好彩海鮮酒家

營業中

休息中

等了很久....老公才有空跟我飲早茶! 今朝唔敢再食馬拉糕....好似好肥, 所以叫咗啲平時唔多叫既點心!健康南瓜腸, $10, 例牌皮薄, 不過, 南瓜蓉當然無叉燒好食啦!素什菌腐皮卷, 中點, $12, 比一般腐皮卷無咁多獻汁, 我食咗兩條!溫公齋粉包, $10, 唔錯, 以為粉包出面有好多南乳汁, 原來個餡有, 一啲都唔油, 又有腸粉皮食, Gd!叉燒包, 夠哂熱, 叉燒餡好味!甜菜肉片煲仔飯, 梅菜夠多, 一煲只賣十幾蚊, 好抵!埋單連茶錢 $68, 抵食!

老公今日休息, 好耐無飲茶(其實都係兩個幾星期), 於是食個 brunch!西洋菜雲吞, $8/5粒, 記憶差咗....上次叫過唔好食, 今次唔記得又再叫....不過, 今次無咁實, 而且個湯好多芹菜粒., 幾香!叉燒酥, 小點, $9, 老公至愛, 以前成日叫...後來愈整愈差....無叫一排...又再試叫, 夠熱, 皮唔夠鬆化!雞包仔, 小點....突然俾我發現馬拉糕既卡路里好高...於是唔敢再叫, 雞包仔個皮好軟熟, 唔錯!馬友肉片煲仔飯, $13, 好抵食, 馬友香, 肉片嫩, 不過, 啲反有時有焦, 有時無...有時太燶, 希望廚房可以留意下!蠔油鮮竹卷, $8/3件, 汁濃, 夠味!冬瓜炆豆腐, $8, 冬瓜夠味, 豆腐都幾滑滑!茶就 $5.5/1位....成餐飯 $79, 都算好抵!

其實我喺荃灣住咗好多年,去好彩海鮮酒家飲茶都不知幾多次,佢哋啲點心好食就出曬名,早茶優惠時段又好詆食! 有一晚就同咗屋企人一行九個去食晚飯,一上到去七點半,眼見只得四五圍枱,都覺得有啲奇怪,一心想食好一啲,就叫左個一千六蚊嘅八人魚翅餐, 味度都幾好,但係就極度失望,因為份量小到五個人食就差唔多,雖然有兩條小東星班同每人一煱翅仔,但係果個翅重衰過啲碗仔翅,啲翅小到數得出,個waiter重叫我哋order多一個,因為我哋有九個人,好彩無叫到,因為要成百蚊一碗仔. 最後我哋重要額外叫多四個餸先叫做啱啱夠食,有個穿黑色西装嘅部長(四眼白白地小肥)態度又差,唉,真係有啲趕客. 最激氣就係最後送糖水,因為我哋叫八人餐,但係有九個人嗎! 食成二千蚊嘢,比多碗糖水都得啩……真係無下次! 唔怪得啲人去曬稻香啦!!!

好少一點幾係度食中午飯, 二人叫咗晏晝開餐孖寶, $58, 有明爐蜜汁叉燒一碟, 迷你什菜煲, 兩碗白飯/檬粉, 叉燒好 juicy, 暖暖地, 又腍 (不過暫時係西苑好食啲), 迷你什菜煲有小棠菜, 菜芯, 油麥菜, 粉絲, 份量唔少, 呢個餐幾抵食! 另叫咗兩個點心馬拉糕同芥菜餃, 不過個餃黎咗咩莧菜餃, 麻麻地, 因為個餃唔係太飽滿! 馬拉糕唔駛講梗係好味啦....隔離十人枱都叫咗四籠!

Long weekend....好耐無同老公飲茶, 聽日唔得, 母親節必定人山人海, 今天下午要開工, 早上嘆個茶先!雞包仔 - 細細個, 包軟熟, 雞肉餡夾埋冬菇, 幾香!叉腸 - 水準保持, 皮薄!懷舊馬拉糕 - 亞姐放下點心時都話呢件靚, 真係鬆得黎質感又唔會太輕飄飄!特價點心有西洋菜雲吞 - 五粒細細粒, 無乜菜味, 夾雜冬菇同肉, 包得死實, 麻麻!馬友肉片煲仔飯 - 平時食覺得無咩飯焦, 今日呢煲又太燶, 不過, 馬友就真係幾香!五個點心連茶錢都係 $74, 好抵食呀!

繼續有營餐, 是晚老公叫了一條東星斑仔, $208, 炒菜心, ~$50, 少油少鹽, 條魚細細條, 俾我揀....我會覺得以這價錢當然是黃腳立會好食, 不過, 呢度食得幾舒服, 菜就唔錯, 因為真係少油少鹽, 白飯, $8, 壓得好實, 我盡量都食哂唔好浪費!

(5/4/08)十點,六人枱等了20分鐘。第一時間點了懷舊馬拉糕,雖然不夠鬆軟,但已不多地方用片糖做馬拉糕架喇,食下止止引。葡汁鮮竹卷,原來用葡汁配,係咁好味既。炒米粉x2,幼細軟熟。藕餅x2,又一甘香之作。銀杏白粥配炸饅頭、潮州粉果、糯米包、涼瓜蘿蔔絲薄"餐",粉槳佔85%,唔得。久杞肉丸魚片鯪魚球小窩粥,餸少粥多且綿,夠晒醫肚。好彩既野,係幾好食o既。

飲茶...我始終都會揀好彩, 合理價錢, 食物又唔錯! 今日成兩點先坐入去...平日既特價點心..當然沒有了, 今天小點也要$13.8, 可以接受吧! 不過, 平時愛吃的傳統馬拉糕最平, $9, 又平又好食, 老公居然選了煎年糕, 沒有用上雞蛋, 很軟熟, 唔過油, 好好味, 叉腸, 軟滑, 叉燒包, 多餡, 夠熱, 冬菇豆苗燒賣, 只有兩粒, 連個餡有好多豆苗, 有咬口! 最後叫多個甜品- 杏汁湯圓, 杏汁唔夠濃, 湯圓餡唔夠多, 甜品唔係酒樓既強項! 呢間好彩最唔好既係位置處於二樓, 又無電梯, 行動不便就比較麻煩!

本人同家人一共十九人去好彩到食晚飯.之前去過其他的酒樓,通常都要開2圍坐或給你一張不足夠的枱你坐,坐得辛苦之餘又氣頂.環境但好彩就就比到一張大枱我們坐,舒服之餘服務生可以可到d角位.照顧到每位食客的需要.味道食品方面,一家人都覺得非常美味,而且份量又足夠,肯定時前做過不少功夫,廚房對每樣食物都做得用心,每們每碟東西都能食光.服務全程有一個服務生專負責照顧我圍枱,換生都3次咁多,另外叫酒水都好快來到.抵食我本人覺得好抵食,因為味道好,服務又好,環境又好,每位家人都好開心.(之前去的有名氣酒樓實在有太多不愉快經驗勒)乾淨都ok喎

(4/11/07)「好彩」意頭好,所以來食慶祝飯。平日常去稻香,好彩的海鮮貴好多,而且作風樣樣硬守,無糖水送;每人只得一片份量的果盆;壽包亦拒絕贈送。燒得黑黑的燒鵝,大佬想要燒鵝汁,侍應們你推我推說,都唔知o係邊度拿,廚房會鬧人....咁既態度真係怪怪...最後都拿到來。炒蜆,薑蔥炒蟹,兩斤的海斑$500(蒸得o岩o岩好),唔知清咩中蝦,原來係沙津炸蝦,清新口味,好味呀!南乳齋煲,竹笙上素,材料簡直是一樣,仲整得好難食添!叫碟油菜好過。菜遠長壽麵(聽聞不論斑片,肉片湯麵,都係一律同價,所以我地想清清o地,一鍋菜麵,要$6x,又一硬守例子)。

差不多每星期都會同老公黎一次飲茶, 今朝無晨運偷懶就去飲早茶, 只叫了四樣點心, 白粥配兩個蒸小饅頭- 白粥內有幾多白果, 好腍好好食, 白粥又綿, 饅頭就硬少少; 懷舊馬拉糕, 次次都叫, 今次只有中間位, 不過都好鬆軟; 芋粒餃, 試新野, 不過同菠菜餃差唔多, 芋粒唔係好食得出, 唔夠香; 叉燒腸, 好彩做既腸粉夠簿, 好好食, 整體真係唔錯, 逢假日都好多人, 要飲茶唔駛等就要早過九點啦! 埋單兩人連茶錢加一都係七十八蚊, 幾抵嫁!

今日駕到荃灣廣場看電影，晚飯時想吃海鮮，心中只想到屯門蝴蝶灣和西貢，但是地點太遠了，還是下不到主要，於是到商場的免費電腦瀏覽openrice，但是有人使用中，想不到原來他們也是瀏覽openrice內荃灣的日本餐廳的資料。Openrice內的用戶都介紹荃灣「好彩」，於是以半信半疑的心態一試，我們二人六時半到達酒樓，拿到最後的二人枱吃晚飯，其他枱也已給人家訂好，真的「好彩」！兩個人吃了：1. 四隻特大蒜蓉粉絲蒸蟶子（$23x4）．．．最好味。2. 兩隻超生猛椒鹽大瀨尿蝦（$98x2）．．．有「膏」，但不多，都幾好。3. 海鮮什菜煲（$68）．．．ｏｋ，但貴，唔值。4. 一碗米粉．．．湯無味，本來味道一般，但加了蟶子蒸出來的蒜蓉和粉絲，這一碗米粉變得．．．吃多幾碗都得！海鮮整體幾好，值得再吃；還有兩小時額外的荃灣廣場免費泊車卷，正！

今日老公話請我食餐好, 我話食中式, 佢就揀左呢度, 因為貪佢蒸魚夠鮮甜! 佢揀條東星斑仔, $218, 上先淋豉油, 真係蒸得好, 好嫩滑, 連豉油都好鮮甜! 計昨晚食左什菌, 今晚就叫個鮑魚汁炒什菌, $48, 我就食唔出有鮑魚汁味, 同埋要求少鹽少油, 佢就無做到, 鹹少少, 另加兩碗白飯(係我見過既食肆最細碗, 不過我就夠哂有餘) 食完附送生果(西瓜+ 木瓜) 連茶錢, 加一, $333!

黎過呢度無數次．．最近婆婆擺大壽，所以再去呢間度食～已經３年喇！ｄ野食好好食，蒸魚好新鮮，炸子雞又好正．．而且服務態度都好好！其他野都好好味！

離開香港半年了，原本計劃了很多美食大計，但因為時間問題也就要有所將就了。第一餐「街飯」係午餐...各式點心一樣不錯，乳鴿好好味都唔鞋，豬腳好林好好味，其他都一樣不遜，但就始終不是一百分。一提的是，有一個芒果布甸是變壞的了，要久等才換上新的來，略嫌對食物質素的熱誠不夠吧！