好川好菜 (已結業)

咪尖沙咀搵嘢食嗰時，發現有個好熱情嘅侍應喺街邊一個幾隱蔽嘅大廈門口同途人sell佢間餐廳。💁🏻 於是我就上咗去試下嘞。⁣⁣😅⁣⁣煮酒論英雄－美國桶蠔（$198）⁣【好味度：7/10】⁣⁣⁣⁣⁣⁣⁣⁣⁣⁣⁣⁣其實呢一個即係辣酒煮蠔。😂 嚟到嘅時候係成鍋上，更加點上明火keep住熱，更加霸氣。🔥 辣酒嘅味道就係香辣之中不乏酒嘅甘甜。🤓 而美國桶蠔當然少不了肥滿同juicy。😚 最啱餸飯。🍚 鍋入面嘅配料仲有啲蒟蒻、青瓜同蘿蔔條。🍲 最尾，等個啲配料亦都吸收晒充滿鮮甜蠔味嘅辣酒時，先食佢哋就特別美味。😉 最後都忍唔住飲多幾啖充滿蠔味嘅辣酒湯。⁣⁣🙈⁣⁣四川風味清涼冰粉（$38）⁣【好味度：7/10】⁣⁣⁣⁣⁣⁣⁣⁣⁣⁣⁣⁣食完辣野，最好食番碗冰粉。😗 食幾啖真係即刻解辣。☺ 佢入面仲有淡淡嘅桂花香同埋杞子粒。🥰 喺夏天食完真係透心涼。⁣⁣🥶⁣⁣食完之後，開頭果個熱情招待嘅服務員話佢之所以畀咁熱情嘅服務，都係因為佢自己去餐廳時都會想有熱情嘅款待。😯 呢種服務業嘅精神喺香港真係好可貴。👍🏻

There are lots of Sichuan Restaurants in TST but this one was close to the MTR station so went there as it was raining.Previously, this spot used to be Old Beijing so the decor is much the same but changed to a different style.I liked their menu as it was digitalized so you can just tap what you want and submit.The menu is available in English and Chinese with pictures.Additional requests can be made:Started with the dandan noodles which were rather fiery.The noodles they use is very different a

好耐都冇食過四川菜，耐唔耐冇食川菜嘅話個口會好痕。梗係想食啲辣野過吓口癮。首先我一嚟到即刻叫咗個甜品，係酒釀丸子，以前喺上海成日都食，依家嘅味道唔算特別正宗不過掛住嘅話食落去都幾正。另外都叫咗兩個湯，一個係大力湯，一個係雞骨草。兩個湯都煲得唔錯，價錢只不過係$58一碗，用一中一中咁樣燈出嚟，有淡淡的藥材味我幾鍾意。另外超級值得推介嘅係佢哋嘅酸菜魚 ，可以揀桂花魚或者龍躉。鍾意食嫩啲嘅魚嘅我咁梗係揀咗酸菜魚桂花魚啦。酸菜同埋辣嘅味道啱啱好，唔會太酸亦都唔會太辣。$328大大份都幾抵食。

餐廳共有兩層 裝修古色古香 有一種好似穿越古代嘅感覺若果大夥兒聚餐 建議可以 book vip房， 只要消費滿$6800(大房) 有得打麻雀，單房$2800大至可以容納12-14位這裏是以川菜及私房菜為主打 落單係用平板電腦 非常方便而且圖文並茂 價錢清晰若果想食私房菜的話一個價錢人頭計 可以慢慢同餐廳職員詳談食物款式巴蜀香辣蟹(小)$368這個是餐廳的招牌菜 必食推介 味道是由廚師秘製的 出面根本冇辦法食到 味道惹味 香辣 不搶喉蟹肉新鮮 肉質相當紮實 而且鮮甜， 兩個人食嗌咗隻細嘅蟹 但係佢隻鉗已經有我手板咁大 淨係中間嗰嚿肉 已經填滿我成個口腔 大滿足水煮魚春魚鰾煲$168客人可以隨著自己嘅個人口味 選擇bb辣至到大辣都可以，濃烈又正宗的麻辣香味， 集合咗麻、辣、鮮、燙！魚鰾好重膠質 又厚又鮮嫩 鍋下仲有大量配料 包括蔬菜，大豆芽，紅薯粉，魔芋等…… 水煮汁根本就係成個菜式嘅靈魂 所有配料吸收曬湯汁嘅味道 個人愈食愈激動 個頭都開始想出汗 好味到停唔到口川味酸辣湯$48碗 味道酸酸咪咪又帶點微辣 是非常開胃的 而且餐廳落足料 有木耳絲，金菇絲，芋絲，鴨紅……口感一流 最鍾意木耳絲

好川好菜，唔知係咪真係好好嘅川菜呢。呢幾年越嚟越鍾意食四川菜，好大部份都受大陸嘅影響，我特別鍾意食酸菜魚，咁岩係尖沙咀返工嘅時候係呢間新餐廳食過佢哋嘅午餐覺得真係唔錯，所以今日帶埋兩位老人家過嚟食。老人家最鍾意飲湯，先叫咗個雞骨草羅漢果湯俾佢，另外都叫咗一碗牛大力土茯苓湯。兩個之中我就比較鍾意雞骨草味，可能平時飲得多雞骨草啊不過未試過飲佢嘅湯。感覺都好特別甘甘甜甜咁，特別潤喉。另外都強烈建議大家試吓佢嘅話梅豬手，我就未食過話話梅豬手，係偏甜少少嘅豬手但係又酸酸地超級開胃。我哋四個人每人食咗一兩夠之後完全覺得唔夠想繼續食落去。之後叫咗個酸菜魚328超大一份入邊有好多酸菜，桂花魚都好新鮮。同大陸食嘅都冇乜分別如果好掛住食酸菜魚嘅不妨過嚟試吓。

喺街外面已經見到佢古色古香嘅招牌同外牆裝修，啲杯杯碟碟都好有川菜風味，枱面仲有一壺烏龍茶，淡淡的烏龍味，好香但唔會過濃。-涼拌酸辣土豆絲 $68朋友仔唔食得太辣，所以今次冇乜點叫水煮嘅菜式，主要都係酸辣為主。土豆絲爽脆，唔會炒到糊；味道偏向酸多啲，唔會太辣，做前菜開胃岩哂。-話梅豬手 $88份量都幾多，話梅炆得好入味，仲有好多話梅肉添！平時豬手食得多會覺得膩，但因為話梅酸酸甜甜，去除左油膩感，所以同朋友傾下傾下都清晒碟豬手。-重慶口水雞 $168係惹味版同再辣少少嘅譚仔口水雞，雞皮爽滑彈牙，雞肉味濃，唔會比口水汁搶味，送飯一流。

行過見到呢一間川菜館新開業，咁梗係第一時間去試吓啦，佢個裝修好古色古香好，呢度係用電子餐牌嘅，自己落單又真係幾方便，而且仲有午市套餐，見到款式都好多，價錢都公道, 我哋就決定揀呢個午市套餐啦回鍋肉🍚🍚雖然係午市套餐，但係碟餸都好大碟，而呢個回鍋肉煮得好好味，香辣而不油膩，除咗個回鍋肉好味之外其他嘅配菜都好入味，用來配飯最好豉汁蒸黄立倉🐟🐟我覺得食魚健康又唔肥，而呢個黄立倉都蒸得唔錯，魚肉滑, 豉汁味好香，都係一個令你想添白飯嘅餸菜川滷鵝掌翼呢款涼菜最啱一路傾計一路食，掌翼都炆得好入味，而且唔會韌或者鞋口，咬落去充滿滷水嘅香味，我覺得頗有水準👍🏼👍🏼

裝修有型一杯好烏龍茶講究壁畫以花和古村屋作背景結果我食左一餐有如在大陸食的川菜辣到通天他們的小菜午餐68$一個我是食家立即意識到水煮牛肉一定最大碟最抵吃點知真係大到個碗足9寸蒜蓉多到大貪如在下都覺得夠內有大量椰菜片大豆芽牛肉約一個人份不致蝕本但青蔥段薯粉條芋條多樣化又多量食到笑雖然係勁辣要搵個碗仔盛住隔一陣下的辣湯先至食到碗送的例湯都幾誠意青紅蘿白我的見不到豬骨但味清甜濃郁我碗白飯高如小山丘可惜上桌時冷了相當遺憾這午餐更送上凍汽水一罐其實今天是因為他們沒有鱸魚不然的話我應該點鱸魚照片中鱸魚做到出奇地美

今日晏晝去咗尖沙咀食午餐平時鍾意食麻辣嘢嘅我今日又揀咗間川菜做午餐佢喺地鐵站行2分鐘就到超級方便 啲嘢仲好抵食一個午餐都係$68 我哋就叫咗兩個一個係回鍋肉另一個係傳統血旺 雖然佢個午餐唔包嘢飲但係佢包餐湯今日係蓮藕湯 佢個湯超濃味超入味跟住佢碗白飯 我諗一個男仔都唔會食得晒係超級大碗佢啲餸都超大碟同超大碗 根本就係同平時正常叫嘅份量一樣 一啲都唔似午市嘅份量 就算你有幾大食都一定食得飽 佢個回鍋肉炒得好香好入味跟住佢啲豬肉大小啱啱好 血旺超級大碗啊 一個人肯定食唔晒佢裏面超多料 有魷魚午餐肉薯粉木耳魔芋同埋血旺 麻辣到啱啱好唔知佢有冇得俾你揀啦但係我覺得岩岩好

中午想吃酸辣粉，问楼下的sales有没有酸辣粉，她说有，我才跟着上去。结果上去等服务员给我菜单等了十分钟，点完酸辣粉等了五分钟，跟我说没有酸辣粉，只有换担担面。等了三十多分钟，一碗面都没有上，期间服务员一直跟我说，马上就来，再等一分钟。一直等到了一点三十分，结果什么都没有。我一开始就说明了是赶时间，期间服务员没有任何解释，一直让我等，骗我说马上来。后来我生气了，问她到底还会不会上？态度极其差，装作没听到，我在桌子旁边站了半天没人跟我说明一下我到底还要等多久，反倒是对后来的外国游客非常殷勤。最后又等了五分钟，一碗面还是没上，我说我走了，服务员就冷眼看着，从始至终一句抱歉都没有。关键是，一共就两桌客人，生意并不好，为什么连碗面都做不好？

本身好中意食川菜嘅我,見到新開嘅川菜,緊係要去試下啦一入去成間餐廳都係中國風嘅裝修環境寬敞 熗炒萵筍,味道岩岩好 唔會太油但個人比較食得辣 如果可以再辣少少就好了咕嚕肉冇諗過食川菜嘅餐廳嘅港式小炒如此出色外脆內軟 配白飯一流干鍋田雞呢個田雞我重點推介我好中意返大陸食干鍋田雞呢道菜有大陸嘅風味 田雞火喉控制好重要 炒得耐就會老佢地炒得幾好 肉質夠嫩滑夠香夠麻辣地獄辣子龍鳳配聽個名咁出色 即管嗌來試下係辣子雞加蝦球雞肉唔會好乾身 整得來講唔錯最後到酸辣粉 38蚊好大碗3個女仔除左白飯之外仲share呢碗粉酸辣粉都有大陸食到嘅味道酸度同辣度都岩岩好不過略嫌麻咗少少 如果冇咁麻就好了整體來講 呢間川菜真係唔錯可以再同朋友來試埋其他菜式

朋友介紹嘅「好川好菜」環境幾好，有獨立房，成班人幾嘈都得，冷氣又好夠，食到成身熱辣辣...正我哋1⃣️1⃣️個人一黎就點左2⃣️2⃣️個餸，個個都食到讚不絕口👍辣味啱啱好...前菜點左川北涼粉、雞絲粉皮、夫妻肺片、青花椒口水雞🐔，值得推薦，來的朋友可以試一下⋯熱菜點左傳統毛血旺、酸菜桂魚、川辣回鍋肉、水煮牛柳片、辣子雞丁...仲點左好多，每個餸都色香味俱全...絕對值🉐️再黎，今次係同同事來食，下次帶親朋戚友來光臨