，粟米及甘筍餃香甜，雲耳椰菜爽口，最估唔到係芫荽餃，我平時麻麻芫荽，但食落又幾好食。原本湯餃是會附送野葛菜生魚豬骨湯，但當天已賣完，只有豬骨湯提供。自家製菜脯香辣爽脆，配餃子就剛點好。

好味餃子店 · 葵芳夜晚肚餓想食少少清淡野，決定嚟呢間位於葵涌運動場附近嘅餃子店。呢間之前都有幫襯過，因為見幾抵食而且幾好味決定再食！😋😋..✅ 湯餃雙併 (雲耳椰菜、甘荀沙葛) 🥟 $39呢個雙併湯餃有6隻。湯餃都算大隻，2款湯餃都食到應有爽脆嘅口感。入面調味比較淡，鐘唔鐘意因人而異，但我幾鐘意，因為食到餡料鮮味。湯底店鋪標榜無味精，幾清，整體唔錯😛..✅ 煎餃雙併 (粟米、韮菜) 🥟 $39呢份雙併煎餃都係一共有6隻，韮菜餃係我至愛，今次呢款都無令我失望，韮菜味香濃。粟米餃都唔差，餡料都幾厚身，大大隻，好食又抵食👍🏼

性價比高的餃子，物超所值的美食享受！這裡的餃子品種豐富，口味多樣，滿足各種味蕾。皮薄餡香，每一顆餃子都充滿了滿滿的誠意。新鮮的食材和精湛的手藝，讓餃子的口感獨具特色，令人回味無窮。不僅美味，這裡的餃子價格也相當實惠，讓你大快朵頤，不用為荷包擔憂。搭配上醋、辣椒油等調料，更是美味加倍。性價比高的餃子，絕對值得一試，讓你品嚐到物美價廉的美食之樂！

Always a fan of fried and soup dumplings!🥟Fried DumplingsI ordered two types, one with corn and meat filling, the other one with meat, lettuce and edible tree fungus.The dumplings were perfectly fried, with a crispy exterior that gave way to a deliciously savory filling. The meat pieces inside being juicy and tender, and the corn adding a nice crunch and sweetness to the mix. The dumplings were also generously filled. The fried dumplings with lettuce and edible tree fungus filling is quite nice

葵芳有間細細間既餃子店，餃子好味之餘，價錢又實惠，湯底又好味。舖仔細細，人手不足，所以用Qr code 落單。有煎餃，有湯餃，仲有湯麵。煎餃大約等10分鐘，咩餃出到黎都係金黃色，漲卜卜，賣相好吸引。如果驚熱氣，可以加自製豆漿或羅漢果甘草茶或滋潤雪梨茶去咗幾次，最好食嘅top 3 係韭菜餃，白菜餃，粟米餃，因為個招牌野葛菜生魚豬骨湯，所以私心推介湯餃加埋辣嘅菜脯，香辣惹味另外可以買生餃，返屋企自己煮，都一樣甘好味

以前喺長沙灣番工，成日都好中意去好味餃子店食湯餃(ㅅˊᵕˋ*)得悉葵芳開了分店，當然要去幫襯一下🥰/🌟湯餃子 雙拼細碗(6隻) $39貪心的我們叫了兩碗雙拼湯餃，一共試左以下三款餃子：🥟韮菜肉餃🥟芫荽肉餃 🥟白菜肉餃餃子每粒都漲卜卜，皮滑溜、厚薄適中；餡料飽滿而且調味恰到好處，可以吃到豬肉的鮮甜和香甜清爽的蔬菜，也是我喜歡的多菜少肉比例ჱ̒⸝⸝•̀֊•́⸝⸝)/湯底的野葛菜生魚豬骨湯濃郁香甜，我和老公都喝清光，而且喝完也不怕口渴，相信是天然無味精.ᐟ.ᐟ/⭐️煎餃子 單拼(6隻) $37煎芫荽肉餃外皮金黃香脆，入口唔算油膩；特別推介他們的辣菜脯，辛香爽脆，與餃子同吃惹味倍增(⁎˃ᴗ˂⁎)♡⤴︎⤴︎/⭐️涼拌雲耳 $22雲耳份量超多的，酸香爽脆，令人胃口大開/⭐️滋潤雪梨茶(熱) $8久咳的我們還試了滋潤的雪梨茶，甜度適中，喝完喉嚨真的有被滋養的舒適感💛🧡/吃了這麼多🫣二人消費才$145，非常抵吃！而且環境舒適、乾淨企理，誠意推介給附近的街坊；又或者路經葵廣行街，也可以來試試清淡健康又美味的餃子🫶🏻

次次想食餃子都會食好味餃子😭平時食開荔枝角分店，宜家葵芳都開埋，係葵廣掃完街唔夠飽就會黎好味餃子加餐😋🥟最緊要一定好味唔會中伏🤣.好味餃子食親每粒餃子🥟都超大粒，餃子皮勁到煙韌，肉餡飽滿緊實超正💯無加味精嘅野葛菜生魚湯次次飲曬成碗都覺得唔夠🤭.✅韭菜肉餃韭菜足料味道濃烈！啱曬重口味～（食完口氣較重，重要場合唔建議食韭菜哈哈哈✨.✅芫茜肉餃我超鍾意芫茜🤣芫茜肉餃係我每次必食🤭.✅雲兒椰菜餃鍾意爽脆口感嘅就最推薦尼隻💯雲耳+椰菜嘅搭配真係無的輸！食完嘴巴都唔會有特殊味道🤣.✅必食辣菜脯🔥

💫第一次食呢間餃子店喺長沙灣，原來喺葵芳都開咗分店，講明食物無落味精，絕對係性價比高嘅健康之選。🌟震店之寶有野葛菜生魚豬骨湯，每天新鮮熬制4小時，不含味精，可養陰清熱降火；而招牌餃子有7款可以選擇，煎餃子加粉麵另加$16，而湯餃有抵食之選餃子粉麵套餐。🥟煎韭菜肉餃 $37- 6隻，煎餃皮薄酥脆，咬開有肉汁，配埋自家製菜譜辣椒油更加惹味。🥟餃子粉麵套餐 $47可自選五隻湯餃子+粉麵+自製豆漿或羅漢果甘草茶或雪梨茶，雙拼餃子另加$2，粉麵可選：粗麵！幼麵/油麵/米粉/米線/上海麵，湯底鮮甜濃郁，餃子多肉汁配埋爽甜鮮粟米粒，味道清新，營養價值高。🍐滋潤雪梨茶跟餐嘅飲品都好有心思，雪梨茶非常清甜，有粒粒果肉。🌶️麻辣腎片 $28雞腎份量多，性價比高，爽口有嚼勁，開胃美味。💁🏻‍♀️餐廳亦有賣生餃，每打$45就可以把滋味帶回家～