好好肥牛雞煲店

營業中

休息中

佐敦好好肥牛雞煲店好好肥牛，就係我地一班人長期聚集嘅打躉地，侍應服務超好，會介紹好多菜式，勁friendly !! 飲飽食醉一流·麻辣雞煲香辣十足，雞肉鮮嫩，搭配嘅香料味道濃郁，辣得來又唔會過火，非常開胃· 肥牛肉質鮮嫩，油花分佈均勻，煮熟後口感滑，搭配麻辣雞煲嘅湯底，爽· 招牌炸響鈴拼魚皮拼盤嘅炸響鈴酥脆可口，魚皮更係香脆，兩者搭配得恰到好處，作為小食或者開胃菜非常適合，係特別菜品，平時出面好難食到呢隻味！整體來講，呢幾道菜嘅風味十足，適合聚餐或者與朋友分享，推介！

3月3O日復活節長假第2日，揾食肥華，心血來潮，臨急臨忙，揾細仔仔及佢女友，晚上出嚟，陪肥華及靚媽，打邊爐，是晚細仔仔女友推薦到呢間，位於廟街尾，並不顯眼啲火煱店，用饍，當然要食此店招牌名物，肥牛拼盤，以唔使$4OO就食到，呢個有不同部位嘅牛肉和份量亦足，嘅牛拼盤，可說是，好食，抵食，至於其他，火煱配料，豬腰，竹笙，豬肚，鵝腸，脆鲩，水魷和菇類及蔬菜食品，都喺坊間一般火煱店質素，若同個肥牛拼盆，質素及價錢相比，呢啲火煱配料就偏貴，若肥華翻啅此店火煱，都喺為咗此店，嗰個鎮店名物， 牛魔王手工本地肥牛拼盤，而來‼️

Le間醉雞湯底邊爐力推！！響鈴新鮮即炸, 雖然浸湯食好味, 但點雲吞甜酸醬都一流!!魚片新鮮爽脆, 好味手切肥牛 都好新鮮。雖然牛有dd貴, 不過份量同質素加埋係覺得值ge。牛筋丸雖然未係我食過最好味ge牛筋丸, 不過都好好味。墨魚滑都好彈牙d雞就算食到最尾都好滑。豆腐, 娃娃菜索哂d醉雞湯真係好正。每次打親le個邊爐都唔捨得加湯, 要食到最後湯底當湯飲,, 好甜好好味。le間打邊爐依然係我首選無得輸

同朋友已經幫襯過幾次，今次再同幾個朋友嚟，大家都讚不絕口，特別係象拔蚌牛頸脊，如果冇人仲可以坐耐啲，而家打邊爐周圍都限制時間食到趕頭趕命，真係值得一讚👍👍另外墨魚丸同埋炸韭菜餃炸粟米都好出色

🍲打邊爐好難做得樣樣都高質素！但當然都唔平啦🫣主打做本地既肥牛！想講牛味重+脂肪分布都好靚⸝⸝‪⸝♡食完係唔敢相信我地再encore仲食得晒咁大盤牛肉( °‪꒳​° )食材全部都勁新鮮！油炸小吃酥脆香口(๑˃ᴗ˂๑)人愈邊爐放題愈滿足唔到個胃了～ㅋㅋㅋ✨Ordered:· 象拔蚌刺身·響鈴✨推‼️新鮮炸！就咁點醬汁都勁驚喜( ˃ ᵕ ˂ )· 炸韭菜餃· 炸蝦餅· 鵝腸· 手切本地肥牛腋🫶🏻推‼️‼️· 蝦蝦蝦！上碟個陣仲喺到郁架勁生猛！· 椒鹽超甜粟米🌽真係超甜⸝⸝‪⸝♡· 豆沙鍋餅！！（唔太甜的～食到飽飽都仲塞到幾舊落肚）其實仲有嗌左好多好多款食物！**但不得不讚所有食材都真係好新鮮！ 一班人又有budget既可以黎TRY TRY!

呢間邊爐已經去過幾次，次次水準都keep到🤤 由湯底到配料再到小菜都無失望過🙈今次試咗海底椰雞鍋底🥥🐔 湯滾咗之後先至落雞件，幾分鐘之後再熄火焗3分鐘👀 啲雞滑到不得之了，而且一啲都唔肥，啖啖肉！湯底有椰子嘅清甜之餘，仲非常之Creamy 👅👅 要小心未開始打邊爐就清晒成個湯底🫣今次想試多啲唔同牛嘅部位，就叫咗🐮牛魔王手切本地肥牛拼盤。💁🏻‍♀️如果唔係就可以嗌極品本地肥牛～都好正！椒鹽炸粟米🌽都係老闆推介之一！其他地方都比較少見😆 上碟嗰陣時已經切好晒一條條，係方便入口嘅size💜 好貼心💓 粟米唔會炸到好乾，食落粒粒都仲好飽滿香甜！配埋椒鹽炸蒜一齊食💯💯酸薑皮蛋🦆🥚都係我每次黎必點之一！呢度酸薑係用日本子薑嚟醃，食落好清爽一啲都唔死辣🫶🏻 加埋糖心皮蛋，簡直就係perfect match💕仲叫咗好多野😂不過掛住食無影相🤪你地都快啲嚟試吓啦

其實本身朋友約咗佢班fan食飯，係我多口先有得跟埋去，好彩多口問句姐😜先食到啲咁好食嘅嘢😋坦白講打邊爐我真係麻麻哋，其實已經比以前好，因為我覺得打邊爐好快食到好飽。 但係今次感覺好唔同，我哋先係食咗啲富貴刺身先（又唔知乜魚嘅刺身同埋龍蝦刺身）超級鮮甜，龍蝦仲要係粉紅色（朋友話好彩先至係咁㗎，萬中無一粉紅色）跟住就開始打邊爐部分，先係有專人幫我哋灼一下啲大聖子，原來灼幾下就可以食㗎啦，鮮甜無比，平時自己唔識啲肉灼到鞋晒先攞上嚟食，嘥晒啲嘢。接着來老闆就教我哋先飲兩啖湯。因為吸收咗本身娃娃菜同粟米嘅甜，再加埋灼完聖子嘅鮮，令到啖湯都超級甜。之後繼續淥啲牛/菜/手打丸等等。除咗打邊爐之外，我哋都叫咗一啲熟食，亦都係店裏面推介嘅 包括有炸韭菜餃（juicy)、響鈴(千祈唔好放咗學去打邊爐）椒鹽白飯魚。全部都好出色基本上都已經好飽下，最後壓軸就係將之前龍蝦刺身嘅龍蝦腳龍蝦頭煲咗一煲大碗粥，加埋胡椒，又係好鮮甜。每人淺嘗左一細碗，仲有兩大兜可以攞走。原來仲有甜品可以任叫包括有桂花糕同埋即叫即炸豆沙鍋餅。本身我個人喜好唔鍾意桂花糕呢類質地嘅物體，所以我比較傾向豆沙窩餅。 果然即叫即炸熱辣辣特別好味，

都有二，三個月冇去好好肥牛度打邊爐，確實越來越難即日book位，如果大家玩即興就可能要有心理準備，隨時令你失望，白行左二轉，所以我今次好醒目提前二日訂枱話時話D食物質素keep得住，龍蝦同象拔蚌都係好新鮮，真係清甜佢哋嘅生牛肉刺身冇得輸，因為佢哋用洋蔥放底，食嘅時候夾埋一齊食更有口感，尤其佢哋自家整的醬汁真係绝配必定推介芝心牛肉丸，真心講芝心系列之中最正一定係配牛肉丸或者可以考慮羊肉丸，但配其他蝦丸或墨丸就真係一般。湯底每次都係揀冬瓜魚肚瑤柱湯，真係好足料之餘仲係好好飲，D瑤柱好多好鲜甜，正……不能不提佢哋嘅特级脆骨腩比起一般火鍋店真係特別貴，但講真真係值，因為真係特別脆，唔怕彈崩牙就一定要試希望大家去完呢間火鍋店都分享一下，等我下次又可以試下你地嘅推介，開心share

朋友帶我到好好肥牛雞煲店打邊爐🫕，位於佐敦廟街286-298號地下D及E舖。 他們經常來這裏，小店平日都坐滿客人，非常熱鬧。 首先食龍蝦刺身🦞， 肉質鮮甜美味， 非常新鮮😋。 之後可以龍蝦二食，龍蝦泡飯香濃好味，鮮味十足🤤。 打邊爐湯底我們點椰子雞煲， 雞肉入口嫩滑。 火鍋配料有肥牛、 日本廣島蠔、 白鱔片、魷魚片、 無骨脆鯇魚片、 鴨血、 響鈴、豬潤、 牛骨碎、韭菜餃和通菜。每款都很好吃， 我推介肥牛， 入口鮮嫩。 豬膶入口爽口，又粉嫩。日本廣島蠔肉滑鮮甜， 肥美飽滿。 最緊要記得點響鈴， 非常鬆化的。 小食有酸薑配溏心皮蛋、 椒鹽超甜粟米、 香煎蝦餅、 雞腳和酸木瓜。 甜品有桂花糕和豆沙鍋餅， 豆沙鍋餅口感很香脆。 小店真材實料， 回頭率高😊。   

你鍾唔鍾意打邊爐？如果你鍾意，一定試吓呢間火鍋店！！ 真係好正！手切本地肥牛腋拼牛頸脊 (大) $307 兩個部位各有特色。左邊深色啲嘅係肥牛腋，肉味重啲，亦都好咬口啲，淥7秒鐘就食得。右邊係牛頸脊，好淋，好重牛油味，雖然未去到入口即溶咁誇，但真係𡁻兩下就無左，剩番陣牛肉味喺個口度！以前淨係識嗌牛頸脊，但其實食多幾舊都好漏，所以老闆就介紹我哋雙拼，一雙肥啲，一隻好牛味重啲！你對牛肉有咩要求，都可以同老闆講，佢會介紹正野俾你！！鮮炸響鈴卷 $55市面上好多新鮮炸響鈴，但真係無佢咁出色！個響鈴上枱嘅時候，入面係熱到出煙，可以點個甜酸汁食左先。記住！小心熱！響鈴成舊野都係酥架，連入面個心都係同一口感！你大力啲夾佢都會斷。完全無油溢味，只係得豆香同油酥香！先食一舊點甜酸醬，之後攞黎點湯底。我會建議第一舊點1,2 秒就拎番上黎，你可以食到響鈴嘅香酥。第二舊就4,5 秒到，等個響鈴可以索多啲湯，又係另一種軟淰嘅嘅感覺！平時響鈴係打邊爐最易放棄食物，但呢碟你絕對唔會捨得😂😂😂😂 打邊爐最怕見到咩？咪就係丸同餃囉。但好好嘅丸同餃都好出色，記得搵有自家製就唔會中伏！自家制鮮牛筋丸 $78彈牙到可以打乒乓

我有跟朋友食過的覺得很好😋今日仔仔生日🎂所以帶同仔仔表哥老公一齊去食冇令人失望一直都係咁好味重點推介個牛魔王係本地肥牛真係冇得輸好正好好味😋👍🏻脆肉鯇魚片冇骨鯇魚腩又脆很多後生仔都唔會食魚片的因魚片點都會有啲骨我食過呢個真係冇骨👍🏻所以我推介他們試試試過後都話真係冇骨好好味😋仲有脆響鈴很好味即炸點酸汁一流老闆員工都很好👍🏻介紹的食品都很好味👍🏻椒鹽粟米🌽👍🏻桂花蚌好爽脆😄豬潤師傅處理到好爽滑👍🏻今晚樣樣都好好味各人都開心滿意😋

經朋友介紹Book咗依度打邊爐🍲.上星期五晚食 爆場想嚟食 最好提早book位.今次嗌咗小辣重慶雞煲🌶辣度麻度都啱啱好個人覺得香料味唔太重可以重少少雞比較細隻 肉量較少但係肉質唔錯 唔會老.另外有試過花雕醉雞🐔草藥湯料好足可能因為用湯水煮雞肉更嫩滑中意中式口味火鍋 可以試試.火鍋食料可以免費雙拼少人食嘅話肉類 蔬菜都可以拼 勁親民.手切新鮮肥牛手切肥牛腋牛肉新鮮 唔係冰鮮肉脂肪比例平衝厚度適中 口感非常好 必點.必點推薦-炸物大部分炸物即點即炸 上菜時熱辣辣.炸韭菜餃🥟真係外脆內軟有足料韭菜加上肥嘅豬肉碎粒真係又香又脆.椒鹽粟米🌽外層香脆加上爆香過嘅椒鹽鋪面好味過火鍋料粟米.炸響鈴🔔即叫即炸 加秘制醬汁兩種食法可以即食同做火鍋料.價錢公道4個人食到勁飽 都係3百幾/人推薦

朋友約去廟街食雞煲火鍋, 第一次去廟街食飯, 令我對廟街改觀了 。因為冇預早訂枱，而且多數都係大枱，我們二人被安排搭枱。 但店內乾淨企理接受嘅， 餐前小食每枱都有川椒雞腳，呢個比較特別。 雞煲選擇唔多只有重慶麻辣雞煲同醉雞鍋，無辣不歡嘅我當然係揀咗重慶麻辣小辣小麻，但係想不到嘅驚喜，愈食愈辣，配菜亦都好豐富，可以選擇豬皮，豬潤...還有其他選擇。食完雞煲可以再加湯底打邊爐，但係我哋見到有好多唔同嘅邊爐湯底，最後我揀咗杏汁豬肺湯，湯底除了豬肺，排骨外，另外有菜膽同粟米, 真材實料,好潤肺。 牛肉好新鮮，好多選擇，鍾意食牛肉嘅一定啱。店員好細心見到我哋兩人食, 建議有些配菜可以半份 order。價錢公道，最後我哋兩個都食得好滿足。

雖然好熱但打邊爐真係有佢嘅吸引力。🤣🤣今日二條友叫得唔多嘢，必食嘅牛肉梗係有order啦，牛肉味重，肉質林，有口感例牌嘢炸魚片，有誠意番炸左先上碟，冇油益未，脆嗰碟豬雜正呀，黃沙潤腸粉腸，豬腰，豬肚，正。好爽，好滑唔新鮮嗰D會啞色嫁。脆骨腩堅脆，次次都會叫老闆每次都會熱情招待，仲次次送甜品-豆沙鍋餅(唔好太甜，甜度剛好，不過大家要小心燙咀呀。

傳統的火鍋店🍲甚麼也不用花巧，只有真材實料喜歡這裡的溫暖，從老闆到店員的親切，令人舒服，必再光顧開胃菜有久違了的酸木瓜，小食點了炸魚皮拼響鈴、炸蝦餅（全部即叫即炸再加秘製醬汁）火鍋底是海底椰雞湯底（老闆千叮萬囑湯滾後放入鮮雞，4分鐘後熄火，再浸數分鐘，雞肉鮮嫩）象拔蚌刺身、雪花肥牛腋（滑到不得了）自家製菜肉餃拼鮮蝦雲吞鮮甜小花竹蝦、桂花蚌、萵筍、最後再落鮮豬肺（爽甜）豆沙鍋餅簡單的一餐，與友暢談，4人飯局，實在開心😃